Ikigai Concepts (已結業)

經朋友介紹同我講呢度有一個好好味嘅🍅蕃茄意粉，所以我一定要過嚟朝聖下。呢間餐廳位於喺荃灣嘅如心廣場，餐廳非常之大，全日式裝修。日本🍅蕃茄意粉，如果你係🍅蕃茄控嘅話一定要揀呢一個，平視我係超級鍾意食🍅蕃茄濃湯，但係佢呢個汁就係有濃湯配意粉嘅感覺，加上意粉完全朔晒啲汁，回味無窮。炭燒美國肉眼配和風🥗沙律，我個人比較鍾意食🥗🥒沙律，所以食主菜之前我會先食沙律，所以佢呢個配搭我係覺得滿分嘅。沙律好fresh，超新鮮啲菜係脆口既。肉眼扒佢嘅熟度係啱啱好，入面係好鮮嫩嘅粉紅色 ，咬落去超有肉汁，好香🥩牛肉味。

原本朋友特登入元朗同我試吓omakase 可惜太遲book冇位，之後帶我去荃灣食日本野！ Ikigai Concepts響如心二期，坐西鐵過嚟都好方便，餐廳日本風格以木質設計，簡潔寬敞，入到去右手邊有一個等侯區，set好位置再安排入座，香港寸金尺土，好少可會有餐廳甘捨得，環境乾淨而且好闊落，長走廊擺滿一糸列清酒做間格，分不同區域有和食、鐵板、sushi bar+備長炭串燒＋清酒專區.. 非常多元化，好適合朋友、家庭聚會🥳Omakase set lunch -yummy🥰🥰🖍午市廚師發辦套餐包括前菜、茶碗蒸、壽司12或15貫、湯及甜品，價錢$380、$480，另外一個5件剌身+8貫$780，豐儉由人。🖍我哋揀左15貫，先上既開胃小菜水雲(mozuku)，對腸道好，酸酸地幾開胃😋🖍壽司有北海道鰤魚、竹炭鹽帆立貝、煙燻鰹魚、鰈魚群邊、金目錭、彩虹鱒魚、櫻鱒赤貝、鯖魚、拖羅、海膽…每件師傅都會介紹一下，兩個師傅都幾傾得，好nice ，最後上埋魚湯同芝麻雪糕，lunch黎講都幾豐富，整體來講可以接受。 🖍呢度仲有個sake bar，有不同清酒自己選擇，有返夜市真係可以由早飲到晚😂 ❤️下次再去會試

飲食達人鍾意試唔同嘅嘢食，今次就是一啲特別嘅混合式西餐，今次嚟到一間日本嘅餐廳，食一啲日式西餐，估唔到係咁夾既，食物味道一流。🔱西西里紅蝦意粉佢嘅蝦肉彈牙，好有口感，而且肉係鮮甜，食得出係新鮮嘅蝦，而加埋呢個西西里汁，簡直係一流。🔱炭燒美國肉眼配和風沙律而呢個肉眼我覺得佢都做得好出色，佢用炭燒嘅方法去鎖住佢嘅肉汁，但佢又5會令到佢嘅肉變鞋，而切開嘅時候睇到佢嘅肉汁流出黎，食嘅時候好有牛味同淡淡嘅油香。佢仲配埋一份新鮮嘅和風沙律添。🔱㠶立貝三文魚籽意粉因為佢煎香左帆立貝，煎至金黃色，而且帶有少少焦香味。再加埋三文魚籽同d蘑菇忌廉，令我真係有左種去日本食呢個意粉嘅感覺。

早幾日電話book左荃灣西如心廣場食ikigai concepts 鐵板燒見openrice評價唔錯，有一定期望～最早去到等，點知我地第一台客竟然安排角落邊位置俾我地，我地兩個人隔開成個身位距離，而且有個角頂住～同經理講想轉位～話已經有其他客人book左，轉唔到！唯有轉食和食，點知普通料扮高級野。澳洲M4和牛5成熟真係大開眼界😕食品質素一般，我覺得板長都好過佢😖最後我地食完埋單走人，個鐵板燒total9個位都係得個4個客坐🥲呢間野真係可一不可再🤭

網上搜尋日本餐廳，之後見到一間餐廳睇落好似西餐廳咁，但係原來充滿着日式嘅烹調煮法。去到餐廳裝修上面空間感好大而且充滿着日本嘅特色。💖炭燒美國肉眼配和風沙律先講牛扒，佢肉量好多，而且炭燒嘅方法可以阻止水份流失，所以我地食嘅時候d肉汁咇曬出黎，好juicy。💖日式西西里紅蝦意粉紅蝦意粉都5差，佢嘅西西里汁整得好出色，可以提升蝦嘅鮮味，而蝦身大隻，蝦肉彈牙爽口，令成個意粉錦上添花。💖北海道帆立貝三文魚籽意粉帆立貝有少少焦香味，煎到金黃色。但就算煎完，帆立貝都冇縮水，都係咁大隻，而且個意粉係配蘑菇忌廉汁，呢個汁5會太咸，而且仲有好香嘅蘑菇味，加埋三文魚籽，令呢個意粉變得好豐富。

今日去如心廣場行街，行吓行吓突然間好想食甜品，見到有一間幾靚嘅日本餐廳，睇相就已經覺得佢哋嘅甜品唔錯。我叫左焦糖布甸慕斯蛋糕🍰同浪漫（玫瑰花，洛神花，接骨木糖漿，紅茶）。呢2樣野好夾，因為焦糖布甸慕絲蛋糕🍰甜，但花茶可以沖淡佢之餘再帶黎左d花香係口腔👅入邊。而我覺得個蛋糕嘅出色位係佢整得好軟熟，入口個口感好似食緊棉花咁，而佢嘅布甸都好正，好香同好滑😋。加埋個花茶🌼，打卡一流。花茶嘅顏色紅紅紫紫咁，而且佢用紅茶底（我最鐘意飲紅茶），所以外觀黎講已經攞滿分。而花茶嘅味道亦都5差，佢因為有少少糖漿，所以會有陣甜味，但加埋花香🌸，令成件事升左好多層次。

同男朋友慶祝一周年，專登搵咗一間餐廳食飯，餐廳環境好舒適，靜靜地幾有情調。食物水準唔錯而且價錢中等，值得推介。我同男朋友叫左炭燒美國肉眼🥩配和風沙律同埋日式西西里紅蝦意粉🍝。先講呢個肉眼扒，佢都幾大塊，而且用左炭燒嘅方法，令佢外脆內嫩。我地簡左5成熟，而佢嘅肉5會鞋，非常嫩口👅，咬落口嘅時候仲會有肉汁咇出黎添。而呢個日式西西里紅蝦意粉🍝亦都5差，佢地嘅蝦🦐大隻得黎又爽口彈牙而且味道仲好鮮味。加埋d蝦同意粉索曬d西西里汁，令人食完齒頰🦷留香。

難得放大假當然要去食大餐啦，上網搵到一間推介嘅餐廳，就係呢一間位於荃灣西嘅日式餐廳，聽聞佢哋嘅主菜甜品都唔錯，今次就先試咗主菜先。❣️炭燒美國肉眼配和風沙律先講肉眼扒，佢用炭燒嘅方法，將肉入邊嘅水份鎖住，所我當我地切出黎嘅時候會見到肉汁同油份流出黎。牛扒嘅味道好5錯，外面食到炭燒嘅味道，但入邊嘅肉就食到鮮味，佢地嘅牛扒都用左上乘嘅材料，所以令到肉質鮮嫩。❣️日式西西里紅蝦意粉蝦彈牙爽口，而西西里汁將蝦嘅鮮味發揮到極致，令佢更上一層樓。❣️日本蕃茄意粉煮得幾有心思，用左新鮮嘅蕃茄煮成醬，而且d蕃茄仔多到佈滿曬成個意粉，再加埋意粉索曬d蕃茄醬嘅味道，鐘意蕃茄嘅人一定要試。❣️牡丹蝦天使麵麵條幼身，容易入口，而且無論係麵定係蝦嘅份量都好多，非常抵食。加埋d蝦係爽口，令呢碟麵添加左不同嘅口感。

要搵一間可以坐好耐又可以傾到計嘅餐廳真係唔容易，今次就嚟到一間位於荃灣嘅日本餐廳，望到環境都已經覺得非常舒服，座位好寬敞，下午茶嘅時間坐喺度傾偈好正。咁我哋就叫咗朱古力柚子蛋糕，朱古力味好濃郁，一開始我覺得佢同柚子味嘅雪糕應該5夾，但食落就另一會事，係異常地夾💖。柚子味嘅雪糕酸中帶甜，而蛋糕亦整得好滑身💖。食一啖再飲期待就可以中和左雪糕嘅酸甜味，同時帶黎少少嘅薰衣草味同果味。而紅豆抹茶布甸其實都算係經典，因為紅豆配抹茶本身已經係一個完美配搭💖，加埋佢嘅布甸整得咁好，入口即溶，令人一試難忘💖。而配埋純潔嘅話，可以將茉莉花嘅香味同洋甘菊嘅味道融合一齊，令到個層次變得更加豐富💖。

之前見到呢間餐廳係食Omakase既，而家仲有埋其他日式菜單同埋甜品，之前做得咁高級嘅廚師發板，相信佢嘅食物質素都一定唔錯，所以book位試試佢。👍🏻炭燒美國肉眼配和風沙律 $298炭燒嘅肉眼扒真係好令人難以抗拒，睇住佢網燒嘅紋，沿着紋路切落去，見到個肉眼係好Juicy，鎖死晒啲肉汁喺入面，咬落去係好鮮嫩。👍🏻日式西西里紅蝦意粉 $298紅蝦意粉非常之個果汁，紅蝦嘅香蝦油，淨係用嚟送意粉都一流，紅蝦非常新鮮咬落好彈牙👍🏻日本蕃茄意粉 $138日本蕃茄真係有大有多汁，蕃茄汁特濃，令到意粉鮮味十足。👍🏻牡丹蝦天使麵 $178 牡丹蝦細細隻咁，剝好晒蝦殼，一啖一隻超彈牙爽口，配搭埋天使麵，口感一流。

期待已久一甜品餐，今次就揀咗一間位於荃灣嘅餐廳，裝修唔錯，感覺好舒服。我地叫左紅豆抹茶布甸🍮、抹茶意大利芝士餅配士多啤梨🍓、浪漫同期待。呢度嘅茶同d甜品好夾。紅豆抹茶布甸有好香嘅紅豆同抹茶🍵味，而且佢嘅布甸🍮整得好滑，入口即溶咁，加上紅豆同抹茶本身呢個係一個好好嘅配搭，令人食完覺得好fresh😋。我覺得呢個配期待花茶會更好。因為期待花茶🌸係薰衣草加大吉嶺茶，食完可以沖淡到濃郁嘅紅豆味，同時帶黎陣陣嘅薰衣草同果香味。而抹茶意大利芝士餅🍰配士多啤梨都好正，佢嘅芝士餅整得又香又滑，而且5會太甜，加埋抹茶比到人一個清新嘅感覺。而食完一啖再食士多啤梨🍓嘅口味會更加好，士多啤梨酸酸甜甜，加埋浪漫（有玫瑰花🌹、接骨木糖漿），會令你更加食到士多啤梨嘅甜。

疫情期間難得嘅三人行，係呢段時間其實都好少會出街食飯，當然要搵一間唔錯嘅餐廳，入到呢一間日本餐廳個環境好闊落，感覺上好安全衛生。🌸日本蕃茄意粉 $138鍾意食蕃茄嘅人一定要試吓，呢隻蕃茄係真係新鮮蕃茄切出嚟，好鮮甜，酸酸甜甜咁超開胃，普通嘅蕃茄意粉都可以做得咁好，真係值得一讚。🌸蒜香和風紫蘇小魷魚意粉 $158好多人對紫蘇都會有啲抗拒嘅，因為味道太重，但係佢呢個加埋左蒜蓉，煮出嚟就變咗好香，小魷魚好鮮味。🌸北海道帆立貝三文魚籽意粉 $218 北海道嘅帆立貝果然係與眾不同，又大隻又鮮甜，佢將兩邊煎香左，所以食落好香口，加埋三文魚子成個口感一流。

今日經過一間餐廳，見到佢店員喺門口推介，見到有咁多嘢食所以就一於入去試吓，餐牌款式真係好多，每一樣都好有心思👍🏻，聽聞主菜同埋甜品都係佢哋嘅主打。咁我同Daddy就叫左日式西西里紅蝦意粉同日本蕃茄意粉。 呢個西西里紅蝦意粉整得好好，因為佢淋左d西西黑汁上去，令意粉keep住濕濕地，但意粉又5會好淋，都係咁爽口。而佢嘅蝦肉好新鮮👍🏻，爽口彈牙👍🏻，又大隻，加埋d香草同汁令到佢再更加好食。而日本蕃茄意粉都整得幾好👍🏻，原先以為同一般蕃茄醬冇乜分別，點知食落先知佢嘅蕃茄醬係自己煮出黎，所以非常鮮甜👍🏻。意粉同西西里紅蝦意粉一樣，都係咁爽口，而且佢吸收曬蕃茄嘅甜同香，令人一試難忘👍🏻。

今日成班姊妹原本諗住一齊食下午茶，點知經過嚟到呢一間日式餐廳就俾佢嘅甜品吸引咗，見到佢有咁多款式嘅甜品同埋花茶就忍唔住入去試一試。⚜️matcha tiramisu好正，佢嘅口感、味道都好出色，佢又香又滑，而且又唔會太甜同太膩，所有野都啱啱好。⚜️慕斯蛋糕都唔差，因為佢嘅蛋糕好鬆軟，而且布甸都係又香又滑。⚜️紅豆抹茶布甸都好好食，佢嘅紅豆一粒粒，好有口感，食落口可以感受到紅豆嘅香同甜。而且加埋抹茶布甸，令到成個甜品升左好多級。我地叫左3款唔同嘅花茶⚜️期待係薰衣草加大吉嶺茶。佢可以中和左個意大利芝士餅嘅味道，而且仲有好香嘅薰衣草味出黎。⚜️浪漫我覺得好合適女仔飲，因為飲完佢真係好有戀愛嘅感覺，佢嘅味道甜甜地，加上有玫瑰花同洛神花，令佢嘅顏色好好睇，而且可以用黎打卡。⚜️陶醉就有桂花同檸檬綠茶。呢個都好好飲，因為本身檸檬同綠茶已經好夾，加埋桂花嘅香味，令佢更加出色。

今日難得family day，當然要揀一間好嘅餐廳試吓，喺荃灣行街見到一間唔錯嘅日本餐廳，環境乾淨而且好闊落，係休閒聊天嘅好地方。咁我同我媽媽就叫左北海道帆立貝三文魚籽意粉同炭燒美國肉眼配和風沙律。呢個北海道帆立貝三文魚籽意粉整得好好食🌸。首先，帆立貝又大又鮮，而且佢係用煎嘅方法，所以有少少焦香嘅味道🌸，加埋d三文魚籽同埋d蘑菇忌廉汁令到佢嘅口感豐富左🌸。因為三文魚籽一咬就爆，而且加埋個意粉吸收曬蘑菇忌廉嘅味道🌸，令到我地嘅口腔充滿住呢d香味。而肉眼我地叫左5成熟。份量大，好有牛味，而且肉唔會鞋，非常鮮嫩🌸，切開嘅時候仲有d肉汁同少少油份咁流出黎，非常正🌸。