i CREMERiA Café (已結業)

綠茶雪糕味道濃厚，唔會太苦澀， 牛奶雪糕比較甜。柚子綠茶芭菲， 配上柚子蜜，脆米， 白玉，啫喱， 食完之後會好飽，好豐富。蕨餅紅豆芭菲，蕨餅好有咬口好煙韌， 配上黃豆粉， 紅豆蓉， 味道好夾。

自從有次見到佢地雪糕上面有塊赤肉蜜瓜，我忍唔住買黎試，好食。如果係夏天，我會多食呢間野。因為其實我覺得有d貴，平時好少食。成日都懶冇寫食評，今次決定補返。今次我又叫左個tea set，三點幾呢d時間係叫tea set,因為少少餓食多d,仲可以食都除咗雪糕之外嘅小食。今次嚟到排隊嘅人唔係好多，但坐位嗰邊就幾乎坐滿晒，我同朋友等左一陣見到有位坐就即刻坐入去先再買嘢食。等嘅時候影咗啲相：餐牌響店舖上方位置雖然呢間野煮埋雪糕，但佢哋都開始買煮食，暫時未有機會試今次人巳經唔算多中間嗰個蜜瓜蛋糕仔有次同朋友仔share食，share 食食左好少，但蜜瓜真甜！回味無窮好啦睇返今之個set，我鐘意生果，所以叫咗個抹茶水果tea set叫蜜瓜，因為之前食嗰個蜜瓜蛋糕仔真係覺得好正，所以今次tea set都叫咗,,仲叫咗杯咖啡集中D黎睇，成個set有抹茶雪糕，時令蜜瓜同埋奇異果。抹茶雪糕一如以往非常之有抹茶味，入口微甜，之後慢慢苦，應該真係用好多抹茶粉落去，最好嘅事雪糕唔太甜，感覺低糖，好似好健康。蜜瓜同之前食嘅一樣都係咁香甜。反而奇異果就有啲酸，因為未熟晒，食左一邊，好在另一邊朋友仔幫手食。杯咖啡，好香

雖然旅行回港已有三天，但仍keep住旅行mood，在香港每見到什麼也令我聯想到不同旅遊景點....今日見到i cremeria cafe推出的薰衣草食品，就讓我回想起去年遊日本所見的那片薰衣草原。Cafe 以花園為題，四處有綠葉和花兒，還撐起白色大傘，裝潢優雅，是不少食客拍照呃like的好地方。近入口設有一張長木枱，再走入些就有數張二至四人枱，亦有沙發座，還有露天座位，可讓客人舒舒服服坐下慢慢品嚐。走到櫃枱，就被櫥窗各款精緻高貴的蛋糕和甜品吸引了。再細閱大型的餐牌，除了有蛋糕、雪糕和芭菲外，還有幾款Tea Set和Meal Set供應，鹹甜皆有，選擇不少。*************************下午茶時間，有五款配飲品Tea Set，亦可點蛋糕加錢配飲品。腦海回憶着那塊美麗的薰衣草原，就點一客薰衣草伯爵茶午後輕食 Lavender Earl Grey Tea Set ($158）。以一個高貴的銀托盤盛載，再以幾支薰衣草襯托，優雅中帶點貴氣。此輕食分別有一件薰衣草伯爵茶蛋糕、兩件桃、一塊焦糖杏仁脆片和一杯薰衣草伯爵茶雪糕，配一壺薰衣草伯爵茶。天氣悶熱，馬上一嚐薰衣草伯爵茶雪糕，

炎炎夏日，酷暑難擋，吃雪糕就最適合不過，冰涼又爽口。看到i CREMERiA Cafe推出了「海鹽焦糖脆脆雪糕 」，兩眼立即發亮。焦糖正合我意，又怎能錯過呢！海鹽焦糖脆脆雪糕 ($58)焦糖雪糕面層再淋上焦糖漿，再插上一塊來自日本高知縣的海鹽焦糖脆餅，賣相吸引。雪糕口感幼滑，入口焦糖味香濃而不苦。味道方面相當有趣，雪糕入口只嚐到咸味，沒什麼甜味。海鹽焦糖脆餅味道濃郁、口感煙韌、香脆可口。當雪糕佐以海鹽焦糖脆餅一起吃時，味道即時提升，層次感十足。底層為鬆脆的日本玄米，非常鬆化，豐富了整個雪糕的口感和層次。

黎過幾次，每次都好願意幫我將雪糕放入摺摺杯。特別係收銀果位靚姐姐，好親切好有禮，唔會令我尷尬，會指導其他 staff 點做。仲會多謝我支持環保。（當然前提係你order 既野要放得入個容器）最近有匯豐卡半價，好開心！人雖然多但佢地做野好有效率。食過幾次抹茶雪糕杯，今次試日本水蜜桃芭菲。蜜桃有三塊，好多水好甜。雪糕下面係脆米同蜜桃肉，都好味 我喺日本食過類似，所以好似返左去放鬆旅行既時光。下次一定試薰衣草伯爵茶雪糕Sorry 食到一半先記得影相🤣🤣

今次黎到朗豪坊嘅I cremeria cafe, 次次行過都唔為意佢有dinner set, 今次一於試下。直接係counter嗌完野食就可以拎住個牌仔等送上食物啦～嗌左肉眼扒套餐，肉眼扒全熟左，但口感都唔會韌，依然鮮嫩，但如果有得揀幾多成熟會更加friendly😝肉量充足，價錢都合理。值得一提係佢隨餐附送嘅麵包口感好鬆軟，有驚喜！而檸茶嘅檸檬同茶分開上，既可以用茶壺保住茶嘅溫度，又可以自己調節檸檬嘅酸度，設計細心抵讚。環境都好開揚，坐得都幾舒服！原本都想試下個伯爵茶雪糕但太飽食唔落啦，見好多人買，下次要試下！

#中意嘅請分享請點讚🍻----------😋芒果芭菲杯 $108 (半價$54)芭菲杯最頂係牛奶雪糕， 雪糕係由北海道牛奶製成，雪糕好軟滑，而且牛奶味好濃郁。中間有好多芒果粒，全部都好大舊亦都好甜。底層就有芒果醬汁、芒果粒、啫喱、米通。芒果醬汁偏甜。而加咗米通粒，每粒都好脆口，令口感更加豐富，亦可以中和返芒果汁嘅甜味。不過雪糕溶得好快，要打卡就要快手。----------佢哋最出名係金箔牛奶雪糕，而其他雪糕都好靚， 主要有哈密瓜、抹茶、薰衣草伯爵茶嘅口味，每一次經過見到都好吸引，但係價錢太貴一直都唔捨得食。咁啱經過見到，而家用匯豐信用卡買雪糕就有半價(去到15/8咋)，如果你平時都唔捨得食咁貴嘅雪糕，趁佢仲有半價快啲去試下。----------🔎i CREMERiA Café🚩旺角亞皆老街8號朗豪坊4樓13號舖🚩銅鑼灣Fashion Walk記利佐治街11-19號1樓F-9號舖🚩i CREMERiA Dolce Giapponese銅鑼灣軒尼詩道555號崇光百貨B2樓13號舖🚩尖沙咀廣東道3-27號海港城海運大廈地下OT-G03A號舖

朗豪坊食肆眾多，而iCremeria cafe係位於商場中庭嘅其中一間。餐廳喺商場中庭，環境開放，私隱度難免會打折扣，幸好iCremeria cafe入面有部分座位被假樹裝飾遮蓋，稍稍隔開商場中魚貫人流。不過餐廳面積有限，座位之間稍為擠迫。除左雪糕，餐廳都有dinner set提供。大部分定價$88-108，喺朗豪坊以呢個價錢食晚飯唔算貴。而我同友人就選擇食豪啲，揀左$238嘅Ribeye上菜時成個餐盤嘅佈置精美，熱檸茶分開左檸檬片同茶包，以茶壺盛載，自斟自飲。餐包雖然只係細細片，但非常鬆軟，驚喜。講返主角Ribeye，肉味濃，肉質腍，肥瘦適中，而且份量十足無欺場，好味！只係略嫌有點太熟。另外亦有一碟小沙律，味道清新，即使食左咁多肉都唔覺得膩。

今日經過朗豪坊，見到又有新野出啦，我作為薰衣草控，點可以唔試。今次 Icremeria 推出薰衣草伯爵茶雪糕，真係幾吸引。平時已經好鍾意飲Earl Grey伯爵茶，今次出埋雪糕，有一set下午茶輕食，岩岩好啊。薰衣草x伯爵茶，呢個配搭幾新穎雪糕淡淡的薰衣草香夾著濃濃的茶香，香綿軟滑，每一啖在咀里溶化，口感好清新，而且不甜👍還有焦糖杏仁脆餅 ，甜甜的蜜糖味，好鬆脆，沾雪糕黎食，另一種口味。伯爵茶蛋糕🍰第一次食，淡淡的茶香，鬆軟的夾層蛋糕，不甜不膩。配埋一set 伯爵茶☕️ ，非常精緻的白色茶壺，茶味好香再加淡淡的薫衣草味，感覺好 relax ☺️好舒服的環境，可以在鬧市商場裏的一角，靜靜享受着這恬靜的下午茶☕️

來到朗豪坊有咩好食我就推介美食廣場呢一層呢一間專門賣雪糕的 專門店其實佢啲午餐同下午茶都幾抵我就叫咗個午餐 都係108已經係包咗意粉湯同飲品個意粉係手工意粉硬身有質素保證用橄欖油煎意粉 食落唔太油膩健康之選總共有五隻大蝦 隻隻蝦肉紮實客戶服務員服務殷勤有送餐服務鄰近就係朗豪酒店風景非常美仲有個高質素的南瓜湯橫瓜 清新可口， 美味意粉伴菜都非常之新鮮係田園沙律菜餐具用 非常整潔華麗當顏色的餐具猶如宮廷最後享用一杯用心製作的凍檸茶又係完美的 一餐

帶住bb行街食野，坐得舒服，唔洗點等位，周圍有野吸引bb眼球既餐廳好重要，iCremeria cafe完全乎合以上要求！同爸爸叫左2個餐食，價錢比普通餐廳略貴，但一分錢一分貨，食物質素好好。每份餐都有前菜（湯/沙律）加飲品，唔怕食唔飽。第一個蕃茄意粉配南瓜湯，南瓜湯夠香濃，明顯好足料，麵包本身牛油味都好香，沾南瓜食係絕配，bb都食到停唔到。意粉因有特別提醒，煮得較冧身，醬汁入口香濃，creamy得來唔會覺得「留」。蕃茄仔非常新鮮，連本身討厭蕃茄仔既我都忍唔住食反幾粒。第二個係長通粉，醬汁同意粉係大同小異，不過加上黑椒令味道再豐富一點。肉丸唔會冧身都唔硬，唔係街邊雪藏無味肉丸。不得不提杯熱朱古力好香，好好飲。順帶一提，餐盤靚不在話下，每盤食物都伴有鮮花，為整體食物外觀加分。而且bb望同摸鮮花都夠佢玩一餐，作為媽媽對餐廳都會加多幾分。

星期六假期比較多人，建議平日去會容易d揾到位，店內坐位比較少，要自行揾位等一陣，店內都幾多遊客自己上前揀好食咩之後俾錢，之後就有個送餐牌，等咗5分鐘左右就有人送過嚟今次試咗期間限定薰衣草伯爵茶午後輕食，包括薰衣草伯爵茶蛋糕🍰、原粒士多啤梨、焦糖杏仁脆片、薰衣草伯爵茶雪糕🍦，加薰衣草茶所有主題都係圍繞薰衣草，十分fresh嘅味道，食完飯再食都食得落外表擺設看似好高級好吸引蛋糕口感層次豐富，底下有少少脆片，每一淡都有好濃烈嘅薰衣草味，入口鬆軟好吃😋唔會多cream，甜度適中雪糕係伯爵茶口味，茶☕️味好濃，雪糕🍦好滑，不過唔好掛住影相唔食啦，好快溶，食咗先士多啤梨帶酸味，而焦糖脆片好甜，配搭十分夾，值得一試

Weekend黎旺角，除左人多，都係人多。行到攰就走左入黎朗豪坊，喺Sky bar同Icremeria之間，我地揀左Icremeria🍦 黎到先知佢地出左新嘅薰衣草+伯爵茶系列，就急不及待試左😍個餐包左lavender & earl grey ice cream, cake, earl grey tea 。個茶好似default係伯爵茶，但可以轉其他。我非常中意件蛋糕，因為佢做得好清香，一啲都唔heavy、唔油膩，食完成件都唔會滯左。反而雪糕感覺更飽滿，我爭啲食唔哂😂 食完ice cream + cake之後飲番啖伯爵茶，仿如有促進消化之效，what a good combination!唯一想提下大家嘅係記住揀啲有太陽遮嘅位，因為Langham好多天幕設計，太陽一出就好熱同埋雪糕會較快溶，要食得超快先得😂😂😂

成日經過朗豪坊每次見到呢間「i cremeria cafe 」都會被呢間雪糕或下午茶吸引最近心情唔太好又無乜胃口去食甜品去補一補😂假期3點幾左右唔算太多人先落單後搵位職員細心地為客人送餐呢度既雪糕及Tea Set都好多款式最後我揀左「Japanese Matcha Roll Tea Set $128」有抺茶海綿蛋糕、紅豆、白玉丸子、蜜餞粟子、抺茶雪糕飲品我揀左熱檸茶呢度環境裝飾有種好高貴既感覺枱面係雲石花紋既設計女生就係愛雲石紋影出黎既相會好靚架💕餐盤用左銀色托盤與雲石紋非常襯呢度係熱鬧既商場中有一處寧靜既感覺好適合約埋閨蜜一齊傾計嘆茶抺茶雪糕好濃好滑第一啖食已經食到好香既抺茶茶味市面上好多抺茶超級奶味我好鐘意呢間既抺茶雪糕配上紅豆、白玉丸子一齊食好夾抺茶海綿蛋糕好軟入面有抺茶忌廉同紅豆蓉唔會好甜甜度剛剛好食完又唔會勁口渴最後飲埋杯熱檸茶中和一下又正又寫意食完個tea set超滿足臨走時再望望其他蛋糕既款式好靚💕睇見都好療癒下次一定會再黎👍🏻

近排天氣咁熱，係街行一陣都想死，去左朗豪坊涼冷氣坐低飲杯野。又唔想去food court食個飯咁飽，就學下港女食個tea🤣d蛋糕好靚啊!!!不過都幾貴，我同個frd就share左一個set，好似一百蚊鬆d？要左日本生果同牛奶雪糕。個牛奶雪糕超滑超香，口感很rich!仲好大杯🤩蜜瓜都幾甜，瓜肉又滑，另外仲有奇異果同桃。😋Cappuccino 就普通啦，無咩特別😂下次黎想試埋佢d蛋糕！實在太靚啦🤩