i CREMERiA Café (已結業)

今日晚上，近近地係朗豪坊搵野食，見呢間dinner set好似唔錯，一於入去試下！環境唔錯，但位置比較少，多人既要等等位呢因為唔想食得太Heavy，所以就選左炒既意粉，大蝦露荀炒意粉整個意粉炒得乾身，唔會太過油膩，平時最怕食d太油既炒意粉，但呢個就岩岩好，意粉上面鋪左d木魚絲，帶有一點日式既風味，好特別！大蝦既份量十足，有成3-4隻，而且輕輕煎過好爽脆，而意粉好煙韌。餐仲有配沙津同埋餐飲，唔食沙律可以選擇餐湯。沙律好新鮮，青瓜好爽脆，飲品可以選擇cappuccino ，奶泡好夠，有朱古力粉點綴好滿足既晚餐

無錯啊，拍拖就緊係要帶女朋友去啲Fancy啲嘅餐廳哄下佢啦今日喺旺角行完街就嚟左食雪糕一嚟到見到個蛋糕櫃就已經心心眼最後一杯軟雪糕就緊係無咁易滿足架啦，點左杯芭菲白玉餡蜜芭菲$58 配牛奶雪糕🍦都幾大杯架喎，上面啲toppings都好高質雪糕當然就好滑好香牛奶味啦坐多左陣就不如食埋晚餐，呢度環境幾舒服，最岩啲女仔約埋朋友嚟high tea簡簡單單試左個日式和牛意大利面份量都幾多幾嫩幾香最後飲埋杯野終於飽飽啦

🤤抺茶控系列🍵🍀(重要既事情講3次🔥）▫️餐廳：i CREAMERiA café▫️地點：全香港有4間分店（旺角、尖沙咀、銅鑼灣2間） 📍旺角亞皆老街8號朗豪坊4樓13號舖（港鐵旺角站 C3 出口, 港鐵旺角站 E1 出口, 港鐵旺角東站 B 出口）▫️營業時間⏰：Mon-sun 10:00 am -11:00 pm—美味：🍵🍵🍵🍵環境：🍵🍵🍵🍵價錢：💰💰💰💰—之前都介紹過幾間抺茶控店🤤抺茶同綠茶有咩分別🍀？同樣係綠色，但係個味一食就知🧐😏抺茶果種苦苦地但食完之後既回甘係抺茶控先知🤓🤓係款高知縣沢渡茶大福芭菲（$58）係幾吸引💕苦苦地仲有幾大件抺茶大福💓兩個人share都ok👧🏻覺得辻利茶舖既抺茶苦d🤤睇個人喜好👧🏻👧🏻今次係朗豪坊間分店食，覺得佢地既雲石design好靚，可以坐好耐之餘同fd吹水🤩—#icreameria #好西 #打卡 #甜品 #抺茶 #綠茶 #夏天美食 #HongKong #HK #foodie #goodwest #food #meal #lunch #icecream #mk #朗豪坊 #bestfood #foodie #matcha

舊同事來看我。放肆一下。在公司樓下，非常方便，不太多人。雖然貴一點，但很好吃。音樂有點吵耳，有人好大聲講話。還可以在附近購物，做美容，看醫生，做GYM，看電影，買餸。

整日都可以見到朋友喺IG上推介呢間店，一直都想來試下系唔系真嘅咁犀利。今日落班之後就約埋朋友一齊過來試。朋友食北海道牛奶雪糕，我點咗一個一日本直送deluxe蜜瓜芭菲一齊食。蜜瓜喺日本過來嘅，好甜好多汁，中間仲有牛奶雪糕，好正！香濃又滑口，勁好味啊！加埋蜜瓜一齊食又系唔同嘅感覺，好味！

Matcha lover alert. Their icon deserts were matcha ice creams and sweet melon ice cream. The matcha is just taste nice. The matcha does not taste heavy but is just nice. Japanese melon is sweet and best combo with vanilla ice cream. However the price is kinda expensive but you can’t wait they had promotion. Sometime they will have special promotion for particular credit card holders.

又黎到呢間雪糕店，再咁食法就黎變成充實粉絲，回到有一排無食既抹茶雪糕既懷抱，另外第一次試佢既Affogato🍵▪️ 源自日本京都宇治抹茶雪糕（有機玄米杯裝）（7.5/10）💲42抹茶味可以話係好甘香，如果食唔慣抹茶既可能會覺得偏向苦澀，但係作為抹茶控係欣賞既🤣下面仲有唔少完全無比雪糕整淋到既脆米，兩者一齊食有住更為豐富既口感▪️ Monbana 香醇朱古力 Affogato（7/10）💲56店員係其中一邊倒完朱古力後，雪糕秒速溶掉同埋傾斜到斜過比薩斜塔，所以我都黎唔切慢慢影就要食了，借住朋友影既黎放係度🤦🏻‍♀️呢個質感整體比較幼滑，會係有住陣陣朱古力味，唔會話係好濃，亦都唔會話係太甜，中間仲有少少脆片·🔎 整體評分（7.5/10）

經過好多次都未食過，食次朋友話去high tea，所以就選擇左呢間去食💕💕見到menu有好多款式花多眼亂，到最後都選擇食tea。日本宇治抺茶芝士蛋糕輕食我同朋友都點左一樣款式的tea set，雪糕我選擇抹茶口味，抹茶味很香濃細滑；而朋友就選擇左兩種口味抹茶+牛奶，味道很夾能中和左兩種口味的味道😋😋😋芝士蛋糕細細件很香濃的芝士味道，口感細滑，滋味十足！Tea set包左杯飲品點左latte去配合番甜品，很高興享受美麗的下午時光🥰🥰

I Creamia 既雪糕好出名，每次去日本必食。呢間店座位唔多，但都坐得幾舒服。見星期五就放縱下，叫左兩款芭菲杯，雪糕雖然都好食，但梗係覺得唔及日本時咁好食叫左柚子味(左邊個杯)，係期間限定，柚子就只是有啲柚子醬，醬偏甜，而且同抹茶雪糕好似唔太夾。總共有兩款玉子，原味同柚子味，其他只係得原味。都係經典既抹茶紅豆比較好食，抹茶味濃，紅豆都幾多。但雪糕溶得都幾快，好快啲食，底層有啲粟米片，卜卜脆，玉子軟糯，口感豐富。

約左fd黎呢到食tea，咁啱撞正做緊買一送一優惠，超多人黎排隊買雪糕食呢，而佢堂食嘅位不是太多，要等左一輪先有位，而且要3個人坐2人位呢😅略為有啲逼😅本身想試佢嘅薰衣草伯爵茶tea set但點知排到話雪糕賣晒😢 唯有轉食佢嘅日本水果tea set同宇治抹茶卷tea set...一黎到當然要相機食先😂但啲雪糕溶得比較快，要快快手影完即食😂個水果set揀左配純抹茶雪糕，可以揀扭紋味都得，但個人鍾意食濃濃嘅抹茶味😋啲set仲配埋餐飲添！雪糕一入口果然好濃茶味，但又唔會澀剛剛好，仲好滑添！時令水果就有哈密瓜、桃同金奇異果，哈密瓜好甜呢！反而奇異果略為酸。至於另一個set嘅雪糕我地都係要純抹茶味，個卷蛋好似略為乾身，但食落都係有淡淡嘅抹茶香味，配埋紅豆同白玉，好滿足！P.S 睇佢啲雪糕以為細細杯，但原來食完成個set都好飽

同朋友旺角行街行到攰攰地，諗住搵間high tea食下，見佢呢間有幾款Tea set, 又有位坐下，就決定試一試。不過原來咁啱餐廳呢兩日做緊買一送一優惠，所以超級多人去食，都要等左一陣先有位。餐廳位置唔多，但係可能採用落地玻璃嘅關係，所以空間都OK，同埋光線好充足！Tea set有四款,不過朋友最想食嘅薰衣草配伯爵茶已經售罄， 所以唯有揀咗兩款抹茶嘅來試！日本時令水果輕食佢今期時令水果係直送日本溫室蜜瓜，聽到都覺得好吸引！一食落去真係好甜又多汁，佢配左奇異果同兩片梨，比起蜜瓜奇異果就有點酸。至於抹茶雪糕估唔到咁濃味，食完仲有d回甘😍口感好綿好滑，而且份量都唔小，淨係食雪糕都有啲飽，下次可以試埋佢既抹茶牛奶紐紋雪糕☺️☺️而佢嘅英式凍奶茶就正正常常，不過不失。日本宇治抹茶海綿卷輕食朋友話海綿卷好鬆軟不過抺茶味就唔濃，同埋比較甜，佢仲有配蜜餞栗子同埋紅豆丸子，好日式

I-cremeria又有出咗新味啦😍 今次係薰衣草伯爵茶味！雖然要$68，不過我好鍾意食薰衣草，所以都忍唔住要試一試🙊一如以往佢哋雪糕真係好滑好軟熟！而且每一次嘅味道都好濃郁，絕對唔會失望。今次嘅薰衣草味，係濃到好似飲緊薰衣草茶，勁開心！第一次食咁濃味嘅薰衣草食品🥰伯爵茶味呢就唔係太食得出，主要應該俾濃濃薰衣草味蓋過。作為薰衣草迷，食完之後好開心，因為成個口都係薰衣草味！其實坊間好少真係有薰衣草味嘅食品，所以呢一個係真係好大驚喜！焦糖杏仁餅已經腍咗，食唔到焦糖嘅香，配雪糕食亦唔算㚒。I-cremeria的雪糕筒唔同出面，質地唔算特別脆，但配返本身奶味重又滑嘅雪糕係幾適合，個樣又靚同有特式，所以每次食到筒時都好開心哈哈。今次呢隻味絕對會想再回味多次！

適逢買一送一優惠，於是想同朋友試下本來打算買赤肉雪糕，但排隊排到一半店員話無晒赤肉雪糕。之後我地轉左叫蜜瓜芭菲，然後被店員fake我地話買蜜瓜芭菲送赤肉雪糕（呢頭話冇個頭話有得送）之後我地等左好撚耐，我諗有15分鐘以上，店員先發現做漏單，一句sorry都冇雪糕味道唔錯，口感一般，蜜瓜同赤肉密瓜多汁但淡而無味，唔夠甜，有啲質疑係咪真係日本送過黎一句到尾，店員質素差冇禮貌，呢個價位咁既食物質素亦不可接受，以後唔會再食😉

呢間鋪頭位於扶手電梯頂當眼位置，上商場行好大機會見到。每次見到個餐牌都覺得好吸引，今日終於有機會嚟慢慢嘆個下午茶。今日落雨，室外無得坐，落完單啱啱有一張枱，非常好，再無就要坐大枱。我要咗日本宇治抹茶海綿卷輕食，本身鐘意食抹茶但怕芝士蛋糕加雪糕太邪惡，所以試下海綿蛋糕。雪糕就揀咗混合嘅抹茶牛奶雪糕，可以有多種味道。飲品揀咗簡單啲嘅熱牛奶咖啡。呢度非常注重視覺享受，雲石花紋餐枱加遮陽傘，再加上甜品嚟到嘅金色花紋托盤，有貴族嘅感覺，未食已經先滿足。抹茶卷鬆軟，甜度剛好，同紅豆餡係絕配。雪糕非常滑，兩隻都好重牛奶味，我可以接受抹茶再濃啲，啲雪糕嚟嗰陣已經有啲溶，可能要最後先吱會好啲。白玉丸子好煙韌，配埋雪糕紅豆就一流。蜜餞栗子微甜，咖啡細滑，加上天然微酸，可以中和其他甜品嘅甜味。喺度過咗個愜意嘅下晝，好嘅食品值得一試再試！

平時出街都是食正餐多，今日就改改新意思食tea set!依間cafe出名綠茶雪糕，分店又多，但tea set 我又真是冇食過，就同朋友試下了原來都有四款選擇，我叫左綠茶tea set配earl grey tea，朋友就叫薰衣草tea set都配earl grey tea. 綠茶set有兩種cake 揀，我就叫左芝士蛋糕。首先成個set好精緻，好岩打卡，再食一口雪糕，濃濃的綠茶味充滿在口中，正！再食一口芝士蛋糕配啖茶，溫和了芝士蛋糕的膩感，真是人間美味，一大享受至於薰衣草tea set，個薰衣草雪糕都好好味，薰衣草味勁濃，隔離仲擺左幾條真的薰衣草，真是好精緻喔！依度靜靜地，冇乜人，又唔會限時趕客，最岩約d姊妹黎傾計!!!