I Café

营业中

休息中

早前跟朋友路過尖沙咀半島中心，好奇入內看看，因為平時很少進入這些商場。還沒吃午餐的我們看見I Cafe,便決定進去嚐嚐。餐廳不大，呈一個L字型的設計。朋友選了南瓜蟹肉蟹籽燴意粉配三文魚排套餐:它的賣相比較單調, 不過汁的份量適中, 每條面條都能沾到醬汁, 故不會覺得乾。醬汁帶有淡淡南瓜味, 由於加入了洋蔥、青椒及紅椒去炒, 故醬汁亦有洋蔥及青紅椒味, 令整個醬汁更香。三文魚排很大一塊, 份量十足! 外皮煎得香脆, 不過略嫌魚肉有一點乾身。套餐有附送餐湯, 朋友選了羅宋湯。湯的質地比小妹平時喝的黏稠, 味道偏酸, 不過小妹喜歡這種酸度, 個人認為挺開胃的。小妹選了個英倫全日早餐A:裡面有沙律、奄列、細牛角酥、火腿、豬仔腸、英式焗豆、煙肉、著餅及蕃茄。薯餅炸得香脆，裡面有滿滿的薯蓉。牛角包鬆軟，但不夠酥脆。另外沙律沒有配沙律醬，有點單調。雖然質素與想像中有落差, 不過$48就可以吃到All day breakfast, 這樣的價錢可以去哪裡找呢!總括來說, 小妹也滿意這裡的食物和服務。

尖沙咀呢個地段食野唔平，但又比我搵丁一間幾抵食既all day breakfast，梗係要即刻入去試試抵唔抵食啦！一上枱好滿意，只係四十幾都可以有咁多款食物，茄汁豆份量唔少，中意切少少蘑菇奄列伴著黎食。仲有炸得岩岩好既脆薯餅同埋好酥脆既牛角包。一大條腸仔加上火腿同煙肉，呢個tea食到好飽好滿意！

由於今日黎開尖沙咀有野做，友人提議食個tea, 一於試下新野(對於自己未去過食既，都係新野，哈哈)下午茶都好多選擇，一開始我係俾個all day breakfast 吸引住，五十蚊唔駛，基本全日早餐既野食都有齊，下次一定要試返。因為本身唔係太肚餓，加上幾個鐘後又再食晚餐啦，所以都係唔好食太飽了。友人a叫左吞拿魚芝士多士,都好拉芝架，唔錯。個人認為個包再厚少少會更好。熱古力，都可以，唔會好淡味。然後係我既七吋碎蛋沙律牛角酥，友人b都叫左一樣既。黎個大特寫。比平時食開果啲牛角酥真係大個啲，碎蛋沙律做餡，無得輸。埋單位位28蚊，都抵食。

超抵食all day🍳($48)好耐冇見過有賣得咁平既all day breakfast😦。蘑菇奄列🍳、番茄🍅、牛角酥🍞、茄汁豆、煙肉、薯餅🍠、火腿🐂，仲加埋一堆沙律菜🌿。蘑菇奄列偏輕口味，但有蘑菇包係中間，都算有心思過炒蛋啦！薯餅新鮮炸氣，熱辣辣，又係司令最愛😋。陣容唔算話好強大，不過一個人食完全夠曬啦！芝士吞拿魚厚多士🐟 ($28)唔夠飽既仲可以叫小食，下午茶小食多數都係二十幾、三十幾，食多份都唔肉赤！吞拿魚夠多，配埋芝士🧀好難唔好食既，落得足料，幾抵食啊！仲有仲有，佢地有滴漏咖啡飲，滴足五個鐘，一杯都只係賣$25！不過司令飲左野飲唔落，睇下有冇人有興試下啦！

星期六還要返工的我，下午約朋友去尖沙咀行街，我們約定在半島中心門外合。首先去食午餐，乘扶手電梯上到半島中心一樓，就會見到 Icafe。原來這間cafe有兩個舖位，一邊是廚房和約有20個座位，而另一舖位則全是座位。門外放置了午餐和下午茶的餐牌供食客參考。我見到門外餐牌有All day breakfast, 價格不是很貴，於是我們進內，店員安排了窗邊卡位給我們坐下，看看餐牌後，我們點了兩個餐，而餐湯我們則點了什菜蕃茄湯。什菜蕃茄湯 - 足料如紅蘿蔔，洋蔥，西芹等蔬菜樣樣有，每樣都透，湯濃不咸。我朋友點了(C. ) 日式三文魚 Pizza 配薯角 $58Pizza 包括有獅子狗，渦卷，煙三文魚，蟹柳絲，香脆紫菜條，芝士等材料。Pizza㡳的厚度適中，上面除了鋪上以上材料，仲加入芥末籽，蜜糖芥末醬甜甜地唔嗆鼻，好好味。薯角 - 香口熱辣辣，好香薯仔味很脆而我則點了 (H.) All Day Breakfast $55 - All day breakfast包括有黑松露炒蛋 - 好香好重黑松露味，炒蛋不會炒過火，蛋很滑嫩。英式鬆餅 - 由於沒有鬆餅，轉了牛角包，比較，唔香脆，如果烘一烘會好

原來半島中心有cafe？行過呢頭，就試吓先！有分兩邊，一邊較寬敞，另一邊就有卡位不過迫啲。我哋被安排去迫啲嗰邊，不過唔緊要啦，啲嘢好似幾抵食，咁迫啲都冇咩問題吖iCafe特色7寸牛角包配碎蛋沙律($28)牛角包夠晒大個，入面塞滿碎蛋沙律，多到跌出嚟；牛角包好熱，應該喺焗爐攞出嚟冇耐，鬆脆嘅牛角包烘焙過後口感零舍唔同，一切就脆到碎晒；碎蛋食落口並冇漿糊口感，粒粒分明，我將牛角包切成好多小塊，食到最後都仲有碎蛋陪伴，可想而知碎蛋嘅份量係幾咁充足德國雞肉腸熱狗包($28)條雞肉腸夠晒大條，唔似平時嗰啲熱狗咁，就咁將條腸放喺面，呢度係將條腸塞入麵包中間。平時食熱狗啲醬會跌晒出嚟，而呢度嘅腸因為放得夠入，而且啲醬唔會過多，又唔係求其唧上去，所以咬嗰陣都唔會滴晒啲醬出嚟，唔會食到成手都係。麵包熱辣辣，雞肉腸又唔會好似豬肉腸咁肥膩，加上生菜及番茄，感覺好清新椒鹽雞翼($28)親切的老闆娘知道得3隻雞翼唔夠我同大口妹食，私人送多一隻俾我哋，多謝！外表炸得金黃酥脆，感覺唔太油膩，碟上面再有啲細細粒嘅椒鹽，點埋嚟食真係，口感一流，食到冇停口！冰滴咖啡($25, 下午茶餐+$10)佢哋專登訂咗一部滴滴咖啡機

行到尖沙咀東，又是到了午飯時間，在附近有不少餐廳，尤其是酒吧餐廳，亦不乏其他類型的食店。但是選址卻在半島中心一樓。I Cafe 店子細小，但佔了兩個舖位，每邊座位約十多個。餐牌只有午市套餐，因此在內選擇一項午餐。雜菜湯是最常喝到的湯頭，而且是一個紅色湯頭，內裡豐富的蔬菜軟腍，帶有酸甜的味道，但沒有辛辣，正常的的雜菜湯味道。與羅未湯其實無異的，只是不同名稱。豬柳飯。話實是豬扒飯，共有兩塊，並且沒有切開，須咬開咀嚼，如有刀幫助切開，會較容易吃。豬扒都幾鬆化，且是軟腍，加上黑椒汁，略有辛辣味道。熱奶茶為今餐餐飲，味帶甘香具有茶味，而且甚為香濃，少見。用餐後，還是要趕回公司，就此結賬離開。

餐廳位於半島中心樓上星期六午餐時間 由於我地較早黎都唔洗等位就入得Lunch Set 有5-6 款All Day Breakfast 都係四十零蚊相比起其他Cafe 賣成百蚊呢到真係好抵食而且份量都唔小 一定夠飽呢個All Day 真係好抵食有包 黑松露蛋 薯餅 煙肉 腸 蕃茄 茄豆連埋餐湯都係$48 個湯唔記得係咩湯好似係南瓜定唔知蘿蔔 但幾好飲個早餐牛角包幾鬆軟  個蛋又炒得滑薯餅食個陣仲脆同熱跟餐仲叫左杯凍朱古力估唔到會有CREAM 係上面 絕對唔馬虎另外仲叫左個PIZZA應該係即叫即焗 上枱個陣熱辣辣驚D芝士凍左會變硬所以要先食左呢個先個批邊同皮都有少少脆PIZZA 可跟薯條/沙律薯條就普普通通 正正常常無咩特別走個陣一點幾, 開始多人另一邊都差唔多Full呢間Cafe真係平靚正

I was hanging around with a friend on a saturday afternoon and we walked pass this cafe located on the 1st floor of Peninsula Centre.  At first sight, I was definitely attracted by it's price on the menu! I definitely didn't expect such large and gernerous all-day-breakfast set, only costing $48!  Without much hesitation I ordered the set.  It came hot and plentiful, which includes mushroom with scrambled egg, tomato, sausage, hash brown, fresh vegetables, baked beans etc.  Portion was certainly

聽聞尖沙咀有間cafe有可愛的拉花。有甚麼比麵包超人浮在奶泡上更吸引？來到小店外，門外放滿雜物，對cafe的幻想一掃而空，自我安慰差不多氛圍的好時沙嗲也是暗藏美食。仔細看，原來I Cafe之間有個迷你的心形，喜歡它的字體，隨意、調皮。狹窄的店面，餐桌和座位都很逼，沒有cafe的舒適和輕鬆。店面有限，得花心思佈置，牆上的貼圖就添上一份悠然。午市時間，店員一副戰鬥格，準備好迎戰大敵。趁人未開始多，我們也不敢怠慢，秒速落單。什菜蕃茄湯清清的，味較濃，有不少蔬菜，椰菜夠腍又尚帶咬口，不俗。甘荀蘋果忌廉湯白湯比紅湯更驚喜。濃稠度剛好，打爛的薯仔蓉使口感實在、豐富。蘋果天然的甜，輕輕的，跟忌廉幾夾，感覺又健康。洋蔥豬扒panini十分大份呈心形的panini配沙律，平凡中加點獨特，心形讓人會心微笑。沙律爽脆，尤其是紫椰菜絲，淋上稀稀的黑醋調汁。帶波浪紋的Panini壓得太薄，烘得很脆，欠中間的鬆軟部份，像塊脆皮多於麵包。夾著厚厚的豬扒、生菜、蕃茄和洋蔥。配料之中，只有炆得又腍又甜的洋蔥可取。韌得咬不開的豬扒淡而無味，甚至是有點雪藏味。三文治含在口裡，卻未能咬開豬扒，吃得狼狽。茄汁有新鮮蕃茄味，但明

今日下午黎到ICAFE食LUNCH! 好多人呀!等左大約15分鐘! 終於有位啦!哩度有2個舖位!  都算好多座位架! 不過真係好多人!此店LUNCH SET大約有6款!我就order左個hawaii pizza! set lunch有餐湯,主菜加餐飲! Pizza即叫即做! 所以時間等得耐小小! 等左約20分鐘啦!餅底超級香脆 餡料都唔少呀！最重要超多芝士！仲有火腿, 蟹柳, 紅青椒, 仲同菠蘿! 美味！佢既份量我覺得可以2個人share! 因為佢真係幾多餡料架! 午餐係包埋薯角!薯角份量又係好多架喎!!!剛炸起又脆又好味呀!佢地既餐飲可以选即磨咖啡! 加3蚊就可以!一般熱餐飲就唔洗加錢!我唔落奶唔落糖既! 味道非常香濃!icafe係一間用心去做餐既一間cafe!唔會因為lunch時間好赶去煮或者求其去做一個餐!唔會想趕走客人要返枱比其他客人咁!lunch價錢一d都唔貴! 總括係值得一贊!

作為一個理工的學生，雖知尖沙咀有很多美食，但遲遲都沒時間來。今日朝早要番學校開會，下定決心，要黎食朋友推介的icafe！其實早早係學校見到icafe ，但每次經過都無入到去。知道icafe好早開門，所以食完才去開會！餐牌有多種選擇，有意粉，烏冬，Pizza，All day breakfast 等等。價錢平宜，適合大學生All day breakfast $55我最愛就係食全日早餐，當然要叫All.day brekfast！當中包括有 黑松露蛋， 薯餅，麵包，火腿，茄汁豆，腸仔等等。好豐富好滿足哦！牛角包好脆身，原整的一個好滿足。法蘭克福腸的外皮香脆，勁勁勁巨大 好正好好食原來的奄列轉左黑松露蛋，黑松露勁多。薯餅炸到脆皮，內軟外脆！熱辣辣 仲外皮不油膩！沙律也新鮮，十分不錯哦！最想不到，小小店舖的咖啡有拉花！latte有點小苦，落糖就岩岩好了！能為你提供能量支持一個朝早，作為polyu hotel icon 的學生 ，我會再來的！

除夕後好耐冇見朋友,出黎聚會除左食野都係食吧。基於係尖沙咀返工既關係,就約左佢係呢頭附近tea。上網睇下有咩Cafe平平地又輕便,就黎左呢到啦!店雖細但裝修ok,服務態度唔錯,老細仲介紹我地食Al Day Breakfast!All Day Breakfast鐘意食All Day Breakfast 係因為乜食物都有,睇落好似唔飽但食完就飽晒XD賣相都算OK，食物質素中上，不過蛋可以炒得滑d，其他食物好似腸,黃豆,薯餅都係現成食物,好難會唔好食既。呢個價錢係$48 連熱飲,算係合理了。咖啡（連餐）不過要讚既係拉花好有心機，等左１０分鐘原來就係拉緊花哈哈～得意又靚，唔太捨得飲呢！餃子無骨雞亦＄２５好特別,餃子包係雞亦入面,一咬開係餃子餡,雞亦燒得都好香,燒汁都幾入味!

去到TST，周圍都咁多人。去下d 舊商場行下，原來都會有驚喜。一黎就叫左個三文魚卡邦尼意粉。三文魚魚質好好，魚唔會太乾，食起黎幾鮮。卡邦尼個汁好好食，如果可以再多d 汁同乾身少少會更正。之後食左個海鮮pizza。呢個即叫即做，熱辣辣超好食。呢個一定要趁熱食，等d cheese 熱熱地個陣同其他食材融為一體。咁就可以食到爽口鮮蝦，新鮮蟹柳，再加埋簿簿地脆脆地既簿餅底，一個pizza 要有既原素都齊哂之後再試下個all day breakfast，聽講呢到主打。All day breakfast $48 就有交易, 非常豐富。牛角包好酥脆，加埋佢個汁幾特別。個奄列有好多菇，店員話仲可以改做其他想要既配料，正！薯餅同焗豆個match 都幾好。加埋司華力腸同煙肉，包保你食到飽飽！去到尾聲，叫左杯cappuccino。味道相對淡口少少，平時少飲coffee 既人都可以接受到。呢到d 咖啡大多都可以拉花，我呢個就整左個3D bear, 幾得意。喜歡得意野既人一定要試下。

朋友介紹尖沙咀半島中心有間Cafe咖啡不錯、就去試下順道吃個午餐。一間小型餐廳、見店員不時和客人聊天、相信大多數是熟客、有親切感覺。午餐餐牌只一張、有意粉、Pizza、烏冬、漢堡。。。等等、套餐價錢由40-80元不等、相當合理。套餐包括湯　+　主菜　+　飲品蕃茄什菜湯好香濃蕃茄味道、材料豐富絕不馬夫、誠意之作香煎三文魚扒配卡邦尼燴意粉三文魚比較腥還有燒焦味道。意粉的忌廉醬汁調味恰當、不會太膩。賣相比較單調、末能吸引食欲、希望店方加多心思。即磨咖啡香濃甘香、果然朋友冇介紹錯。抹茶奶凍入口幼滑、雖然抹茶味不是太突出、但清新的口感還不錯呢！