I Café

营业中

休息中

我係i cafe 常客，經常幫襯的，早餐，午餐，下午茶都食過晒，佢個名雖然叫cafe, 但鋪面其實同一般茶餐廳差不多，但我覺得佢用料比較新鮮，同埋少d油，相比茶餐廳健康d，幾啱OL 一族!今次叫外賣下午茶 , 要左碎蛋沙律牛角酥 + 凍檸茶($33) (因為外賣杯+$1, 外賣盒+$1, 凍飲+$3)如果外賣唔駛加錢會抵食d~牛角酥有成7吋長，焗起外面脆，入面軟，好有口感，而且碎蛋沙律多到漏出黎，絕不欺埸，沙律味剛好，會過多沙律醬，食完真係好飽~

今日係尖沙咀行行下有啲餓，所以經過呢間cafe，就入去食啲野餐牌幾得意，做到份報紙咁最後叫咗個all day breakfast 同一個panini,仲有一杯凍咖啡凍咖啡，好淡咖啡味，失望all day breakfast 以呢個價錢，算多野食都有啲期待嘅panini，包好乾，有啲硬，雞扒無味，又失望，自己食同飲嘅都失望，早知食朋友嘅all day breakfast 啦，起碼大路野

🕴🏻I Café-芝士吞拿魚厚多士🧀$28好味指數：⭐️⭐️⭐️⭐️⭐️/5.👧🏻真材實料又好味 忍唔住要問下點整😆(以為第時自己都整到xd)，講返食之前系食哂碟豬扒意粉先食佢👉🏻都仲系熱嫁 😍😍.首先面個層系厚芝士，份量好多好"芝"味🧀，一咬開中間嘅吞拿魚就bi哂出黎，差d流，再一口連埋脆脆地嘅多士一齊咬。佢系全部材料整好再擺去焗爐整，時間控制得好好 完全唔明點解可以將所有食材發揮得咁好😂 有無人屋企可以借我都發揮下 哈哈 我好有誠意想整。 🕴🏻特濃芝士鮮茄焗豬扒螺旋粉🧀$36好味指數：⭐️⭐️⭐️⭐️/5👧🏻香濃嘅芝士+番茄味滲晒落去豬扒同螺旋粉到，太邪惡😈亦因爲口感鬆軟易入口嘅豬扒，令我下次再想黎多次🤤 Anyway食貨都有怕肥一日，而且尼份豬扒無咩油份😱令我食得好安心(芝士系適量嘅xd)場內環境簡潔，不過太多人黎食，唔好expect會坐得內。btw 員工好傾得，招呼唔錯，下次會再黎👍🏻

今日Lunch突然好想食返個all day breakfast, 不過一般食得all day breakfast既餐廰都唔平, 突然同事話尖東有平民價高質all day breakfast提供. 立即衝去試!Cafe型式既餐廰, All Day Breakfast係主打食品, 眼見幾檯都點, 期待!餐廰本身提供不同午餐set, 主力西式食品 (下午茶都有)都算應有盡有, 食品有炒蛋/火腿/煙肉/司華力腸/薯餅/沙律/茄汁豆/麵包最愛既羅宋湯Latte 沖得好好飲, 拉花拉得好靚, 又大杯, 閒時同人傾計飲咖啡一流之選價錢系同區都算抵食

是日在友人位於尖東半島中心salon剪髮後，途經同樣在半島中心裡面的「i❤cafe」。望到menu內容只是茶餐廳價錢，但卻提供latte、牛角包、泡菜熱狗等特色食物！反正早餐未落肚，姑且試一試！就算你只需要一杯咖啡扮文青呃like，只需$24就幫到你由於我們早餐都未食，就點了一個吉列豬扒意粉及鰻魚雞粒炒飯。飲品則點了一杯Latte、一杯青蘋果梳打。latte只售$24又有拉花又口感香滑，最重要份量十足！抵！友人的青蘋果梳打則非常清新，不太甜又開胃！當日午餐時間非常繁忙，大概等了十分鐘我的鰻魚雞粒炒飯終於來了面前鰻魚不算多，但勝在大大碟，而且炒得夠乾身。醬汁味道偏甜，但配合鰻魚又無什麼違和感友人蕃茄汁吉列豬意粉真正份量十足！豬扒比我的臉還要大。肉質出奇地鬆軟，炸粉又夠薄！非常驚喜意粉配蕃茄汁充滿港式風味外，酸甜又開胃！

星期六放假 參觀完科學館既木乃伊肚餓找吃的係附近逛左陣 入左黎呢間cafe Cafe 有兩間連住既分店 侍應帶左我地去呢間店內都幾光猛 牆上放置左的玩具餐牌上選擇都幾多 而我一早已經俾呢個色彩繽紛既all day breakfast 吸引住$48已經可以食到份量咁足既all day breakfast 好抵呀!司華力腸炸過 皮很脆牛角包並唔係一般既牛角包 因為佢係麥牛角包煙肉同火腿都煎過 增加香口且煙肉軟硬度適中 不會太硬蘑菇炒蛋略淡 所以自己加左幾粒鹽調味餐飲我就點左latte 都好大杯仲有靚靚心形拉花 配上粉紅色杯見到都令人喜歡❤️朋友就揀左意式蕃茄雞扒panini 廚房好有心思 將panini 擺到心形咁上枱雖然雞扒煎過 但朋友表示雞扒味略淡

今日和友人經過半島中心，見這間cafe幾抵食。就入去試試，點知原來令我們有驚喜Lunch set 真係好抵呀，＄50-＄60就有，包餐湯/沙律和飲品我們點了BBQ醬豬扒漢堡餐＄55栗米忌廉湯濃稠度適中。BBQ醬豬扒漢堡，豬扒烤得幾腍，大愛草莓梳打，加＄8就有，好飲，粉紅色，好少女的樣子，女生應該喜愛朋友點了Hawaii Pizza＄55包薯角，薯角很香脆PIzza有濃濃的芝士和菠蘿鋪在面上，看上去似簡單，但不要少看它，實在好食朋友叫了一杯cappuccino,加＄8就有，好大杯，咖啡幾香滑。好開心食到這餐又好味又抵食，實在有驚喜

今個星期六返尖沙咀返工ｏｔ，一早返到就搵同事食早餐，同事介紹有間抵食All Day Breakfast，咁當然來一試啦！Cafe分開兩間舖，一大一小，我地去左大隻果間，呢面有窗，窗邊嘅卡位好寬敞，可以望到樓下街景，佈置唔錯，無野做係度坐下都幾寫意。大家都叫左All day breakfast ($48包餐飲) (咖啡或凍飲加$3)全日早餐套餐好豐富，有牛角麵包、煙肉、火腿、蘑菇炒蛋、茄汁焗豆、沙律、薯餅、司華力腸，賣相幾好；蘑菇炒蛋有D老；司華力腸好大條，食完都已經好飽，食埋薯餅、牛角麵包、煙肉、火腿，非常飽肚嘅套餐，可以當埋午餐。即磨咖啡，味道香醇，個$3係加得物超所值。食完飲完就充滿力量去開始今日工作，好滿足。Overall 來講CP值好高，會再來食。

今日公司上完training ,放工同同事食個tea ,見openrice 食評呢度有all day breakfast ,仲要出名平，拉大隊去試下先下午茶都有咁多款，勁阿姐話原來吾開星期日同晚市，好彩今日係星期六，好幸運今日特飲係菊花蜜嘩嘩嘩你估吾到呢份all day Breakfast 係尖沙咀食，居然係$48 ，仲要係超大份，勁足料，有齊蕃茄，煙肉，火腿，薯餅，司華力腸，茄汁焗豆，牛角包，沙律，蘑菇炒蛋平到要一人一份吾洗share炒蛋好多，有好多蘑菇片、，蕃茄有烤過，沙律份量又多又新鮮薯餅好脆，牛角包好軟熟，司華力腸啖啖肉菊花蜜，青蘋果梳打菊花蜜甜度岩岩好，吾太甜又吾太淡餐蘋果梳打透心涼，賣相十分討好椒鹽墨魚丸，都吾錯，比較硬身，味道ok 完全無將貨就價，質素超越價錢

今日同朋友去尖沙咀科學館睇木乃伊，去之前響附近食番個tea先，黎到半島中心一樓嘅I cafe，見到出面下午茶餐牌非常抵食，所以入去試下。Cafe分開兩間舖，我地去左門外有隻好大隻金色招財貓公仔果間，裡面地方唔大，但佈置得都唔錯，幾溫馨舒服，木紋牆貼左好多圖畫裝飾，窗邊嘅卡位好寬敞，可以望到樓下街景，係度享受下午茶都幾寫意。All day breakfast ($48包餐飲)有牛角麵包、煙肉、火腿、蘑菇炒蛋、茄汁焗豆、沙律、薯餅、司華力腸，全日早餐套餐都幾豐富，賣相幾好，沙律菜、番茄都好新鮮；蘑菇炒蛋嘅蛋炒得幾滑；司華力腸好大條，味道唔錯，食埋薯餅、牛角麵包、煙肉、火腿，非常飽肚嘅套餐，下午茶可以慢慢食。特濃芝士鮮茄焗豬扒意粉（$36包餐飲）芝士鮮茄焗豬扒意粉係餐廳招牌，店員都向我地推介，果然賣相已經好吸引，芝士味好香濃，朋友俾左舊豬扒我試，豬扒肉質幾鬆軟，濃厚芝士加上鮮茄，非常入味；下午茶餐黎講份量算多，絕對可以當作午餐。凍檸檬茶，套餐包餐飲，凍飲加$3，檸檬茶唔會太甜，有多塊檸檬片，味道剛好。即磨咖啡，朋友叫嘅熱齋啡，係連套餐嘅餐飲，佢話咖啡味道香醇，味道拍得住大型連鎖咖啡店。食物、

尖沙咀食飯選擇多，但搭正一點的時候周圍都好多人，我哋就打算去商場入面搵食。經過樓下見到2樓有間I Cafe ,想去睇睇，好好彩有兩個位。午市套餐選擇大概有10款，價錢都幾相宜，最平的只係40幾蚊。選擇都係比較大路的食物，我就揀咗咖喱雞球飯。先上餐湯， 典型的忌廉粟米湯，粒粒粟米份量多又夠甜。咖喱雞球飯份量好大，咖喱係偏甜的日式咖喱，雞肉有咬口，而薯仔煮得很軟。整體而言，味道都唔錯。價錢相宜，上菜速度快，如果午膳時間不多，都係一個尖沙咀的選擇。

星期六下午落雨絲濕最好搵間小店坐坐等雨細D再走走, 今日入到半島中心見到呢間Café被門口的公仔吸引咗, 然後看見餐牌相當抵食, 於是ORDER咗All Day Breakfast仲包埋餐湯和一杯Cappuccino都係$63。 先來是個蕃茄什菜餐湯開開胃口, 味道都OK帶小小甜唔太酸啱我; 之後主菜上場, 真是一點都不懶份量十足, 單是個黑松露炒蛋, 超多黑松露超正; 另外最喜歡係佢架牛角包外邊有小小麵包糠增強口感入口鬆化還帶牛油香味, 真係唔錯; 而超大條豬仔腸單是賣相已相當吸引, 有一半表皮界咗十字花, 雖然外皮沒有燒焦, 但仍然皮脆內嫩, 味道都唔錯; 而沙律菜亦相當新鮮, 真材實料一點都不馬虎。最後來個Cappuccino外表唔係咁吸引無拉花, 泡又多咗D, 但入口的咖啡味都好好, 證明佢用豆都太差而且跟單都是加8蚊, 外邊真係搵唔到; 走的時候見到佢個下午茶餐牌,又係另一個驚喜茶餐廳價錢, 而菜式有幾十個組合, 實有一款啱食, 唔怪得越坐越多人啦, 下次行過都可以再試試。

今日朋友話帶我去半島食下午茶 ⋯但約我去尖東，原來係半島中心尖東雖說餐廳不少，但我自己大多數是去Happy hour飲嘢多 半島中心真係十年不到一次，餐廳位於一樓，一上樓就看到兩連鋪的餐廳，唔知以為一般快餐店下午2點半分鋪都幾乎坐滿了人，看來人氣都不錯；餐牌上的貓咪令我諗起喵喵怪 加上店內裝飾都充滿童真 簡清環境令人心情放鬆；我地坐分鋪，二人枱有四五張 四人桌有三張到 都坐滿了所以話 有個鐘意預早到達的朋友真係好重要我點咗好評的All day breakfast 同Latte; 朋友就點咗黑松露炒蛋牛角酥加Mocha全日早餐一上桌份量充實得被嚇了一跳，應該2個人先吃得完吧蘑菇炒蛋甚滑唔油膩，而且仲保留到少少菇甜味；我最欣賞個扒茄，茄肉厚切多汁清甜，中和食完肉腸嘅肥膩感；煙肉唔怕乾身，咬口甚不錯；火腿同焗豆就中規中矩；薯餅炸到金黃色，香脆可口信唔個好油膩；司華力腸就真的好大條，但皮就韌咗啲，咬不開至於麥牛角酥，口感真的太健康，無般牛角酥嘅香脆，唔多欣賞；沙律菜真的好新鮮，無加任何醬汁，感覺自己是兔仔至於杯Latte,咖啡味好濃厚帶甘苦，在我印象中比較少飲到Latte會咁濃度嘅咖啡而且偏甘

放假係尖沙咀想平平地食一餐，唔要連鎖，可以去邊？I Cafe 係一個選擇，雖然叫cafe，但形容爲茶餐廳較為適合叫左個下午茶餐，公司三文治+熱奶茶$48，大碟夾抵食，味道亦不錯，三文治內有厚厚的豬扒、蛋、蕃茄、生菜、火腿，面包更烘得脆脆的！薯條更係我最愛的波浪紋厚條，好正，熱奶茶亦對味！

在附近大學就讀時經常在尖東用餐，是日下午重臨舊地，便想找間餐廳懷緬一下。搜尋下發現這家挺特別的小店，便決定與友人試一試。坐下後，即時被餐牌上的英倫全日早餐吸引了眼球，決定要點一份，因為時常睡到日上三竿的我，很少機會可以享用一份豐富早餐的美味。適逢下午茶時段，便點了一份Icafe特色公司三文治配薯條套餐，方便與友人一同分享。點餐後不消一會，餐飲便送到了。熱呼呼的主菜亦緊隨其後送到，出餐速度十分快。英倫全日早餐 連飲品 ($48)九種材料，十分滿足。牛角包十分鬆化，咀嚼下滲出香濃牛油味，令人一試難忘。薯餅外脆內軟，很香口。筆者亦份外喜歡煮熟透的蕃茄，充滿茄紅素，可以抗衰老。豬仔腸亦不能不提，份量十足，脆皮內包著甜甜的肉味。沙律菜亦很新鮮。Icafe特色公司三文治配薯條 連飲品 ($48)餡的份量比多士包還要多，絕無欺場。每一口也可品嘗不同層次的味道。英式波浪薯條，外脆內軟，份量亦很多。餐飲熱咖啡的奶是分開上的，可隨個人喜好調節份量。讚！在下午時份可以享用一頓豐富的早餐， 感覺幸福，亦回憶起在英國享用早上全餐的風味。店內環境優雅，沙發座椅很舒適。牆壁上的掛畫，頓時令人增添幾分文藝氣息。