hoo韓國包車

营业中

休息中

今次黎到尖沙咀覓食🥳🥳 緊係要去食我既家鄉小菜 ～ 韓國野😂😂😂HOO 韓國包車～ 似足韓國夜店😎一入到去真係好似返左韓國咁😨呢種鐵閘好多韓國地下市場都有🤭好彩早左啲黎食 唔洗等位～ 因為見到入親黎既客都係預先book左 好彩！ 平日7點呢個客量 真心唔簡單🤭 好期待～ 成間餐廳個vibe 都好韓 長播韓文熱門歌就連waiter 都好似oopa😂😂😂手機落單😝 卜卜脆炒豬軟骨配拳頭飯 ～ 個樣勁惹味 食落好重口味 小辣 可以話係米飯小偷 所以會喪食飯團🤪 飯團好香麻油味😋😋豬軟骨 真係食落卜卜脆 好脆身 ！ 調味似韓國既辣炒章魚😍 醬油炸雞（半份）炸雞最緊要熱辣辣！ 炸粉算薄 好脆 肉質好嫩😍😍 同埋醬油味好香 唔會食到好油膩😆😆芝士泡菜煎蛋卷🥹 好好食！ 雖然呢個係要等最耐 但即叫即整 芝士仲可以瘋狂拉絲 配件沙律醬同茄汁 成件事好夾好惹味🫶🏻🤩 泡菜份量都唔少 啖啖都有🥳 必點！ 一啖放落口真心好滿足！ 其實仲有好多野食 但兩個人真係食唔到咁多🤪 食物環境氣氛都好好 同友人都覺得好似返左韓國咁🤭 一定會再返黎食！

爸爸話佢未去過韓國，所以一般韓國美食波兒媽咪實在要大大力搖醒佢！特登帶波兒爸去尖沙咀食韓式好西😋以韓國街頭地攤做設計概念，直情有置身韓劇嘅感覺！又熱鬧又可以品嚐美食！⭐️ 街頭魚糕串串鍋＋拉麵 $176魚糕係韓國常見嘅傳統美食，店家用嘅煲都好似係韓劇出現過咁🤩，用長長嘅竹籤串住魚糕，配埋仲有魚腐同埋蘿蔔做成嘅火鍋，仲可以落埋個拉麵，可以選擇全鍋或者半鍋，我覺得好食過係韓國街頭食過嘅魚糕串🤣🤣⭐️卜卜脆炒豬軟骨 拼拳頭飯 $142顛覆我對豬軟骨嘅刻板印象，係脆身嘅豬軟骨，食嘅時侯有嚼勁又爽口（牙齒唔好不推薦🤣）配埋經典韓國辣醬，加埋拳頭飯團剛剛好👍⭐️ 醬油炸雞 $158講起韓國一定要食炸雞啦！店家貼心提供埋手套，醬油炸雞🍗啖啖肉，配搭醬油又幾惹味！基本上一出動炸雞都無得輸，波兒爸好滿意😋經過呢一餐之後，要好好計劃去韓國旅行🤣韓國都有非常多好嘢食😋未飛之前推薦大家

小菜街頭魚糕串串黎到見到每一枱都必定有一鍋，咁我哋梗係唔執輸叫咗我最愛嘅魚糕，分量都幾多下~ 韓國人最中意就係冬天喺街頭食魚糕飲佢嘅湯，呢度湯嘅味道同韓國嘅一模一樣，幾地道~辣辣無骨雞腳平時好少會喺香港嘅韓國餐廳見到嘅menu，但一路想食好耐🤤 唔係特別辣，朋友唔係食開辣都可以接受~吞拿魚拳頭飯雞腳再加拳頭飯相信係韓國人至愛嘅組合，拳頭飯嘅調味唔會太重，所以再加埋雞腳嘅辣就岩岩好！醬油炸雞朋友表示佢竟然冇食過醬油味嘅炸雞，半份嘅話兩個人再加埋其他嘢食岩岩好，醬油味會有少少甜，我自己平時就中意醬油多過甜辣😙荔枝梳打菠蘿梳打🍍唔會太甜，冇藥水味，正常發揮

早兩日去左尖沙咀嘅"Hoo韓國包車"食lunch，因為喺網上見到好多人推薦呢間餐廳，於是我就同朋友去試下餐廳先上前菜，有個辣芽菜同泡菜，我特別鍾意佢嘅泡菜，味道調得啱啱好，食落仲好fresh，之後我哋叫咗兩個主食🌟傳說中的部隊鍋呢個鍋有腸仔、午餐肉、茄汁焗豆、洋蔥，食落幾夠香但唔會話好辣，而且佢嘅湯底都算濃，配埋跟鍋送嘅韓國拉麵特別滋味🌟拉絲芝士韓式炒雞炸雞就食得多，炒雞好少試，都幾特別，啲雞肉好嫩，配上拉絲芝士黎食幾惹味總括黎講，呢間餐廳都唔錯，環境幾似喺韓國街頭嘅feel，食物價錢都算合理

尖沙咀一間韓國大排檔餐廳🇰🇷裝修好特別 好似去左韓國甘比佢既設計吸引左黎食街頭風滿滿的設計 好似去左次韓國甘😀🐟街頭魚糕串串 $146有個煲煲住熱辣辣 有蘿蔔蘿蔔煮得好淋好甜🍗一雞兩味 $228必叫炸雞 都係原味比較好食 🤤🇰🇷卜卜脆炒豬軟骨拼駦頭飯 $138拳頭飯 包紫菜 三個女仔食 夠飽 份量剛剛好炸雞多到食唔曬⭐️CP值;⭐️⭐️⭐️👩🏻回頭指數;👩🏻👩🏻👩🏻📸打卡比分;📸📸📸

TGIF！要同fd收工之後去放鬆下🥹上網見到呢間韓國餐廳，無論係裝修定係餐具都勁似當地嘅布帳馬車，當然要去拜會下🤤幾有韓國風味！我同朋友都唔係好飲得，嗌左菠蘿同荔枝梳打gur下就算🤣2款都幾清爽，唔會過甜，幾啱配濃味食物平衡下辣辣無骨雞腳幾惹味，食到有少少鑊氣，配埋少少大蔥絲食都幾好。但佢屬於偏多軟骨，所以要用返多少少牙力咬🤣呑拿魚拳頭飯有8粒咁多！紫菜碎，沙律醬，麻油，呑拿魚同飯呢個combo唔會輸。用黎點下炒年糕醬，或者伴住雞腳食都唔錯半份醬油炸雞，幾鐘意呢款鹹甜鹹甜嘅醬汁，而且炸衣薄身唔會食到成口炸粉，香脆之餘都keep到少少肉汁最後又點少得街頭魚糕串串煲🤤除左5串魚糕串之外，仲有唔同形狀嘅魚糕喺入面，份量比想像中多。湯底清爽，同喺韓國飲到嘅差唔多🤭點埋洋蔥醬油就夠哂地道

今晚約返班大學同學出嚟吹水，當然要搵返學生年代最喜歡的餐廳，當然是追星韓國菜由於吹水一定會頸渴，所以我們都點了一些酒和梳打我叫的是黃昏時份芒果綠茶燒酒非常香濃的茶味，配合芒果少少甜，攪勻左之後還有濃濃的燒酒味，原來韓式飲料都可以整到非常之fusion我本身自己飲唔到純正一支的燒酒，畢竟味道太搶口，但是如果想試吓韓式燒酒的話，這裏的cocktails 真的很有選擇哦有人提議，叫這個街頭串串魚糕，基本上中size都夠，因為除咗竹籤督住的魚糕之外，鍋下面其實仲有一些散裝沒有督住的魚糕，越食就會越有少少微辣的感覺每串魚糕可以用肥美來形容， 10分有份量兼且有足夠的厚度，吃落去非常之彈牙而且每串魚糕都掛上湯汁食到下面仲有朔晒湯汁嘅白蘿蔔，非常之入味小食方面，我們叫了薯仔煎餅，非常煙靭，用料十足，又不會太油膩。

有日得閒上網睇到網上雜誌介紹這間裝修比較上有特色的韓國餐廳，趁住最近煲完劇，即刻去過吓戲癮。間餐廳基本上在尖沙咀最旺的食街位置好容易搵餐牌的選擇亦都比平時的韓國餐廳多，平時嗰啲通常剩係得炸雞蛋卷，這裏有很多小食的選擇值得一試是這個韓式炸餃子，本身以為會脆到比較硬身的，但是上菜才知道可以整到不會太多脆粉，而且比較薄身，非常容易咬，又不會整親個口。味道方面，餃子不會太濃味，沾上餃子醋，非常好吃，又不會太漏。另一味的，當然是懷舊一下，當自己是在韓劇街頭食辣炒年糕，這裏非常適合本地人口味，雖然是辣炒年糕，但是不會太辣，而且還有雞蛋和魚餅附上，基本上一碟已經有三款的食物在裏面，配搭10分多。一碟已經非常之飽肚，因為年糕都是比較碳水化合物高飲品方面，我叫了這個青蘋果梳打，非常之解渴又清新，適合不喜歡太甜的人飲

同係尖沙咀返工既朋友搵咗間韓國野聚下舊，happy Friday要飲下酒chill下～韓國街頭魚糕串串，魚糕食落彈牙，個湯微微辣相對其他重口野清淡，加個麵一齊食好comfy。蘿蔔索咗個湯既精華，如果湯可以多少少就更好。兩個人食唔到太多，叫咗一雞兩味（甜辣+醬油），雞肉都幾滑無咩雪味，醬汁甜度幾好，個人中意甜辣多少少🤏如果個量可以大少少就好，美中不足推介呢杯菠蘿啤酒🍻跟炸雞一齊食好爽朋友話杯荔枝梳打都幾解膩，唔會太甜。個環境主打韓國街頭氣氛，播住好大聲既韓文歌，同朋友一齊食下野聚下舊幾有氣氛～

☙ 𝗵𝗼𝗼韓國包車 ❧ 餐廳以韓國夜攤為主題，裝修充滿當地街景元素，好似去咗韓國旅行咁🇰🇷 食物主打地道夜攤美食，上菜速度好快，非常高質，係會再回頭的韓國菜呢🤩 另外當日𝗯𝗼𝗼𝗸咗位可以直入，唔想排隊建議先預訂🫰🏻 ࿐ 🐷卜卜脆豬軟骨拼拳頭飯 $𝟭𝟯𝟴💫 豬軟骨的骨位好爽口，肉質唔韌，旁邊的椰菜炒得入味，泡菜味好濃，香口又帶點微辣🌶 另外飯團口感扎實，夾埋食令整體冇咁重口味😽 🐟街頭魚糕串串(𝗠) $𝟭𝟯𝟴💫 𝗠 𝘀𝗶𝘇𝗲有𝟱串魚糕加其他配料，兩個人食份量剛好，魚糕厚身，吸滿湯的精華，加埋𝗴𝗮𝘀爐一直煲，入口熱辣辣好溫暖，冬天食應該超正☃️ 🍙炸紫菜粉絲卷 $𝟱𝟮💫 最愛的韓國小食，好彩冇令我失望🥹 粉絲卷炸得香脆但唔油膩，入餡的粉絲唔漿口，帶點濕潤感👍🏼 🍹柚子牛奶米酒 $𝟲𝟱 柚子味香濃，飲落口好𝗺𝗶𝗹𝗸𝘆，酒味唔算重，容易入口，適合女仔或者小酌之選🍶

又嚟呢間韓國夜攤為主題嘅餐廳🍴按照住韓國街景佈置 環境超有氣氛 好似去左轉旅行咁🧳.📌前菜 $free大豆芽麻油味幾香 泡菜酸酸辣辣🌶️.📌芝士泡菜煎蛋卷 $112蛋卷加芝士真係冇得輸🥹裏裏外外都充滿雙色芝士 咁就同時食到奶香同芝士嘅鹹香 襯熱食芝士仲會拉絲🧀蛋卷煎得好收滑 蛋味仲好濃郁🥚內餡仲有滿滿嘅香辣泡菜🌶️軟綿綿嘅芝士+滑溜雞蛋+爽脆泡菜 口感夠晒豐富😍即使有大量芝士同沙律醬 有泡菜嘅加持 食晒都完全0滯 好好食 有驚喜 比想像中高質💯.📌招牌炒章魚 $146好地道嘅下酒菜 上次就試咗炒豬軟骨 今次就試埋個炒章魚😚調味都差唔多 甜甜辣辣 比較濃郁重口味🤫配杯酒就一流🙌🏻章魚好爽口彈牙 唔會好韌咬唔到 厚肉啲嘅位仲正 肥嘟嘟好嫩滑🐙炒椰菜同紅蘿蔔都好爽脆清甜🥕🥬.📌柚子牛奶樂 $68係米酒做base再加柚子蜜同牛奶🍹飲落酒味唔會太濃太嗆喉 甜甜地咁😆杯底仲有啲柚子蜜 酸酸甜甜 幾fresh🍯但就冇乜牛奶味🥛.📌青蘋果梳打 $38青蘋果味幾清新 配埋梳打水好清爽🍏

朋友留意到尖沙咀最近開左間新嘅韓國菜🇰🇷～嗰日係同朋友嘅紀念品 所以特別想回味下韓國菜～～又留意到係樓上鋪 相信會比較舒服!!再見到Openrice可以訂位 所以就一齊去試下餐廳係厚福街一間樓上鋪～～搭𨋢上到頂樓一出就係了～唔會太難揾！入到餐廳留意到佢地裝修都好用心🏮係模仿再韓國街頭嘅包車～餐枱同凳都係膠枱凳～十足去左韓國🤪其他牆身擺設都好用心好多細節！見到其他客人食飯前都會特登行去打卡～餐廳係自己用QR Code落單嘅 入面選擇都唔少👏🏻朋友放工遲黎cap低左menu比佢一齊揀～🤍拉絲芝士韓式炒雞 $128呢個上枱有驚喜！係真係一塊熱辣辣鐵板上枱～～焦香芝士超級香！真係拉絲～～雞塊都係大大件！調味都好夠仲有好多洋蔥🧅！中意芝士一定要試下🤍傳說中的部隊鍋（M）$146(+ 拉麵 +$15）部隊鍋係連Gas爐上枱嘅 黎嘅時候未滾～店員就同我地講要等10分鐘就食得🍜M size 部隊鍋本身包一個麵 但我地就再加左個～佢入面嘅配料比較簡單 主要係餐肉腸仔泡菜同洋蔥🍜份量唔多 如果唔夠食都建議叫多個麵/飯～⭐️餐廳有額外加一收費，但員工都好nice！⭐️整體評分: 🤍🤍🤍餐廳嗰日嘅氣氛唔錯 啱晒我

Decent korean fix! My friend made a reservation and it was packed on a weekday night. The interior is very well designed which each segment of the wall decorated to look like a different shop front, toy shop, laundromat, etc. We went for an army stew, korean wings, pancake and tuna omlette.You order via a qr code and submit the order online as with many places in hong kong now a days. The issue we had was with the fact there was no english but luckily there were pictures!Food was served promptly

.尖沙咀有一間喺IGhit咗好耐嘅韓式餐廳，主打韓國街頭夜攤主題。餐廳環境裝修非常特別，每一個角落都超級適合打卡。.🐷 街頭魚糕串串(M) 👅8.5/10 $146去韓國又點可以唔食魚糕！魚糕一共有五串，質地軟腍。高湯熱辣辣，加埋煮到好入味嘅白蘿蔔同埋公仔麵超正。.🐷 招牌炒章魚 👅7/10 $146入邊有炒章魚同埋椰菜，章魚都比多好多，整體來講唔算太辣，食開10小辣嘅小編都輕鬆ko，攞嚟撈飯送酒應該都好好食。.

落雨天冇咩特別野做嘅星期六就同朋友去食下晚餐。今日去左Hoo 韓國包車， 餐廳位於尖沙咀嘅藍馬商業大廈22樓。點餐就用QRcode落單，有各式主食，小食，飲品，選擇都算幾多，用餐時間90分鐘。我地叫左幾樣野食～紫菜飯卷，係最基本款嘅紫菜飯卷，材料有紅蘿蔔，醃蘿蔔，蛋，醃牛蒡，腸仔等，面頭鋪上芝麻。調味，份量適中，飯粒分明，有咬口。整得唔錯，一啖食哂好滿足。韮菜煎餅，新鮮煎起，上枱仲係熱辣辣。韮菜份量適中煎餅軟糯，咬落好煙韌，仲有陣陣韮菜香味。炸雞 一雞兩味(原味+醬油) ，原味炸雞，有用鹽同胡椒作調味，炸起新鮮，外皮都幾香脆。肉質厚實。醬油味炸雞，表皮係甜醬油味，不過可能放左一陣，有少少凍作，肉質都係厚實。份量就大約係大半隻街，有一隻髀，一隻雞全翼。飲品就試左一杯黃昏時份(芒果綠茶燒酒)，飲落帶d酸甜之餘又有d綠茶香，飲到底就多返d燒酒味。