4月份好评餐厅十强
2020-05-07

至今香港已经18日本地零确诊,餐厅防疫措施亦开始放宽,只要注意好个人卫生就可以继续瓹窿瓹罅食好西!呢个月10强有嚟自观塘、荔枝角工厦嘅高质餐厅,亦有登上国际榜单嘅小店,榜首就系香港人嘅最爱:日本菜!
 

第10位  小茶角(*新上榜)


图:TungTungFoodie219852linglingling

位於屯门码头附近商场嘅地舖,有落地大玻璃面海,环境真系加晒分。当然食物都吸引,招牌牛角包系列都有好多馅,十足十牛角包版本嘅汉堡咁。个名最特别嘅屯门牛有烟肉、蛋、磨菇、芝士,同蕃茄,味道同口感都好丰富。
 

第9位  Wagyu Ya


图:PeonyPat

上月第1嚟到4月依然停留喺10强榜上,证明香港人真系好锺意食日式烧肉呢。鹿儿岛直送和牛烧完肉味浓郁就一定㗎啦,除咗烧肉,佢哋嘅丼都好出色,Wagyu Don每日限定,用上熊本和王和牛、油香十足嘅鹅肝、新鲜海胆,同三文鱼籽,一试难忘。
 

第8位  Bellevue Bar and Grill    


图:lankiman6330

旺角呢间扒房位於23楼,落地大玻璃饱览市中心夜景,加上装修颇有情调,情侣撑枱脚或者庆祝纪念日就啱晒。餐厅特设熟成肉柜,将嚟自美国、澳洲等地嘅优质牛扒乾式熟成,蒸发多余水分,令牛味更加浓郁!
 

第7位  丼瀛(*新上榜)   


图:cheungkkk

呢间主打日式丼饭嘅居酒屋呢期有午市半价同晚市七折优惠,咁平靓正难怪喺美食云集嘅观塘工厦当中都可以突围而出啦!有折扣之余,食物质素都Keep到,刺身丼饭嘅主角刺身新鲜,唔会有腥味。唔食刺身嘅话必食鳗鱼饭,好似放大版嘅鳗鱼寿司咁,肉厚惹味。
 

第6位  Homeland  


图:sinsinyym

位於大埔嘅酒吧餐厅,外墙彩色Graffiti好抢眼,而且有两层楼高,感觉特别Chill。餐厅唔添加味精,主打每日新鲜制作嘅手打意粉,食落特别弹牙。酒鬼就记得试佢哋特别挑选嘅香港制造手工啤,有齐Light、Medium、Full唔同选择。
 

第5位  Honbo(*新上榜)


图:hk.good.food

小店早前登上Bloomberg「全球最佳汉堡2020」同Big 7 Travel「亚洲50间最佳汉堡店」两个榜单,令大家都忍唔住要去试下有几特别。主打美式经典芝士汉堡,用自家研发嘅薯仔牛奶面包,配美国直接进口、肉味浓郁嘅Double Gold牛肉汉堡扒,加埋半融芝士真系好吸引!
 

第4位  Cobber Coffee and Tonys Pastry(*新上榜)


图:chingchingjaiijaslene777

观塘新开嘅西式甜品Cafe,有齐小食、沙律、多士、意粉等选择,不过最多人点嘅系佢哋即叫即做嘅日式梳乎厘班戟,有榛子朱古力香蕉、绿茶红豆、芒果百香果等唔同口味,班戟充满空气感又有蛋香。而且可以用手机扫QR Code落单,方便直接。
 

第3位  FAB Kitchen(*新上榜)


图:mylittlegourmand

餐厅名FAB解Fabulous Appetite Bon,藏身於荔枝角工厦当中,装修优雅有格调,而且菜式摆盘一丝不苟,但价钱就比起旺区同质素嘅西餐厅平!菜式设计都有心思,法式烤羊卷配味道刺激强劲嘅哈里萨辣酱,香煎比目鱼就配清爽嘅菠萝清酒泡沫。
 

第2位  am.pm(*新上榜)


图:bellywongs

位於油麻地同旺角中间,呢间主打梳乎厘班戟,店面成部黄色巴士咁嘅甜品店首次打入10强!虽然只有立食位,但因为抵食又多口味选择,依然有唔少好评。最多人推介炎烧焦糖布丁疏乎厘,面头好似Crème brûlée咁有层脆焦糖,同疏乎厘嘅蛋香好夹!
 

第1位  玄鮨(*新上榜)


图:eataroundwithme

无得飞的确会特别挂住其他国家嘅菜式,特别系日本菜。所以铜锣湾呢间曾获米芝莲推介,加上有折扣优惠嘅Omakase日本餐厅就成功登上本月第1位!食材每日由日本新鲜空运到港,如果想奖励自己同时锡住荷包,Lunch Set品项少啲,但刺身同寿司一样都系咁鲜甜咁高质呀。
 


文:Cathy


关键字
十强名单
好评十强
报榜
日本菜
汉堡
观塘
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】零食速报 每周新款零食、酒品点评
3天前
至甜初夏 6月下午茶推介
2020-06-15
甜蜜蜜暑假 7月下午茶推介
2020-07-03
送A4和牛拼盘!最平$298任食两小时 铜锣湾新开鬼怪主题日式烧肉放题店
2020-06-22
【7月生日优惠】免费食酒店晚餐.免费粥底火锅
2020-07-02