Holam Bakery

营业中

休息中

誠然 在百物騰貴的都市裡可以吃一口美味的千層蛋糕 確實是忙碌日子中的小點綴位於觀塘駱駝漆大廈裡的Holam bakery門口的裝潢不算特出但內裡千層蛋糕的種類卻算繁多而當中算最好的 只有蜂蜜千層（朋友們一起試 試了好幾款）其他的 如伯爵茶千層 就lady M好吃得多此外 店內職員的服務態度冷淡 面對客人購買千層蛋糕時 不是很友善 令到在場的客人都面露不悅對客人的言詞也有待改善總括而言 部分的千層蛋糕可以一試但一次就很是足夠了而服務態度卻不敢恭維了

睇左好多openrice評語話無下次，但係我今次山長水遠去試完 真係有驚喜 我食過無限次Lady M 今次抱住試新野心態 買左個8味盒🤗全部都皮薄 cream唔夠Lady M多 但係反而我覺得仲好 無咁易漏～唔算甜 好岩我再大概講下每隻味牛奶味- 有D太漏綠茶味濃 好食提子味 hmmmm正常 提子糖咁味伯爵茶 好香茶味 好食wor 可回購😎玫瑰味 好香玫瑰味 食落都好玫瑰味 但係偏甜 不過真係好Rosy ～香芋味 好似有D唔似隻味 不過都好食既😂曲奇味 我覺得有D漏士多啤梨味 唔錯簡單啲來講 呢個價錢嘅話係好抵食 同埋都比想像中好食 我會回購茶味💪🏻屋企人個個食完都一致大讚茶味

前排喺IG見到foodblogger係咁幫佢賣廣告，本身冇乜興趣，不過今日食完對面間pizza，鹹得滯要食啲甜品調劑一下😖 (詳情請refer to上一篇食評)一件crepe cake大概$35，有咁多繁複工序，定價適中。cake shop主要做外賣，不過我地要即場食，入面有好似入左人地屋企咁既一個沙發位、茶几同幾張圓櫈。幾個女仔share左三件：抹茶流心(後左)：果然係招牌，抹茶味濃、有回甘，唔會太甜，同行抹茶表示好滿意😋阿華田流心(前)：阿華田冇想像中咁濃味，唔值一試。揀番經典口味，例如朱古力，應該會好食好多。栗子(後右)：本身期望最高既一款，不過希望越大失望越大☹️ 冇乜栗子味之餘得個甜字，越食越漏👎🏻整體而言crepe皮可以再薄啲；另外口味雖然多選擇，但味道有進步空間。下次咁岩經過既話可能會再試試其他安全啲既招牌口味。

今日終於買咗返屋企食，但半個鐘後返到屋企溶咗啲，因為天氣實在太熱。有啲唔明點解佢冇乾冰提供？後來聽朋友講原來要冰會額外收錢，我就更加唔明。佢開喺工厦，啲人專登去買，但佢就唔夠體貼。奇怪！講到味度，真係好普通，呢個價錢尚算合理，但亦唔係平，因為冇服務，而且係喺工厦，所以只能說合理。不過蛋糕太甜，流心冇特别，只係有啲醬喺蛋糕尖嗰面，其實可有可無，而且抹茶味仲又帶點苦，所以整體一般，食一次就夠，唔會再幫襯。

工作經過呢頭，有個女同事話呢間值得試（又係女同事，無錯，食甜品真係完全唔諗唔驚肥嘅港女），咁就陪佢試吓啦。無位坐，買外賣。買左四件：芒果、曲奇、榴槤、綠茶。夜晚返到屋企同家人試食。曲奇：勁甜、無曲奇味、cream唔滑、千層太軟，欠口感。綠茶：好甜、綠茶味唔夠濃、千層太軟，無口感、cream唔滑，好粗糙。我下午買，返到屋企放入雪櫃；到食嘅時候只係相隔六個鐘。但係，千層已經軟晒，成件蛋糕痴晒底。好明顯師傅仔功力唔夠。雖然話小店要支持吓，但呢間真係支持佢唔住。我夠膽講，我個女同事完全唔識食！我絕對唔會有下次。未食嘅榴槤同芒果，都唔知俾邊個食左佢好。請人食好似害人咁。點算？！絕對鄙視盲目跟風又唔識食嘅港女同事

果日去對面既一間餐廳食野，點知見到呢間野，出面既牆貼哂千層蛋糕既款式同價錢，2個人傾黎傾去，最後都係忍唔住買黎食下。可惜已經7點半，佢應該準備關門，剩返榴槤同好立克味，我鐘意榴槤，不過男朋友鐘意好立克，於是買左好立克味。-我未試過好出名既M店，作為第一次食出面既千層蛋糕，我覺得滋味十足佢d好立克多到漏哂出黎，啖啖食落去都係，味道好濃郁，但唔會好甜-可能M店更好味，不過易滿足既我覺得呢個價錢食到咁既千層蛋糕，已經好開心

holam千層蛋糕好多人應該都聽過，我諗如果間舖就腳d會多d人去食。雖然我住觀塘，但要走到去工業區駱駝漆大廈買，都幾費時。今次仲要回購，可想而知佢地既蛋糕回頭率係幾高！適逢母親節有優惠，買蛋糕送多兩個creme brulee。先講講個creme brulee，真係好好食！！！！！！好creamy好香好滑夠甜！但份量太少，我寧願你兩個既份量合一，好似比人感覺大體d。而於個千層蛋糕，層層都好均勻，食落好軟滑，我媽都大讚！同埋唔會濟因爲係抹茶味會再回購喔！

我由店主喺IG開店賣千層蛋糕已經Follow佢啦，見住呢間小店愈到愈大，估唔到之後喺觀塘開咗間實體店，所以決定去光顧下！呢間賣嘅千層蛋糕有好多種味道，有流心嘅，非流心嘅，曲奇味、綠茶味、榴槤味、芋頭味...... 所以總有一款啱你，只怕你揀唔落手(灬ºωº灬)♡我就揀咗伯爵味～ ($32)千層蛋糕嘅餅底唔會太厚，聞落去已經有好香嘅茶味，可惜Cream唔夠多，我個人鐘意多Cream嘅，多返少少就更好啦！

今日去開觀塘嗰頭，諗起之前係IG見過呢間千層蛋糕店好似幾好食咁，諗住就去試吓啦，早排試左另一間細舖千層蛋糕店覺得都幾好食，比起大牌M性價比都算好食，咁就諗住去試下，首先係一去到個售貨員淨係掛住玩電話冇理過我，服務已經唔使講，件蛋糕啱啱食完，一啲都唔好食，同大牌M冇得比，成件蛋糕好鞋一啲都唔滑，好似冇忌廉咁，完全係伏，冇下次！！！！！！！！！！！！！！！！P.s 我今日試咗牛奶味。。。。。。。。。。。

一直都好鐘意食千層蛋糕嘅，難道可以訂到就嗌左2個味😘😘 一個揀左咖啡千層味嘅，好大件下！30幾蚊一件好抵食💁🏻💁🏻 見到佢面舖上左豐富嘅咖啡粉，好正呀！用料十足👅👅 而d cream都mix左好多咖啡粉，食落咖啡味非常重，而且cream好順滑🤗🤗 食到一層嘅口感，呢個價錢真係算好出色！😋 另外一件要左earl grey 👀👀 茶味偏淡, overall 甜左小小，而且奶味比較重，而且對比咖啡味細件d同濕左d🙆🏻‍♂️🙆🏻‍♂️ 希望下次食到抹茶同曲奇流心啦😀

這間位於駱駝漆的 Holam 的千層蛋糕比預期中好。特別訂了這份價值$385 的十吋抹茶千層，一天後就可取蛋糕了。這麼大份，要小心翼翼地從精美的包裝拿出來。好一個綠月亮🌙千層是名不虛傳，有一定的高度。手勢好的話，可以分到20件。抹茶味很香濃，千層蛋糕🍰也很香滑，一層一層的抹茶香慢慢滲出來，令人進入千與千尋的感覺。蛋糕上也可以加上裝飾，譬如慶生、週年記念等等，不過要加錢，當然自己裝扮最有誠意。膠叉免費送，另加其他餐具如刀等等也要加錢。

訂唔到lamlamli嘅千層蛋糕，而無意中喺ig發現呢間店都係賣千層，於是就過嚟買兩件試下。去到蛋糕店，發現佢哋嘅千層蛋糕口味款式都唔少，我最終就買咗一件抹茶味，同埋一件芋頭味我個人來講覺得抹茶味比芋頭味做得更加出色。芋頭味嗰件千層蛋糕，無論係氣味，以及入口嘅味道，由頭到尾就係雀巢芋頭味雪糕，香芋味人造感覺比較重。但我覺得鍾意香芋味嘅人，都仍然係會喜歡呢件千層蛋糕嘅。抹茶味就相對地個感覺天然得多唔會過甜之餘，仲有帶少少甘香嘅味道，入口比較舒服，應該就算食多件都唔會覺得膩。整體來講蛋糕嘅質素都係屬於滿意嘅。只係覺得芋頭味嗰件千層蛋糕嘅皮，會比抹茶味嗰件稍為厚左少少。另外，我係買外賣嘅，鋪頭有提供一個盒比我放兩件蛋糕，但係餐具佢哋就用膠紙貼喺盒外面。呢方面我覺得有改善嘅空間，始終餐具外露，我帶到返屋企可能都唔係咁衛生。

近年來，越來越多小店進駐工廈，令工廈生色不少，觀塘區就是表表者之一。這天跟友人來到駱駝漆閒逛韓妝、設計小物時，經過了這家小店。駐足一看，才發現這是之前ig賣千層蛋糕的熱店。小妹是甜品愛好者，千層蛋糕更是頭幾位至愛之一，當然要一試究竟。選的是香芋味。蛋糕層層分明，可叉子一下去，便心知不妙了，皮硬而實。吃起來，香芋味不俗，忌廉挺滑，可千層實是偏硬和乾，質地有點像未煮以前的雲吞皮。雖然Lady M索價不菲，不過看來暫時還是千層蛋糕的首選。

之前岩岩開無幾耐，上網有好多關於尼個shop既報導，又話ig起家，好像好吸引,但最近先捨得走入觀塘試，始終我唔系住嗰頭。買左3隻口味，一隻伯爵茶、一隻玫瑰、一隻曲奇流心。伯爵茶----口味較淡，可以話系食吾出係伯爵茶，就食到佢陣奶味，同埋味道偏甜（不過望佢隻色偏白，都估到茶味唔重）玫瑰----玫瑰預左會有少少花精味，有D人工味，不過就食到有陣蜂蜜味，食到最後就得翻蜂蜜味。當佢蜂蜜味食，就算不錯的。不過味道都系偏甜。曲奇流心----味道系3隻當中，算系無咁甜嗰款，不過流心位較少，無乜點流到，曲奇味有，奶味都有👍🏻算還好始終試完有點失望，價錢系合理，但味道認真麻麻。每款既皮都較厚，有少少鞋口。住觀塘近少少試一次還可以，要我再入去就未必會。見店主系90後男生，比一次機會嘗試是可以，繼續努力喇！

最近好多ig店都有高質素既產品所以特意去搜尋有啲咩熱門既ig shop咁岩朋友生日就見到呢間好似性價比幾高既ig shop佢勝在價格真係好便宜唔洗200蚊已經有大大個千層蛋糕仲要有8款唔同既味道不過係味道方便呢我覺得一般既 佢既味道都唔算係好突出