HeySoNuts

营业中

休息中

是次假日下午五點多，點了一份伯爵茶梳乎厘，合二人份量。梳乎厘很輕，極軟，入口好像空氣，完全騙過大腦，以為沒有在吸收高熱量。蛋的香味是有的，伯爵茶味也不錯，但不熱，有點冷的感覺。整體份量合理，不過要等四十五分鐘，有點耐。環境不錯，裝修品味很乎合現代，連合menu booklet 也很配合。一直充斥著一陣陣香味。可惜位置不算多，來到的時候，近乎滿坐，只餘bar枱。本有想過試埋晚吃，但見有comments 指甜品比較出色，只好作罷。

店舖座位不多,所以等待需時,今日假期去試都等咗45分鐘 !見全日早餐賣相吸引, 加入泥麥及生果健康之餘, 好味道! 相反見多人讚既咖啡,反而極之一般! 偏向比較淡, 無果種咖啡香味, 相對失望@

伯爵茶忌廉梳乎厘鬆餅 $72 & 大蝦黑蒜意粉 $132上次去食完送左張$40 coupon, 今次去用埋佢。今次叫左兩樣野1. 伯爵茶忌廉梳乎厘鬆餅 $72Pancake 好空氣感、好軟滑、好有蛋香。-伯爵茶忌廉就咁食，食到淡淡伯爵茶香，但如果同pancake 一齊食就會比濃濃嘅蛋味蓋過左伯爵茶陣味。-Pancake 面放左曲奇碎，食落更有口感。-🍪 碟邊嘅曲奇幾好味！2. 大蝦黑蒜意粉 $132聞落好香蒜味，食落就冇咩。味道帶少少甜同酸，好一般。-除左大蝦、紅椒、黃椒，仲有榛子粒，都幾特別，單獨食係好香，但好似同d 意粉唔太夾。-意粉煮得剛剛好，炒得乾身，又唔會覺得好油。回頭指數：8/10 （佢d 前菜嘅價錢偏貴，都係因為想食佢個Pancake 先會山長水遠去食)-Ig: myfoodmylife4

住喺土瓜灣多年，我認為Heysonuts係喺呢區算數一數二做得十分出色嘅cafe，故此成為常客，週末好多時都會光顧。噤岩有朋友探訪，當然帶佢泥一嘗呢度嘅食物同甜品啦！原來8月尾新推出左期間限定嘅焙茶combo，有芝士奶蓋焙茶同焙茶日式梳乎厘 一落單首先叫左個combo怕佢賣哂，店員好親切地提醒我地廚房做緊好多個梳乎厘，所以要等耐小小。然後，嗌左一個Egg Benedict、貓耳朵意粉、芝士煙肉薯條🍟 Egg Benedict 嘅賣相好靚，亦都同我上次泥食有d唔同，轉左plating！雖然係一樣嘅食物，但有d新鮮感貓耳朵係我每次必點嘅意粉，味道夠香夠濃，可以加錢另外加慢煮雞或者三文魚，強烈推介！芝士薯條份量較大，但係為食嘅我地都照嗌左一客好多芝士同煙肉，旁邊有茄汁點。講返今次主要泥試嘅焙茶combo由於我已經泥過無數次嘅關係，只係影左梳乎厘嘅相口感十分鬆軟，本人食過elements嘅pantry同銅鑼燒嘅flippers，但始終覺得heysonuts嘅較為出色！味道又創新plating好可愛，見到d powder有隻叉同匙嘅形狀。配以黑芝麻焙茶忌廉，唔會太甜又好味，一定會喺短期內再試

常常都到土瓜灣附近吃飯，附近的好幾家餐廳也嚐過了，只剩這一家。聽朋友說這家的甜點不錯，所以就去試一試( ･ิϖ･ิ)晚飯時間去到，要等大概15分鐘才能入座。還沒點食物，看到這本有質感的餐牌已經令我加了不少印象分。首先點了忌廉野菌汁貓耳朵，其實我很喜歡吃貓耳朵，口感比較煙韌，而且能吸附更多醬汁，店家煮得還算不錯。 而野菌汁也很香濃，配上烤過的合桃增添脆的口感，十分討喜。一般西餐廳都有的白酒煮青口，很多地方都用上半殻青口，而這裡則用了全殻青口，味道鮮甜而且有很香的白酒味，但有些青口煮過頭了，不夠嫩滑，但也算不錯。到我最期待的梳乎厘pancake，我點了伯爵茶口味的。茶味很充足，pancake很香雞蛋的味道，配上軟滑的忌廉和上面的脆脆來吃，口感又再豐富一點。如果忌廉能再冰凍一點和甜一點點就更剛好(๑•̀ㅂ•́)و✧餐牌還有不同的甜品我下次還要把他們試光光呀ʕ•̀ω•́ʔ✧

上次為了食窩夫第一次幫襯 印象幾唔錯今次再來 食物保持水準 同樣覺得寫意可惜只怪好多款想食結果眼闊肚窄 食到晚飯都唔洗再食🤭一杯焦糖咖啡☕️ 開始慢活節奏再上焗肉丸 賣相好吸引啊 有鮮茄、芝士配上肉丸 熱辣辣 好開胃食左幾粒開始唔對路 發覺碟肉丸好似食唔完咁 濟濟地🤤但甜品控早就叫定Tiramisu後上 上枱時 👀呆左 原來咁大碟嘅 不過有嘢玩 會Tiramisu放在平碟上 但純咖啡放入奶壺 留俾客人自己倒入 點倒好呢？ 侍應指路Tiramisu底會索得好快 只要逐少逐少倒 Tiramisu就會索得切 有技術先得 唔係就漏到枱面濕晒啦 好食又好玩 👏🏻👏🏻👏🏻😝食物份量真係幾大再來時真係要諗清楚叫幾多食物 唔可以太貪心

星期五收工1930去到，2人枱唔洗等，真係開心。呢款梳乎厘Pancake 落單後要等大約20分鐘。 邊食主菜邊等就perfect。 一碟有3大舊，旁邊跟埋一少杯咖啡淋上面。大家可以淋少少試下個味道先。而我就覺得落埋好味d。面頭嘅Tiramisu Cream (雖然個樣睇落有d 似⋯⋯💩）凍凍地，配埋下面熱辣辣嘅梳乎厘pancake，一冷一熱好好味。Pancake 嘅質感比普遍嘅梳乎厘 pancake 更軟更綿，與其話係pancake，不如話佢更似普通梳乎厘。食完仲送左張$40現金劵，下次食滿$100就可以用。（下次想試下伯爵茶梳乎厘Pancake)唯一唔滿意嘅地方係，當個甜品黎左，冇人比碟同餐具我地，叫左個staff拎，但佢立即比另一枱客叫住，之後仲傾左好耐。眼見住個甜品再唔食就會變形，唯有叫另一個staff 幫手，點知頭先個staff邊傾邊挨住個櫃，攪到另一個staff拎唔到餐具。不過最後個staff 都好好去左另一邊幫我地拎餐具。

咁事源我去到呢一間餐廳既時候,我就覺得奇怪啦,個入口係邊呢?搵左一震先入到去。咁題外話就唔講咁多住,先講下呢間餐廳既外表先。咁環境都幾大既,而且幾有feel。你可以帶伴侶過嚟比個驚喜佢。咁我地今次叫既係窩夫,個窩夫一個字"好食"一放入口既時候,窩夫既香味係從你口中發出嚟,再加上雪糕既甜味,冇得彈。中意窩夫既朋友真係可以試下而且我地仲叫左個海鮮湯首先從外表講下先,個湯色澤幾靚,而且料幾足,味道都唔錯,如果住位土瓜灣既朋友可以下次試下

朋友大愛的餐廳, 食到要做VIP, 冇辦法, 呢區冇咩高質素甜品/咖啡店, 而且 HeySoNuts  本身已經係高質素, 相信去到其他地區, 佢都一樣可以生存到.超多奶泡 iced cappuccinoAll day breakfast, 肉類烹調一D都唔油膩, 又用比較健康既藜麥, 乳酪, 再加埋有水果, 有心絲既食物綠茶雪糕甜品, 呢度既甜品款式多而且製作頗花功夫, 雖然需要等少少時間, 但最重要係味道出色, 難怪朋友對佢死心塌地

經過忙碌嘅一個星期，星期六總想悠悠閒閒咁輕鬆一下，之前女友係開飯網見到呢間Cafe感覺好舒服，今日一於同佢黎放鬆下。餐廳位於土瓜灣北帝街，對於好少黎土瓜灣嘅我地，都唔算太難搵。雖然我地黎到已經差唔多兩點，但門口都仲有人等緊位，我地等咗大約十分鐘先可以入座。餐牌設計好靚，好似一本厚裝書咁，感覺相當文青。自家製喇沙汁海鮮扁意粉 :意粉上檯時飄來陣陣喇沙香，海鮮份量算多，有蜆、魷魚及蝦，入口味道唔錯，意粉有咬口，但略嫌喇沙味唔係好出，如果可以加重d喇沙味就更好了。芒果窩夫 :由於要留肚食甜品，所以只係係叫咗一份主菜。窩夫可以選擇一份或半份，咁留得肚就梗係叫一份啦。窩夫即叫即烘，係等嘅時候已經聞到好香蛋味。一份份量真係好多，足足有４件，窩夫烘得香脆，配埋鮮甜嘅芒果，每人兩件都好似唔係好夠喉咁。食完嘢梗係要叫返杯飲品休息下，我地分別叫咗Mocha及玫瑰花茶。Mocha拉花好靚，入口好滑，咖啡味香濃，好好飲。玫瑰花茶傳出陣陣花香，味道好清新，好適合一路傾計一路慢慢飲。呢度環境真係好舒服，間中黎慢活一下都唔錯。

橫風橫雨，都會肚餓！星期日15:30到達都係滿座！菜單Menu設計精美！Hazelnut Latte：有拉花，賣相佳！較淡，唔夠熱！Hazelnut 味都唔覺！Cafe 水凖而言都好失望。。。自家製喇沙汁海鮮扁意粉：雖然用雪藏海鮮，被喇沙味蓋過了。扁意粉較濕。整體味道佳！有心思！自家製伯爵茶忌廉日式梳乎厘鬆餅：即叫即製，落單後等了15-20分鐘。三大件，不太甜，非常鬆軟！唔錯！不過如果加埋雪糕會開心啲！

呢度初初開店時見佢啲甜品好靚，幫襯過幾次，但就近排都冇再嚟，呢日忽然想再嚟，順便食個下午茶。五點鐘左右都有過一半嘅入座率，枱上嘅餐牌唔同咗喎，成本書咁，好精緻。頭幾頁仲有介紹下呢間餐廳，真係有啲似本書。揭到餐牌部份，發現多咗唔少鹹點，前菜同主菜都有，但呢日我吔諗住嚟再食佢嘅甜品，就揭到最後，結果發現主要得pancakes / waffles，之前好hit嘅棉花糖等甜品，而家得番一款士多啤梨味。之前覺得好多選擇，今次就反而唔係好啱口味，唯有放棄食甜品喇。友人想食青口，我吔就叫咗一個白酒煮青口，唔洗一百蚊，同埋係前菜，份量當然唔多啦，叫完好快就有得食，所以應該係一早煮定。食落都幾鮮同入味，再加咗啲車厘茄同蔥，算係唔錯。另外就叫咗兩杯飲品，一杯係７５％比利時朱古力，係幾夠濃，但有啲似係朱古力粉開嘅，多過似係朱古力漿整成，似四十幾蚊一細杯嚟講係有啲失望。另一杯就揀咗朱古力泡沫咖啡，一般咖啡店比較少有，拉埋花拎嚟係幾靚咁，但令我失望嘅係呢度冇脫脂奶供應，門口仲有個好似專賣咖啡嘅bar table，真係少見好似咁專賣咖啡嘅地方都冇脫脂奶，唯一可以揀係荳奶，但竟然要收４蚊，真係有點過份。最後我揀咗轉

見到ig有人推薦哩間pancake 好好味呢日甘岩係附近 就過黎試下五點零去到 人唔係太多 裝潢用木為主感覺好舒服 叫左 Tiramisu  cream  soufflé  pancake同埋一杯蜜桃茶質感超軟熟 一食好有蛋香味 仲比左d咖啡酒可以自己加返味道真係好似食緊tiramisu 食唒成個都唔覺得膩賣相同味道都比滿分💯 蜜桃茶都唔錯 唔係太甜不過黎食pancake 預左要等因為真係即叫即整 落左單 先見到店員打蛋味道真係令人好驚喜，個人覺得好味過flipper’s 下次已經鎖定要黎試佢地既all day breakfast 同埋Earl grey 味pancake

查實好耐之前曾經黎過呢間cafe 今日晏晝諗夜晚食乜好突然諗起之前食過呢到既全日早餐同冰滴咖啡就決定做今晚飯堂每張空桌上都放了一個厚小menu，蠻特別的食物小相册 📓今日照舊點了全日早餐，份量適中。相比岀面All day breakfast 健康啲不過如果有埋罐頭焗豆就更好無得點冰滴咖啡，有點可惜。改叫左White Peach 🍑 不愛太甜的一定會喜歡西冷牛肉漢堡多個層次 滿滿肉汁蘑菇汁 粗薯條 🍟 熱辣辣 最後當然甜品岀場士多啤梨窩夫 伯爵茶忌廉日式梳乎厘兩個甜品蛋香濃 窩夫配襯既士多啤梨漿仍然保留士多啤梨原有酸甜

週未既下午茶時間...行過哩間CAFE...個名幾有特色...門口傳來一浸浸班戟味...就走入去試下試既當然就係近期周圍都有得食...幾HEAT既梳乎厘班㦸哩間CAFE有款自家製抹茶CREAM梳乎厘班㦸...就試下喇等左差唔多十五分鐘到....香噴噴既梳乎厘班㦸就送到黎喇有三塊....空氣感都夠上左枱一段時間都唔會扁晒...抹茶CREAM加埋花生碎...食落真係自家製既FEEL...一D都唔甜...淡淡既抹茶味啱啱好(好怕有時抹茶味好重好甜)梳乎厘班㦸食落就蛋味比較重...唔會太甜...都算好食CAFE都幾好坐...坐位都闊落...係個幾RELAX既環境CAFE仲有幾多其他野食...會再試