HeySoNuts

营业中

休息中

今日放假去呢間野到食，見佢咁多好評期望都幾高。點知原來期望越大失望越大，叫左杯iced latte，難飲到，咖啡味酸啲泡係一啲都唔滑，成杯茶記凍咖啡咁樣樣，原全唔專業。服務能度勁差，粗聲粗氣咁，個個服務員應該就係所謂既老闆，態度勁嚚張，令人討厭。成個環境一啲都唔relax，幾個店員大聲談天說地，講定今晚食乜好，成個街市咁。。到野食方面叫左一個double cheese tomato pasta 同雜菌貓耳朵，個個tomato pasta完全冇cheese味，意粉煮到斷哂0咬口，上面就咁舖塊mcdonald既cheddar cheese就叫double cheese？？到貓耳朵，佢個sauce係可以接受，但勁似金寶磨菇湯自己再整色整水囉，根本唔特別。本身想食埋甜品，但所有野夾埋已經冇哂胃口!又貴又唔好食，成餐最好就係個餐湯，夠creamy。飲完個湯，侍應黎收碟竟然唔係俾過隻spoon我而係叫我自己拎翻起用翻同一支!!有冇搞錯呀？成間舖得一位女店員服務態度較好，真心想問憑咩收人加一服務費？唔明點解有咁多好評。。。。？

風聞已久的Heysonut 不能book,只能早點walk in,early dinner🤗4人食4碟，好飽，份量ok但服務一般，原本我們4人想坐4人枱，但他俾了大table 給我們，我們不想霸住他大枱，但他多次話ok,但後來又突然叫我們換一張4人枱，好奇怪呢🤔

午餐大概一時左右來到，不用等位。雖然位置比較隔涉，但係唔算太難搵。lunch set可以叫一個pasta，risotto 就有湯或沙律，同嘢飲。分別叫咗黑蒜大蝦意粉、芝士茄汁扁面。兩個意粉都做得唔錯，絶對不Hea，不錯。最後當然點左甜品。tiramisu soufflé pancake. Tiramisu 在pancake 上，灑上可可粉。Tiramisu入囗即溶，有rum 酒！個人十分喜有酒的tiramisu!

好有質素嘅咖啡店! 雖然唔係地鐵沿線，不過都好多人去。我地好彩早到咗少少，岩岩有最後一張枱。我見到地坐低之後，出面都有條短短地嘅隊頭盤叫咗青口同Ceasar salad. 2樣都幾好食喎。 通常聽親都係白酒煮蜆架嘛，今次餐廳換咗青口代替。本身擔心coffee shop 食呢啲會唔會好腥，出乎意料 ，一啲都唔腥，仲幾好食 (本身接受腥嘅能力真係好低)甜品叫咗一個焦糖香蕉窩夫配以香草雪糕，窩夫即叫即整，又熱又脆 😋 呢到個souffle pancake 都拍得住出面勁多人排隊個啲pancake 店呀! 唔會太甜，仲有啲空氣感，好岩pancake 迷 😍

星期日又係搵好野食既日子，黎到門口驚覺自己幾年前已經黎過🙈唔緊要啦，試下d野有冇好食到先😁梗係要先飲杯Cafe latte啦簡單的一個心都好靚😊如果可以多返少少奶就更好啦黑蒜大蝦炒意粉賣相好靚粉入面有nuts ，好少見仲有三色椒粒，咬落去更有口感大蝦蝦肉好爽，調味岩岩好，加分意粉比較硬身，有d煮得未夠通透既感覺。但整體係好食既慢煮手撕豬腩肉漢堡今日放棄牛食豬🐷好少burger唔係配薯條👍沙律菜上有微酸既seasoning，連平時唔鍾意食沙律菜既我，都覺得易入口同有驚喜。手撕豬同個醬好夾，啖啖都係肉。包住面仲有番茄、青瓜、生菜。呢個burger真係超值得大家去試點少得食甜品伯爵茶忌廉日式梳孚厘鬆餅梳孚厘好鬆軟，伯爵茶忌廉濃味，但冇搶走梳孚厘原本既味👍整體唔會太甜

想去牛栅行下，於是搵左符近既一間餐廳。見到個名甘有趣，所以就選擇左呢度食個late lunch .餐廳環境就一般，同其他cafe 差唔多，唔會有好特別既驚喜。今次食左兩樣野，一個fish fillet burger ，同tirumisu soufflé pancake .Burger 有豐富既配菜，都幾新鮮既。佢既麵包整得好好食，外脆內軟，而個魚就炸得都有汁唔乾。整體係一個好好食既burger 至於個pancake 就比較一般，無咩驚喜。雖然甜度適中，都有rum 酒俾你淋上面，但個口感唔夠fluffy 就差小小。

門口營業時間12pm ，但12:05 餐廳仍是開半閘，店內員工仍在做準備工作，對站在門外的三位客人（包括我）在店前等待視若無睹。12點似是員工上班時間，12:10 門前等待的兩位女士終於忍不住入內問：你地唔係12點開咩？我哋企係門口好大風，好凍，可唔可以先入嚟坐？😳😳😳但我頂唔順店內空氣還有點悶焗，寧願在外企多一陣等待空調恆溫之後再入內！😖😖😖今日本想食個西式午餐嘆番杯靚咖啡，唔想日日食粉粉麵麵，但只好先到附近食碗粥，再回來嘆杯咖啡！😳曾一直引以為榮喺70年代（當年香港餐飲服務絕對有國際水準）係餐飲服務性行業嘅一份子的我。眼見今時今日香港餐飲業服務水平.....真係有點慨嘆！😳題外話：不只是這店開12點仍未準備好營業，旁邊嗰間咖啡店同樣有這種情況！唉....

第一次食有薑味嘅窩夫，薑味麻糬窩夫配紫薯，香草雪糕，窩夫薑味十足，口感特別，最搞笑嘅係配上淡淡綠茶粉，本人不太喜歡綠茶，但都可以接受。最特別嘅係柚子菓子，口味獨特，清新又特別，新事情值得一試，又驚又喜

喺土瓜灣北帝街呢度連續有成三間Cafe，而heysonuts係永遠都係最多人，成日都要排隊嘅一間，以前見親佢要排隊，都會去隔離第二啲Cafe食，但係日子耐左，食厭咗其他Cafe，都會想試吓佢排隊嘅原因，就係咁，開始咗我同我老公嘅第一次食heysonuts！點知一食就上癮，返唔到轉頭，次次中午一諗就係諗去heysonuts，佢嘅午餐好平，星期一至五，只要你叫主餐牌裏面嘅食物，就會送一杯飲品，再送一個湯或者係沙律，好抵食！Risotto好食！超級creamy！但係如果一個人食晒成個，對我來講就應該係Too heavy，一齊share食幾啖就啱啱好喇沙海鮮扁意粉有驚喜！喇沙不嬲對我來講都係配米粉，竟然配扁意粉都可以咁好食！值得一讚All day breakfast中規中矩Egg Benedict好好食，但係都係一個人食唔晒一份，要同人share先至食到青口味道還好，可能因為我老公成日都會自己買新鮮青口黎煮，大大隻又脹卜卜，所以都係自己煮好食啲洋蔥圈配魷魚圈都算唔錯，如果可以只揀魷魚圈，唔使一定要兩溝咁就更加好啦，最鍾意佢嘅辣沙律醬，好惹味！輪到甜品出場啦！見到好多人都食佢哋嘅甜品，就知道佢哋

早幾個星期去過幸福嘅班戟，但人頭湧湧，一直心思思好想食差唔多類型嘅野，見網上都有人介紹過呢間嘅梳乎厘，造型幾特別，於是慕名而來。老實說在我而言都係長途跋涉，轉左幾次車先黎到外面落住微雨，又大風，急急腳坐低，被安排到近門口嘅長枱搭枱。餐廳裝潢偏工業風，開放式廚房，水泥色配木質家具。下午茶時間都幾好生意，唔多唔少會有點嘈吵。由於我為甜點而來，未有細緻留意餐牌，除左四款日式梳乎厘鬆餅，仲有窩夫、千層酥、奶凍、慕絲等，價錢中上，另收加一。揭過餐牌，原本打算點一客梳乎厘、窩夫及飲料，不料下單時方知道當日未有梳乎厘 (我應該一入門口就問清楚嘅…) 大感失望，想起身走人薑味麻糬窩夫 配紫薯、香草雪糕 $62/半份薑味窩夫幾特別咁，即管試下。除左紫薯蓉，可選栗子蓉及紅豆蓉，即點即製，需時等候。窩夫只有半份，定價頗高。賣相都幾得意，將窩夫打直放，中間一舊紫薯蓉，加上雲呢拿雪糕、焦糖漿及一件菓子。窩夫食落果然有明顯薑味，幾特別嘅；即製但入口唔脆，而且極乾，夾層嘅麻糬份量雖然都夠，根本乾啃…反而其他配角較正常，紫薯蓉好raw，味道濃郁，唔會太甜；雪糕軟滑，菓子裡面有片柚子，味道清新。70%比利時鮮奶朱古力

出開土瓜灣 緊係係哩區揾下食先喇😍🤩上網揾到北帝街有一間Cafe 所以飄左去trytry😊☺️點了一個豬腩肉手撕雞漢堡包 🐷🐔🍔份量超大 兩個人一定夠食 中間個層嘅菜係有青瓜🥒蕃茄🍅肉肉嘅份量都好多下 不過成個包食嘅時候 確實係有少少論盡🤣😆但都幾特別幾新穎嘅🙃🙂GreenTeaLatte 🍵上枱嘅時候確實令我有點失望😕😕 因爲係無拉花嘅🙊😛抹茶嘅味道較淡 奶嘅味道較多不過整體都可以的😉☺️佢個甜品真係好出色🤤🤤個名叫做#芒果窩夫配芒果雪糕 哩個係半份嘅份量🥭講下窩夫個味道先 真係外脆內嫰架😍🤩唔會好濟好漏 真係好好食🤤🤤😋😋我平時唔太好窩夫都覺得👍🏽👍🏽雪糕都好芒果味架～～～雪得好好 唔會好快溶 雪糕底有脆脆🤤🤤正！！！！Nice!!!!!

想試呢個soufflé pancake好耐喇，終於試到🤗🤗佢個pancake超有空氣感，所以就算3個咁大個都唔會好滯🤤加上係tiramisu味，好味呀。😋唯一係交通唔係好方便，冇地鐵🙈

一個不太有胃口的晚上吃厭了刻板的中式晚飯就來一點西式的吧兩個人點了黑蒜大蝦炒意粉、焗肉丸、蜜桃茶意外的三樣也做得很不錯特別是焗肉丸, 肉質紮實有咬口,不鬆散的芝士味頗濃有拉絲，蕃茄足料讓食慾甦一甦醒不太有胃口的晚上也可以有更好的選擇

黑蒜大蝦炒意粉 $132意粉炒得幾乾身，黑蒜的甜味和蒜香掛滿麵身，醃過既大蝦亦爽口彈牙，但整體略為油左啲。Heysonuts breakfast $128普通到間間 Cafe都有既 all day breakfast反而有啲驚喜， 煙肉腸仔係基本，菠菜蘑菇等食材新鮮；蛋炒得滑身又唔會太生；藍莓吐司烤得外脆內軟。而yoghurt 應該係用全脂奶自製既，濃郁脂香配合生果好味又健康。Hand drip coffee $55食完野飲杯 hand drip coffee好解膩，飲完胃仔神奇地好舒服。Piccolo latte $39奶泡上有咖啡脂，不錯。honeycomb Soufflé pancake $88勁易一掂就散開化為空氣，高質的 Soufflé pancake 應該充滿蛋香，輕柔而富張力，呢度簡直係垃圾。本身咖啡同主食都非常了得，可惜個 pancake 實在水準之下，只有比 OK 的評價了。

又一個攸閒既夜晚，本身諗全去Mega Box既吉XX打返個一人火鍋，但係奈何實在太多人排隊，所以打消左哩個諗頭🙈突然忽發其想，不如行岩岩開通既承啟道過土瓜灣搵食😋起步之前上定網，搵下土瓜灣有咩好食，最後搵到哩間餐廳。由九龍灣大約行15分鐘就到左土瓜灣，再行多10分鐘就到左北帝街。原來哩間餐廳座落係傲雲峰對面。哩度除左哩間餐廳之外，附近都開左唔少餐廳，但係唯獨係哩間特別多人。係外面望左一陣，見環境都唔錯所以就入去食今晚晚餐。因為係一個人既關係🙈所以被安排左坐係窗口隔離既吧檯位。好快侍應攞左Menu過黎，睇左一陣即刻俾一樣野吸引住 - 嘻蘇甩早餐，睇返英文原來即係All Day Breakfast😂見自己都好耐冇食過All Day Breakfast，所以就即刻揀左哩樣做今晚晚餐。等左大約15分鐘，侍應就將食物送到，配料都比較健康，內容包括：炒菜、炒蘑菇、黑松露炒蛋、煙肉、牛仔腸、多士、Yogurt、、生果粒同近期熱門既健康食物 - 藜麥之前食過好多餐廳既All Day Breakfast，佢地都犯左同一個通病，就係餐送到既時候，餐盤上面既食物已經凍晒。但係哩次侍應送黎既餐仍然見到食物仍然