HeySoNuts

营业中

休息中

成日有人同我命紹既cafe,今日終於都有時間可以試一試佢🤩HeySoNuts🤩位置係土瓜灣，附近連住二間cafe不過最多人都係HeySoNuts..首先叫左份Heysonuts Breakfast $129其實佢係我最近食過最有誠意既all day breakfast,一般係出面食都有茄汁豆依啲平價野😫😫，佢係有埋藜麥同乳酪，我個人係好加分！一啲都唔hea👍🏻MAC Nuts $152好味🤤塊西冷係juice ga..一啲都唔乾Soufflé pancake Tiramisu❤️本身第一啖都好有驚喜，淋埋啲咖啡酒落去即刻勁香，pancake又鬆軟❤️唔會過甜！超讚啊！Ice drip coffee $48咖啡好香好飲❤️同埋我好欣賞佢用鐵粒冰啊，唔會令到杯咖哩越飲越淡！

呢間餐廳留意同聽左一段時間，但因為距離返工地點有d遠，所以都無特別去食。呢次因爲farewell，就決定行遠少少去試試佢。入面環境暗暗地，位置唔多，但都幾有氣氛。坦白講，價錢方邊係土瓜灣區都算幾貴，要成一百蚊一個lunch。我地大部份同事叫左All day breakfast，感覺最抵同大份。上菜個陣都無令我地失望。佢成個set有湯或沙律，再加一杯餐茶。賣相同味道都非常唔錯，好豐富，女仔食一定夠飽，男仔就可能岩岩好。不過服務方邊就差少少，因為上菜時間太耐，可能現叫現整，特別係甜品，如果趕時間食lunch既朋友就要諗諗啦。

草莓窩夫配雪糕 $59 (半份)平民美食😍系土瓜灣呢啲咁偏僻既住宅區，都長期好多人排隊等位，好受歡迎。賣相很好，材料很足，醬料份量夠多，雪糕同士多啤梨都好食，窩夫就比較普通，整體味道唔錯，好抵食!!有機會會再試下其他甜品。

每星期行過呢間餐廳，都會有見到有人係係門口等位 (但隔離個幾間係無咩人loll)。上網見有好多人都大讚佢地的疏乎厘，於是我專登早D黎試完先返工⋯⋯我係星期六的12點幾黎，已經得返門口的Bar位，不過我得一個人，坐Bar枱可能仲自在。本身想叫杯Green tea Latte，但入到Coffee Shop無理由唔試下佢地的咖啡的，所以我叫左一杯Latte。拉花拉得幾靚，咖啡的味道唔會過濃，正合我心意。雖然宜家周圍都有賣疏乎厘Pancake，但整得好好食的真心唔多，有D跟本就煎唔熟，成Pet粉漿，有D就太多粉，食落似蛋糕。呢到有幾款的疏乎厘Pancake，而當中最貴又最多人推介就係呢個Tiramisu疏乎厘Pancake。切落去質感軟熟，而且蛋味都幾香。重點係佢凍凍地的Tiramisu Cream放係微暖的Pancake上面。Pancake的香軟加上香滑的忌廉及香濃的可可粉，口感勁豐富，而且味道都好誘人，難怪咁多人黎食完都推介呢個Pancake。要做足Tiramisu的味道，又點少得咖啡酒？整體的味道都好Match。不過我就鍾意唔落咖啡酒，咁樣Pancake的蛋味會出D。如果你都有興趣黎試，

☔️下雨天 那兒都不想去😖在附近找了一間 @heysonuts 要等位不過很快就進去了首選 還是 #alldaybreakfast Haha 有水果、乳酪、炒蛋、煙肉、德國腸、麵包、菠菜、黎麥好味道🤤配上 #greentealatte 另一道點了 黃薑海鮮飯比想像中細份🙊好快就吃掉了 heehee地點不算太方便但靜靜的休息一下是不錯的選擇🙋🏻‍♀️

放假返娘家 約中學同學食tea聚下大家都想試下呢間小店平日下午兩點零到 坐滿一半人剛到有張静静的2人枱～我地每人嗌個main兩個意粉都好食我叫左杯mocha加$10轉燕麥奶幾好 唔太甜 咖啡味不重兩個女仔梗係要嗌多個甜品先夠熱辣辣窩夫 好食

咁岩行落土瓜灣見到好多有特色既cafe/小店，見呢間heysonuts食評幾好，就走去試試佢叫左杯flat white同個earl grey pancake，不過可能假日tea time多人叫pancakes,都等左7/8個字先上到個pancakes。不過食評冇呃人，個pancakes一碟3件，好鬆軟啲醬都幾有earl grey味，絕對唔輸出面街要排成粒鐘既pancake，而且價錢唔貴，$88呢個份量，好值得下次翻兜！杯flat white都幾香，過黎嘆杯咖啡，chill個晏就都係個唔錯既選擇。

今日下晝喺土瓜灣嗰邊開完會，老細大恩話唔使返公司可以早啲走✌🏻所以搵個地方Hea一Hea原來土瓜灣都有好幾間Cafe！我最後揀咗呢間HeySoNut!餐廳環境同一般Cafe冇乜分別，不過佢啲枱好靚係用瓦片裝飾嘅！睇Menu見到個all day breakfast 好似好好食咁，但好快夜晚又要同friend去食飯所以叫個甜品叫杯咖啡chill下就算紅豆麻薯窩夫配綠茶雪糕～窩夫外面好脆口～紅豆打到溶之余又有留番啲紅豆粒，有啲口感。甜道剛剛好，同個麻薯窩夫非常夾～綠茶雪糕就冇乜特別Mocha~咖啡質素非常好～咖啡味比朱古力味濃，好啱我心意

來過很多次了！薑味麻糬窩夫配紫薯蓉香草雪糕令人印象深刻， 紫薯並不太甜，味道恰到好處，窩夫外脆內軟，一流！士多啤梨棉花糖法式奶凍也用料十足，奶凍有很多鲜士多啤梨，也很好吃好玩，讚！

夜晚放工喺紅磡行咗去土瓜灣食個晚飯，其實主要係想試佢個Tiramisu pancake， 因為個樣非常吸引。可能係weekday啦，所以唔多人唔使等位就入得，我同朋友兩個人叫咗兩個主食，包括野菌忌廉意大利飯同埋喇沙汁海鮮扁意粉。btw佢個Menu成本書咁幾精美。個飯同意粉個量都幾少，但兩樣都唔好味，無好想繼續食落去嘅衝動。個飯太過”杰”，另外尤其係個意粉，我可能expect喇沙味會好惹味，但好淡下，個意粉掛唔到啲汁，(啲汁太少)而且啲蝦有雪味，一啲都唔爽好失望😞。但我主要都係想嚟試個提拉米蘇疏乎厘Pancake，所以主食由佢啦。佢嚟到係有個動L嘅Texture！3大嚿震下震下幾得意，上面係Tiramisu Cream，下面係疏乎厘pancake。我覺得都幾唔錯，兩樣嘢係幾夾，但兩樣分開睇就唔係特別好食。Tiramisu個味唔夠濃，個Pancake比較實唔夠空氣感。🤷🏿‍♀️總捨嚟講，感覺有啲名大於實，甜品可以試吓，但主食鹹點我就唔推介了。而且性價比低，地點亦唔就腳。

身為地膽的舅仔伉儷前陣子來過這裡吃名物梳乎厘班戟，食過後大讚其出品精良。小弟許久前曾在此食過，對之印象是一般的....不過那次好像並沒有試souffle pancake，以此這樣來對此店的評論，似乎是不太全面，有欠公允的....今天太太難得收早，想起了舅仔的comment，又不用趕去湊仔，就和她悠閒地在此食個lunch吧....舅仔之前已有溫馨提示，說這兒的甜食比鹹食出色得多。不過始終是在吃正餐，我的習慣是正餐一定要吃些鹹的東西，所以還是避免不了要來個甚麼pasta或burger....湯跟沙律的水準比我料想的好，前者的洋蔥湯非常夠濃甜，洋蔥量多且質地非常軟淰甜味自然盡出。儘管弄出來的不是傳統法式的那一種風格但論味道倒是頗合我心意；沙律菜正正常常，橄欖油與醋下得非常少，感覺尤如在吃"生菜"一般，正的夠晒清....這一味喇沙海鮮意粉，口味配搭是有新意的，不過稍嫌喇沙湯不大夠椰香；意粉的al dente程度亦挺一般；海鮮配料大多沒甚麼味道正式是味如嚼蠟，特別是那幾塊魷魚，真是乏味得可以....相反我的fish burger就做得不錯 ---- 魚柳新鮮熱辣炸起外脆內裡肉軟嫩，咬入去還有煙噴

想等平日放假約細妹去HeySoNuts嘆甜品好耐，今日終於遇到呢個機會。12:40左右到餐廳，淨返2人及4人各一張，想講：香港真係時時刻刻都好多人。一直覺得土瓜灣區平日（仲要係星期一）應該冇乜人，可以休閒坐慢慢傾。不過都冇揀錯！侍應好友善地招待我同阿妹入坐2人枱，坐低就揭住menu book研究叫我地既午餐。All Day Breakfast有兩款：HeySoNuts Breakfast + Egg Benedict ，我地就一人一份加$15變set，跟埋餐湯/沙律&飲品。我係食Egg Benedict嘅，最喜歡吃流黃蛋再夾住smoke salmon 加底層麵包索汁，正！做得好好，食完其實唔會漏。阿妹個HeySoNuts Breakfast就好大份，佢既炒蛋份量好鬼多，唔知有冇4-5隻蛋🤨我幫手食都頂唔住，炒蛋唔夠滑過熟，有點滯。其他都唔錯，All Day Breakfast都係樣樣有，最欣賞有藜麥、生果同yogurt。阿妹話片法包正，有啲無花果乾果，而且外脆內軟，呢個要讚。其實Lunch並不是重點，之後我地飽住肚腩底下要堅持叫薑味麻薯窩夫配紫薯云呢嗱球先係重點同黎幫襯既真正理由🤤呢個

今日去土瓜灣剪頭髮，剪完正直下午時段，個肚隆隆作響，係時候搵野醫肚。由於呢頭我唔係太熟路，又唔趕時間，所以就一個人亂行搵野食，遇到覺得岩食就走入去。行到咁上下見到間cafe，入面幾靚咁，就行左入去。坐低後侍者積極招呼，遞上餐牌，由於非常肚餓，所以一個人叫左一碟意粉，一份梳乎厘，同埋一杯咖啡。蜂巢奶油梳乎厘日式鬆餅，以為係一般梳乎厘中間會空心，點知一食落去竟然係鬆餅口感，而且好有牛油香，甜而不膩。意粉最抵讚係佢用新鮮蕃茄煮汁，蕃茄味濃。macoccino朱古力味香濃但沒搶走咖啡原有味道，兩者香味雙輔雙乘，完美配搭。假期x悠閒下午。

因為farewell 同事，所以揀左間特別的餐廳我點了 all day breakfast! 加湯$15 同包一杯飲品！ 但係餐廳上菜時間太慢，對於只有一個鐘lunch hour 的人來說，最好等放假時候來食了！ All day breakfast 好多顏色👍🏻👍🏻 好靚！ 第一次食all day breakfast 有黎麥，個炒蛋應該不是普通的雞蛋，可能鵝蛋吧！ 因為個質感，不是平時雞蛋的質地，可惜有點over cook 其他配料都不錯👍🏻👍🏻👍🏻

咁岩經過附近，俾呢間cafe既外表吸引住，望落入面幾舒服咁，又見有咁多好評，就入去試下。叫左兩款甜品😍😍焦糖香蕉窩夫🥰超級好食！ 窩夫即叫即做，暖笠笠，外皮脆，好香！ 香蕉上面既焦糖好脆，又唔會太甜，好味！ 再加埋雲呢嗱雪糕、nuts同朱古力餅碎、搭配埋吉士醬，好好食，食到停唔到口🤭仲有叫左伯爵茶梳乎厘，第一次食梳乎厘，好軟綿綿，仲好有蛋香，好鐘意上面既伯爵茶cream，搭埋落梳乎厘度一齊食又幾夾，加埋d脆脆，都幾特別！ 甜品賣相靚又好食，值得之後再試！ ；）