HeySoNuts

营业中

休息中

好耐無去過 ❥⧽𝐇𝐞𝐲 𝐒𝐨 𝐍𝐮𝐭𝐬 ❥⧽ 喇, 記得剛剛開店嘅時候掀起咗熱潮, 好多人都嚟朝聖, 今日再去嘅感覺同之前相近, 坐喺窗邊位依然有種寧靜舒適嘅感覺, 不過只有60 分鐘用餐時間真係有少少趕。𓊈自家製蒜香川醬大蝦炒意粉𓊉蒜香川醬好特別, 有少少辣辣地, 充滿川菜嘅風味, 大蝦好爽口, 而意粉做到掛汁, 好好味。𓊈黑啤自家製煙燻豬腩肉意大利飯𓊉熱辣辣炸炸聲咁上碟好吸引, 本來以為只係少少酒味, 結果黑啤味太重, 個人唔係幾鐘意個味, 而且成個飯太多汁, 感覺有d 膩。𓊈窩夫配以焦糖香蕉及香草雪糕𓊉即叫即整, 所以要等一陣子, 不過賣相好靚呀, 窩夫脆卜卜, 配埋雪糕一齊食, 味道層次好豐富。✧✧ 食物屬於中規中矩, 如果可以有多少少用餐時間就會無咁趕急, 舒適d。

#_bigfoodbaby土瓜灣早喺土瓜灣未有地鐵時，呢間嘅waffle同pancake已經出哂名，吸引到唔少人慕名而來，到依家佢已經開埋姊妹店black coffee la,而佢原本嘅總店都仲係保持著人氣同水準👍🏻😋🌝提拉米蘇日式梳乎厘鬆餅 $102呢間主打甜品當然要叫甜品🤩梳乎厘鬆餅熟度整得岩岩好，入面充滿空氣感，幾fluffy👍🏻而且帶微微蛋香👍🏻而梳乎厘上面唧上咗tiramisu cream+可可粉，咖啡酒則另上，鐘意淋幾多就淋幾多，🤰🏻鐘意少甜口味所以淋哂🤣🌝蜂巢奶油日式梳乎厘鬆餅 $88原味梳乎厘，冇咗可可粉同咖啡酒，簡單配搭奶油同蜜糖，更能突出梳乎厘嘅蛋香👍🏻🌖薑味麻糬窩夫 $66窩夫外脆内軟，入面嘅麻薯亦好軟糯，薑味仲好突出，咬到唔少薑粒可惜🤰🏻唔太鐘意薑🤣所以食咗啖就冇食，留返比識欣賞薑嘅友人食🤣🌝窩夫配以自家製士多啤梨醬及士多啤梨雪糕（全份）$90冇薑版嘅窩夫🌝👍🏻窩夫真係好大份，外脆內軟充滿蛋香味，配上酸酸甜甜嘅士多啤梨醬同雪糕一齊食真係好滿足😋雖然呢間主打甜品，不過主食都做得唔錯：🌖海鮮黃薑意大利飯 $134黃薑香味幾突出，魷魚幾彈牙唔會太難咬，另外青口都唔會乾

疫情下都要等在多於40分鐘，4:40入座，就立刻下單了：意大利粉、芝士肉丸和我最期待的Tiramisu Cream Soufflé 另再叫了2杯凍飲，食到5:30， 遲過我入座的隔離枱都來了Soufflé, 於是問侍應，她說整跟，好！再等，一陣後，她就拿了Dirty Soufflé Pancake 過來說：不好意思整錯左，會唔會要，因為我一心來食 Tiramisu, 所以我說不要，麻煩整過，她說已經用哂Soufflé，我覺得佢局我要，真的很生氣😤， 因為下次要再排隊我是不會再排的，無奈地只有要了。 1） 明明我早過隔離枱叫餐，佢地就給了隔離枱2）唔追，都唔同你講做錯3）根本唔想再做一個新的說真食物味道是可以，但唔值得排咁耐隊，下次不了。

位置係喺土瓜灣靜靜的小街裡面的一間咖啡店，走摩登復古風格，室內亦有大片以前的布料為wallpaper，吸引影相打卡。好彩我係平日黎，所以唔洗等位！小鴨鴨tiramisu Mascarpone的份量非常多，我個人認為係太多，有少少漏！不過味道酒香和咖啡味都很溫和，唔會覺得非常濃味，一點也不嗆，吃下去的感覺非常軟嫩綿密，很creamy！所以係好食嘅，但一個人食就會太多！Tiramisu 疏乎厘算中規中矩，我覺得空氣感唔太重，帶點實在感，會似食紙杯蛋糕咁，所以有少少失望，同埋都幾貴，要$102，感覺唔算好吸引。同埋tiramisu味道有啲太濃，可能原味會比較好啲！

之前去HeySoNuts喺旺角嘅姊妹店Black Coffee覺得個貓耳朵幾好食，今次就試下本店。我同朋友等第一輪，開店前已有人排隊，店內有約30個位，不過都好快坐滿。(w/ 10% service charge)
🍽提拉米蘇日式梳乎厘鬆餅 Tiramisu Cream Soufflé Pancake ($102)甜品當主食嘅我一早鎖定左呢款，店家嘅梳乎厘鬆餅同旺角店一樣主打空氣感，偏濕同軟熟，唔係有彈性嗰款，帶微微蛋香。鬆餅面頭灑上大量可可粉，咖啡酒另上，按個人接受程度落，我鍾意落多啲中和返個甜度。🍽自家製煙燻豬腩肉芥末籽意大利粉 Homemade Pancetta Spaghetti w/ Mild Pommery Sauce ($136)見呢款個配搭幾新鮮就叫左，意粉口感煙韌，煙燻豬腩肉都幾瘦所以用啲力撕扯，落左芥末籽酸酸地幾開胃。🍽Dirty($45)幾好飲嘅dirty，入口有果香，同凍奶融合後口感順滑。🍽Hazelnut Latte ($42)朋友叫嘅無試到，拉花幾靚。

土瓜灣 人氣cafe呢間係土瓜灣名店 位於宋王臺站附近 當日平日大概12:00去到 唔需要等位～🍄松露油野菌忌廉貓耳朵$98 醬汁較creamy 非常香濃野菌味貓耳朵厚身 口感煙韌 每一粒貓耳朵都沾滿香濃嘅醬汁 而且餐廳唔吝嗇 野菌好足料～每一啖貓耳朵都夾雜住菇一齊食 大推🍓🧇士多啤梨雪糕窩夫$68 （半份）窩夫外脆內軟 蛋香味十足配合好豐富嘅配料：士多啤梨醬及雪糕 忌廉 吉士醬 士多啤梨粒 如果兩個女仔食嘅話 半份都足夠都係大推🤣☕️朱古力咖啡$48鍾意佢唔係好甜 但如果麻麻哋咖啡好重酸味嘅人未必啱飲～另外店員服務好好有主動加水同埋換碟😌📍Heysonuts土瓜灣北帝街147號地下 3 號舖

【土瓜灣人氣梳乎厘💛 有意外驚喜？！】推薦程度：●●●●●抵食程度：●●●●○———🐙 炸新鮮魷魚圈配自家咖喱蛋黃醬｜$118炸衣穌脆而唔厚身，裡面嘅魷魚食得出好新鮮，未點醬料已經好有驚喜🌟 醬料咖喱味係好淡，輕輕吊到鮮魷味又唔會喧賓奪主，鮮魷味比醬料更突出，令人喜出望外！但如果係期望香濃品喱味覆蓋成個炸魷就唔啱你了～🥘 黑啤自家製煙燻豬腩肉意大利飯｜$128☕️ Cappuccino | $40上菜嘅時候整碟都熱到翻騰，值得一讚！🌟 一入口就食到黑啤味同煙燻味都非常香郁，比例係1:1，好平均。由於坊間嘅黑啤味餸菜都食唔到黑啤味，所以已經好驚喜！呢個Risotto啱緊黑啤愛好者🍻 豬腩肉嘅份量不過不失，每舊都充斥住濃濃煙燻味，略嫌冇咩脂肪，唔夠油香同豬肉味～———🥞 提拉米蘇日式梳乎厘鬆餅｜$102少少意外佢係凍嘅？！口感唔算好空氣，唔太fluffy，少少似mousse，偏creamy。咖啡味剛好，香而不澀，唔會過苦；內裡嘅Rum酒味好濃烈；亦唔會有原味嘅蛋香。完美還原Tiramisu嘅靈魂同精粹，啱晒Tiramisu / Rum酒愛好者，但未必滿足到咖啡愛好者！

中午去土瓜灣搜尋名物，找了一系列特色餐廳，都在同一條街，12:00到達，其他餐廳都剛營業，只有這間餐廳入面比較多人，都知道非同小可。叫了:Benedict -用意大利包底，烘了香脆，蛋也原整流心，顯示出技術，荷蘭醬濃郁。蒜味川醬大蝦炒意粉-fusion菜的四川麻辣味道配大蝦意粉非常特別，大蝦略嫌太鹹，醃太久了。伯爵茶梳乎厘-梳乎厘鬆軟，但個醬沒太多伯爵茶味咖啡柚子梳打-這個是比較有驚喜，咖啡同柚子梳打的比例恰到好處，是用真的柚子蜜沖，還有柚子肉，冰量也適中不會沖淡咖啡味flat white-打花完整，味道正常無苦澀味，感覺較一般

而家有左屯馬線，去土瓜灣嗰邊都方便好多，今次一於試吓之前book mark咗好耐嘅Cafe～旺角其實都有一間分店叫black coffee，但見食評話原祖土瓜灣店質素最好，所以就試左e間先Tiramisu soufflé pancake $102彈力絕對係Max ！隨便郁下都係咁彈😂Tiramisu 味道好濃烈，酒味偏重，整體質感就好似食緊泡泡，入口即溶。但係個人口味就想佢多返啲實感焦糖香蕉法式千層酥配香草雪糕 $62全場最令人驚訝，亦都係CP值最高嘅食物！！千層酥做到好鬆化，但又冇油膩感，啲cream同雪糕夾埋味道好豐富❤️同埋size一啲都唔細，兩個人share岩岩好忌廉野菌汁貓耳朵意粉 $98野菌夠香，數量一啲都唔慳，忌廉汁就正常味道偏淡，貓耳朵外型好可愛，但質感就冇之前介紹過嘅Pici咁好，整體屬正常總結：其實餐廳嘅招牌菜應該係soufflé pancake ，不過千層酥意外地改變左我嘅睇法😂如果偏好空氣感嘅朋友應該都會欣賞個soufflé pancake , 但個人就鐘意空氣感+實感。絕對推介甜品🤩意粉相對就冇咁有驚喜，見隔離枱食豬腩肉意粉，size 細過猫耳朵，但價錢就貴$5

朋友想黎呢一間Café — HeySoNuts食野好耐架啦，今日就同朋友黎到訪一下，加上屯馬綫開通之後黎土瓜灣呢邊好方便，一齊食個甜品傾吓計！Waffle w/ Homemade Strawberry Jamand Strawberry Ice-cream全份窩夫配以自家製士多啤梨醬及士多啤梨雪糕 $90窩夫揀左全份會分成4件上碟，濃濃嘅蛋香味道，再加上入口窩夫格外脆内軟，配埋佢地自家製嘅士多啤梨醬同士多啤梨雪糕好正！仲有其他配料可以隨心配搭，包括：吉士醬、忌廉、Oreo餅乾、士多啤梨粒、脆片，非常之豐富！朋友叫左一杯咖啡，然後我就叫左一杯 Apple Juice 蘋果汁 $36

🥞自家製髒髒比利時朱古力醬日式梳乎厘鬆餅 配 焦糖香蕉🍌🍫果日同friend 去只係叫咗呢個食，因為之前食午飯食唔飽，嬲豬，跟住就去咗呢度，即刻開心返哂😂😂😂呢個一定要encore ❤️ 好味到癲！👍質感好軟熟，脹卜卜又彈下彈下😂落咗勁多朱古力粉同朱古力醬！邪惡到爆🤤🔥焦糖香蕉佢俾好多架，真係好滿足啊呢間整梳乎厘真係做得好好👏👏👏Perfect池 💯👏

📍Heysonuts - 土瓜灣-Bookmark咗呢間cafe好耐💛 一直都好想試下佢啲甜品～呢日咁啱有事黎呢頭 經過舖面見到難得地冇人排隊 終於有機會試下lu☺️☺️-🔸班尼迪蛋配自家製荷蘭醬 ($108)呢個egg benedict同出面唔同 佢個包底唔係用英式muffin (豬柳強嗰隻包)反而係用上左ciabatta 外脆內軟 個人覺得口感好好多～ 材料配搭十分恰當 煙三文魚既鹹香 加上極度流心既水波蛋 濃香蛋汁同自家製既荷蘭醬融入一體 被ciabatta吸收晒 加上畫龍點睛既菠菜 調味非常得宜 唔會過膩 啖啖都係對味蕾既滿足 絕對係係近年食過最好食既egg benedict! 🍳-🔸黑啤煙燻豬腩肉意大利飯 ($128)呢個risotto係用一個好熱既迷你鐵鍋仔上菜既 上菜既時候熱辣辣出晒煙🌬開頭以為啤酒入饌一定會令成個飯帶有苦味 出奇地第一啖食落好甜 餘韻帶有陣陣啤酒麥香味😋豬腩肉頗有煙燻味 而且令個飯充滿油香 生色不少🙌🏻呢道菜仲好巧妙咁加入咗啲酸菜 令成個飯既味道冇咁漏 可以輕鬆ko成碟😛-🔸提拉米蘇日式疏乎厘鬆餅 ($102)本身一心想黎食mochi waffle 但點知黎

土瓜環HeySoNuts大家都會話食佢既pancake 同鬆餅，不過我最愛就係佢嘅忌廉野菌汁貓耳朵，其實佢好多野食都好出色，不過次次黎都係唔駛諗一定要叫呢個貓耳朵。貓耳朵口感軟硬適中加上忌廉汁掛滿每粒貓耳朵，啱哂我口味，另外佢個egg benedict 自家製蛋黃醬同埋唔係配英式鬆餅，而係配法包，新配搭感覺都唔錯。而佢既咖啡都好多選擇同有誠意嘅，真係要試多幾次先試得哂，建議大家唔好好似我咁都淨係叫一樣食物，可以試多啲唔同款，而且餐飯設計都可以欣賞下。

HeySoNuts可算係土瓜灣區內最具人氣既cafe，以前都係區內居民幫襯為主，屯馬線開通之後，多咗好多區外人前往。當日我3點幾去，到離開餐廳嗰刻仲有人等緊位伯爵茶忌廉日式梳乎厘鬆餅🥞仲記得上一次去HeySoNuts既姊妹店Black Coffee，食到香橙片日式梳乎厘鬆餅，係一試難忘。帶住呢份記憶自然係有expectation，所以有啲失望，蛋白似乎打得太勁、空氣太多忌廉野菌汁貓耳朵意粉🍄呢一道貓耳朵意粉係必點，忌廉creamy，野菌味濃郁，沾滿醬汁既貓耳朵煙韌彈牙，不過比起之前稍稍失色柚子咖啡梳打想介紹下呢杯飲品，由柚子醬、咖啡、梳打混合而成，酸酸甜甜又有咖啡香，味道幾特別幾清新

依間嘅soufflé pancake同埋waffle都好出名，趁住呢個星期六日假期就去食，因為冇得留枱，所以我就專登揀下午茶時段，就少人啲。曲奇忌廉窩夫配朱古力雪糕我覺得佢真係做到外脆內軟，以前識好多間專食甜品嘅餐廳做唔到，但係佢可以。詞語朱古力雪糕正常，曲奇就真係比幾塊Oreo就算，如果做得好啲可以打Oreo入忌廉度就會更加好食。😋😋😋伯爵茶soufflé pancake雖然有啲人話咁樣係同食空氣冇分別，但我又好享受食到蛋味同埋佢嗰種食空氣嘅感覺。配伯爵茶香，再飲一啖咖啡，絕對係高級嘅享受。😉😉Dirty我都唔算識飲咖啡，覺得佢嘅咖啡偏濃，但飲到最後溝番奶味就好飲d啦。🥳🥳Hazelnut latte 以配甜品來講，我比較鍾意呢一杯，始終係女仔，會鍾意d 甜d既😛😛