HeySoNuts

营业中

休息中

//< HeySoNuts >小編好耐之前食black coffee已經知道呢一間餐廳同佢係同一個老闆～ 小編去開土瓜灣，就諗起要試下喇！小編星期六去，都要等20分鐘左右🙊————————————- 忌廉野菌汁貓耳朵意粉 $98 -好快冇食貓耳朵，呢度既貓耳朵煮得啱啱好🥰但有少少煙韌感！配埋幾香嘅忌廉野菌汁，好滿足！上面仲有少少核桃添架😋————————————- Waffle with caramel banana and vanilla icecream $80 -全份嘅窩夫非常飽肚，有四大舊😆外脆內軟，有蛋香味，幾好食🥰配料除左焦糖香蕉🍌、雪糕仲有吉士醬～ 由於等得比較耐，建議大家唔需要後上或者main黎到就好order喇🤪————————————- Tiramisu Soufflé Pancake $98 -疏乎厘略嫌佢仲生生地😅 但係上層的確非常滑，下層亦食到蛋香味～ 咖啡酒作用不大，份量亦相對少，覺得加左分別唔算非常大🙈整體okay～————————————- Iced Cappuccino $46 -呢杯Cappuccino面頭好多奶泡，但係奶味唔算好重～

#📍𝗛𝗲𝘆𝗦𝗼𝗡𝘂𝘁𝘀土瓜灣北帝街147號地下3號舖🔸 Waffle w/ Homemade Strawberry Jam and Strawberry Ice cream $80 (全份)🔸Tiramisu Soufflé Pancake $102🔸忌廉野菌汁貓耳朵意粉 $98🍒點評時間小丸子想留肚食甜品 所以只係叫左一個main🤣貓耳朵意粉多汁 小丸子好中意😋睇下大家中意食濕啲定乾啲啦甜品份量都巨量級🤣Tiramisu梳乎厘超級超好食😍朱古力粉味好濃咬落去又好鬆軟好正🤤Strawberry Waffle真係太多食唔哂🤫Waffle係熱辣辣送上黎👍🏻好多時食甜品啲窩夫都未必係熱🤭配上自家制士多啤梨醬perfect✔️不過大家想食就要早少少去排隊啦 😬好味指數😋：⭐️⭐️⭐️⭐️抵食指數😛：⭐️⭐️⭐️服務指數⚜️：⭐️⭐️⭐️環境指數🧽：⭐️⭐️⭐️

上次經過本想試，但因為屯馬線首日通車，太多人等位唯有放棄，今次再來終於可以一試佢哋嘅咖啡點選了一杯咖啡和一份甜品➡️Hazelnut Latte，女店員耐心講解，話佢哋嘅咖啡豆係用咗𝘾𝙤𝙨𝙩𝙖 𝙧𝙞𝙘𝙖 同𝙀𝙩𝙝𝙞𝙤𝙥𝙞𝙖 做 blending。飲落係帶nutty 亦都好香好滑➡️Homemade Tiramisu，口感軟滑，但略嫌鬆散，味道相對唔太突出除咗咖啡之外，仲有花茶，手搖冰茶同果汁可以選擇，飲品種類選擇算多總結就咖啡好多選擇，選用嘅豆亦都好，不失為一個飲杯咖啡嘆份甜品hea吓嘅好地方，但要收加一服務費，值唔值得就見仁見智

呢間餐廳嚟過幾次午飯時間過嚟都幾滿座有時候要等位餐廳環境佈置工業風🛢🪜得黎又好整潔燈光暗黃暗黃🟡🟡每次黎嘅必食配搭都係一樣貓耳朵意粉+疏乎厘班戟🥞+抹茶牛奶🍵忌廉野菌汁貓耳朵意粉🍽🍽貓耳朵意粉好煙韌忌廉汁香濃好creamy又有濃濃嘅蘑菇野菌味而且仲加入左合桃有口感得黎個意粉仲更加香😋😋提拉米蘇疏乎厘班戟🥞🥞係一食再食嘅好味過專賣班戟嘅甜品店入口係即溶tiramisu味濃又唔會太甜最欣賞係抹茶牛奶🍵🥛都唔會太甜但係又有淡淡的抹茶味，好香滑🥰🥰

土瓜灣站大約行5至10分鐘左右就到~叫左個千層酥，麻薯窩夫同埋All day Breakfast 香蕉千層酥配香草味雪糕超好食😋 All day breakfast有特色，總括嚟講，10分比8分，有2分係個位置偏遠🌚🌚😅😅

📌 HeySoNuts ~ 土瓜灣自從有咗屯馬線之後 去土瓜灣都變得好方便😍作為梳乎厘嘅愛好者當然就要試呢間😌亦都係 @blackcoffeehk 嘅姊妹店 之前食過法式千層酥都好唔錯😋裝修都係偏向暗黑風 裝修較為簡約🛠座位都幾多 但人流仲多中午十二點到已經見到一條人龍 好受歡迎😮餐牌選擇應有盡有 亦有多款甜品！午市套餐加$20就可以配沙律或者湯 再加飲品供應時間係逢星期一至五12-3 星期六日係冇㗎👀限時90分鐘 要預咗冇得坐好耐店員態度未算好好 食得好趕🥲想gathering耐啲就真係要諗諗佢🤨1️⃣ 提拉米蘇日式梳乎厘鬆餅 𝗧𝗶𝗿𝗮𝗺𝘂𝘀𝘂 𝗦𝗼𝘂𝗳𝗳𝗹𝗲 𝗣𝗮𝗻𝗰𝗮𝗸𝗲 $𝟭𝟬𝟮 (𝟴/𝟭𝟬)嚟到呢度就唔少得要嗌梳乎厘pancake🥞賣相超級吸引 即叫即整熱騰騰😍上面充滿着朱古力粉 層tiramisu cream好幼滑整體都好鬆軟 蛋香味十足🍳亦都可以因應個人口味加上咖啡酒☕️2️⃣ 窩夫配以焦糖香蕉和雲呢拿雪糕 𝗖𝗮𝗿𝗮𝗺𝗲𝗹 𝗕𝗮𝗻𝗮𝗻𝗮 𝗪𝗮𝗳𝗳𝗹𝗲 (𝗵𝗮𝗹𝗳) $𝟲𝟬 (𝟳.𝟱/𝟭𝟬)窩夫亦都係即叫即整 要等大概15分鐘～可以叫半分或者一份 半份份量其實都唔少另外仲有麻糬窩夫可

heysonuts位於土瓜灣 一直都係我土瓜灣餐廳list嘅首選～⁽⁽٩(๑˃̶͈̀ ᗨ ˂̶͈́)۶⁾⁾特別係佢地嘅梳乎厘同窩夫 作為一個甜品愛好者真係會不停回頭番泥食~回頭率勁高！好難得有一間餐廳嘅窩夫係做到外脆內軟 好有雞蛋仔味 份量比得上價錢 但就等得耐左啲🥲🥲😢店內嘅位置唔係太多 有時經過都會見到好多人喺出面等所以我地今次平日12點正就去左 唔洗等 但食完出泥已經見到門口好多人🤣🤣🤣🤣anyway 支持黃店💛⭐💛⭐🧇🧇希望多啲分店

Heysonuts 都算係土瓜灣名店，長期都多人，試過幾次去到見多人等都放棄左。今次weekend大約5pm 去到，唔使等又唔使住bar 台，毫無懸念就入座。因為都唔算太肚餓，所以兩個人只係點左三碟野食，包括炸魷魚圈，豚肉西班牙炒飯，同埋 tiramisu cream soufflé pancake，同埋兩杯野飲。魷魚圈炸得幾好食，唔會好油膩，而且魷魚圈亦啖啖肉，不過份量十分少，同張相爭好遠，睇相都知，得六件。而tiramisu cream soufflé pancake應該算係heysonuts 既名物，厚厚既pancake, 整得鬆軟又唔會太濕，味道亦都唔錯。Service 就一般般，唔會話太差，但亦都唔好。好似懶懶閒咁囉。

呢排都冇乜喺坊間食過滿意嘅疏乎厘班戟所以都冇抱有太大期望點知一試有驚喜提拉米蘇日式疏乎厘鬆餅 ($102)首先講返主角班戟口感鬆軟綿密有啖啖的蛋香咬落去唔會有好糊口或者太濕食得出有花過心機研究食譜鋪面既提拉米蘇cream唔單止有咖啡香仲有陣陣咖啡酒味甜度啱啱好旁邊嘅係Espresso倒埋落去又多一種口感大滿足唔怪得知咁多人介紹好彩我哋平日夜晚去先唔使排隊

話說好耐之前已經想來試，但由於土瓜灣呢個地方，位置唔算特別方便，所以一直冇黎。但而家又有地鐵，今日收工時間就同朋友過嚟試一試。呢度冇得book位，冇諗過平日嘅四五點都有咁多人，座無虛席。好彩我哋都唔係等咗好耐，就有位啦。知道佢出名啲甜品，但有少少肚餓，所以食左貓耳朵同小食。貓耳朵幾好食又唔細份，不過小食薯條同魷魚圈就相對失色，比較普通。最期待嘅甜品部分，點左Tiramisu，疏乎厘班戟，同麻糬窩夫。全部打卡一流，但份量同味道唔算好出眾。其實佢限時90分鐘，但由於我哋仲有個窩夫先啱啱上，佢無趕我哋走，等我哋食埋先，服務唔錯。不過嘢食普通，位置唔算方便，都未必會來第二次。

🧆HeySoNuts🥞 因為要飲嘅緣故所以山長水遠黎到呢個陌生地方人生應該第一次嚟土瓜灣🤣呢間一直好想試嘅cafe 咁岩喺附近冇理由唔試掛🤤🐱忌廉野菌汁貓耳朵意粉🍝有好多合桃碎同埋菇菇 d汁好creamy帶菇味 汁索得岩岩好不多不少 貓耳朵好煮得好煙韌👍🏻 不過整體未算好驚喜🐔雞肉漢包🍔配薯條Exactly 個名唔記得左😵雞肉啲鞋口 汁唔夠味 薯條都好一般下次不會叫🤣🥥椰汁斑蘭疏乎厘pancake🍍Pat cream係用新鮮斑蘭汁整！好香好好味！上面配埋椰子碎片 仲要燒過嘅菠蘿件碟🤤🤤pancakes 亦好出色又鬆軟又有蛋香！不得了🤗 下次會想淨係試甜品不過土瓜灣真係好遠🥴

同朋友相約喺heysonuts cafe聚舊，傾計，嘆咖啡，食甜品環境好舒服，清靜好適合傾計甜品好食！即叫即製，好新鮮熱辣香蕉🍌焦糖面 好食！加埋雪糕同埋Oreo 脆脆！非常之夾！友人食左 喇沙海鮮意粉味道出色！海鮮都唔少！咖啡都高質❤️👍🏻

食到外脆內軟既窩夫真係好難！但竟然比我食到🥸🥸🥸我真係好耐冇食過咁好食既窩夫。唔講咸甜，有d普通，但大家可以黎依到食個tea飲杯野，食甜品，真心正！叫左朱古力味，下次會試埋其他甜品！

✨Tiramisu soufflé pancake $98 🥞先講soufflé pancake嘅質感，上層非常軟滑，下層就較為厚實，但系整體感覺都好鬆軟☺️。味道上，個人認為佢好重蛋香味，加左咖啡酒之後更似tiramisu☕️，但系咖啡酒份量較少，所以食到一半就當普通pancake咁食🥞。✨忌廉野菌貓耳朵意粉 $102 🍝貓耳朵嘅質感到幾煙韌，忌廉汁都好creamy好夠味，野菌嘅份量都幾多，配埋貓耳朵食口感同層次都提升左🤤

☞ 呢間Cafe喺土瓜灣已經開咗好多年，又有朋友想食pancake🥞咁就決定嚟呢間Heysonuts喇～假日晏晝時間等咗15分鐘左右就入得喇👐🏻/ 我哋嗌左一個burger🍔同一個Tiramisu pancake，佢好有空氣感，但係唔會話食完好似食咗陣風冇嘢落肚咁。/ 蛋味唔算好重，但係兩個人tea time食一個burger加一個pancake都覺得好夠。/ 面頭有好多可可粉，再加上佢配埋嘅咖啡sauce淋上面，感覺非常Rich😋/ 整體嚟講不過不失，大家如果嚟開土瓜灣嘅都可以試吓呢間㗎～