HeSheEat (銅鑼灣地帶)

营业中

休息中

放工後約了好友晚飯，地點就在大家都方便的銅鑼灣地帶2樓的HeSheEat。餐廳一向很受歡迎，店員禮貌地安排我們入座。食物選擇頗多，無論小食、主食、甜品和飲品都非常吸引，最後我們點選了不同的食物開心分享。🐔 Honey Mustard Wings小食要了這款單骨蜜糖芥末雞翼，把每隻雞翼都一分為二，食時更加方便。雞翼外皮香脆，肉質仍是多汁嫩滑，淋上酸甜的蜜糖芥末醬， 十分惹味。🥘 紅花海鮮會意大利飯Seafood Saffron Risotto香煎帶子、爽口的大蝦、彈牙的魷魚、鮮甜的蜆肉、車厘茄等，配以軟綿濕潤的意大利飯一齊烹製，意大利飯吸收了海鮮的鮮味，香氣迫人。🥞🍨士多啤梨焦糖脆脆疏乎厘班㦸Strawberry Saffron Pancake單看外型已十分吸引，Q彈可愛 ，鬆軟班戟加上脆糖、士多啤梨果肉和忌廉，本已足夠，但我們還另加添一球士多啤梨雪糕（+$12）美味又滿滿甜絲絲的感覺。🍹🍹荔枝梳打特飲 Lychee Soda夏日炎炎，我們最喜愛叫梳打特飲，這款荔枝梳打特飲，冰凍又清甜解渴。

同朋友放工食飯，疫情期間限定個半鐘食飯時間，好正常。我18:14分先入座，朋友約18:32分到，期間聽到幾個侍應企埋一齊講，2個人食，坐咗好耐都未點餐（短頭髮個個男仔頭）。我當聽唔到，反正個半鐘一定走人就係！出餸快，啲嘢食0k嘅，約19:38侍應見我哋停低刀叉，即時行埋嚟收嘢，係無任何提示下喺你身後直接取走，趕你走，驚你唔敢走咁樣。服務態度真係極極極品差呀。其實可以講聲收餐碟囉，最基本嘅都做唔到！

HeSheEat 喺香港做咗接近10年，依然維持到水準，153好鍾意去食！👍🏻今次行行吓街想食啲輕食，就嚟咗 HeSheEat 喇～»»————- ☟☟ ————-««🍋 檸檬忌廉班戟卷 ($58)檸檬味道清新，焦糖醬濃郁，兩者平衡得好好😋 班戟卷煎得好夠薄，配雪糕有種冰火交融嘅感覺，正！🔥 唯獨係蜂巢蜜 (honeycomb) 比較甜，同埋有啲痴牙，153個人就覺得麻麻地喇～☞ 評分：7/10———🍧 日本牛乳刨冰（朱古力 / OREO 味) ($56)刨冰送到埋枱嗰陣，底下有啲乾冰冒緊煙，好有視覺效果😍呢個刨冰嘅冰好綿密，入口即溶，夏天食就啱晒🥳 啲冰仲有少許奶味，食落唔會冇味👍🏻不過食到最底先發現，原來個底有好多朱古力醬😂 如果店員上菜嗰陣，可以提醒客人將朱古力醬撈混嚟食，咁就更加好喇🙈☞ 評分：7.5/10另外留意返，餐廳設最低消費，每人一款食物或飲品💁🏻‍♀️———»»————- ☟☟ ————-««HeSheEat (銅鑼灣)🍴 餐廳地址：銅鑼灣記利佐治街2-10號銅鑼灣地帶2樓201號舖📍 分店地址：▪️ 旺角白布街22號藝興大廈地下4號舖▪️ 荃灣蕙荃路22-26號綠楊坊地下

係銅鑼灣買完嘢，都想食餐好💕見到哩一度嘅環境都幾闊落，而且都幾旺人，所以就嚟試下。🐮烤紐西蘭肉眼扒燒汁配上薯條$168 Grilled New Zealand Rib Eye Steak with Gravy佢嘅搭配幾豐富👍除咗有大大塊嘅牛扒之外，仲有香脆嘅薯條，同埋沙律，所以食落去夠曬營養。牛扒煎得啱啱好，🥩薄身嘅口感更佳。🍄黑松露雜菌春雞燴意大利飯$98Spring chicken and veggie risotto雞肉份量比我想像中大，性價比好高！🐤食落去都好香，而且雞肉軟滑，🍚加上意大利飯好有口感。🍵宇治抹茶黑芝麻梳乎厘班戟$108Uji Matcha Black Sesame Souffle Pancake濃郁嘅抹茶味，🥞更加有少少黑芝麻忌廉，所以兩者混合起身，既有茶香，又有黑芝麻香，口感唔錯❣️

夜晚食完飯九點鐘想食個甜品 就諗起sogo附近有呢間HeSheEat 就即刻上去問下仲有冇得食 好彩仲未收😆⭐️厚焗鬆餅 岩鹽焦糖配雲呢拿雪糕⭐️厚焗鬆餅 焗到外微脆內軟 有濃濃蛋香加埋鮮牛油 滿滿牛油香岩鹽焦糖醬 似拖肥味 味道唔太甜 楓糖清香甜 雲呢拿雪糕正正常常但配搭雪糕食 冰火交融都幾正嘅⭐️紫薯鮮奶⭐️忌廉厚滑 紫薯味略淡 奶味較特出⭐️朱古力咖啡⭐️比例都唔錯 奶泡唔算厚 味道正常總結💫甜品味道都唔錯 飲品普通環境半開放式 正常普通服務唔錯 態度幾好 價錢可以

- HeSheEat最出名係佢啲甜品(鬆餅/梳乎厘/刨冰)，另外仲有意粉&其他輕食 (可惜旺角嗰間執咗，但係荃灣仲有分店!)🥞Peanut butter chocolate banana hotcake with almond ice cream 朱古力花生醬焦糖香蕉厚焗鬆餅配杏仁雪糕 💰56 個名好長😹朱古力醬同花生醬係另上嘅～ 厚實嘅熱鬆餅配凍雪糕好正，鬆餅唔會太甜，兩個人share都得，性價比高😌👍🏼

🍽 Grilled New Zealand Rib Eye (Medium) + Spring Chicken Risotto + Avocado Milkshake + Uji Matcha Souffle Pancake 😋 今日同朋友約咗係cwb行街，dinner就一并揀番同一區~呢間Hesheeat係正地鐵站對面，交通上好方便！🥢 Grilled New Zealand Rib Eye (Medium) $168今次嗌咗五成熟嘅牛扒，有埋薯條比我地。牛扒肉質厚實，配上醬汁更顯風味。而薯條都脆脆地，分量亦都足夠比兩個人share，好抵食！🥢Spring Chicken Risotto $98諗住叫個飯試下先，今次就叫左黑松露雜菌春鷄燴意大利飯。鷄肉大塊，亦都食道好濃厚嘅黑松露味，再加上雜菌的點綴，實在不容錯過！Avocado Milkshake (+$30)跟餐加30蚊即可加配一杯野飲，今次我地就揀咗呢隻牛油果奶昔。味道清甜爽口，唔會覺得濟，會介紹所有🥑fans都試下！🥢 Uji Matcha Souffle Pancake $108抹茶味濃厚，又有黑芝麻cream同紅豆點綴，口

同朋友仔行銅鑼灣諗唔到食乜，一枱頭見到大大個招牌燈幾吸引，再望下openrice幾多食評就衝入咗去😂😂🐷烤紐西蘭肉眼牛扒配燒汁（配薯條) $168牛扒有得揀5成7成，我揀咗5成。有沙律菜同薯條做配菜成件事豐富咗，沙律菜有醋一齊食好開胃薯條都好脆😻個牛牛切開有啲生，似3成多啲，好彩平日我食開3成所以都ok，如果唔食得咁生嘅朋友仔要注意喇～牛扒唔靭少筋，依個價錢合格✅🐷黑松露雜菌春雞燴意大利飯 $98春雞份量好足！一髀一胸每件都有手掌心size咁大🍗risotto好有菇味但黑松露可以重手啲就正啲喇~🐷宇治抹茶黑芝麻梳乎厘班戟 $108依個班戟好多配料好有誠意😚有紅豆、抹茶醬、丸子、蕨餅、芝士脆脆、黑芝麻cream🐽班戟有蛋糕質感軟綿綿☁️配合埋每一啖唔同嘅配料超滿足😻🐷牛油果奶昔 跟餐+$30好creamy嘅奶昔，帶少少冰感🍦入口有牛油果嘅清新🍃 好似食緊成舊好熟嘅牛油果🥑感覺冇加好多糖啱晒我唔鍾意咁甜🐽整體覺得甜品同埋奶昔好有驚喜想encore，主食嘅話就不過不失啦🙈環境 🐖🐖🐖 3/5食物質素🐖🐖🐖🐽 3.5/5店員態度🐖🐖🐖🐖 4/5HeSheEat📍銅鑼灣記利佐治街2-10號銅鑼灣地

今次同朋友去咗食一間喺銅鑼灣都幾出名嘅餐廳。呢間餐廳就係HeSheEat啦，相信行開銅鑼灣都一定對呢間餐廳唔陌生。今次我就約咗同朋友食佢嘅晚餐。首先同大家介紹嘅係燒鰻魚滑蛋蓋意式紅飯，我覺得佢嘅份量都幾充足。鰻魚夠大條，而且食落都好新鮮滑蛋蓋飯嘅份量都夠多。之後想講嘅係佢嘅鮮魷魚火辣墨魚汁意粉，我自己覺得呢款意粉都幾有特色。真係食落就知佢用嘅墨汁係真材實料，食完一啖意粉，成個口都係墨汁架。至於喺burger 方面我就想介紹下個三重芝士大蘑菇黑松露牛肉漢堡，就咁睇其實我覺得個賣相夠晒靚，而食落果然同睇落一樣咁正。大蘑菇咬落夠juicy，芝士效果夠邪惡，牛肉口感夠扎實。最後就想介紹下個甜品朱古力三重奏，呢款甜品分別有朱古力慕絲蛋糕、朱古力心太軟同埋凍朱古力特飲。我自己覺得呢個配搭真係唔錯，啱晒鍾意食朱古力嘅人。誠意推介大家嚟呢間餐廳享用晚餐。

今次又來到he she eat, 銅鑼灣分站位於鬧市中，餐廳的裝修簡約時尚，今次被安排坐卡位，坐得舒適又有私人空間。單骨蜜糖芥末雞翼$45外表香脆，甜甜的，雞肉香滑，單骨雞翼方便吃，喜歡辣的可以選水牛雞翼，份量也頗多，很抵吃。火辣墨魚汁意粉 $88朋友很喜歡這道意粉，魷魚很淋，墨汁沒有腥味, 辣味也適中，意粉也很彈牙。三重芝士大蘑菇松露漢堡 配田園沙律$95三重芝士，邪惡香濃。漢堡扒煮得剛好，不會很乾，配上大啡菇,更juicy。入口有松露的幽香，沙律菜是火箭菜，很喜歡火箭菜獨有的香味，配上酸酸甜甜的黑醋汁，很是開胃。宇治抹茶黑芝麻梳乎厘班戟 $108梳乎厘共有四款口味，價錢也相對便宜。空氣感十足，抹茶甜度剛好，忌廉香濃幼滑，與紅豆最為匹配。芝麻忌廉，充滿芝麻味道，白玉及蕨餅，煙煙韌韌的，增加口感。整體來說，食物味道不錯，價錢也合理，下次會再來！

銅鑼灣地帶最旺的角落一定要數這間西餐甜品餐廳。之前吃過這間的Souffle Pancake留下好感，但原來Dinner熱食西餐的質素也很不錯，而且在銅鑼灣鬧市地段，定價也算親民不離地。難怪平日Dinner Time也人頭湧湧呢！蕃茄蟹肉牛油果莎莎配墨西哥脆片 $85本身已經是牛油果Fans，所以絕對不會錯過有牛油果作材料的菜式。清新Juicy的蕃茄與淡然油潤的牛油果是天作之合，蟹肉份量亦足夠，蟹籽與墨西哥脆片同樣卜卜脆，無論是味道和口感都很出色，正好是炎炎夏日刺激食慾的一道前菜。黑松露雜菌春雞燴意大利飯 $98燒春雞有雞脾和雞胸，外皮微脆並帶惹味的微辣，而且啖啖肉又Juicy，連厚身雞胸也不例外，值得一讚。黑松露雜菌意大利飯也很Creamy邪惡，黑松露味道突出，與雜菌Perfect Match，略嫌意大利飯煮得有一點點太軟，吃開硬飯就覺得少了點嚼勁。白菌煙腩肉溫泉蛋芝士汁鮮蛋意大利麵 $85初時以為是Carbonara的同類，但實際上只有Sauce的味道相似，但Texture不是Creamy，比較像濃湯汁。意大利麵也不是一般的圓麵，而是像伊麵般呈扁幼身淡黃色，口感較軟滑。整體平凡中又有

好早到所以未有客，招呼嘅姐姐已經無打招呼，無講嘢.個餐牌又舊又污糟，唔係好想掂.價錢以銅鑼灣來講ok,坐位靠窗可睇街景。叫咗個虎蝦意粉，味道ok,好重菇味. 嘢飲叫咗iced mocha. 杯係用即棄膠杯而且送過嚟時一句都冇講，就咁掉咗喺枱, mocha 完全無咖啡味。俾錢時店員黑面，多謝都無句,反而係找錢時我同佢講咗句唔該。呢間餐廳review 一直好好，試過後覺得還可以但如無必要應該唔會再去。

到銅鑼灣要去這間食飯及甜品，晚餐可以單点也可点套餐加$38加特飲。單骨水牛城雞翼，單骨雞翼食時非常方便，雞翼炸到脆卜卜後，加入醬汁，酸酸辣辣，很冶味。鮮蜆意大利飯，海蜆很新鮮，大大隻，意大利飯的汁很香甜，有濃香的牛油及蜆的鮮味，好好味。宇治抹茶黑芝麻梳乎里班戟，抹茶配紅豆一向都是絕配，再加黑芝麻雪糕，紅豆軟綿綿，芝麻雪糕香濃，而梳乎里班戟鬆軟，蛋香味濃，非常好味。檸檬柚子冰，酸酸甜甜，很醒胃。荔枝梳打特飲，很香荔枝味，少少甜，很清涼。

今晚同我的他去Cafe食dinner偽文青一下🤣嚟到呢間甜品好出色嘅HeSheEat，我之前食咗幾次，都覺得好味又抵食，所以帶他嚟😚首先點個我最愛嘅milkshake，香蕉拖肥奶昔$40。超香濃又新鮮嘅香蕉味，再加上甜甜拖肥，面層再加一大pat cream，實在太滿足🥰叫得呢個奶昔，對體重都真睇豁咗出去🤣我的他點了佢喜愛的沖繩黑糖菠蘿沙冰$40。我當然有偷飲🤣好清新嘅菠蘿味，好冰涼，好啱呢個天氣😚炸厚切黑毛豬滑蛋蓋意式紅飯$88。塊豬扒好有厚度，但炸得好鬆化，一啲都唔會硬崩崩，配埋個汁真係好匹配👍蛋又好夠滑，加上濕濕嘅紅飯，令我哋好開胃🤩仲有清新沙律菜，正😄三重芝士大蘑菇黑松露牛肉漢堡配田園沙律$95+薯條$10。超厚牛肉漢堡，非常香濃牛味，加上夠晒juicy，個包嘅皮好有特色，係似豬仔包口感，脆得嚟有啲煙韌口感，我倆都好鍾意❤️加上黑松露醬，好味得嚟個burger即時升格了🤣楓樹糖漿梳乎厘班戟$78+士多啤梨味雪糕$12。嚟到期待嘅甜品時間，呢度嘅pancake充滿質感，面層有煙韌感覺，內裡係空氣感，加上超香濃嘅楓糖漿，整體食落嘅感覺係好鬆軟🤤超級幸福🥰不得不讚嘅係，士多啤梨味雪糕係充

🔖 HeSheEat 係一間人氣甜品店，除左有唔同嘅招牌甜點之外，店亦提供各式各樣嘅義大利粉同其他輕食、熟食，今日嚟到銅鑼灣分店試試佢地嘅甜品飲品。 💬 日本牛乳刨冰 （荔枝乳酪）$56呢個刨冰一嚟到周圍出晒白煙，煙霧彌漫，好壯觀打卡一流，而份量偏少，但係味道還好，表面充滿牛奶嘅香味，而牛奶刨冰底下充滿咗荔枝乳酪，混合埋一口食落去，軟綿綿刨冰帶住荔枝嘅甜味同埋乳酪嘅酸味，簡直絕配。 💬 朱古力咖啡沙冰 $40沙冰上面有朱古力cream，香滑香濃，cream下有咖啡味嘅沙冰，令到成杯嘅沙冰味道昇華，由平平無奇嘅沙冰變成開濃郁嘅朱古力咖啡drink，令到平時唔飲咖啡嘅我都愛上。💬 芝士奶蓋芒果紅茶 $42佢哋嘅紅茶茶味濃郁，紅茶上面有芒果果肉，混合埋佢哋自家制嘅芝士奶蓋，又有果酸味又有甜味又有紅茶嘅苦澀味，絕對係一個完美的配搭，芝士奶蓋更加令到紅茶個口感綿滑。