HAND3AG (K11購物藝術館) (已結業)

今年新開既三文治專門店，見位置幾方便而且價錢都可以接受值得一試☺️ 三文治$45-$68不等，全部都好有特色，其實好多款都心思思想試，不過第1次食試下水溫，嗌一個皇牌三文治試下先～🔸蝦兵蟹將鐵板三文治 $65我黎到發現轉佐menu，而且睇返之前人地食既相，覺得佢宜家冇咁爆餡漲卜卜喇😖 而紫椰菜蘿蔔變佐生菜青瓜，賣相冇咁吸引～ 入面有原隻軟殼蟹、龍蝦沙律，配日式沙律醬汁感覺幾清新，不過個包都幾韌下有啲難咬，絕對唔係脆卜卜🤣🔸芝士水牛城辣脆雞手指 $38食落味道都okay份量就少啲得5條左右，同埋我唔係好食到芝士同辣🙊 感覺比較似炸吞拿魚手指，望落幾大條不過餡就唔算太多～🔸芝士韓式烤肉薯條 $38呢個烤肉碎汁同芝士好好食👍🏻 不過汁淋面薯條變相就唔脆，當食薯仔蓉咁都可以❤️ 另外佢有埋泡菜係側邊一齊食幾特別！店鋪另外仲有期間限定手切薯條🔸粒粒蜜桃檸檬特飲 $38飲品唔錯😍 真係有好多蜜桃果肉係入面，飲落去好清新，甜甜水蜜桃味🍑💕 檸檬就相對唔係好出！見到佢其他甜品飲品賣相都幾吸引，今日試住咁多先☺️▪️整體黎講都幾滿意，menu好多野食揀，會想返去再試埋其他嘢食🥰 店鋪環境好大，有得坐低慢慢食👍🏻

聽講打針前要食嘢先😆所以又去我好中意嘅HAND3AG食個營養豐富嘅早餐先😋 佢嘅三文治真係好足料，款式又夠多，breakfast set都幾抵食。$44就有一個set啦😋

要去尖咀做啲嘢。醒起呢間嘢就響D 出口隔離，又想試啲人講嘅叉燒拉麵三文治，就黎個快食。估唔到星期五晚都仲有幾多位剩。原來已經無叉燒拉麵三文治，同埋都貴咗幾多，五月時28蚊個湯，家下已經30幾。叫咗個監獄三文治。好快已經有得攞。雖然個包望落幾細，但啲料真係多到爆，同埋幾飽。估唔到肉丸+ Marconi & cheese + 薯餅+ 酸菜又幾夾😂🤣 個肉丸都幾滑，調味醬都多，成個好juicy 但個薯餅有啲位又會脆架喎！不過齋食係咸咗啲，要飲嘢。總結：貴又真係貴，但係好食嘅

※本文以用餐當日的環境、服務和食物質素為準，口味亦因人而異，文章只作參考之用。.終於食到人氣大熱的鐵板爆餡三文治🥰餐廳坐位闊落，亦都坐得很舒適！叫左兩款鐵板三治、兩個小食、飲品同甜品🥪加埋先二百幾 價錢很公道呢！落單後即叫即整法國飛甩鴨毛腿鐵板三文治，餡料好豐富！鴨腿肉、炸洋蔥圈、酸酸甜甜既漬蘿蔔同蜜柑肉。兩片麵包亦有烘過，所以食落覺得惹味又開胃呢！由於有紙包住三文治，唔會食到成手都係，很不錯！大嚿叉燒鐵板三文治，有食落甜甜的慢燒蜜汁叉燒，叉燒食落唔會乾柴又幾好食喎！當中仲有越式紮肉、法國肝醬同火箭菜等，不過火箭菜個種獨特既味道稍稍蓋過左肉的味道呢，所以較喜歡鴨腿肉那款！水牛城脆辣雞手指，魚手指見得多，雞手指第一次食，食落香脆，當中既雞肉食落少少辣很惹味，好食呢！最後仲叫左個檸檬味Croffle份量都幾大件，味道不過不失 價錢唔貴 一試無坊！😬..𓏽 買大嚿叉燒鐵板三文治 $58𓏽 法國飛甩鴨毛腿鐵板三文治 $68𓏽 芝士水牛城辣脆雞手指 $38𓏽 芝士韓式烤肉薯條 $38𓏽 Lemon Croffle $32𓏽 粒粒西瓜檸檬特飲 $38

HAND3AG 主打三文治，款款都充滿特色及創意，而且餡料豐富，份量又多！蝦兵蟹將鐵板三文治$65由酥脆軟殼蟹，小龍蝦沙律，甘藍菜沙律，羅馬生菜，青瓜，他他醬 及 俄式蛋黃醬 組成！呢個組合認真厲害，鮮味十足之餘，仲好滋味！歐陸監獄鐵板三文治$54由芝士通心粉，蕃茄肉丸，炸薯餅，甘藍菜沙律，荷包蛋， H3燒烤醬 及 俄式蛋黃醬 組合而成！呢個組合嘅三文治真係創意滿分，而且味道都唔錯！士多啤梨牛角窩夫牛角窩夫夠酥脆，加上士多啤梨果肉及大量忌廉，好邪惡！H3自家手切薯條（大） $30薯條份量非常之多！熱牛奶咖啡（細） $35咖啡回甘味重！熱焦糖鮮奶咖啡（細） $38加入香甜嘅焦糖，中和咖啡嘅回甘！

Hand3ag不嬲都有好多選擇、食物高質足料，呢排仲出咗新menu，嗱嗱臨去試吓🤤買大嚿叉燒鐵板三文治 $58 新出款式🚩 呢個又有叉燒，又有扎肉，啱哂食肉獸🙈 配上芫茜同埋醋漬蘿蔔絲，食落完全唔dry～芝士龍蝦汁通心粉 $78 成個通粉都好多蝦，但味道就有啲淡，可能另一款雙重芝士會再濃味啲！H3自家手切薯條 (L) $30 次次嚟都會叫嘅薯條🤭 厚切又香脆🤤日本蜜柑吉士忌廉法式吐司 $58 個吐司超厚身，好香麵包味🍞 蜜柑夠香甜，賣相同味道都一流👍🏻橙沙冰 $42 由橙、蘋果、紅蘿蔔整成，紅蘿蔔味比想像中更出，較平時嘅水果沙冰多一份清新感，同埋感覺健康😆如果你鍾意睇我嘅食評，不妨關注我，支持吓我，謝謝你☺💕

「HAND3AG」主打鐵板三文治，呢排出咗新menu，即刻去試下先😍.雙重芝士通心粉🧀通粉嘅芝士唔夠濃，味道就有啲淡🥺.HK紅白藍鐵板三文治🥪有安格斯牛肉漢堡🐮番茄🍅羅馬生菜🥬炸洋蔥圈🧅流心芝士、甘藍菜沙律🥗H3燒烤醬、藍芝士醬💙雖然望落唔算好大份，但都夠飽肚😬牛肉漢堡好有咬口，少少肉汁😆配料豐富.士多啤梨吉士忌廉法式吐司🍞法式吐司厚身，熱熱哋，加上吉士忌廉、雲呢拿雪糕🍦香甜士多啤梨🍓作為甜品好好味😋.韓式甜辣雞鎚🍗醬汁偏甜微辣🌶雞鎚外皮香脆，好有韓式風味🇰🇷.H3自家手切薯條(中)🍟薯條粗切，可以加少少胡椒或番茄醬已經好正🤤.熱泡沫咖啡(12oz)☕️香濃得嚟又唔酸👍🏻.粒粒蜜桃檸檬特飲🍹粒粒清香日本白桃🍑加埋檸檬🍋夏天飲就啱晒

見到menu多左幾款鐵板三文治，燴飯同通心粉，所以同朋友再黎食個晏！三文治揀左其中一款✨Oppa炸雞鐵板三文治✨即叫即製！三文治餡有炸雞、泡菜、生菜、胡蘿蔔絲，炸雞香脆多汁，好味啊😋芝士通心粉味道正常，再濃烈一點會更好本來見到IG有人食Croffle，但當日見唔到Menu有呢🥺所以揀左✨日本白桃吉士法式吐司✨熱焫焫法式吐司配上一球雲尼拿雪糕，冰火相融🤤飲品方面有沙冰同幾款消暑特飲🍹粒粒蜜桃檸檬特飲🍑粒粒西瓜檸檬特飲🍉都唔錯！加入左新鮮生果粒呢💦

每次經過都會想入去試吓，今次終於係冇乜人下午茶的時候試咗。店舖係以快餐店形式運作，坐位都算舒服。我今次就咁買咗一個包，賣相的確吸引，質素亦都唔錯個人覺得當下午茶都唔錯

為了早點回家休息，現在外出吃晚餐主攻速食。好多時候光顧的是沒有營養又沒有味道可言。今次在K11發現一間門口像賣衫的餐廳, 原來是賣三文治的餐廳。裝修以灰色水泥及白色為主色, 點餐及取餐處的牆身，明亮光線照射上去有點科幻顏色, 挺特別。近門口是放了高枱櫈外, 內裡還有卡位。整體來說帶給我空間感十足又舒適的感覺。-HK$62法國飛甩鴨毛腿鐵板三文治~非常多餡料的三文治,內有鴨腿肉、醋漬胡蘿蔔、蜜柑肉、炸洋蔥圈、青瓜等材料…第一啖哎下去帶給我的感覺像吃越式法包。外脆內軟熟麵包配上多汁的鴨腿肉, 醋漬胡蘿蔔令人胃口大開而蜜柑肉減輕香口炸洋蔥圈帶夾的罪惡感。-HK$62慢煮手撕豚肉三文治~軟熟又不攝牙縫的慢煮手撕豚肉配上鈣質豐富車打芝士、健康又高纖維的甘藍菜沙律、番茄及羅馬生菜。還有邪惡感十足的炸洋葱圈, 焦糖洋葱蛋黃醬、芥末籽蛋黃醬-HK$38自家製蟹肉忌廉餅~金黃色的外表, 內藏著軟綿綿又濃厚的忌廣及鮮味十足的蟹肉, 足以令我滿足日本旅遊的心癮。-HK$38韓式甜辣雞鎚~甜蜜中帶點火辣辣的感覺, 肉質堅實又不帶雪藏味。每份只有4隻, 對於一個愛吃雞鎚的我, 有點不夠喉。-HK$42紫沙冰~少

K11有間餐廳，食過印象都幾深，就係專賣特色三文治既Hand3ag。近排路過見到好多新品，d相影到好靚，忍唔住入去再試下。新品 法國飛甩鴨毛腿三文治鴨肉實在厚實，咬落去又感覺到一絲絲，本身調味都好好。仲配上蜜柑肉，簡直係畫龍點睛！另外配上一啲爽脆嘅青瓜、炸洋蔥、醋漬胡蘿蔔等，食落好fresh！照燒蘑菇釀雞翼燒到外面個皮焦香，入面個餡好豐富，有芝士同埋蘑菇，又有雞既肉汁，混合完啖啖肉正！伯爵茶鮮奶咖啡拉花拉到超靚，仲灑咗啲茶定係咖啡粉喺上面，打卡一流！伯爵茶味都冇蓋過咖啡味，呢杯我好鐘意佢哋而家多咗甜品！鍾意食甜品嘅我梗係唔會放過。我揀咗甜品櫃入面好搶眼既檸檬批。下面係用牛角包壓成嘅窩夫，口感好特別，又脆又煙韌，我覺得可以一試，賣哂就無架啦！我覺得呢個餐廳都好適合同啲朋友嚟傾吓計，食吓甜品，飲下野嘆個下午茶。夜晚就黎食full 啲試佢地招牌三文治。而且地方企理，員工又有禮貌，大推！

鹹甜皆宜，推薦特色香橙法國飛甩鴨毛腿口味～～～🥪星期六朝頭早起身，突然好想食三文治做早餐。本身想自己落街買材料自己整，但係大舊👦🏻話自己買材料咁麻煩，不如直接出街買。如是者，我哋就去咗尖沙咀嘅呢間本地鐵板三文治專門店食週末嘅第一餐。～～～睇過餐牌之後，最後我哋揀咗兩個鹹三文治，一個甜三文治，再加多一盒沙律。佢地有自助區比客人倒水，我地又戒緊甜飲，就無額外order飲品，自助區啱曬我地兩個水怪，唔使服務員幫我地係咁倒水咁尷尬🤣。～～～我地order嘅兩款鹹三文治分別係蝦兵蟹將鐵板三文治同法國飛甩鴨毛腿鐵板三文治。前者裡面有我喜愛嘅厚肉軟殼蟹，加上大量沙律菜，爽口蝦肉等等，入口好豐富，醬料份量剛好，juicy非常，很讚，沒什麼挑剔啊。而後者亦唔輸蝕，鴨肉份量豐富，而且有香甜橙肉配搭，感覺非常fusion有特色。～～～甜食方面，日本赤肉蜜瓜三文治嘅蜜瓜非常多汁，食得出係真係日本蜜瓜黎，但蜜瓜不是精髓所在，精髓係奶味濃郁非常嘅cream，雖然邪惡，但完全令人停不下來，唯有下次再減肥啦😆。～～～最後食到飽飽之際，就係食沙律解膩嘅好時機，$68自選3-4款沙律，我地就揀咗H3凱撒沙律、慢燒雞蘋果沙

轉左新配方由本身有特色嘅漬醃酸蘿蔔加紫椰菜絲變咗做無調味嘅生蘿蔔加普通青瓜生菜價錢不變材料變cheap薯條由手切有皮粗薯條變做無皮幼條雪藏薯條醬由可以加錢揀黑松露蛋黃醬變到加錢都無得要plain嘅蛋黃醬餐本身可以揀跟湯/沙律/薯條變到得返雪藏薯條五星級價錢麥記質素變到毫無特色可一不可再普通一個屋企三歲都整到嘅三文治伙記又hea得個經理好服務其他淨係識講 無無無問有冇意見書寫 都唔知如果想用百幾蚊食一個生菜三文治可以考慮

套餐 $103🔸歐陸監獄鐵板三文治以為會好麻煩 誰知一手拎得晒好企理 但又唔好以為佢好細件 其實食食下都幾飽肚😂 一定要一口咬落去 感受重重既口感 肉丸香 薯餅又夾返 個綿軟口感 有啲小通粉以為好奇怪 點知又好夾 蛋亦好味 菜又帶返清爽脆感 建議就是要趁熱食 大啖食🤪🔸玫瑰鮮奶咖啡（nutty)較預期大杯好飲 但甜左少少🔸北海道野菜薏米濃湯多手叫埋黎試 點知份量很多很足料😅 薏米非常軟糯 感覺像在吃「健康版」的雜菜粉 想飽又想健康加呢個岩岩好下次再黎試下其他口味🤩

我經常光顧此店，原因在於：1.位置良好此店地處K11，毗鄰尖沙咀地鐵站D出口，可謂十分便利。2.價錢經濟實惠三文治價錢40元至60元不等，各款小寫也只是30元左右。在尖沙咀來説，真的十分實惠。3.環境舒適餐廳裝潢十分簡潔，有足夠的空間讓人進食，我坐得很舒服。這次，我和幾位朋友一起光顧，分別點了Oppa 炸雞鐵板三文治，法國飛甩鴨毛腿鐵板三文治，慢調撕理食肉獸鐵板三文治。首先說說，Oppa 炸雞鐡板三文治，炸雞皮脆肉厚，韓式辣醬十分惹味。（我覺得可以再辣一點點），蔬菜新鮮，面包也有烘熱處理，就三文治的質素而言，可謂合格。第二份三文治是我朋友點的——法國飛甩鵝毛腿鐵板三文治，鴨肉普通，青瓜爽口，有趣的地方是，三明治內有甘桔，這種搭配很特別。第三份三文治是慢調撕理食肉獸鐵板三文治，肉質乾柴，但勝在在分量十足，配撘流心蛋漿及番茄蔬菜，十分可口。店內的設施：有充電插頭位置，洗手機一部，自助水吧（只提供清水）