Han Spoon (已結業)

韓國料理近年喺香港大行其道，周街都係韓國餐廳，事實上韓國美食又真係幾吸引嘅，選擇又多元化，小妹自問都被呢股熱潮深深影響，出親去同朋友食飯，幾乎每三次就有一次揀食韓國菜，嘻嘻~喺咁多韓式佳餚入面，我最鍾意就係年糕喇，唔好睇佢好似好平凡、好簡單，佢撞落唔同食材入面往往都會撞出驚奇，同埋唔同餐廳用嘅調味料都各有特色，所以即使係同一道菜，食落都會有分別，今晚就同好姊妹試左間新開嘅韓國餐廳，舖面同入面環境感覺都好正宗地道韓國餐廳feel，first impression唔錯~之前喺首爾食過地道嘅辣炒年糕之後，發現配料簡單、味道單純就最好食，而呢度食到嘅原味炒年糕，味道同口感同之前喺韓國食過嘅激似，咬落柔軟煙韌，味道辣中有甜，爆多汁，每條年糕都完全被醬汁包圍住，記得要趁熱食呀各位!!! 辣野最夾就梗係酒啦，所以叫左支幾易入口嘅米酒share~之後繼續encore年糕，order左個炆年糕牛肋骨，估唔到年糕又可以mix埋牛肋骨嚟食，認真百搭！用炆呢個方法感覺係可以好好鎖住肉汁，所以牛肋骨食得出好juicy，肉汁勁豐富，同埋已經煮到骨肉分離，所以啖啖肉好滋味~年糕都吸左少少牛味，所以唔會好淡口，一口年

韓劇實在太太太吸引，無耐前先追完一套《W兩個世界》，最近又追緊《雲畫的月光》，搞到成日唔夠訓~有睇開韓劇嘅人都會成日喺劇入面睇到D主角飲醉酒後，就會飲排骨湯作為”醒酒湯”，睇到佢咃飲到津津有味，自己都好想試下，今晚同朋友嚟到呢度開餐，見到有個” 首爾排骨湯”，入面仲有牛，出於好奇心就叫左試下。湯上到檯仲冒住煙，趁近日秋風起飲呢個湯順便暖暖身確實唔錯~嘗一口湯頭，味道濃郁，但唔會太膩或過鹹，最怕飲落似味精湯~排骨上面嘅肉比想像多同入味，而牛肉就非常嫩滑。主食叫左韓式涼伴蕎麥麵($120)，一熱一冷咁隔住食都幾得意喎，加上個湯已有咁多肉，所以就配搭個清少少多D蔬菜嘅~韓式蕎麥麵出名韌性極強，口感比日式蕎麥麵更有咬口，加埋D蘿蔔絲呀、青瓜絲呀一齊入口，口感層次更豐富，仲有成隻蛋，食埋感覺更完滿。

今日去左尖沙咀見客，個客好爽快開單，真係太好喇，於是去韓國菜睇下有咩好野食慰勞下自己先！見到呢度門口都有D人龍，咪走過去八下，然後侍應走出嚟問有無一位可以即刻入得，我梗係拿拿臨舉手啦，咁就比我攝到個好位，GOOD！望望Lunch menu，選擇都幾多，價錢亦算親民經濟，左睇右睇，睇下隔離枱食緊d咩好野，見到個牛肉飯套餐都幾吸引，一於照跟。首先嚟左幾款前菜，有泡菜、青瓜同酸蘿蔔，好開胃，好滿足，一人獨享，正！前菜未清晒，主角就黎到喇，即係影張相放上網share比fd睇先！牛肉份量都幾多，伴左好多沙律菜感覺更健康平衡，又有隻太陽蛋，肯定夠飽！牛肉好香口，咬落去鬆化夠juicy，一啖牛肉、一啖飯、再一啖菜咁樣輪住食，或者三合一mix埋放入口，都好滋味。邊個話一個人食lunch一定要食佬飯架？

近年韓國已經成為好多人外遊嘅熱店，而小女子亦喺短短幾年間成為咗一個超級哈韓族，鍾意去韓國旅行、買韓國衫、追韓星、化韓妝、食韓菜，真係完全中晒韓毒！！！呢排上網search知道佢地果邊興食一種新款炸雞，就係章魚加炸雞，聽落呢個海陸組合幾有創意，一心以為要下次去韓國先有得試，不過深知香港人出名夠快，我落去尖沙咀韓國街走一轉，果然發現已有餐廳引入，yeah，唔洗飛韓國都食到，開心死！同朋友嚟到店外等入座，都有啲人排緊隊，睇嚟香港人都真係好踴躍於試新嘢，所以都多人等位。入到去鋪面設計簡潔舒服，走時尚韓風。一坐低即二話不說柯打左份章魚炸雞，上枱時大大隻章魚攤喺你面前已經覺得好興奮，伴埋少少菜沙律可以減下油膩、清清腸胃。章魚超級Q彈唔難咬，雞同章魚都好入味，雞肉炸得好香，肉質亦好嫩。雖然章魚同炸雞完全唔同口感，但估唔到擺埋一齊入幾有化學作用喎！

EXO遲D會喺台北開演唱會，之前同兩個粉絲join埋一齊成功搶飛，今日就約出嚟傾傾我地嚟緊嘅追星之旅，實在係未出發先興奮！搵地方食嘢就自然揀返我哋最愛嘅韓食啦！LOL~呢度環境好韓式，完全覺得自己好似身處韓國，同oppa距離又拉近左一大截~今晚我地決定”一鑊熟”，就係將自家炒年糕+韓式紫菜粉絲卷+炸餃子放晒入個鍋度慢慢煮hea住食，一邊可以狂講EXO近況，超開心~自家炒年糕份量勁多，三個女仔食每人都可以食飽飽，年糕索晒辣湯既精華，鍾意食辣一定大愛~紫菜粉絲卷同炸餃子都屬於韓國街頭小食，之前去首爾食過，呢度都整得好接近地道風味。紫菜粉絲卷入味用料豐富，增加口感，而炸餃子浸過少少辣湯之後可以去油膩，感覺仲無咁熱氣添，讚！

同朋友行過韓國街見到呢間新餐廳幾有人氣，一向鍾意試食野就即管等一等。喺門口等入座嘅時候，睇到貼左張menu力sell三大鍋物，入到去叫左幾款小食，不過掛住食唔記得影相，淨係影左呢個「傳說的部隊鍋」($238)，可以一次過嘗到韓國香腸、年糕同即食辣麵嘅滋味。一上檯真係嘩嘩聲，因為真係超級大鍋，勁多配料睇見都即刻流晒口水果隻~其實都唔洗我多介紹，部隊鍋係同打仗有關，係d軍人想念家鄉，所以將唔同既罐頭食物共冶一爐整出呢個部隊鍋。入面有香腸、午餐肉、豆腐、年糕、金菇，同一d瓜瓜菜菜，浸晒喺熱辣辣嘅湯底入面泡住食，非常滋味。雖然d配料睇落唔係乜矜貴野，但難得就難得在普通食材都可以咁滋味，當然精華所有一定係最後落果個即食麵啦，食埋個麵感覺好完滿，good!

炸雞啤酒由幾年前來自星星果時已經hit到黎香港，而家成行成市都係韓國餐廳，要喺云云中突圍而出真係唔簡單，尤其係尖沙咀韓國街一帶競爭就更加係激烈啦！今日去到韓國街搵食，就發現又有餐廳搞搞新意思，推出叫做”章魚炸雞”， 220蚊一客，入面有雞柳條、章魚、薯條同薯格，相當豐富，份量十足。先試試d雞柳條，剛烤出來既雞柳外皮酥脆、肉嫩又juicy，點埋醬汁食又係另一風味，有韓式甜辣醬、茄汁同蜜糖芥末，最有特色自然係式甜辣醬。之後就試另一主角章魚，因為好大隻，所以店員細心地幫我地碎上方便食，章魚相當香口，咬落煙煙韌韌好彈牙，同朋友share就食得最開心。薯條同薯格同炸到脆卜卜，令到我完全忘記會有爆瘡既危險，一於狂食。仲叫左自家炒年糕($238)，因為韓劇既影響令到香港人都洗晒腦，成為必點熱門韓食之一，口味係微辣，口感層次豐富，連埋其他配料一大鍋咁撈物一齊食，認真過癮。

之前經過韓國街見到店外面貼住章魚炸雞已經想試，不過個次鋪頭仲未開門所以一直都未有機會食。今日同朋友唱完K之後，就決定去試下。係門口店員已經好熱情招待我哋入店內，一入到去，我哋淨係叫咗一份章魚炸雞。落單後店員送上前菜，不過我就冇影到相。泡菜味道好一般，太乾，芽菜幾好味，白蘿蔔我就略嫌太甜。主角終於上菜!有三款醬汁分別係蜜糖芥末，韓式甜辣醬同埋茄汁。而店員亦主動幫我哋將章魚剪開。有少少失望 炸雞並唔係想像中平時食開個種韓式炸雞，而係雞柳條，而且只有4-5條左右。章魚有點太咸同埋炸得有點乾，不過份量都多嘅。另外薯條同薯格就唔洗多提，都係普通貨。感覺唔算特別好食，不過係香港黎講 章魚炸雞都叫係少見嘅特色炸雞嘅，可以一試但唔特別推介。

星期六與幾位美女看完姊妹裙後找了個地方落腳經過看到這餐廳的海報上有大大隻章魚挺吸引就選定了這間！這個章魚炸雞章魚超大隻的！像水怪😂店員讓我們拍照後就幫我們剪開一小塊炸粉皮不厚，表面挺脆的不過好像有點過了火幸好裡面的章魚也沒有炸得太老太硬，不過鮮味欠缺炸雞是麥樂雞feel的炸雞，所以追求嫩滑肉汁的話要失望了....之後我們點了一個辣的餃子鍋餃子超太隻的！可惜餡料不是鮮嫩的肉，肉汁不足而且以韓式辣湯來說，這個是有點不夠辣了香、辣欠奉的韓式火鍋，老實說是有點失望了😞不得不提這個我們幾個女生一致讚好的炆牛肋骨牛肋骨炆得非常腍身，煮汁的甜味入味非常～而且牛肋骨份量超多的！幾個女生分著吃也能吃到3塊以上😚以這樣的質素份量來說$150實在是非常超值！當中還有煮得超入味的蘿蔔～是這道菜的靈魂之一年糕也是我個人十分喜歡的東西，不過年糕還是韓式辣醬比較好吃😛我們吃到最後店員突然送我們每人一罐米水第一次喝味道清清的！吃完炸雞後喝這個喉嚨挺舒服的！感覺這家店在食物賣相上有花功夫！而且服務也很好！不過食材味道方面如果再可以再加強就更好了！

心血來潮想食韓國菜，去到韓國街見到姐姐好熱情就入去試試。一看menu價錢唔算平，平均都是100以上一道，但份量很多所以是物超所值。牛肉拌飯，店員會幫你加醬拌好，不過拌完我們準備要吃時，另一個店員走來阻止我們，說醬下得不夠！然後又重新拌一次，服務很熱情。牛肉粉絲牛肉很大塊,而且滑,粉絲Q重頭菜章魚炸雞,真係被騙了!見到MENU細細份,覺得220$好貴,但都點來試試,點知來到咁大份!相入面根本係一半份量,仲有沙律同薯條薯格章魚原隻上,店員會幫你剪開細細件,配醬汁食幾有咬口,炸雞細細件,無骨但太細件,比例上肉唔夠多但炸粉多。兩個人食得好飽,因為實在估唔到份量咁大,3個人食都好夠!

韓式烏冬專門店。進擊的八爪魚，美味無骨炸雞。值得一試。一向有點兒「強迫症」,即是同一款菜式，一開始吃後，便會在一段時間之內不停吃來作比較。 前一陣子在不停吃韓國菜，特別是辣豆腐湯。我幾乎已吃盡整條尖沙咀一帶的韓國餐館。除了發現每間餐館辣豆腐湯的味道真的有很大分別之外，亦給我無意中發現了這間以烏冬和炸整隻八爪魚作為招牌菜的韓國餐館。事緣我一天午飯試了這裡的辣豆腐湯已覺得很飽(味道是不錯的,有點辣勁),但覺得這裡的烏冬和炸八爪魚很吸引,心思思, 最後仍點了一碗原味魚片烏冬來吃。由於很美味, 竟然把整碗烏冬吃完。之後一直想再來。有天便帶了數位想吃烏冬的同事再來光顧。Han Spoon 在這一帶算是頗為新的店鋪，裝修時尚。可能因樓宇結構問題，Han Spoon 是由兩個不相連但在隔壁的店鋪組成。店內乾淨舒適。侍應殷勤有禮。套餐選擇不小,價錢亦公道。比附近有些老牌韓店還便宜一點。但這次來的目標明確: 就是烏冬和八爪魚。上次試了原味，今次試泡菜烏冬,同時點了八爪魚炸雞。此物襯啤酒實在一流，但下午還要上班，所以忍痛不點啤酒。原味的魚片烏冬據說是傳統韓式小吃(Comfort Food) 之一，材料沒有

今晚同老公在韓國街隨便找餐廳食， 看過餐牌便走進這間餐廳， 我們點了辣味炸雞、 人參雞湯及牛肉炒烏冬。先上三小碟炸雞超好食，皮超脆，直情有卡嚓聲人蔘雞湯好好味個炒烏冬就非常一般了

環境：裝修得不錯，有啲工業風食物：叫完個lunch後會俾碗紫菜湯，紫菜係冇味嘅，但個湯就好重蒜頭＆黑椒味牛肉石頭飯：係好多筋嘅牛肉碎，碎過免治牛肉。冇乜特別冇驚喜嘅石頭飯八爪魚炸雞：雞炸過晒龍，炸漿勁厚一咬就甩，同舊雞係完全分離。但係八爪魚就OK，煙煙韌韌好有口感，而且好香燒烤味。旁邊嘅薯條加上芝士粉，應該係絕配但可惜佢係凍嘅.... ＄220食呢個真係.....！！！！！！！！！ 服務：要講英文，service普通食過一次可以唔需要再試，香港食韓國野的確幾易中伏

本來是很期待食這個韓餐的, 想不到打電話說我們三個人是買了二人餐時,對方語氣凌厲要求我另外要加餐。我覺得沒問題當然答應。但想不到會被要求入席後把其中一個成員移到另一張枱容納他其化顧客, 其實我根本沒打算不另外叫餐.團購餐寫著的是六道菜, 其實共有五道,  因為菓汁也計算在內.   此外, 叫的是整個魷魚筒加炸雞,  味道當然和韓國食到的有距離, 不過因為賣相好,  其餘桌子的客人見到 都跟隨我們叫同一款.  店家是不是應該感激我呢?總括來說,  我不能說他的食物可取,  而服務質素算也罷, 如果他們是韓國人不打算說廣東話, 希望他們能聘用一些會說廣東話或者希望他們的員工能好好學英文.

以前韓國菜未普及, 就會常常到金巴利街食韓國菜。到現在港九各地已經開了大大小小很多不同形式的韓國菜館, 唔需要再特登走去金巴利街覓食。今晚人在尖沙咀, 決定去金巴利街食韓國菜, 我就選了這間, 因為之前未見過的又未食過, 裝修還很新淨的店。我們2人分別點了炆牛肋骨肉飯和海鮮炸醬麵! 點菜後, 侍應就上了3碟前菜, 包括有泡菜:不辣, 微酸; 青瓜, 都係有輕微的酸辣味; 和薯仔條, 有淡淡的咸味, 味道尚可的。炆牛肋骨肉飯($110)上枱先, 是碟頭飯形式, 碟邊放滿了沙律菜, 但沒有沙律汁, 另外有伴碟蕃茄, 應是剛從雪櫃取出, 咬下去很凍啊。有隻煎蛋向飯面, 但係主角炆牛肋骨肉好韌, 韌到咬唔開, 亦未煮入味。另一碟海鮮炸醬麵($95)上枱,海鮮主要係魷魚和青口, 麵唔會煮得剛好, 有彈牙口感, 伴有薯仔粒和洋蔥都入左炸醬味~ 但炸醬汁比較流和淡, 不太夠味, 能跟麵撈好。這餐很普通, 價錢又不便宜。比較嚇人的一幕, 食完飯埋單後, 我們正準備離開, 而不懂廣東話的侍應也順便收走枱面的用具, 因我們1人食1碟食物, 原先向枱上的其中1隻碟係冇點用過, 用肉眼是看不到醬汁和食物殘渣,