Han Spoon (已結業)

依晚去The One睇戲，事前緊係要食飽啲！6點半到附近啲餐廳已經開始越黎越旺，黎到金巴利街，就入咗依間韓國餐廳一試。平時出面食啲海鮮煲、海鮮麵都係最多得青口、蝦仁，依個煲有嘅係原隻墨魚！係對視覺嘅衝擊！味道黎講上面加咗香料，令到入口唔會咁重油炸味。個人本身口味偏重少少，成個煲對於我黎講就唔夠入味，不過友人就覺得啱啱好！香港人口味黎講係唔錯！炸雞炸薯條炸薯格炸章魚！一次過試晒！粉漿唔算好厚，炸野永遠啱啱炸起即刻食最香口最好味！芝士包排骨，感覺煙煙韌韌口感一流！就咁食就一嚿起兩嚿止，不過配埋麵沖淡個漏嘅感覺，食多兩嚿都仲得哈哈！

I came into this restaurant because it had nice pictures of their food from the outside. Upon ordering, I found that their dishes are very very small and therfore makes the price extremely expensive for the portion. Also, the taste of the rice cake was bad, with the texture of the rice cake being mushy on the outside which indicates it not being fresh. The bibimbap, omg that's small, it can probably feed a small child. The hot sauce is very watery and not of Korean tastes.

睇完男朋友打波，佢地成班男仔要食返大量肉類填肚，於是我呢個韓國通就揸主意近近地揀左呢個地方落腳，仲叫左好幾款美食大家開心SHARE，最美味就有以下呢幾樣：鐵板LA排骨：韓國牛排骨有兩種切法，呢種LA就係其中一款，橫切牛排骨成薄片，好處係醃起黎更快入味，烤起黎更快熟，食起黎口感更嫩又輕盈，有少少入口即融FEEL。排骨四周有骨膜包住，食完肉吮埋骨頭再食筋膜，好有嚼口，YUMMY~煎餃子：一睇就知，煎到個皮勁香脆，皮薄餡靚，一啖咬落去好JUICY，同超市買番黎果D餃子好唔同，好實好有口感，D男仔好誇張咁話：自己食一打都絕對唔成問題！韓國豬蹄肉：豬蹄去晒骨，鹵得好入味，食落鮮嫩，難得係唔肥膩，豬皮烤到焦香，令味道更突出，加埋濃香既醬汁一齊食就更加滋味，仲可以趁機補充膠原蛋白添!!!真係要套用韓國人既愛用語：「大發(대박)！ 」

跟好友一心想食韓國料理~所以前往韓國街~經過平時很多人等位的Han Spoon今天竟然有位~當下就決定一嘗這間小店~我們一行4人，總共叫了四款食物~整體味道都是不錯的~首先一定要推介的一定是以下這個!香蔥醬油(無骨)炸雞  約$100超好味~有一點點辣...整個醬油很開胃!韓國魚串湯  約$80海鮮炸醬麵   約$95個人覺得味道比想像中一般泡菜炒飯 這個也滿推介的~味道不錯，而且也不會太辣!不太能吃辣的朋友也可以試一下喔~不過，由於說了是小店~菜上完了~...基本上吃飽了...不用你們叫，他們已經直接遞上單據!意思已經很明顯了，所以這應該算是缺點之一吧~

香港人出晒名”三分鐘熱度”，樣樣野都係興一陣就好快被人遺忘，但偏偏韓風不滅之餘仲越吹越勁，睇下韓國餐廳越開越多就知啦。今日LUNCH同好同事黎左呢度撐枱腳，兩個韓迷邊歎韓食邊討論近期大熱果套韓劇”鬼怪”，真係勁開心呢~睇睇餐牌都有幾多選擇，我揀左鐵板烤辣豬肉配大醬湯。去過韓國就會知，其實比起牛肉，喺韓國豬肉更受歡迎。鐵板上好正，滋滋作響熱氣騰騰，好香好惹味，熱辣辣真係好FIT凍既天氣食，我認為豬肉跟辣味最夾，肉質乾爽，辣香味濃，係白飯既最佳拍檔。喺韓劇或者綜藝節目入面，成日都聽到”大醬湯”、”大醬湯”，試過既人都會同意佢好似日本嘅味增湯，料好多，海鮮、豆腐、青椒、香菇、蘑菇、大白菜、姜、大蔥等，好滿足，味道比較重同濃厚，冬天飲勁暖身。本身好怕凍，食完呢餐出一身汗又減壓，GOOD~!!

天氣凍, 自然然就想食啲熱辣辣既野, 弟同女友都好鍾意食牛肉, 以兩口子帶埋媽子黎呢度食特色少少既牛肉類美食.呢個蘑菇牛肉火鍋($248)幾似日本既壽喜燒, 睇到鋪滿晒唔同既食材真係好興奮, 阿媽成日都鵝我唔食疏菜, 但呢個鍋入面既疏菜我就勁鍾意食, 因為索晒湯同牛肉既精華, 種類又多又豐富, 菇好好味, 裝滿成個碗連埋湯一齊食最正, 牛肉又腍. 相當滋味, 大家都食得好開心.呢個炆年糕牛肋骨($158)對阿媽黎講非常有新鮮感, 佢話牛肋骨整得入味又軟腍, 輕輕咬開已經骨肉分離, 年糕勁煙韌.再試埋個香蔥醬油炸雞($98), 無骨真係好, 啖啖肉, 無普通炸雞咁dry, 個汁好味, 令雞肉更香口.

今日心情欠佳，就決定不跟大隊食頹飯，Lunch自己一個人去搵好野食，兜下兜下撞左去韓國街，周圍望下揭下餐牌，最終落戶呢間小店，因為比我睇中左其中一個set lunch：鐵板LA排骨配海鮮軟豆腐湯($108)，有齊我最鍾意食既牛同海鮮，食完心情應該會好返晒，haha~鐵板LA排骨切成薄片狀，非常香口，食落好juicy，用佢黎送飯真係無得頂，份量亦恰到好處~至於個湯我就留返最後先捨得飲，留到最後佢都仍然保持到微暖既溫度，呢個時候飲啱啱好，唔驚會辣親個咀~個湯辣得黎又飲到海鮮既鮮，豆腐又可以平衡返d辣味，細食d既女仔可能真係會食唔晒，當然本人就梗係食到一粒飯都無得淨啦~與其放負，不如好好享受一個人既歡樂時光，食完呢餐，正能量極速歸位~

做朋友臭味相投就最開心，而我跟我的朋友，就是「辣味相投」，大家都是無辣不歡的，不過有人喜歡川菜的辣、有人愛泰菜的辣，我就是韓式辣的忠粉了！今晚由我帶路開餐，朋友們還讓我發辦，太好了！還未將自家芝士超辣雞肉撈勻之前，朋友未感受到它的厲害之處，一旦將雞肉和芝士撈勻，火紅熱辣辣的噴火感覺即時呈現，嫩滑的雞肉吸盡辣汁的精華，入口又滑、又熱、又辣；而自家韓國芝士辣豬排骨則跟雞肉不同，雖不是啖啖肉，但吮著骨斥著肉又是另一番滋味，加上芝士的拉絲效果，層次豐富。另外點了個泡菜豬肉炒飯，起初朋友還擔心用泡菜弄的炒飯會不會一味只有鹹和辣，幸好味道還算平衡，還嘗到醬香和鍋氣，加上有大大隻流心太陽蛋，滿滿的幸福感隨之而來。這餐食到滿頭大汗是常識吧，喜歡吃辣的人真的會滿足到無法形容。

聖誕節期間食咗好多西式食物，所以今日就想食番啲亞洲野。想食韓國菜，嚟到尖沙咀金巴利街行咗幾間，見呢間價錢唔貴，食物睇落OK就入去試吓啦。店員全部都係韓國人，不過都識得講簡單廣東話同埋流利英文， Menu當然就係中文啦。呢間店逢禮拜一至禮拜四都有一樣菜式係特價，我食嗰日就係韓式豬手七折，不過如果兩個人叫碟豬手，之後應該咩都食唔落，所以最尾都冇嗌到。我哋叫咗一個泡菜牛肉飯，泡菜餅同埋一個炸雞沙律。餐前先來三小碟, 味道OK ,不過應該冇得refill。不過唔緊要，因為泡菜牛肉飯好快就嚟左啦。都好味，同出面食嗰啲差唔多，冇咩大驚喜，亦都冇咩唔好。泡菜餅就比較細塊，不過食落味道都OK。至於個沙律呢，炸雞幾好味，菜都新鮮，不過啲沙律醬真係太多啦。間店分開咗兩邊中間係廚房，唔知點解係鋪頭越坐越熱，而且油煙越來越大，如果可以改善下個抽風系統就好啦。

天氣凍 去完aia 諗住食過部隊鍋，去韓國街搵食，見呢間多人食，就去試下，點知極度失望，價錢貴 而且食物質素好差，材料都係好普通，又吾入味！食過不少部隊鍋 都未試過禁難食 徹底失望！！認同上一篇食評，五個字： 又貴又難食！

今日同男朋友去尖沙咀韓國街食韓國野，見到附近都係呢間最多人排隊，食評都話唔錯第5張枱，大約15分鐘就可以入座，都算幾快但一入到入面，條路勁窄，岩岩够一個人過，比嘅張枱都勁細，幾乎同隔離枱係貼住咁坐望下餐牌，全部都差不多100蚊起跳，小食更是200左右，而且有好多出面通常會配飯，但呢間竟然無，例如人參雞湯都要150蚊。最後叫左一個芝士辣雞肉，套餐有韓式拌飯+泡菜餅，見到隔離枱叫左個辣豆腐湯配飯，個豆腐湯份量勁少一落完單每張枱都有小菜3碟，芽菜，泡菜，仲有中間係蛋沙律真係未食過韓式前菜有呢樣，味道仲要一般等左5分鐘，侍應拎左個迷你gas爐上枱，一放上枱，幾乎已經霸左成張枱之後芝士辣雞就放左上gas爐度，望落好似好好食但其實食落啲雞肉係有一陣冰鮮味，而且就咁食有少少鹹，芝士要快食，如果唔係會硬跟著上枱係泡菜餅，見到個餅其實已放左去隔離枱，個餅其實幾好食，好脆，好薄最後到係拌飯，揀左豬肉，一上枱，個姐姐會幫你撈啊撈，幫你落埋辣醬，再撈，明白你要有服務，但呢啲野都係自己做返會好啲最後埋單304，真係都幾貴，其實貴真係唔緊要，但質素真係好唔掂囉無下次，完全比食評呃左

貪著數可以話係人之常情，同朋友喺TST遊盪，心大心細諗緊食邊間嘅時候，就比我地見到呢間適逢星期二有幾款菜式有8折，咁既然啱啱遇著剛剛，一於就試下有優惠嗰D啦！先以免費嘅泡菜同芽菜作為前菜，開胃無比，食住等主菜上台，心情大好。逢星期二有一系列鍋物都有8折優惠，有部隊鍋、餃子鍋同蘑菇牛肉火鍋，我地就揀左原價$248嘅蘑菇牛肉火鍋，份量都唔少，兩個人SHARE食特別開心。個鍋物有勁勁勁多蔬菜菇類，堆到滿滿一鍋，未食已覺好鬼有益健康，試啖湯底好有味，粉絲索晒湯夾落牛肉度一齊入口寧舍正！另外招牌菜章魚炸雞星期二都有8折，朋友話無理由唔叫埋，咁又係喎！見到豬蹄肉星期四有7折，下次夾到日子再黎試先！

一直懷疑自己前世到底係咪韓國人，如果唔係點解會咁鍾意食韓國料理呢？可能就係鍾意食辣同酸卦，今日黎到呢間新新地嘅韓國餐廳，都離唔開呢兩種味道：泡菜煎餅煎到外酥內軟，有韓式泡菜嘅酸辣香味，混入埋洋蔥同青蔥嘅清甜，好輕爽可口，有種欲罷不能嘅感覺！蒜辣海鮮湯麵大大碗送到上枱令人流晒口水，唔好睇到碗麵咁血紅就驚驚，因為入面加入蒜，中和左辣味，所以除左食到辣仲會食到陣陣辣香，湯中仲充滿住蝦、青口同魷魚等等嘅鮮味，用料好豐富。如果下世可以做韓國人就好喇，日日與辣為伴~LOL~

人一有壓力的時候總想吃好吃的，所以跟同事連續OT兩星期後，我們決定來這家韓國餐廳大吃一頓減壓、踢走悶氣…韓國人都很喜歡喝酒，聚餐的時候桌上都會有一瓶，我大愛米酒，感覺是將酸、甜、苦、澀等味道完美調和；酒量細的朋友選了桃味米酒，清新的水果酒酒味不太重，易入口，又有陣陣香桃味，飲完一瓶也不覺醉。海鮮蔥餅可以說是韓國男女老幼都喜歡的人氣最高美食，簡單鮮美的味道兼營養高，蔥餅配米酒就成了韓國人天造地設的飲食組合。麵餅上放上很多蔥和各式海鮮，煎得香脆。泡菜湯是一道具有韓國特色的料理，主要由泡菜加入雞肉、豬肉、薯仔、麪豉等等，口感溫和，開胃的泡菜配上有彈性的豬肉，暖身暖胃也是一流。韓式餐廳的牛肋骨肉都是連骨帶肉的捲成一塊送上來， 牛肋骨的骨邊肉富嚼勁而夾雜油筋的口感，沾一點醬再夾入生菜吃就是美味；泡菜辣炒豬肉又香又辣，酸酸甜甜味道豐富；韓國春川辣炒雞排有肉又有菜，甜辣味出色，單吃或夾生菜吃是完全兩種風味。大飽口福後，真的完完全全忘記了工作的煩惱，感動！

同HONEY喺尖沙咀試完婚紗，佢就話順便喺呢頭搵好野食，佢知我一向鍾情韓國文化，婚紗都要揀韓式既，所以就揀左呢間韓國餐廳開餐~嘩，睇睇MENU，會唔會太邪惡先？對我呢位準新娘黎講實在太殘忍喇，好多樣野都好吸引，係咪要人爆裙先安落空？不過HONEY話唔緊要，幾肥佢都娶，好，有你呢句，人地就放心食喇~自家韓國芝士辣豬排骨係濃郁嘅芝士包裹住微辣嘅惹味排骨，別有一番滋味。 夠膽將一整盆芝士放上枱，好似Mozzarella cheese呢D堅係heavy嘅食物， 居然放滿左大半個盆!! 加埋沾滿辣醬、烤得好香嘅辣豬排骨，辣味剛剛好，仲好細心用個火去烘住，保持食物嘅溫度。微暖半溶嘅芝士，只可以話係邪惡度爆晒燈！我鍾意食泡菜，HONEY就鍾意食芝士，所以呢個芝士泡菜煎餅兩口子都好BUY，芝士爆多，加埋濃濃嘅泡菜味，令人回味無窮。餅底比較薄，邊位有小小脆，所以口感好脆卜卜。係咪齋聽已經覺得好邪惡呢？未算，仲有個章魚炸雞，成碟都香、脆、酥，而雞肉就軟嫩、細膩、多汁，配埋香口章魚，口感同味道都好有新意。哇~~~~~~呢餐絕對卡路里爆表，跑10粒鐘都唔得掂，再咁放縱落去我會不會將婚紗穿爆架？唔諗LUU，豁出