Han Spoon (已結業)

上幾個星期日，睇飲食節目介紹韓國既部隊鍋同紫菜捲飯，睇完就令我極度非常熱切希望可以食，不過公司附近又無乜韓國餐廳，所以一直都食唔到，直到今日喺尖沙咀果頭文收，先終於有機會可以去”韓國街”搵食咋~!!!左揀揀右揀揀，最後make sure呢間小店有果兩樣美食，我就入去坐低，餐牌都唔洗望，就即刻點左辣部隊鍋拉麵同捲飯。送到黎就梗係要影返幾張靚相先啦，實在好感動，好耐無食過咁豐富既lunch喇!!! 我知好多人都對部隊鍋有偏見，認為只係一堆好平既野執埋一齊，咁其實All-Day-Breakfast咪又係咁，大家又咁趨之若鶩？我以前都對部隊鍋無乜好感，但自從喺首爾食過之後，就覺得雖然唔係用d咩好特別好矜貴既配料，但你唔好理，夾埋一齊就係好有化學作用令人食指大動，個麵就直頭係主角喇，食過既朋友就明白果種吸引力架喇! 呢度既配料都幾多幾足，個湯底確實係幾辣下，不過咁先夠正宗先有地道韓國風味嘛!再配埋個捲飯，甜甜地又好香口，肉既味好出眾，一件又一件入口，唔覺唔覺就會KO晒成碟。

前排家姐生左BB，成家都有豬腳薑食，我先發現原來豬腳咁正，味道獨特又營養豐富，完全係女人滋補必食。然後食食下令我諗番之前去韓國有條豬蹄胡同一條街，幾乎間間舖都係食豬腳嘅，好多本地人放工之後就會聚集喺呢度閒聊，飲燒酒配生菜包豬腳，好有風味！今晚來到這裡，好開心可以重溫呢份味道，叫左份韓國豬蹄肉，份量十足，豬蹄呈現出油亮亮嘅表層, 淨係睇都令人流晒口水。中國人食豬腳同韓國人嘅style完全唔同，中國人係成隻攞起黎食果隻，而韓國人就將豬腳切片，再包入生菜包入味食，仲可以按個人心味點唔同嘅調味醬。由於d醬料係自家製，每家整出黎嘅味道都唔同，正正就係特色所在。呢度嘅味道同我之前喺韓國食過嘅好似，豬蹄肉好入味，包住生菜入口，感覺無咁膩，所以可以令人食到好多件。 焦脆嘅猪皮混合軟綿嘅脂肪，鹵香嘅味道令人回味不已。

和一大班朋友來這裡gathering，點了很多美食一齊分享，實在非常高興盡情，當中最令我食指大動的韓式佳餚，就是這個鐵板燒烤拼盤。因為天氣有點轉冷，有點熱食就是最好了，鐵板上的好處就是可以保持溫度，不會令食物那麼快轉冷，熱辣辣的階段自然就是最好食了！另外它可以讓你一次過歎盡牛、豬、雞肉，需知道這三種肉基本上都是大多數人的最愛top 3，現在可以不用煩惱一次過食到就是完美。充滿肉汁的牛肉成為搶手貨，加入洋蔥使它更為香口，雞肉辣得來夠嫩滑，而豬肉就十分入味，整體而言這個鐵板燒烤拼盤是我全晚最愛！

有時人係好貪心嘅，想食d好正宗好傳統嘅嘢食，同時又好想試新嘢，真係食餐飯都搞到好矛盾~好在呢間開左無耐嘅韓國食店有齊新派同傳統韓式料理，一餐飯可以跨越幾個年代！唔知幾時開始，好多韓國菜都鍾意係咪都加啲芝士入去，尤其新派果d，好在本人係cheese lover~呢個超辣雞肉入面加左芝士，除左可以減返少少辣之外，亦令口感更加豐富，味道亦唔會得辣咁單調，呢個組合嘅化學作用確係good，啖啖滑雞無骨好方便食~海鮮蔥餅我會話佢係韓式pizza，將雜錦海鮮、蔥段同紅甜椒絲，放入打散嘅雞蛋同較濃稠嘅麵糊煎製而成~佢嘅味道相當香，咬起嚟比較爽脆，可以話係用軟嫩嘅蔥同清清地嘅海鮮結合而成嘅香口美食。蔘雞湯就直頭係大家最早認識嘅第一代韓國佳餚啦！用原隻嫩雞，將糯米塞入腹中，再加入薑、蒜同蔘經過長時間燉煮製成，完全食得出真材實料，冬天暖身一流，我唔會浪費，飲到一滴湯都無得淨！

以前想食辣，好可能會揀川菜、泰菜，不過自從韓流襲港之後，每次同FD子想食辣野，例必揀韓國菜，韓國果種辣就係同其他辣唔一樣，就係會令人一食上癮，今晚呢間食店出品走正宗路線，辣都辣得特別有風味。一系列食物上到枱，全部都係火紅色，帶黎好刺激既視覺享受，仲令人立即食慾大增。首先有炸豬排炒年糕，同大家食開既日式炸豬排有D唔同，日本果D厚身D，搭配既醬料同配料都有分別，豬排酥脆感好勁，有大大堆高麗菜絲沙律可以解膩，年糕Q彈軟糯，成個combo入面有齊酸、甜、辣共冶一爐，配埋白飯相當滿足，真係冒住卡路里攝取量破錶既風險都要食！而個辣嫩豆腐湯就集嫩滑、鮮辣、滾燙於一鍋，一食就融化喺嘴裡、容易消化既嫩豆腐，又養顏又營養豐富，完全喺我地呢班靚女既恩物，飲完仲會出少少汗，可以順便排排毒。另外有石鍋拌飯，之前係韓國叫做媳婦飯，原來因為早期韓國媳婦地位比較低，唔可以同老爺奶奶同檯食飯，只能夠食剩下既飯菜填肚，哈哈，我地覺得人地食淨果D野撈埋都好好食喎，咁講我地都好有潛質做韓國人既心抱仔啦！將芽菜、蘿蔔絲、雞蛋、牛肉、青瓜等等撈撈撈，連埋有少少飯焦既飯一齊食既狀態係最正。最後係蒜辣海鮮湯麵，爽滑彈牙既韓國拉麵，完

琴晚阿媽病左無煮飯，所以今日無得帶飯，就一個人黎左呢度食lunch，翻翻menu， 最後都係揀左個好有”帶飯feel”嘅韓國懷舊飯盒，只係45蚊，幾抵食！我知道是呢款懷舊飯盒係好多韓國人嘅童年回憶，佢哋嘅媽咪將飯、泡菜同蛋放入鐵餐盒入面，家境好dd嘅先會有腸仔、餐肉，等小朋友帶返學校食。而家唔少人食呢個飯之前會搖下佢，原因係d小朋友將餐盒放喺書包入面，走嚟走去蹦蹦跳跳返到學校，成盒飯已撈到亂晒，所以唔少人食呢個懷舊飯盒嘅之前會shake shake，就係無非想重拾返果份情懷。呢度嘅懷舊飯盒做得好有風味，小鐵盒入面載滿飯，然後上面有大大隻太陽蛋、紫菜、泡菜同韓式午餐肉，煎香後好惹味，拌勻黎食就係簡單滋味。

自從第一次的韓國自由行之後，就深深迷上了充滿特色的韓式料理，覺得選擇非常多元化，味道又豐富多變，現在和家人朋友同事聚餐，大家問我意見的時間，我也會例必推介韓菜，所以今晚約了舊同事相聚，亦不例外。這裡的招牌菜是章魚炸雞<$220>，所以毫無疑問一定要點一客來試試。炸雞不是慣常食到的一件件炸雞，而是炸雞柳條，感覺更方便食，味道是香口滋味，香脆微辣，啖啖肉很享受。加上章魚的鮮香，和軟嫩的口感，為一般炸雞添上新鮮感。                                                                                                                                                                                                                                                                                              

海鮮同雞肉都係好多人嘅心頭好，有時要二揀一真係令人幾頭痛，所以當知道韓國興起章魚炸雞，簡直係一石二鳥。今日就嚟左呢間引入左呢款潮食嘅餐廳，第一次試試呢款新興美食。呢份章魚炸雞，隻章魚超大隻，職員細心幫我地剪開d鬚鬚，細細條方便食。章魚非常超級十分香口同彈牙，炸雞就外脆內嫩，仲有脆卜卜薯條，點埋醬食正到無朋友！另外仲點左最經典嘅韓國美食──傳說的部隊鍋，滿滿嘅微辣湯鍋入面有好多唔同嘅配料，包括午餐肉、年糕、豆腐、金菇、大量各式各樣嘅蔬菜，紅當當熱辣辣一大鍋好滿足。@@

韓國菜的受歡迎程度應該不用多說了！今晚和朋友嘗了一間位於尖沙咀新店的出品，感覺不錯，所以就跟大家分享一下我們吃過的美食吧：海鮮蔥餅之前在韓國嘗過，要排長長的隊才能吃得到的街頭美食，這裡熱辣辣的放在鐵板上枱很不錯，煎得香香的蔥和青紅椒，配搭各式各樣的海鮮，用料豐富，口感香脆，味道微辣帶鮮。蒜辣海鮮湯麵湯頭十分惹味，辣中充滿蒜香，很有層次，而海鮮跟辣味亦很配，感覺更提鮮，麵身比較彈牙掛湯，不太能吃辣的朋友可能就不太適合了！炸豬排炒年糕平時好像比較少見到這兩種美食放在一起的，咬口甚為酥脆，肉質juicy嫩滑，加入旁邊微辣又煙韌的炒年糕一起吃，又是另一番風味。韓式涼伴蒿麥麵有位朋友今晚胃口不佳，所以我們特意為她點了一款涼菜冷盤，口感和味道都很清新，入口輕盈，更可以平衡一下其他食物的油膩感。

唔好話我大鄉里, 作為新界人既我, 今晚真係第一次跟朋友黎到尖沙咀所謂既”韓國街”覓食, 之前食親韓國野都係食連鎖店, 大品牌果d, 估唔到呢度有咁多好韓feel既地道特色食店, 真係完全感覺到韓國美食既魅力. 我問朋友揀邊間好呢, 佢話邊間要排隊就揀邊間啦, 哈哈…咁又係, 香港人咁鐘意排隊, 多人排果間應該點都唔會差得去邊, 行下行下見到呢間門口有堆人喺度排, 我地就決定今晚要食呢間, 橫掂又唔係好肚餓, 咪一邊傾下計一邊慢慢等囉…試左幾樣野食, 比較出色既有原味炒年糕同芝士泡菜煎餅, 炒年糕好彈牙好有嚼勁又入味, 連年糕個心都有味道, 最鍾意韓國既辣係辣中帶甜, 唔係一味死辣, 更加惹味.芝士泡菜煎餅一上枱就傳來濃濃既芝士香味, 面頭舖滿爆多芝士, mix埋泡菜既甜甜辣辣, 而煎餅既批底好香脆, 可以話係超級邪惡既一道美食!呢條街咁多特色小店, 好值得再黎.

豬肉、牛肉同雞肉不嬲都各自有捧場客，計我話其實三樣都咁鬼好味，如果可以一次過食到就最perfect，今晚呢餐就係一take過歎晒三款肉喇！三款肉均勻放喺碟上，再配埋生菜，感覺食得更健康、更有口感又能減去油膩感。泡菜辣炒豬肉辣得好香甜，就咁食可能會覺得辣左少少同鹹左少少，夾生菜食就真係無得輸，唔配生菜的話，叫碗白飯黎配亦係非常適合。牛既代表係烤牛肋骨，起晒肉咁方便食客食，細細塊一口一件，可以點少少韓式辣醬一齊入口都相當唔錯，肉質細嫩香甜。至於雞肉，就係被喻為絕對唔能錯過既首爾必吃美食：韓國春川辣炒雞排，其實之前去韓國join左南怡島local tour已經食過呢款名不虛傳既佳餚，真係好好食好難忘，好開心返到香港而家都食得返果份滋味。可以一次過食盡韓國三款肉食代表真係好開心，三合一都只係$280，good!除左雞牛豬，魚肉都係有好多fans，朋友叫左個韓國魚串湯($80)，清清地唔錯，感覺有點似日本既關東煮，入面有唔同口味及形狀既魚板，湯底都充滿魚香，食完咁多肉歎返啖湯實在好滿足！

星期六做完body message一個人又到附近搵嘢食今次純粹價錢合理又見咁啱無乜人，所以拱入去試下😁入到去唔夠十五分鐘已經坐無虛席😱😱😱好彩入得黎快😝五十蚊以下食到部隊鍋，個人覺得幾化算，唯一係個麵太有咬感，煮唸DD就perfect!!!

今日同個好姊妹去食韓國菜，開頭我都勁擔心會好heavy，佢就話無所謂可以喪食o者，人地就嚟結婚要開始節食架喇！好在原來都有d輕量級選擇。朋友推介我飲呢款有汽果汁Appletiser，聞落果香撲鼻，飲落充滿豐富嘅蘋果清香，濃郁嘅果味加上適量嘅汽泡，感覺健康又清新，完全fit晒女仔嘅口味。主食方面叫左個韓式涼伴蕎麥麵，無乜肉以蔬菜同麵為主，最多都係加多隻蛋，蕎麥麵軟Q彈牙又清爽，完全唔膩，但又有飽肚感，減肥都唔一定要食得口啖啖既~開胃前菜+清新果汁+輕盈麵食，呢餐仲唔係輕食女生最BUY！

鍾意食辣野, 自然就會鍾意食韓國野, 同我一樣係靚媽既朋友帶我試新野, 等我睇下會唔會有驚喜先@@自家芝士超辣雞肉用成個熱PAN上枱, 加熱後半溶的芝士將所有餡料粘實, 話得”超辣”果然係辣到噴火程度, 幾過癮, 不妨挑戰下自己味蕾, 唔食得辣的朋友就真係慎入了!!! 配料多, 雞肉又熱又辣, 我諗再凍天D食會超正.另一樣可以話係韓國代表菜之一: 泡菜炒飯, 大大隻太陽蛋, 有好多紫菜, 配豬肉, 香辣惹味, 泡菜清脆爽口, 酸酸辣辣, 令人食慾大增, 十分開胃!炒出來的飯粒粒分明, 不會太濕, 好味道!最鐘意呢間餐廳用成個PAN上枱, 好有風味！

每次想到吃韓國菜，例必會跟朋友到尖沙咀韓國街走走，隨心的看看想吃那家，就吃那家，沒有特定的想法，總之就是想感受韓國氣息。而這家店在上次來時還未見的，所以應該是很新的店吧，朋友跟我打打眼色後，大家都決定今晚的落腳點，就是這裡了！來看看我們吃了什麼：煎餃子 $75一看其金黃色外皮就感到其香脆口感，咬下去肉餡豐富，肉汁滿滿的，味道濃郁，蘸汁食更覺惹味。醬油炸雞 $100無骨啖啖肉是最大的口感享受，表面舖滿芝麻和香蔥，很香口，雞件經油炸後仍然很嫩滑，味道不止停留在外皮，內裡的雞肉也相當入味，這種自家製味道應該是只此一家。HITE韓國啤酒 $20餃子和炸雞的最佳伴侶，應該不用多說了吧，就是啤酒！這款啤酒在韓國很有味氣，色澤金黃，味道微甜，不少明星都曾任其代言人，例如Bigbang、玄彬、宋仲基，所以作為忠實韓粉的我們也是每次到韓國食肆都會喝的。蒜辣海鮮湯麵 $98怎樣也要有一點澱粉質才覺飽，看著橙橙紅紅的湯頭，已經感到味蕾大刺激！喝一口確是頗為火辣，幸好不只一味辣，同時能嚐到一點蒜香味，非常醒胃。海鮮方面，有蝦、青口及魷魚圈，尚算豐富，味道亦鮮，我們都吃得很滿足愉快。