Hami Harmony (已結業)

法式田園風Cafe💐放鬆一下珍惜眼前擁有嘅 活在當下❤️仲有好多打卡位可以影相，特別係門口嘅花園設計～同以前一樣叫咗我最鍾意嘅All Day Breakfast 好鍾意佢嘅焦糖香蕉🍌牛角包入邊有滿滿嘅芝士醬🥰大啡菇都好好味，芝士味濃厚雞翼香脆可口而且價錢貼地💗

每次經過都排哂長龍嘅人氣🔥餐廳，裝潢走田園風，尤其喜歡枱上嘅圖案，好有特色。食物質素有驚喜，價錢亦都好合理。美國安格斯肉眼扒配薯蓉 $108 及 跟餐仲有餐湯 （或 ）飲品午市食牛扒原本無咩期望，但估唔到材料唔馬虎，牛扒5成熟，外面烤得微焦，入面色澤紅潤，肉質嫩滑，仲好多juicy。性價比高流心牛角包英式早餐 $98迷你牛角包🥐可愛鬆軟得嚟，內裡仲有驚喜，就係香滑嘅流心芝士😋 仲有黑松露炒蛋、牛仔腸、煙三文魚、及焦糖香蕉。跟餐仲有餐湯及飲品。 忌廉甘荀湯，香濃幼滑。杯Latte 都幾好飲

太子站A 出口行2分鐘就到！搵食容易之選！地點： 門口有入錶泊車系太子地鐵行過嚟都好近，交通地理位置超級方便。餐廳室內既裝修系好warm，特別系桌上馬賽克圖案木桌，配民族風格咕口臣，令人有種去左英國鄉村既西餐廳☺️好chill～小食：胡麻醬雞翼$58一碟前菜既雞翼竟然有6隻雞翼，份量好多！而且食嘅時候仲好燙嘴，因為真系即叫即炸！😋意式海鮮🦞配龍蝦汁意粉$125入邊有好多不同種類嘅海鮮，配上新鮮自家製龍蝦汁， 意粉彈粉彈牙！煙三文魚飛魚子意大利飯$128賣相吸引！😍 飛魚子鮮味好出，唔新鮮既話會好腥，但完全冇，只有海鮮味。加上，意大利飯既醬系溶入左飯粒入面，所有材料混合為一體。推介之選👍🏻兩杯特大特飲：芒果椰子梳打$38+熱情果菠蘿梳打$38所有梳打都系用新鮮果蓉制作，欣賞餐廳堅持✊自家制👍🏻用心制作

今日放工去太子行街，見肚餓又係時候去搵嘢食。呢次就試咗呢一間西式咖啡店，Hami Harmony。佢主打意大利菜式，我哋就試咗佢嘅炸魚番薯條，意式海鮮配龍蝦汁意大利粉，同埋北海道軟殼蟹配黑松露意大利粉。個炸魚係大大件連埋個魚皮一齊炸得好鬆脆同埋鮮嫩。配合埋佢俾嘅千島醬10分好吃。薯條亦都係用番薯整所以會同平時食開嘅薯條會好大出入，別有一番風味。個軟殼蟹唔似得其他舖頭咁切件，佢係原隻炸完成隻俾你食，由於佢啲嘢食都係即叫即整所以係好食到停唔到口。配合埋佢嘅黑松露意粉十分之夾。最後佢嘅龍蝦汁配海鮮意粉有青口，大蝦同埋蜆肉，份量亦都十分之多，真係落足料好多海鮮。最後嘢飲我哋就叫咗個泡沫咖啡同埋士多啤梨檸檬薄荷梳打。可惜飲唔到今日呢度嘅朱古力咖啡，因為佢話係有法國朱古力豆整出嚟，但佢嘅泡沫咖啡依然都係好好飲，鮮奶同埋咖啡嘅比例剛剛好。而杯士多啤梨檸檬薄荷梳打亦都調得啱啱好味道，唔會太淡或者太甜，呢樣看似簡單嘅嘢其實好多舖頭都做唔好，有機會會再嚟呢度食。

呢間小店想試好耐☺️可惜坐位真係唔多 星期六一點三黎 結果等到兩點先入得😢✨流心芝士牛角英式早餐 $98就係為左食個流心芝士牛角包😛😂點知一切開冇芝士 原來漏左🤣職員之後補返兩個有芝士既比我地😆仲有牛仔腸 黑松露炒蛋 煙三文魚 焦糖香蕉同沙律菜 整體都唔錯☺️set lunch包餐湯 係好有誠意 重菇蓉既蘑菇忌廉湯😋✨美國安格斯肉眼扒配薯蓉 $108呢個價錢黎講塊扒不過不失 份量唔算少 反而配菜比較出色 薯蓉幾香☺️

🍴Hami Harmony• 今次嚟到位於太子的Hami Harmony 店舖位置四通八達 行出個街口就係彌敦道 附近又有地鐵站 啱晒約朋友😆店內裝修以白色為主調 走簡約田園風✨入面座位闊落 坐得夠晒舒服！🥰————————————————❶ 小食拼盤 $138小食拼盤有四種食物包括芝士蔥餅、芝士條、番薯條和BBQ醬雞翼✨ 芝士蔥餅有啲驚喜 睇落似普通嘅餡餅 但係入邊好濃郁芝士味🤣而且夠薄又脆脆地 幾好食😆芝士條就冇乜拉絲效果 可能因為我擺耐咗😹番薯條就正正常常 BBQ醬雞翼酸酸甜甜咁幾開胃😽❷ 原隻開邊虎蝦配自製鮮茄寬麵 $128好欣賞佢係開邊虎蝦 唔使剝殼夠晒方便😹自家製寬麵口感煙韌 配埋鮮茄汁嘅鮮甜清新 夠哂開胃😆❸ 日本帶子黑松露雜菌意大利飯 $145分量比我想像中多🤣每一啖都好重黑松露味 而且好多嘢野菌粒 入口夠晒creamy 但又唔會好膩😋意大利飯口感煙韌 而帶子香煎過 夠咬口✨➍ 熱情果菠蘿梳打 $38熱情果x菠蘿x梳打依個組合真係冇得輸 夠哂解渴🤣平時最怕飲到藥水味 不過見佢menu寫到明鮮果茸製作✨❺ 凍抹茶Latte🍵 $42味道都算甘香濃郁 質素正正常常🤣————

有晚係太子花墟行過少少竟然有間裝修得幾靚既cafe，食物質素都唔錯。✨🍟小食拼盤 $138有甜薯條、BBQ汁雞翼、芝士條、芝士蔥餅。擺盤好靚，每樣都有3-4件，同朋友一齊食就最岩😋 最鍾意佢既甜薯條，炸得乾身唔油膩，重點係熱辣辣又好甜，點中間既千島醬真係好好食🥰✨🦐原隻開邊虎蝦配自製鮮茄寬麵 $128橙色既麵條夠闊，蕃茄汁好多，虎蝦原隻開邊好方便食，灑左芝士片賣相好靚。✨🍛日本帶子黑松露什菌意大利飯 $145意大利飯夠creamy，如果再硬返多少少口感仲好。✨☕️莫卡咖啡 $42朱古力味好濃郁，好好飲！✨🍵熱宇治抹茶拿鐵 $38相比mocha，抹茶味唔夠出。📍 Hami Harmony (太子)太子西洋菜北街161號地下A舖

Hami Harmony (太子)📍太子西洋菜北街161號地下A舖行完太子花墟搵咗間旺中帶靜文青Cafe食晚餐估唔到幾有驚喜😍🫕白酒忌廉煮青口$98呢個以頭盤嘅份量來講都幾大份青口隻隻都鮮甜飽滿忌廉汁入面加入左洋蔥 所以特別香而且仲配有沙律菜 解下油膩🍝原隻開邊虎蝦配自家製鮮茄寬麵$128寬麵幾特別 每一條都有蕃茄嘅紅色原來係自家製 而且幾有咬口個意粉亦都加入咗好多車厘茄 甜甜酸酸 好好食虎蝦質素都唔錯 爽口彈牙🦐🍚日本帶子黑松露雜菌意大利飯$145日本帶子煎得半生熟 好鮮嫩意大利飯入面加入左菇菌 好有咬口意大利飯煮得剛剛好 黑松露都好突出成個飯整體質素幾好🍹熱情果菠蘿梳打$38鮮果士多啤梨檸檬薄荷梳打$48呢度嘅梳打特別寫明以鮮果製作當然要叫返兩杯嚟試吓加入左鮮果 感覺特別清新 而且都幾大杯😚

《Hami Harmony 》太子❌話說每次經過都有好多人等位openrice又有好多好評，所以今日約左朋友諗住試下，點知就出事😑佢服務係無問題的，全部係食物飲品出事，重點係全部🥴感覺係完全hea 做，只係一堆熟左既食物😖《All Day Breakfast》最嚴重既部份係流心芝士牛角包，係燶味既☹黑松露炒滑蛋係出水既，我都唔明點解會有水，焦糖香蕉中間位置連焦糖都末有，牛仔腸就正常但唔熱，煙三文魚就咁放上去囉，打開都無～沙律菜就好正常既《美國安格斯肉眼扒配薯蓉》落單時有問幾多成熟，大家都話五成出到黎八成左右啦，都唔緊要，香港叫扒都估到差不多，但肉眼位可以食到牙骹都軟埋，全部食到放棄三分一，薯蓉就最正常😑《咖啡系列》我直頭建議佢不如唔好賣咖啡，我依家先知點解openrice 同社交平台 無咩佢既咖啡相，Rose Latte係好大陣香精味🤮Caramel Latte 好一點，但無咩咖啡味。Mocha 佢話用法國朱古力豆，我地以為飲緊杯淡左既熱朱古力咋，朱古力粉味既熱飲囉！※總括：可一不可再，人均都$140，可以有更多好選擇。題外話，排隊係因為無放哂人入去，我走時吉枱有幾張，門口有大約8個人

是日去開太子買野，同honey去到哩間Hami Harmony店舖內的裝飾真的好有文青style，同埋不同的油畫，真的好吸引人的視線~~同honey點左小食拼盤，煙三文魚飛魚子意大利飯 ，虎蝦自製鮮茄寬麵 ，飲品點左哈蜜瓜菠蘿梳打，鮮果士多啤梨檸檬薄荷梳打鮮果士多啤梨檸檬薄荷梳打，令人好想飲的梳打水！鮮甜的士多啤梨加上檸檬薄荷，透心涼感覺fresh爆，食幾多野都得~~哈蜜瓜菠蘿梳打 honey話唔會死甜，加埋梳打水真的一流~~小食拼盤，小食拼盤分別有芝士蔥餅、BBQ醬雞翼、芝士條和甜番薯條，芝士蔥餅都唔錯，薄薄地容易入口，BBQ醬雞翼的BBQ醬濃，加埋雞翼真的愈食愈開胃。芝士條熱個陣食，真的做到拉絲的效果。甜番薯條真的比起普通薯條更好食，同honey都差不多食曬~~煙三文魚飛魚子意大利飯煙三文魚飛魚子意大利飯真的打卡一流，白色的意大利飯加上橙紅色的煙三文魚，煙三文魚同意大利飯真的好夾，意大利飯煮得剛剛好，唔會硬。開邊虎蝦自製鮮茄寬麵 好多車里茄，醬汁都掛住車里茄既味道寬麵仲要系蕃茄寬麵，真的愛好蕃茄的福音。虎蝦如果再多一隻會更好~~~哩間cafe的服務真的好好，人少少可以欣賞到畫作食d

《太子食好西》~ 田園氣息feel cafe🌹🌹餐廳鄰近地鐵站 🚉幾分鐘就到 好方便👍呢度一帶 都係食好西嘅熱點😚小店以白色為主色調配以木質家俱 有小小田園feel~~#白菌忌廉湯🍄味香濃 好rich👍#美國安格斯肉眼扒配薯蓉🥩medium rare 牛味👌 juicy 😋#流心芝士牛角英式早餐🧀🥐迷你🧀🥐 夠曬邪惡 松露炒滑蛋香噴噴🥚煙三文魚好大塊 皮脆香腸 新鮮沙律菜加埋焦糖甜蜜蜜香蕉🍌 真係非常滿足😋#黑加侖子薄荷熱情果梳打幾fresh 酸酸甜甜👍#莫卡咖啡 選用法國朱古力豆 唔算突出可能熱飲會好啲🤔 啡味香醇 👌

最近去住太子的朋友家附近，想找個地方坐得舒服傾下計，佢就介紹了這間小cafe。餐廳內格調好舒服，而且係值得支持嘅小店～食物選擇都多，價錢亦合理。個人最鍾意白酒忌廉煮青口，做餐前小食一流！忌廉味非常香濃，還配了芝士條和蒜粒，青口肉也頗鮮甜，夠曬開胃滋味。😋北海道軟殼蟹配黑松露意大利粉是原隻軟殼蟹上，意粉texture不錯之餘，黑松露味幾香，少少creamy配上芝士條，都幾有心思另外鮮茄醬海鮮意大利飯都好香番茄汁味，最驚喜的是都頗多海鮮款式和蔬菜如黃椒、洋蔥等，好味得來幾健康。飲品方面，難得的是他們用了新鮮水果在內，特別欣賞鮮果士多啤梨檸檬薄荷梳打，清香士多啤梨味配上refreshing的檸檬，且甜度適中，飲落去好舒服。

餐廳門口佈置成一個小白屋， 入面配合以白色為主調 ， 每個角落都放上植物點綴， 感覺 挺舒適， 充滿小文青的風格。小食拼盤$138 拼盤十分豐富有： ▪芝士條▪bbq汁雞翼▪番薯條▪芝士蔥餅每件小食炸到金黃香脆 ， 熱呼呼，香噴噴， 十分吸引，芝 芝士腸， 外脆內軟， 中間包住軟滑的拉絲芝士 ， 既邪惡又美味。 BBQ 雞翼， 雞皮完全被 bbq醬包裹著， 酸酸甜甜， 十分開胃 ，雞肉軟嫩滑溜。 芝士蔥餅烤得香脆， 中間夾著甘香的流心芝士， 別有一番滋味。金黃的甜薯條， 入口散發著純天然的甜香，軟糯吸引。原隻開邊虎蝦配自製鮮茄闊麵 128原隻開邊蝦， 大隻爽彈 ， 蝦肉帶微微焦香， 自家製闊條麵口感煙韌， 跟配的鮮茄醬汁， 酸酸甜甜，十分開胃 ，與闊條麵非常搭配， 越吃越滋味。日本帶子黑松露雜菌意大利飯$145煎香的日本帶子，大顆厚身，肉質雪白挺身， 入口鮮味彈牙， 意大利飯軟硬適中 ， 煙韌濕潤，咀嚼時慢慢沁出黑松露的幽香， 及配上滑溜的雜菇，口感豐富和層次感， 讓人樂在其中。鮮果士多啤梨檸檬薄荷梳打$48士多啤梨檸檬薄荷梳打， 杯內滿滿新鮮士多啤梨及檸檬片， 色彩夢幻， 啜一口清新

太子休閒小清新Cafe今日去旺中行完街之後，行去太子搵Cafe坐低吹水，見到一間門面充滿藝術氣息，舖頭名了草到睇唔到咩字嘅Cafe😂環境幾靚就入咗去小店環境細小舒適，木系裝修感覺文青，而且很多裝飾：盆栽和花草掛畫，適合打卡。背景播放流行歌曲，感覺很休閒。晚市每人最低消費$150，另收+1服務費。晚上10點關門～#特級牛脷 $65厚切兩串燒牛脷，牛味濃，而且很香七味很惹味#海鮮龍蝦汁意粉 $125有青口蝦🦐等配料，龍蝦汁意粉🍝硬度適中，味道濃郁～#日本帶子黑松露意大利飯 $145中size帶子兩粒，意大利飯粒粒都包裹住黑松露忌廉汁，Creamy而且很入味，非常飽肚#草莓檸檬薄荷梳打 $48甜甜的充滿氣很爽服務質素：6/10環境舒適度：7/10ᶘ ᵒᴥᵒᶅ個人口味評分：5/10

幾年前嚟食過一次今次路過二訪回味下😊叫返同上次一樣嘅All Day Breakfast 🍽星期日比較多人都好彩有位😎流心芝士牛角英式早餐德國腸煎得啱啱好👍🏻好香口唔會過燶入面都熱嘅🤤黑松露炒蛋反而熟咗少少無左炒蛋嘅蛋汁🙈焦糖香蕉依舊美味😋牛角包🥐變返大舊👍🏻之前細舊好淋身同凍冰冰呢舊雖然唔係好流心🤔我留到最後先切開黎食🤤🤤個包同芝士餡仲係熱嘅👍🏻😋最後飲埋杯凍檸茶😳😳😳整體都Keep到水準👍🏻