Grove Café

营业中

休息中

叫咗個雞扒意粉+焗生蠔外賣自取過咗一陣過經理走嚟話生蠔係海鮮，唔可以外賣，問佢點解，佢淨係話公司規矩，唔知點解ok！結果我就咁等個意粉等咗我25分鐘🤷🏻‍♀️Number後過我嘅人都已經攞埋，我仲企咗喺度等真係好想知乜嘢意粉要整25分鐘冇下次

下午茶同朋友嚟食，見到個下午茶餐牌啲價錢都幾抵，仲有得跟餐送埋杯野飲，買完野坐低仲有人送埋餐過嚟，都算唔錯，送野食嘅效率都好快，下午茶嘅份量都合理，我同朋友當午餐食都夠飽。上次夜晚買外賣，見佢有個抗疫優惠餐牌，仲送埋野飲，優惠價完仲有折，呢個時勢算唔話得。而今次堂食比較驚喜係啲店員態度好好，可能上次外賣體會唔到，今日我唔小心倒瀉左杯野飲，個男店員第一時間係問咗我有無事先，同埋比咗紙巾同毛巾我清理自己，仲幫我地搬啲野去其他枱，走嘅時候都有關心我地仲需唔需要紙巾或者毛巾清理對鞋同條褲，講真個句真心覺得唔好意思。因為我曾經同朋友試過係其他地方有同樣情況出現，但結果待遇唔同，個度啲員工只係顧清理環境，仲會埋怨我搞到佢哋多野做，試問有邊個會想倒瀉野飲整污糟自己先。希望呢間餐廳可以繼續保持住食物嘅水準，同埋非常好嘅服務態度，以後會多啲推介朋友嚟食。

在Food Panda 見幾吸引，特登預早24hrs前上apps預訂，24/12，17:45pm自取，諗住開心過聖誕。點知今日接近16:00打黎，話今日先接到order，做不到。即刻火起，我話跟捉佢地24小時前(14:20, 23 Dec)預訂和繳款。並當日已收到確認電郵及銀行sms.點會今日先訂。之後又話自己剛剛才睇到，咁即是你地餐廳失職。又叫人早24hrs前落order,但昨天至今天lunch都唔知有客訂，仲要唔夠2hrs先話做唔到。買餸都趕唔切啦。嗰位所謂的女經理，仲要一大輪解釋，一時話前一天睇唔到order,剛才才看到。(咁冇人落單？)一時又話廚師走咗做唔到。仲叫我自己同food panda refund.咁大間機構，你呢間分店失職，係咪可以問其他分店幫手？嗰位女經理又話唔清楚，簡直不知所謂。我的平安夜俾呢間野搞到一鍋粥。至於food panda找極都找不到hotline,幾經辛苦在apps才找到客務中心的【線上客服】，但又問係咪餐廳叫refund,又話聯絡唔到，兩邊不斷缷駁扯貓尾，仲未refund$592.8

買下午茶卻俾錯外賣原本買雞翼＋薯條，點知俾左雞翼＋沙律，有點失望，希望下次收拾外賣時可以再小心一點。點餐時人不算多，很快就可以點好餐，店務員也有禮貌，值得一讚。餐廳環境不錯，下次可以試下堂食。

Grove Cafe 已經食過好多次，開到黃大仙中心都開始走向平民，對比Cafe既餐價，他們不算貴，他們用的材料食材也保持水準，之前在黃大仙中心南館這家點過早餐麵餐，牛扒，魚柳包，每款都推介，性價比都很高！！餐點連野飲只需約60蚊。這次點了的是XO醬海鮮炒烏冬，意外地這偏中式的炒烏冬也極高水準，XO醬鮮中帶辣配上蝦仁，鱿魚，硯肉，炒香後整個烏冬都香微辣野味十足！！非常值得推介，還有牛扒餐跟魚柳包餐！！

得久沒來這Cafe，今日（14/7/2020）同朋友來食番個下午茶，五點鐘食下午茶，主要是這Cafe較清靜及衛生，方便吹水。疫情關係，所有餐具都用布蓋上，走近自取餐具櫃時，服務員即上前協助，蕃茄醬亦用上獨立包裝，付款時收銀員提點，進餐時才可以除口罩，慶幸今日餐廳內，所有客人都配合，服務員清理枱面時，亦有清潔隔離枱的膠板，衛生意識強。下午茶款式頗多，點了公司三文治及炸魚柳配沙律加兩杯熱飲，埋單都是$82，抵食。公司三文治份量足，再配上薯條，好飽肚亦好味。炸魚柳配沙律，魚柳即叫即炸，來時熱辣辣，等了一會才可食，仍很熱及脆口，千島醬汁足夠，沙律好夠醬，好彩沙律內是蘋果、粟米及椰果，沒有薯仔。

今晚約咗舊同事食飯吹水，咁就揀咗一間Cafe可以坐耐啲。兩個大鄉里食飯😂😂原來呢度要自己出去買咗先，跟住收銀姐姐會俾個Number你拎返埋位，之後就會有專人送餐俾你。GRoVE 集扒配燒汁（豬扒、雞扒、煙肉、腸仔、煎蛋）配薯菜～甘筍，蕃茄加薯片！呢個絕對係有選擇困難症嘅一個好選擇，哈哈哈，一個Timer都有齊晒唔使啦紐西蘭肉眼扒胡亂選擇配搭蒜蓉汁~ 塊牛扒煎到7成熟，又夠哂淋！紅湯： 應該係雜菜湯，但係佢啲材料打到溶晒口感唔錯！白湯：粟米湯！餐飲當然唔少得凍檸茶啦，叫咗少甜少冰！正呀😂😂😂😂

日日食同一間，真係會悶㗎😂😂諗住轉下新意思，試下呢間，佢半自助式，水要自己黎，嘢食佢就送餐，真心無乜服務可言，只係你隔離食嘢嘅人會high class啲，其實大xx個啲都要自己黎，我又覺得無乜所謂，價格都係同普通快餐店甘樣，差唔多，不過佢啲嘢食就出哂事，個多士係幾脆，不過好鹹，佢應該唔旦止渣咗好多牛油，仲落咗幾粒鹽，你用無鹽牛油梗係可以落鹽，至斃你唔係呢😂😂真係鹹到嘔啊，個塊雞扒同火腿好似用油浸甘，多油多到再炒碟生菜出黎都絕對no problem，火腿本先係工場已經整好咗，除非係用得好平，唔係都無乜問題，但係塊雞扒，我估佢為咗快直接放落油到炸，然後炸埋炸埋一大堆，所以拎到上黎係凍嘅，仲要撐握唔好個時間，炸得太奈，所以成塊皮好硬，無皮包住嘅肉就好柴，好硬同好油，仲有好鹹，至於碗螺絲粉，啲粉係無問題，但係就就好酸，酸到寡啊，我明呢啲都係中央工房整好再送黎，但係都試下味啊大佬，真係好難食啊，總括黎講鹹、酸、油，無下次

熱烘芝士火腿三文治🥪配熱檸茶無糖熱檸茶 茶底苦澀 ，可能是沒有落糖的緣故，完全覆蓋了檸檬的味道😢 唔會n call三文治的表皮烘得比較脆，但是我覺得芝士份量不夠多 火腿也是沒有烘過直接放落去😑內涵不夠juice 😑唔會 N call

難得撞正一日假期，想食個西式嘅tea。但又唔想去得太遠，好彩附近都有間Grove可以食下～又可以食西式野同埋有杯咖啡飲而且，黃大仙呢間Grove Cafe環境幾舒服享受下個tea set飲下咖啡咁，原來都可以咁寫意！因為呢道又唔會太吵，想要個坐埋小小既位都有。重點係又唔會太多人等位，令你想坐耐啲都唔會好尷尬～除左個環境之外，佢地整嘅野食都唔錯今次我就叫左個焗肉醬長通粉加杯咖啡坦白講，咖啡就好一般唔好抱有什麼太大期望就可以了但當店員放埋個長通粉黎，真係有驚喜呀！首先，個外貌就好吸引。外表唔會焗到全部黑之餘，仲會有小小焗焦左嘅顏色然黎，係嗅到好香嘅芝士味之後撈起個長通粉時，啲芝士會起司外，入面仲有小小汁。等你唔好食到個口感會好乾證明佢火喉控制得好好呀唔會流失左個肉汁，雖然叫左先發現係牛肉嘅肉醬。食嘅時候要好小心整走啲肉碎，但真係超好食，忍唔住推介俾大家。整體黎講，呢個價錢有呢個食物質素真係好值得食呀。下次諗唔到下午茶食咩，同埋又想坐得耐啲既。都可以試下Grove Cafe

上星期日光顧過這店的下午茶，眼見很多人客，但無論食物飲品都差到令人吃一驚，相都冇心情影！與朋友各點了一客咖哩牛腩飯與牛柳伴薯菜，首先是等候的時間奇長，牛腩飯等了20分鐘，牛柳更等了接近30分鐘。再說食物，眼見朋友的牛腩飯牛腩只有兩細件，連薯仔等配菜都少得可憐，只有大量汁，應叫咖哩汁飯吧。我的牛柳餐，牛柳如紙咁薄身，知道下午茶一定是薄身的，但真係冇諗到薄到咁，食落似用大量梳打粉令佢軟身，令肉質差加上如此薄身，好腐肉的感覺，薯菜是波浪形薯條，量少，同樣未見過條條都好短的薯條，最長都係尾指咁長，而且炸得太過火，好乾身，可能佢見啲薯片overcook , 所以我個餐同樣落左大量汁，其實如果我配飯意粉多汁都可以接受，但係配薯條，啲汁又浸到淋晒，想點呢？一杯凍奶茶同凍檸茶，冇茶味好淡，只有糖水味，連檸檬都冇味，成餐唔知食左啲咩，其實一個餐都四十幾蚊，真係好多其他選擇，環境又異常嘈吵，去茶餐廳好過喇。唔會再食。

難得平日不用上班,就休閒地食番一個靚早餐,一直以來都想試這間,難得來到這裡,都多款早餐選擇,今次食這個黑松露蛋磨菇飛碟.即叫即整,都等了10分鐘左右,開初還以為白麵包,誰知用麥包,感覺更為健康,食下去帶著暖暖口感,面上還撒了一些櫻花蝦,烘得不會太乾,內裡的餡料都豐富,也不會太多醬,食下去都幾香脆可口.而且還散發淡淡的黑松露香,都幾好食,配上櫻花蝦,覺得賣相加分不少,唯一是細份左少少.食完都唔算太飽.早餐配上基本餐飲,如果特別的餐飲就另外加錢,不過勝在坐得舒服,服務方面,都不過不失.有機會的話,可以再光顧

今天逛街經過了這間開放式的咖啡廳，裡面是自己找位置坐，在去櫃台點餐，今天點了午餐咖哩蒜香豬扒飯和ㄧ杯凍咖啡，咖哩飯吃起來ㄧ般，沒什麼特別的地方。凍咖啡好喝，這裡很適合逛街逛累了吃個東西補充體力的地方～

今日同朋友喺黃大仙拜神，拜完順便行下附近商埸，本身都唔見餓，但一見到餐廳就想坐低食啲嘢抖下。見到呢間Grove Cafe嘅位置幾特別，有啲似open area咁，咁見都多人食就去睇下個menu, 一見到個魚柳漢堡就決定要食佢喇！😂我同朋友分別點了一份炸魚柳漢堡同一份雞扒薯菜，上菜速度都算快。見到塊魚柳上菜真係流哂口水，好大塊，(同menu圖片一樣樣😂)，咬落熱辣辣脆卜卜，好juicy，好好味，內餡有蕃茄、生菜絲同千島醬，本以為下午茶分量唔多，但其實都好夠。朋友的雞扒不過不失，煎得幾香脆，但雞羶味都幾強烈，但加啲辣椒仔一齊食都可以中和個味以呢個價錢我都覺得幾合理，可以一試！

朋友話想食清淡d，於是就揀咗呢間Grove Café，有墨西哥卷和三文治。【扒意式雜菜牛油果墨西哥卷】墨西哥卷係溫熱嘅，仲配薯條，幾好食。【杏片、牛油果，水耕菜三文治】素食三文治，食落好清新，口味好輕盈，好似無食過咁（你明嘅……）仲叫咗果汁，果汁就有d酸，不過飲落都覺得幾Fresh！有時想食下清淡野，都係個唔錯嘅選擇。環境舒適，星期日下午去食都唔洗等位，坐得幾舒服。