Grove Café

营业中

休息中

下午茶同朋友嚟食，見到個下午茶餐牌啲價錢都幾抵，仲有得跟餐送埋杯野飲，買完野坐低仲有人送埋餐過嚟，都算唔錯，送野食嘅效率都好快，下午茶嘅份量都合理，我同朋友當午餐食都夠飽。上次夜晚買外賣，見佢有個抗疫優惠餐牌，仲送埋野飲，優惠價完仲有折，呢個時勢算唔話得。而今次堂食比較驚喜係啲店員態度好好，可能上次外賣體會唔到，今日我唔小心倒瀉左杯野飲，個男店員第一時間係問咗我有無事先，同埋比咗紙巾同毛巾我清理自己，仲幫我地搬啲野去其他枱，走嘅時候都有關心我地仲需唔需要紙巾或者毛巾清理對鞋同條褲，講真個句真心覺得唔好意思。因為我曾經同朋友試過係其他地方有同樣情況出現，但結果待遇唔同，個度啲員工只係顧清理環境，仲會埋怨我搞到佢哋多野做，試問有邊個會想倒瀉野飲整污糟自己先。希望呢間餐廳可以繼續保持住食物嘅水準，同埋非常好嘅服務態度，以後會多啲推介朋友嚟食。