Grove Café

营业中

休息中

今日约人一齊去行山，先食一個豐富的營養早餐，走入黄大仙南館二樓的Grove Cafe。早餐的種類有好多，有港式、英式，有一般茶餐廳的三文治、雙拼麵等，我地叫左3個早餐。一個叫左沙嗲牛肉出前一丁，加上午餐肉和煎蛋，配上熱啡，要38元。另一個叫左芝士火腿奄列，包厚多士、煙肉、烤蕃茄、焗豆及炒薯仔，配熱奶茶，要了38元。仲有一個叫左港式早餐，有厚多士、雞扒、火腿、煎蛋、烤蕃茄、焗豆及炒薯仔，配熱檸水，需40元。所有食物好快到，味道都唔錯，我們好鍾意食。

話說嚟到呢間餐廳都係想簡簡單單食個沙律仔，食少少正常嘅肉姐！點解件事去到咁複雜呢三？本來想叫個雞扒沙律，突然間見到有個新意思櫻花蝦炸魚沙律，咁我老公仔見到咁神奇咪叫俾我食囉！嚟到嘅時候見到好大嚿三亞炸物喺啲菜上邊，我已經問請問呢舊係炸乜嘢啊？我老公話咪就係櫻花炸魚囉！咁咪拎黎食囉，一咬落去我就發現啲櫻花蝦炸到脆卜卜連埋啲脆漿更脆卜卜卜卜卜卜，咁嗰嚿魚就突然失色左，嘥咗舊魚囉😮‍💨跟住個沙律底係羽衣甘藍，係好粗糙嘅羽衣甘藍有少少意大利甜醋汁，冇橄欖油咁你問吓個侍應哥哥：呀個沙律係咪唔記得落橄欖油啊？哥哥就話我哋冇橄欖油㗎 ！不如俾多啲沙律汁你啦！然後佢就係攞咗廚房嗰支好大支嘅黑醋汁出嚟俾我加落去，咁其實件事係應該落橄欖油先至啱數嘅！咁算數啦！其實有心機做個新菜式都要知道件事配唔配答到！ 完！

去完檢測順路入黃大仙中心搵野食Grove既三文治輕食都唔錯,見下午茶$3x~$50又唔太貴就入去試下同阿媽一人一個餐,佢叫左蒜蓉汁牛仔柳配意粉,賣相其實唔差,牛仔柳算大件,不過偏淋身覺得有鬆肉粉味,阿媽話意粉好淋唔好食我叫左馬來咖哩雞扒飯,一上菜真係想講粗口😂一塊雞扒就咁淋少少汁上去,唔太食得出馬來咖哩味,汁亦少,好似乾噎白飯咁,個飯仲頹過大快活既咖哩,非常差…飲品正常,凍華田夠味,檸茶有三片檸檬,不過會永久blacklist, 食佢不如食連鎖快餐👎🏻所有野食應該都係整定,上菜速度超快

第一次係黃大仙1點左右食呢間cafe,叫左個炸豬扒番茄烏冬。整體感覺欠佳，普通茶餐廳質素甘，講吾上cafe 。 甘既質素都叫cafe ，好令人懷疑……..首先，湯底似係茄膏溝出黎，吾似新鮮番茄煮湯底。其次，呢隻烏冬係普通烏冬，吾係手打，口感差好多。可能呢隻牌子烏冬太差，本人沒有太多好感。第三，炸豬扒炸得太乾，好似炸太耐。 炸衣外層好硬，好難用刀切。肉好乾，無咩juicy感覺。整份炸豬扒甘乾，都無沙律醬提供 點下，又無醬汁點下…………食物方面有待改善⋯⋯我見其他 人地叫既食物都好似好普通…..唯一好處，地方大…自己搵位….坐耐少少都得…..

收80一個飯，但係個飯d帶子係得2舊。露筍係勁幼勁小條，完全唔值。唯一係個汁過得，基本上係汁撈飯。另外個粟米湯都好hea同張圖2回事，簡單講就係碎粟米粒加2粒火腿。成個餐加起黎90.......

星期六隨便食小小野 見呢間唔洗排隊就入黎試下 餐廳似food court模式 自己搵位再出去叫野食 可能假日 lunch menu選擇唔多 野菌汁魚柳意粉 魚柳算大塊 意粉就好似食牛扒餐配個d意粉味 一定唔會難食既咖哩牛腩飯 咖哩味就唔係重架喇 正常食到呢度都知道其實就係間茶餐廳 不過杯鮮奶咖啡又好過我預期 都大杯同埋竟然會有小小拉花 奶味較重兩個人百零蚊係差唔多 茶餐廳既質素 唔算太差不過亦冇驚喜 見到星期一至五嘅學生餐只係30幾蚊

趁黃大仙嗇色園百周年開放日的最後一天來參觀，由於6:30才亮燈，所以先用晚飯才賞燈。我們在黃大仙商場南館幾個樓層搜尋，看見「Grove Café 」食客暫時不算太多，感覺環境也清靜，閱過門口餐牌，食物與價錢都合適，就決定進入用膳，原來是先選擇食品到收銀處購票，食品由服務員送上。我們的晚飯：粟米餐湯燒汁厚豬扒配薯菜熱凍、海鹽焦糖咖啡。 豬扒肉質鬆軟，燒汁味道不錯，馬來咖哩牛筋腩飯、熱奶茶。吃到牛腩，牛筋唔覺有！？咖哩汁好下飯。 焗黃咖哩牛脷意粉、凍朱古力泡沫咖啡。 焗好的黃咖哩汁會比較乾身，因此撈意粉汁液不夠濕潤與滑溜，牛脷好味道。凍朱古力泡沫咖啡口感很好，而且大大杯添！晚市食品夠熱騰騰，味道適合，整體不錯，人均消費$78是街坊價錢。

父親傍晚時分收工，喺黃大仙中心2樓Grove俾一位店員唔小心淥親，係一碗熱辣辣的芝麻糊。父親隨後通知我，我趕到現場時，佢肚腩位置既衫已經濕曬，打開衣服發現肚皮一片紅。父親今年已64歲，我比較擔心有啲咩事，於是要求店經理派一位員工陪同父親睇醫生，並負責返醫藥費用。但經理堅持唔肯，拒絕安排人手陪同父親睇醫生，並強調我父親只能公立醫院檢查!作為女兒，我真係極度憤怒，為依間店經理既處理方法極為憤怒！黃大仙朋友仔經過要萬分注意，因為佢地係open floor經營，出出入入有熱嘢都要好小心！謝！

收工後去咗朋友屋企附近試吓呢間Cafe,平時經過呢間Cafe次次都好多人，搵唔到位坐，今次好好彩一嚟到就有位坐，四個人叫咗五個下午茶餐，價錢的確實惠，五個餐$200有找，比完錢仲有埋送餐服務。叫咗牛仔柳配薯菜同埋黑椒雞扒配意粉，味道唔錯，分量都充足。芝士漢堡配薯條就有啲失望，味道麻麻地，個漢堡裏面冇咩醬汁，而且都唔夠熱，下次應該唔會再叫。咖喱雞扒飯同埋焗菠蘿豬扒意粉係五個餐裏面最ok嘅，味道唔錯同埋份量都夠。

English Breakfast with coffee HKD 39.00Ingredients: SUPER CHEAP QUALITYTaste: POOR (no one puts chicken sausages in English breakfast, toast was from the day before)Service cashier: FriendlyService waitress: Not friendly at all.Value: VERY POOROverall experience: 0/10

點咗豬扒意粉 豬扒又硬又乾 咬到分吾開 意粉是凍的 等嘅時間又耐 叫夥記跟又唔理你 奉勸黃大仙街坊唔好幫再幫襯。環境又差啲位擺響商場通道啲人行嚟行去完全冇感染控制概念 啲人喺你背脊係咁咳 唔明點解可以繼續以經營落去

今次去食LUNCH呢間餐廳都唔算待等得耐! 而且價錢合理我們叫左2個餐，巴黎汁配雞排飯$58 同日式風味汁焗鴨胸飯$55午餐價錢算抵，份量夠大碟，而且味道都OK如果快食午餐，都是一個好選擇!整體評分:4/5環境:4/5味道:3/5

又過開來黃大仙中心做嘢，次次想食呢間cafe都無位，今次都唔例外😰，惟有叫外賣返辦公室食，好彩外賣都係等左8分鐘啫🤗今次叫咗炸豬扒🐷、蛋🥚、蕃茄湯🍅湯冬🍜！首先講吓塊炸豬扒🐖，雖然超邪惡，不過好好味😋，炸得幾好食，又唔會太咸太韌👍🏻👍🏻👍🏻烏冬ok啦，唔會太淋，個湯底都不過不失，幾杰身唔會好水；不過，配料就只係得隻蛋🥚，同埋個烏冬有啲細，就扣左d分烏冬連熱🍋檸水，盛惠$42，外賣加$1；價錢味道中規中矩，但最唔🈵️意木製外賣餐具🍴，好睇唔好用😩

叫咗一個喇沙烏冬同埋一個帶子意大利飯，嗰碗烏冬45分鐘之後至上台，個意大利飯就足足等咗50分鐘。食物質素唔係差，普普通通，只不過等咗咁耐真係咩心機冇晒。嚟呢度食要預咗超級充裕嘅時間。管理真係有問題，樓面員工同我講話廚房出單部機冇晒紙，廚房啲人竟然唔知道，真係有啲匪夷所思！唔通廚房唔出單就真係以為冇客人？當時樓面係坐滿晒人，全部喺度等緊！

第一次幫襯，點咗兩個下午茶牛柳餐，一上枱，呆咗，兩塊牛柳嘅size相差足足一倍，問個侍應，佢都笑笑口話唔知廚房搞咩一樣嘅價錢，份量竟然相差咁遠，會唔會有啲離譜呢？另外，塊牛柳只係微暖，啲薯菜直頭係凍嘅，實在太差！成個餐加杯飲品$47，雖然唔算貴，但質素可以改善下囉！