Green Common (海港城) (已結業)

朋友提過下呢間淨素食餐廳，都想試下，於是就約埋幾個黎食喇。餐廳內裝潢風格清新，我地坐底揀左幾款野食，朋友特別想試果個未來漢堡。炸魚薯條：呢個雖然係小食，但都好大份，完全係主食份量。薯條炸得好香好脆，本身對炸魚期望唔高既，因為都知唔係真魚，點知食落又幾好味喎，口感似麥樂雞，味道竟然又真係有啲魚味😋黑松露雜菌意粉：正正常常，不過如果再入味啲會更好葡汁雞飯：呢個就味道有啲新奇，唔似葡汁味，但都可以入口既，飯裡面啲素雞都唔錯。未來漢堡：朋友最想試既，果然係鎮店之寶，個包外皮脆脆裡面鬆軟，抵讚！素漢堡食落好似台灣豬肉腸既味道，都好好食。成餐埋單每人百幾蚊，價錢還好啦，不過第一次食素食餐廳，都叫做好滿意。

睇番以前嘅食評，剛剛好1年前嚟過尖沙咀嘅「Green Common」幫襯，佢哋以賣高科技前衛素食食材為賣點，嗰次試咗牛油果焗蛋、咖喱三寶配豆乳家常麵、足甘筍漢堡幾道菜式，感覺不俗。加上老婆本身食嘢都喺偏素，所以，佢都幾鍾意「Green Common」。最近又再到訪，見門面推介緊隻「新豬肉」（Omnipork），正所謂「新嚟新豬肉」，咁就梗喺要試吓啦。由於近年有好多高質素嘅素食店進入飲食市場，令素食非常普及，漸漸亦好多人喜歡食素，單睇有咁多人幫襯就知啦。用餐環境帶點北歐風，潔白簡約，牆上一組字「Make Change Happen, Make Green Common」帶出食素唔喺咩難事，非常有意思。概略睇過吓餐牌，之前試過嘅菜式都仲有保留，但始終都事隔一年，所以，點都補影一吓嘅。確實，對比一下上次嘅餐牌，多咗好多種菜式。我記得上之嚟喺晌出面櫃位點餐，再由店員送上食物，但依定就改咗全程有人招呼。其實，之前晌啲飲食雜誌及報紙，都見過呢種「新豬肉」嘅介紹，加上曾經晌另一家餐廳試過「未來牛肉」（Beyond Meat），覺得做到肉嘅神髓，故對呢一款「新豬肉」都抱有不少期望。此外，原來仲引申出一

Green Common 為一間素食餐廳！但見到餐牌既時候其實麵半信半疑是否素菜餐廳！無論口感跟味道都如非素食一樣！價錢亦算相宜！本身聽聞未來漢堡的口評來試！第一反應就一定要叫「未來漢堡」！由未來漢堡扒、素芝士、牛油果、蕃茄及生菜！牛肉漢堡扒外貌跟真牛肉漢堡扒一模一樣！入面既顏色跟口感都一樣，實在太耐人尋味！但本人覺得「未來牛肉」既味道比起真牛肉漢堡扒味道更好味，起碼不油膩，而且沒有牛羶味！素芝士味道外貌和味道都令我以為是真芝士！實在太奇妙！配搭牛油果🥑、蕃茄和生菜，實在太fresh！另一讚是廚師將整個飽，分左2份，再用竹簽插住，穩陣到可以打橫一口咬倒去，超痛快😋又可以一次過食到配搭出黎既味道！太讚！（平時在其他漢堡飽食店都好少做得到）焗葡汁植物雞焗黃薑飯是新登場菜式焗飯內的餸菜好多，除植物雞外還有很多蔬菜（西蘭花、椰菜花、紅蘿蔔等），感覺好健康！最特別有提子乾，令味道有層次跟有點綴之效！用芝士去焗飯，素芝士味道令我以為是真係芝士！雖然植物雞跟雞的口感有少少分別，沒有雞的咀嚼感，但還很似雞的感覺！比起平時普通食肆的葡汁雞焗飯內的雞相比，這個飯沒有飽滯感覺及冰鮮感！值得一試！黃薑飯每粒米

近年科技發達, 好多時想看想知道的資訊, 只要按按面書或YOUTUBE等就有大量的相關影片或文章可以參考, 宅女本身喜愛動物, 所以自從LIKE了一些動物專頁後, 常常一打開都會看到不少可愛的動物短片, 但有時候也會彈出很多人類殘害動物的片段, 看得多, 久而久之不知怎的, 每次吃肉時心裡開始有一丁點的不舒服感覺. 雖然宅妹有告訴宅女說有些片段時一些比較極端分子故意放出來的, 但其實近期自己也開始想吃少一點肉, 一來希望對保護動物出多一丁點力, 其次吃素也健康一點嘛. 所以最近不時都會光顧這家新型素食餐廳GREEN COMMON. 從前一提起素食, 很多人都會覺得就是吃什麼齋菜, 麵筋等等很老土的菜色, 完全提不起勁去吃. 不過近年有感越來越多人開始接受素食, 香港也推出了不少富玩味的新型餐廳, 例如之前就有扮日本料理吃素壽司刺身的; 亦有以蔬菜菌類做成各式各樣丸類的素食火鍋店. 而這家名叫GREEN COMMON的, 其實是一家餐廳+素食零售店. 全港現時都有6家分店在旺角, 中環, 灣仔等地. 而宅女多數去的就是尖沙咀店, 貪其地段方便容易找.餐廳位於尖沙咀海港城海運大廈的地庫,

晚上和孩子玩得晚了，到海港城覓食，見到green common門外沒有等候的人，馬上走到店內。店是分成零售和餐飲部分的。站在餐飲部外等，沒有侍應理會我們，看到我們的，只示意我們讓開，我見店中有位的，於是走到收銀職員處說明我是第一次到這分店，不知這店是怎安排座位及下單，侍應職員對望後，職員指著空位但侍應就走到職員旁細語，然後職員就要求我們到門外取票。我有點不耐煩的，兩大人，一小孩一嬰兒，店內人多，我們要出去取票，然後取票機也沒有啟動，列明店內有位不用取票。於是我又要走回店內告知職員，然後又大費周章地操作一陣子，再給我們一票。當時已無其他人在等位了。這神聖的一票真的很獨一無二。然後我們再看到空位，由於已晚，孩子也餓，侍應遲遲未讓我們入坐，我們問侍應，他們就說在收拾桌，只見收拾是慢速，我們想放下孩子，卻只好呆看他們坐分幾次收拾抹桌拿餐。心急的我們問能否先下單，職員也推搪了2次才為我們先下單，要我們先坐下，後來看到其他人才發現，原來他們是坐下下單的，埋單才自行到櫃面，奇怪的事沒有一個侍應告知我們程序，我們已表明我們未到過此店，問過程序⋯⋯試食價20多元有4件，外脆內軟！素肉內有菇，皮脆，就是炸

現代素食菜 🤔今日特登帶幾個外國嘅素食朋友去試吓仿肉素菜 等佢哋體驗下食肉嘅感覺呢間鋪頭以素食為主 鋪頭主要以黃豆同埋其他豆類去做出一啲類似肉嘅菜式 等素食者都可以試吓食肉嘅感覺 如果大家用食肉嘅角度同味道去睇 可能會覺得呢間鋪頭一般甚至麻麻但係如果以一個素食者嘅角度去睇 呢間鋪頭用植物去模仿肉嘅質感同味道都做得幾好！ 幾乎達到以假亂真嘅地步 個人覺得佢個手撕雞粉皮同埋滷肉飯都做得幾似肉嘅味道 甚至平時食開肉都覺得佢幾好食 反而佢嘅漢堡如果同真嘅漢堡扒比又可能會比下去因為始終好難模仿佢嘅肉汁同埋做到juicy 嗰個程度 但如果大家身邊有一啲素食嘅朋友 不妨帶佢哋嚟呢度試吓俾個驚喜佢哋 始終素食者係香港有時都好難選擇食物因為食肆好難列出每一碟餸嘅材料 如果有一間標榜食素嘅餐廳可能會方便唔少嘅素食者

呢排咁興食素就不如試一試呢間Green common，呢間嘅餐廳營運模式有少少似咖啡店嘅感覺，裝修燈光鮮明，坐位都幾舒服。除咗有得堂食之外佢隔離有零售嘅位置可以比人哋買到世界各地嘅素食產品，就好似素漢堡素豬肉燕麥奶等等唔同類型嘅產品。種類同味道都唔少。我同朋友先後就叫左一個未來漢堡Classic佢係採用左素豬肉來製成嘅一個漢堡，朋友話呢一個係佢呢一生之中食過最好食嘅漢堡，唔好以為素豬肉就未必好食估唔到佢都保持住有豬肉嘅質感同埋嗰啲肉汁，係有juicy嘅感覺。另外再加多$15就配一個薯條，真係新鮮炸出嚟嘅唔似得其他餐廳啲薯條凍哂又林哂，呢個係真係脆卜卜另外我仲叫咗一個七色藜麥超級碗。份量係勁多啊完全食唔晒，呢一個俾人一種好Fresh嘅感覺，藜麥下邊係會有少少嘅沙律菜做底所以係非常之清新，唔想食咁濃味嘅朋友可以叫下呢個黎試。總括來講如果去到尖沙咀諗唔到食乜又想食清淡啲可以考慮下呢間

星期五夜晚 想食得健康d又唔想要傳統素菜 就去左海港城呢間green common半開放式既餐廳 出面有唔同既健康野食賣 裡面就係餐廳 Menu有唔少選擇 個個樣都幾吸引 最後叫左 海南雞飯 “雞”食落太林 食落有d似好多腐皮疊埋一齊 麻麻地 餐廳標明既新豬肉 當然要試下 個包有驚喜 食落有肉味 口愈亦都唔錯 French toast 就正正常常 似薄既西多士 都唔錯既紫薯smoothie除左紫薯味仲有d麥片打埋一齊既感覺 幾健康 不過建議叫一杯兩個share 因爲飲飲下有d濟另外強烈建議唔好叫mixed berry個smoothie 飲落似嘔吐味.....

一直都想黎試下呢間餐廳，點知連食既機會都無。。。原因係我同朋友係開門時間1205入到餐廳，見餐廳格局有啲似快餐店形式，但見唔到有任何職員係收銀處同樓面，只見有一枱客係位到睇緊menu，喺搞唔清狀況下唯有呆企係收銀前等人出黎再問。同時有一對夫婦隨後入到黎，亦好似我地咁企左係到。我地4個人係收銀前等左幾分鐘，跟住有個女職員係門口入餐廳，但直行直過完全無理會過我地，之後另外一位職員亦都係貨架個邊行出黎，佢見我地企係收銀前，佢就用驚訝既表情同語氣問我地係到做乜，有咩幫到我地。我朋友就問個位職員係要排隊係收銀買左野食先再自己去搵位，定係要等佢地安排落單。佢先冷淡咁答話我地搵位坐然後佢會過黎落單。咁我地咪搵左張枱坐低。 好啦～問題係佢叫我地坐低等佢幫我地落單， 但坐低左成分鐘，個兩位職員只係企埋一邊呆站，menu又無俾我地，完全係無意識咁，總之你有你坐我有我呆企，為左唔想再受到咁奇怪既招待，我地決定離開去第二間餐廳食。 而另外個對夫婦見坐低左咁耐都係無menu又無人理,佢地都忍唔住走出去搵職員問佢拎menu。呢件事令我真心對呢間餐廳既職員態度好失望。我唔介意係自助形式，只不過你叫我地搵位坐低等你落

係食青花嘅隔離，有間食西式素食 Green Common, 主打Beyond Burger 未來漢堡🍔 聲稱burger入面冇任何肉嘅成份，而且冇基因改造，無激素，高蛋白質！咁究竟素漢堡扒可唔可以取締傳統漢堡扒呢？🧐-🍔叫左個classic未來漢堡 ($78) 加牛油果 (+$18)。從賣相來說真係同普通漢堡一樣🤭 因爲素漢堡扒入面用左紅菜頭調色，煎完出泥就有啡紅色嘅效果！裏面嘅番茄，生菜同牛油果都好新鮮👍🏽 而漢堡扒食落去嘅口感同真嘅有80%相似，由於素嘅漢堡扒由大豆等植物組成，有自己獨有嘅味道，🍔就覺得唔太似真嘅🐮，但營養價值同新意就肯定滿分💯-依個餐廳入面仲有得買唔同素食嘅產品，為素食同唔少注重健康嘅人士提供更多嘅選擇！🍔亦都襯減價買左兩支燕麥奶，裏面並沒有任何牛奶成份，而且低卡路里！不錯一試😊

適逢我有個朋友係澳洲返嚟，又係初一十五，係佢食齋嘅日子所以特登帶佢嚟呢度食，本身有幾個選擇嘅，一係食自助餐，一係叫餸食飯，一係食西餐，咁佢就揀咗食西餐咁當然第一時間諗起呢度嘅漢堡包啦，因為對一個大部份時間食慾嘅人來講，好多齋菜佢係未食過，係佢哋嘅印象亦都可能剩係得菜同埋一啲好清淡嘅嘢所以呢度應該比到驚喜佢今日就叫左『海南雞飯』、『未來漢堡』、『蛋牛治』呢三個都係好值得推介一嚟到佢係咁話所有嘢都好像真不過最好食嘅都係嗰個漢堡包，佢話啲肉真係好似真肉嘅口感佢都話下次會再去食當然最後我亦都買咗兩塊未來漢堡扒嚟過好多次都冇機會買到

之前試過旺角分店，還可以。今天在剛好在尖沙咀，就去再試一次，叫咗個新豬肉台式滷肉飯，第一啖入口已經感覺非常喊，到第三啖已經不能再擺入口了。超級難食我諗我以後都唔會再幫襯！！！

因為我先生係食素既所以我一直都盡可能同佢試唔同既素食餐廳餐廳設計唔錯，有素食既零售產品出售包括飲品、急凍食物等等。。。飲品雖然略貴但好好味，唔會太甜服務員幾好，食物到左之後我覺得賣相真係唔錯但食落去味道就麻麻。。。味道好單調而且好清淡，因為我知道素食唔一定係單調又清淡，但尼個飯真係令人失望食到我口寡寡相反我先生就話個意粉同薯條都好好食，之後佢試下我既植物蛋飯，佢都話味道麻麻地總結我覺得一般，至少我唔會再去

潮流興茹素，剛開始的朋友仔可以先嚐試Green Monday or Green Tuesday... 😃 又可以先由每週一餐，加到每週兩餐再逐漸加上去 😄。 如果大家有興趣一嚐以假亂真的素食，推介大家可以去試吓Green Common 嘅 Beyond Burger 🍔，入面嘅 Beyond meat 係由多種蔬菜和豆製成，無論賣相同口感都係一等一嘅 😄，同以前嘅齋館真係有好大分別，依家有好多素人都去幫襯咖。 現今茹素，可以有好多原因嘅！！有啲為信仰、健康、瘦身、環保、愛動物。。。等等您都快啲試吓啦，每食一餐素就可以幫助減碳排放 😊 對身體又好啲，有萬個好處添咖 😄

喺見到有位朋友post左一間餐廳嘅食物相，有海南雞飯仲有漢堡食，再睇埋佢講原來全部都係素食令我好有興趣想試一試，望一望search下 原來就係尖沙咀嘅Green Common入到去除咗你可以坐低食之外，仲有一部份係出售嚟自世界唔同地方嘅素食產品。我哋係晚餐嘅時間去嘅人流都非常之多，估唔到香港原來係有咁多人鍾意素食海南米走雞呢個植物雞配黃薑米，佢個賣相就整到好似海南雞飯咁而醬汁亦都好似平時海南雞飯咁有三種，要整到雞個樣都要花d心思，不過真係要整到食落去似係雞個質感就唔係咁易，我相信佢亦都唔想整到係咁。植物雞食落你會食到好有豆味，應該大豆係主要嘅材料，再薑蔥配食 味道都唔錯 完全油膩 係幾好食嘅未來漢堡Plus呢個素食漢堡望落去個樣同真嘅係冇分別，原來除咗個樣之外，個味道同真嘅漢堡個分別都唔係好大，味道係十分之相近而最大嘅分別我覺得係係落只係冇咗煎肉果一種油香，而且完全唔油膩係好食嘅