Green Common (海港城) (已結業)

✏️ 七色藜麥超級碗 ($89)一個超級清新健康嘅選擇 拼出黎顏色超級靚 有車厘茄 牛油果 藍莓 粟米粒 紅腰豆等等 底下就係滿滿嘅藜麥成碗係冇特別調味 醬汁係一小碗柚子汁分開上 不過我個人覺得個汁同碗藜麥飯唔係好夾🤔反而我問店員攞咗啲鹽同埋胡椒粉撒落去更加味道夾😂整體分量都幾多 食落絕對會飽肚不過認真嘅 如果食開重口味嘅人應該會覺得呢碗係冇乜味咁😂但係如果想食清淡啲健康啲嘅話試下呢個喺無妨〰️✏️ 新豬肉椰菜煎餃 ($39)第1次試新豬肉 個樣睇落唔太討好😂不過食落有驚喜😂味道同真嘅菜肉煎餃一樣🥟皮薄餡都好食!內裏嘅新豬肉味道真係同普通肉冇乜分別 幾可亂真 而且煎得幾香口 味道唔錯啊〰️✏️樂樂雞 ($34) 呢個係我好期待嘅 因為個樣十足十麥樂雞🐥不過佢係素肉嚟 又比麥樂雞健康🤪炸得幾好完全唔會覺得油膩 食落都同麥樂雞有七成似啊 個人都幾鍾意而且完全估唔到連佢旁邊配嘅蜜糖芥末醬都係全素嘅 但味道係同平時麥當勞食到嘅一模一樣😛想食麥樂雞但又想健康(懶健康🙃)嘅話呢 個止下癮真心都唔錯

其實是在金鍾great 裡面間green common 買的，不過openrice 沒金鍾ne間分店就入住ne間打住先啦。 有另一隻係雞肉pizza不過俺偏愛菇菌類，所以就選左ne個黑松露白汁雜菌薄餅$47，原本打算拿番公司直接微波算，但個店員表示可能要叮好耐，建議在場叮左先，2分鐘就得（好好人呀～）一叮完wow~~ 黑松露同菇味香到蓋住個盒都散出黎。 終於到開餐time, 有少少凍左（因為有芝士）所以叮一叮先～～ 叮左分半鐘拿出黎聽到滋滋聲，開餐啦！！！ 目測有幾款菇混埋一起：香菇，磨菇，似秀珍菇上面放左pizza 芝士條，黑松露白醬做底皮，黑松露食落去淡淡地，菇點煮都好食，芝士略少，仲有幾多黑胡椒調味tem，整體唔錯，但略嫌pizza底實到好似餅乾底。然後有加購價$26換瓶冷壓果汁-藍莓蘋果（沖住個瓶去+冷壓好似hardsell唔破壞維他命定咩），順帶一提會有沉澱物（應該係過濾過的果蓉，既唔會飲到渣又飲到d纖維個個feel) 所以可以shake左再飲。

去過幾次green common . 好喜歡佢地嘅菜式！今日經開尖沙咀，又同朋友仔去食，今次食D之前未試過嘅嘢。炸魚薯條呢個炸魚真係同真魚冇分別囉！同朋友仔異口同聲都話「好食到爆」。 最變態係佢真係有魚味🤣🤣 囗感亦都係同魚冇乜分別！想講係入面都係juicy !!! 個薯條外脆內軟，唔會油，炸得剛好！我鍾意薯條點佢個他他醬，正！全部都係即炸，最欣賞係有埋沙律菜，食完炸嘢有返啲菜平衡返，冇咁罪疚🤣🤣🤣日式咖哩漢堡烏冬個漢堡真係好似真嘅牛肉漢堡扒咁😭😭好好味。唔講比你知係素真係好難分別囉，仲要顏色都係同真牛肉一樣！個咖喱汁就係平時食開個啲日式咖喱，甜甜哋，撈烏冬幾好食。仲有叫多一個餃子，呢個係我想食好耐，因為見到佢地個OMNI PORK 好想試吓，佢個口感同真肉一樣，入面有椰菜絲，係同正常嘅餃子一樣味道！ 我極度喜歡這個！

最近素食文化愈來愈普及同多元化，不單單只限於蔬菜水果，而家仲有新豬肉🙈即係用大豆，冬菇製成既「肉類」今日就去左呢間算係香港頭幾間推行新豬肉產品既餐廳-Green Common介紹翻呢個係口水雞，材料有腐皮同豆腐，個汁既味道就係川味辣椒。個配搭幾好食，外型都好似🤣🤣而後面果個就係野菌意粉，水準算係唔錯👍🏻🙂好食！另外仲叫左個無花果pizza，無左肉類既pizza雖然無咁香，但勝在唔會太油膩😋而且無花果既甜味同個pizza幾夾，都幾好食🙈🥰下次再黎會試埋佢地既signature: 未來漢堡😃好中意新派素食呢個concept,除左環保，減低對動物同環境傷害，仲可以食得健康👍🏻😌

今日午餐想食清啲，所以就嚟咗位於尖沙咀海港城內嘅Green Common食素。呢度有各式各樣嘅沙律，肉類方面，無論係豬肉，雞肉定牛肉，都係以植物蛋白質造成，口感同味道都相當神似，對身體健康也減少了負擔。我點了1️⃣羽衣甘藍無花果沙律（$86）- 味道相當清新，無花果同蔬菜都是新鮮的。2️⃣植物肉醬意粉（$74）- 肉醬嘅部份有濃濃嘅蕃茄味，而且同傳統嘅肉醬意粉根本係一樣味，完全食唔出係素食。下次如果想食清啲，我都會再嚟。

呢排食得太多好嘢, 想食返清淡少少但朋友仔約到, 無理由去食粥咁無誠意嫁嘛經過－輪嘅research, 終於決定去試－間位於尖沙咀嘅素食餐廳 - 未來漢堡<未來漢堡Plus>呢個未來漢堡plus都幾有厚度, 半個牛油果 加素芝士、素肉同生菜, 個口細少少都咬唔到牛油果同生菜好新鮮, 素芝士溶左係塊素肉度好正~而最正嘅就係佢塊素肉, 應該係用豆皮做嘅, 雖然口感唔係咁似肉, 但味道更優勝<日式炒烏冬>日式炒烏冬裏面有冬菇、蘿蔔、椰菜、粟米同埋小蕃茄。醬汁酸酸甜甜幾開胃, 食落濕濕地, 幾唔錯

雖然我不是素食者，但我對素食並不抗拒，而且這間餐廳主打未來的肉，當然要試一試！我們叫了經典漢堡、羽衣甘藍無花果沙律、雞塊、薯條和餃子🥟！因為現在只要like page 就可以有兩隻免費煎餃，一枱最多只可以要四隻。其實肉的口感是很像真正的肉類，不過味道就一般了！整體來說，食物質素一般，但價錢就跟肉類一樣，對我來說不值得，未必會再回來！

星期六喺海港城行街，間間野都要排大隊，見呢一間未試過，又唔係排好多個，不如就試吓。第一樣要試一定係未來漢堡，第一啖咬落去真係覺得好似食緊肉咁，完全唔覺得係素，佢只係欠左一啲牛肉嘅蘇味，但如果你唔同我講佢係素，真係完全唔知道味道不錯，當然唔好要求會好juicy，但真係幾特別，又可以環保啲又可以有食肉既感覺，我覺得不錯仲叫咗個葡國雞飯，當然都係素食，個葡汁同出面食開嘅葡汁冇乜分別，個雞肉就好似出面買到既零食，齋雞咁，不過切成一片片。一定唔會係好好食，但係又幾特別，可以一試。

平時出街食得太多肉，偶然都想食清d。行海港城經過，見到menu有我最愛紫薯杏仁奶，同埋全部素食，就比個機會試下...點左一份羽衣甘藍沙律、未來漢堡包、同紫薯杏仁奶...最大驚喜係漢堡包唔講仲以為食緊肉，大大件牛油果同蕃茄，加埋一齊食好juicy同滿足

由於有朋友開始吃素食 便尋覓素食餐廳與她試一試。在海港城發現這間素食餐廳。看餐牌便覺得不簡單，素食竟然有這麼多款式，便立即入內了解了解！最感興趣就是這個未來漢堡看名字也覺有趣，吃起來更有趣口感真的與真漢堡十分相似，有真肉的感覺有驚訝到，原來素食都可以做得那麼真！飲品選了紫薯沙冰 甜度不太甜 充滿紫薯味 感覺很健康口水雞 家常麵這個雞會吃得出是素 但醬料搭救 還有雞皮的模仿 吃起來也十分有真口水雞的感覺最後甜品西多士 是全麥麵包製造 是不加雞蛋造吧

尖沙咀海港城都有好多比較貴既餐廳，成本價自然食物都貴，無辦法了。呢一間西式素食第一次黎食，環境都可以，而且都夠闊，點了未來熱狗腸雜菌炒意粉 。熱狗腸食落去似真係食緊肉既感覺，口感都唔錯。意粉既口感都有爵口唔太林，不過份量真係太少了，唔太夠食。而且因為汁都比較少所以無咩味道，要加茄汁先有味道。另外，可能人手真係嚴重短缺，所以拎杯，拎水都要自己黎，都無人叫得到所以覺得服務比較差了。加埋一要$76，普通。總結份量少，欠缺人手。

宜家興食素，環保又健康，今次黎green common 見到除咗零售外，隔離就係餐廳今次試咗個植物蛋照燒碗，另外再加個素嘅肉粒上菜一睇，驟眼望真係同平時出面食嘅無分別！素肉粒賣相同真係肉嘅肉粒一樣個汁係黑椒汁，非常惹味。而當然個素肉粒嘅味道口感同真肉嘅完全唔同啦但都係好味道，唔會令人反感或抗拒呢個植物蛋照燒碗真係勁！唔講唔知個蛋原來係素蛋！即係一啲雞蛋成份都無食落個口感同味道都唔錯，當然唔及雞蛋咁濃味，但呢碗植物蛋加上個日式照燒汁，撈埋啲糙米飯，又健康又好食

第一次食未來野 原來又ok喎☺️全間店都係素食黎既 但係又食落都幾似肉 媽呀好亂呀🤩依個就係佢地最出名既未來漢堡 佢係用豆呀菜呀之類整成塊漢堡（我都唔知有咩材料😂）不過賣相同漢堡真係好似🤣食落雖然都知道唔係肉 不過都幾好味～依個腸仔炒意炒就較一般 似係屋企都煮到既意粉😂仲有個腸仔麻麻地好食 一樣唔知用咩整😂椰菜餃係佢地既新產品 比想像中好食👍🏻有驚喜☺️跟個漢堡加咗個沙律 夠清新～成餐都冇肉 不過一樣食到飽一飽 幾新奇 值得一試🤣🤣

Green Common 一直係素食餐廳嘅佼佼者，不時會推出新產品，之前食過佢個未來漢堡plus，覺得好好味，心癢癢想再食，咁啱今次推出咗期間限定嘅未來漢堡deluxe，一於去試下！原來未來漢堡deluxe係多咗松露醬，好creamy好好味！由於我地係2個人share嚟食，當我地提出將個包分半嘅要求，職員都好樂意答應我地！肉醬意粉有啲蕃茄，菇同偽肉腸做配料，個意粉偏乾身，係辣嘅，對我呢啲唔食得辣嚟講好驚喜！

今天想吃素的午餐，選擇了位於海港城內的新派素食餐廳-Green common. 餐廳裝潢時尚又光猛，設有零售食品部和用食區域。今天試一下新產品：Beyond burger curry rice未來漢堡咖喱飯$68這個未來漢堡咖喱飯就是選用了全素的未來漢堡扒配上日式咖喱汁。未來漢堡肉質鬆軟又juicy, 而且煎得甘香。咖喱汁有一點稠度，味道甜甜地，一點也不辣，拌以紅米飯，感覺健康又美味。Cappuccino $18這cappuccino 是用了杏仁奶冲調。咖啡味道甘口，沒有一般咖啡的奶香，口感比較薄身，感覺輕怡一些，味道還可以吧。估唔到素漢堡咖喱飯都幾好味，而且沒有正常漢堡咖喱飯咁油膩，絕對可以echo.