Goobne Chicken (M88) (已結業)

朋友介紹下知道這品牌的烤雞十分好味所以今次專登晏一點來吃， 剛好一點半 看見很多空置的枱， 但他們把我們帶到去 一些比較狹窄的位置坐， 我們看見窗邊位置比較舒服， 所以要求轉向窗邊的座位……但哪位服務員說這個位置比較乾淨那邊的位置還未清潔好， 我說可以等， 奇怪的是服務員都站著沒有工作， 為什麼不先叫他們執好座位方便其他客人入座呢？？？等了一陣終於看見有服務員執拾檯面碗碟看見他們慢動作執拾檯面， 最後我們等了大約十分鐘左右方能入座， 和女友商量後決定嘗試新產品排骨味道雞件配蔬菜，他們提供的蔬菜很新鮮份量也很多， 但是雞肉味道偏鹹雖然有蔬菜伴著吃，但是我也覺得比較鹹，感覺一般…… 之後叫了一杯柚子熱飲解解鹹鹹…… 服務員說是一般熱飲杯份量 ，上臺後發現真的是一杯熱飲杯份量！係大X樂嗰隻……仲要成差不多四十蚊先唔好計較佢嘅價錢，但真係唔抵飲…… 份量和味道都不值這個價錢…… 難怪我見到大部分客人都只喝清水， ok 我女朋友最喜歡的雞蛋捲出場不過不失水準一般， 但係我女朋友不停說好食好食可能真係我唔識食……整體來說服務一般差 …… 叫佢執張枱都懶， 落單快但落錯單， 上菜又慢， 禮貌一般效率

嘢食好味但服務質量下降…… 被迫我比喊包……其實一早訂了'位知道 lunch經常爆，還有等待 食物時間較長，所以今次訂了枱等收工可以輕鬆入座， 當我們一到埗，完全看不見 侍應等了一陣突然有一位員工衝過來嚇了我們一下之後 他帶我們入座，他解釋也很好！當我們看menu準備落單時…… 發現他們完全看不到我們舉手 等了一陣， 看見一個帶上白色頭的員工經過，他叫我們等一等才有侍應 幫我們落單， 落單後我叫他給我兩杯水， 佢話一定要買先有水…… 奇怪？！之前午市是有水供應的，而且他的態度也不友善， 最後我們等了食物上枱後因為實在太口渴，最後叫了一支水 share， 比較奇怪的是他們的加一服務費是服務我們什麼？？？ 最基本的一杯水也不能提供還要說是公司規矩？？我看見他們都很得閒笑容滿面十分愁閒地在客人面前談笑風生！為什麼連一杯水， 都懶得去幫客人裝呢？？？這又是什麼規矩 午市有水晚市冇水？？ok ok!講下好的地方^^今次我們點了韓式烤雞 小小香辣小小肉汁 保持到水準 可以繼續幫襯 但係服務 質量 晚市明顯下降了很多……完全看見唔到我們要落單 沒有水嘅提供解釋牽強， 好老實今次一定要畀喊包實話實說

四个人点了best sell的年糕、炸鸡、鱼糕汤、两杯饮料，人均190。芝士年糕是目前为止吃过的最好吃的，放了洋葱、拉面、鱼豆腐片，都很入味、易嚼。咖喱炸鸡偏甜，外皮不是很脆的那种，个人不太喜欢。汤…很普通。环境和服务非常好，服务人员都很热情！

是咁的，我book了12noon 平日lunch,由於公司有突發事，所以遲了10分鐘才到，去到餐廳坐低不久，有個戴眼鏡穿白色裇衫的女人走過來，兇巴巴同我和朋友講'妳哋遲了，我本來凖備將妳張枱轉俾另外一枱客，我今朝已經call妳confirm 咗booking,冇下次！'我是遲了，但1）那個女人的同事絕對可以當時告知枱已經轉了俾人，但那位同事沒有；2）畢竟我是客人，為何我要受她氣，妳同事之間沒有交帶清楚關我乜事！這間餐廳食物質素已經不重要，出外用膳還要俾人鬧，絕對是趕客，我亦會替她宣傳吓，放心，真的'冇下次！' 太不可一世的服務態度！食物名稱和味道評語是：Noodles Egg Roll（甜蛋味，普通）、Tuna Salad (無味、很難食）、 Fishball Tang （淡，沒有驚喜）和Basasak Chicken (味道不特出）

自從香港興左食韓式炸雞之後我就完完全全冇再食個KFC嗰啲快餐店炸雞了因為美式炸雞通常第一個印象就係炸到雞肉又乾身而且啲肉又鞋每食一件炸雞都好似受罪咁因為又大陣雪藏味又鞋而且又越來越細件不過韓式烤雞通常用返比較細隻嘅雞隻唔會炸到好乾身就係正正呢點吸引左我成日食韓式烤雞不過身為芝士迷嘅我見到有芝士炸雞就點會唔叫呢到一叫烤雞就要叫晒全隻所以保證你食緊個隻唔會同其他枱撈埋一齊而且出邊嘅烤雞通常只係加上一種芝士溝埋一齊但係呢度唔單止用上車打芝士再加上忌廉芝士同埋藍芝士所以芝士味道比其他店更加入味更更出色而且烤雞又唔會過分油膩可能用上芝士粉嘅關係雞嘅外皮仲係好脆食落口仲係好多汁唔會炸到乾晒而且一隻雞嘅份量都好大隻最後再叫多咗一份雞蛋捲雞蛋入面在包住紫菜入面嘅餡有蟹柳香腸同午餐肉我最欣賞呢款雞蛋捲就係包得實嘀嘀食落好充實

朋友一直都好想試呢度既烤雞，因為標榜非油炸，而且款式多所以就揀佢開始2017年食好西之旅😎晚上八點黎到，唔駛等，最開心係安排坐窗口位雖然無乜景色可言，但可以減少壓迫感講真，呢度只係烤雞多款式，想食個飯或者面都無…選擇唔多結果我地揀左 韓式烤雞同芝士辣炒年糕芝士辣炒年糕熱辣辣送上枱，望著啲芝士起泡，而且可以拉到好長既絲 視覺同味覺都好滿足年糕同韓式拉面都好煙韌，但魚片就乾左啲，仲有洋蔥 最正係佢個甜辣醬，雖然話三條辣椒，但唔算好辣 十分滋味但價錢唔平 呢度都只係賣名氣…韓式烤雞都係熱辣辣送黎，非常熱氣既感覺食落無油膩感，外脆內軟，亦有肉汁滴出黎，注意 唔係油滴出黎但由於呢個係後上，食左好重味既芝士年糕之後，再食呢個，結果就覺得烤雞唔夠味 而且店家有點姑寒 烤雞醬既量根本就唔夠，點半隻雞都要慳住點先夠另外半隻要就咁食…題外話，店家真係唔夠大方，店員話晚餐時間唔會提供水咁即係要迫人飲佢啲特色飲品啦😠 我本身唔中意飲甜野，而且佢呢度啲非甜既飲品 唔親民喎 完全唔想叫佢 結果要快快脆食完走人 我都係中意食親民啲既野 唔會再黎

禮貌十分好的員工！說:一隻鸡由生烤成熟大約十五至二十分鐘！但……但我們等了45分鐘才來、！一小時午飯時間！最後只有帶走回公司下午茶吃……出菜時間太久……不建議午飯時間用膳……

Christmas 新年最多gathering活動，唔想食鹵水雞翼、pizza, 今次就試新花款，外賣九折食了韓國烤雞、雞蛋卷。原來餐廳的烤雞都有差不多十種味道選擇，因為聚會有老有嫩，選了大路的皇牌味道「咖喱蜜糖烤雞」，咖喱夠味少少辣，塗上蜜糖再烤，雞皮烤得脆卜卜，一盒原是一隻全隻烤雞，再切成12-14件，足夠4-5人份量。特製雞蛋卷的外面是一層層的蛋，感覺似瑞士卷，內有青瓜，蘿蔔絲、午餐肉，再有芝士醬流出。外賣自取九折優惠包一盒烤雞，及一樣其他自選餸菜，優惠期至31/1/2017

時日放假，順便過海，就去嚐嚐人氣極高的goobne Chicken吧Volcano Chicken$185有5個辣椒的火山烤雞，聽名子也令人興奮火山，給人紅噹噹，火辣辣，熱至溶化的感覺，令人期待。火山烤雞沾滿辣醬，入囗攻喉火辣，嗆囗惹味，辣至咀唇開始腫了。喉嚨就如火山般熱辣辣，嚐辣者要試哦。BBQ醬豬肋骨$208雖然非用鐵板堂食，而是用膠盒外賣，但賣相擺放也非常好哦。BBQ醬豬肋骨約5條，豬骨的肉量不少，是吃後會滿足的量哦。豬肉軟嫩，建議回家後把芝士佈上後烤，更有拉絲效果哦

第一次吃Goobne 的時候, 是在朋友的bridal shower party 之上。那一次是外賣自取, 吃的時候當然已經有點凍了, 不過也覺得頗為美味。之後發現原來Goobne也是一口氣開了數家的分店, 其中一間就在中環的M88。不錯喔, 和上班的地點很近, 就找天與同事一起去吃吃看。上網找了一下Goobne的網站, 只找到一個簡體字版的, 午餐竟有做大碗飯set lunch? 驚疑不定, 但也決定一班人去試試看。即日才訂位, 也訂到12:00-13:00 的6人枱。訂位之時, 店方萬二分抱歉地請我們要準時走, 怕影響之後的客人; 但到達之時, 又很雀躍地告知我們, 他們已經與下一組客人溝通好, 可以多留一陣至13:15左右。這一個舉動真的很貼心呢。主動做多一點點, 食客的感受就完全不同了。事實是Goobne上菜的速度很快。我們大約12:10坐下, 下單上菜進食, 大約13:00就埋單離去, 堪稱神速。奇就奇在又不覺得很趕, 怪哉也。唔對了, Goobne的午市並沒有做SET LUNCH, 都是在散點菜單上揀的。每一碟的份量都不少, 個人覺得, 至少有四人才好來吃, 否則很難叫餸食

之前話同朋友去食雞，朋友推介這間，上openrice 望望，指數都唔錯，為了就朋友去了中環個間店，上到去都好多人等緊位，幸好朋友比我早到先攞位餐牌上有好多唔同煮法嘅雞，今次朋友點了Volcano chicken $185兩個人以為佢唔係好辣，佢個醬汁超正帶少少酸，一入口就開始感覺到少少辣，加嫩滑嘅雞肉，正！吃多一兩件之後個醬汁開始令我感覺刺激，個啲辣堅刺激，皮脆香滑雞肉配上特辣醬汁，成個人醒起來！如喜歡刺激嘅朋友，一定要試！就係因為太刺激，點了杯幫我解辣嘅Shark blood Rita $88 大大條鯊魚到插在杯內，味道都幾特別！朋友見到咁嘅情況點了個清清地嘅砂鍋魚糕湯 $150個Fishball-tang放滿了好多唔同形狀嘅用鯛魚製成嘅肉丸，入口都好彈牙煙韌，感覺就好似係韓國街邊吃串串嘅感覺，當然呢個味道正好多！喜歡食炸雞，一定要試試！想吃最好先訂位，如果唔係要等位就浪費時間！

由於極不喜歡排隊揾食，所以聽到依間野幾hit幾好味，我都唔排隊食。直至同事話中環開左分店，我地就同一班同事lunch time，book 定位食。一行幾人叫左2盤炸雞，太多選擇，揀左2個best seller，炸雞熱騰騰咁上到，本身已經加左分韓式烤雞少少辣，就算唔太食辣既同事都食到，食完唔太膩。Fruity Soy Garlic 烤雞有少少甜酸味，都不錯。個人都係覺得辣雞好味d但同事們就like依個多d。之後仲叫左豬肋骨（同事極力推介）堅好味，加埋芝士，真係回味無窮，但始終芝士都係太"漏"，每人一件就好了，唔係食唔到其他野。雞蛋卷見到個best seller當然要叫，味道正常水準，但勝在份量多，視覺已經滿足左先再來個沙律中和下（次序掉亂晒，太急了忘記左影相）吞拿魚沙律，都係正常水準，但因為之前食得太多肉了，個個都忍唔住食d中和番。最後就係柚子沙冰（唔知係咪因為太多人order,食完先黎)感覺係用新鮮柚子打（雖然唔知係咪真)好好味。最後勁滿足番公司

星期5 thanksgiving, 公司要扮下老西話請同事們食餐好既, 老闆諗起中環E間新開既炸(?)雞, 作為為食一族既我當然9衝打去book位啦, 點知waiting list  係我打定輸數之際, 突然見到電話有成5個missed call, 打返過去原來有位即刻已經無心工作啦捱到12點,9衝去攞位, 好彩行得快, counter 已經有一行10人既猴住我地張台廢話少講, 即刻點左3盤吾同味既雞先, 再加點一個蛋捲, 果陣可能仲早, 所以10分鐘都就上齊曬所有野D雞原來用烤既方法整, 食落好吾同, 比炸既更juicy, 又吾似其他咁落勁多汁搞到食吾到雞既味, 個人比較鐘意食重口味既野, 所以覺得garlic 果隻最好味蛋捲都幾好味, 但就吾太夠熱有D扣分同埋新開張仲未有酒牌, 所以得無酒精飲品,有D失色 價錢就同其他分店一樣,有!D!貴! 如果有套餐或者減少少會好D low

韓式炸雞食唔少~ 估唔到依然食到驚喜~Goobne 係韓國有多間分店~ 果然有實力~~餐廳環境寬闊~ 空間感十足~~餐牌以圖片介紹為主~~ 有圖有真相~~其實幾款都幾吸引~~但之前食其他鋪頭... 2個人點左2份炸雞...食左一半就投降...搞到要打包返屋企~ 做第2日lunch...今次唔可以再犯同一個錯~ 唯有留待下次再試更多~同老公都係嗜辣之人~點左餐牌內有5隻辣椒的炸雞~賣相幾吸引~~ 唔似一般炸雞~ 唔會見到有厚厚炸粉~類似蜜汁燒雞翼的賣相~~咬落口甜甜辣辣~ 幾惹味~~因為雞皮唔係厚實個類...健康如我~ 都忍唔住食左2塊 XD雞肉亦算嫩滑~~ 算係我係香港食咁多炸雞~ 最滿意的一間~~下次想試芝士炸雞~ 希望一樣美味~~由於天氣轉涼~ 都點左一個魚湯暖暖肚~~裡面有好多款魚餅呢~ 亦有丸、有菜~~魚餅全部都幾有特式~ 唔係一般香港街外食到~我諗係韓國運黎~~全晚最可惜之處~  就係餐廳未有酒牌~所以只可以點無酒精飲品~~點左一杯柚子沙冰~~份量大杯，入口 酸酸甜甜~ 不過，都係啤酒配炸雞~ 先係我心中所愛~~

這星期與韓式烤雞頗有緣份，連續兩日不約而同與不同朋友享用韓式烤雞。Goobne Chicken 是韓式烤雞連鎖店，在韓國擁有超過 1000 間分店，人氣極盛。自炸雞熱在香港掘起，Goobne Chicken 先後已在香港開了六間分店。是日到訪的是中環新店，設計風格簡約時尚。最先送上的是主角 Fruity Soy Garlic Chicken。蒜頭本是重味之物，雖然好吃，但處理不當容易造成喧賓奪主的情況。這碟甜醬油蒜香雞，並没有出現以上情況，蒜香味道輕輕的，留有空間予蘋果檸檬汁發揮清甜果香。至於雞件本身，因以烤焗手法代替油炸，講究的不是香脆食感，而是肉嫩多汁的享受，這方面大體上也能達標。一行二人要完成一整碟雞其實已有相當困難，所以後加食物也非常克制，只點選了一客 Special Eggs Roll。這條特色蛋卷，以蛋餅包裹黃瓜、醃黃蘿蔔、火腿、海苔及芝士卷成，味道相對清清的，並以爽口食感為主。喜愛重味一點的朋友，也可蘸點伴上的芝士醬，味道更為濃香。 翻開餐牌的後半部，是各式飲品餐單，最吸睛的明顯是配上倒插鯊魚裝飾的 Shark Blood Rita (non-alcohol)。望見真品