GOCHISO (已結業)

之前路過K11的Gochiso見到個環境同餐牌已經想食，可惜果日太飽。今日在沙田行街，發現原來沙田新城市廣場都有間分店，咁一定要試下啦依家有羽衣甘藍special menu，我注重養生既朋友即刻比佢電親，即刻話要叫，話對身體健康好好最後我地揀左羽衣甘藍海鮮沙律呢個沙律除左一大顆羽衣甘藍之外，仲有其他沙律菜，怕食唔慣羽衣甘藍味道既人都唔洗怕。另外仲有大量既海鮮，特別想講佢個三文魚真係好肥美！！南瓜玉米忌廉湯餐湯選擇了南瓜玉米忌廉湯。南瓜味道很濃郁，而且入面仲有好多豆子，好飲主菜選擇了兩個燴飯芝士鮮蠔配日本產帶子燴飯鮮蠔同帶子都幾大粒，又夠新鮮，配上濃郁芝士味的燴飯，好好食西班牙海鮮燴飯（半份）海鮮有蝦、青口、魷魚及貝殼類，配上紅米飯食都唔錯。加了檸檬感覺更清新呢日本產番薯焦糖荷蘭鬆餅鬆餅有點厚度，內裏都有香甜既蕃薯同雲尼拿雪糕一起食，真係好幸福啊草莓蜜桃沙冰酸酸甜甜很開胃，比起蜜桃味，草莓味更出，鍾意🍓既人必點Fresh Kiwi Mojito呢間餐廳有三款mojito，分別是奇異果，草莓同芒果。聽侍應講奇異果係最多人點既，咁我都跟大隊啦比起正常既mojito，呢杯多左果酸味，值得一試呢

一家幾口嚟到新城市廣場，搵到呢間和民集團嘅意大利餐廳，有新意。叫咗羽衣甘藍海鮮沙律配清新西柚汁，羽衣甘藍這種高纖維菜，食落好有口感，沙律菜好新鮮，配西柚汁好醒胃。蒜蓉多士脆卜卜，多士面搽滿香草蒜蓉 ，吃到有碳烤嘅味道，好特別。香辣蕃茄蓉汁煮青口， 新鮮熱辣上枱，汁香味濃，青口十分新鮮。焗芝士薯仔皮，這個最好吃，豐富芝士溶於薯皮上，味道香濃，有少少辣，十分可口。西班牙風海鮮飯(半份)，份量都唔少，鑊仔上，材料包括蝦、青口、蜆、魷魚，飯粒炒得好香，可惜海鮮唔夠鹽，欠一些鹹味。蕃茄芝士牛肉醬鮮製意粉，這是較寬條麵幼身嘅意粉，彈牙唔會太淋，沾滿醬汁，非常可口。香烤年糕明太子披薩， 十分有趣，煙韌的年糕配辣辣地明太子，感覺很新穎，不錯。山葵松葉蟹肉意大利燴飯，輕輕的wasabi 味道，唔辣，配大量蟹肉，這個咁特別的意大利飯越食越開胃。

之前幫家姐買野，今日比佢順便同佢食埋晚飯，佢話上次同同事黎過GOCHISO食，覺得幾好食所以今日帶我黎食~我叫嘅湯係特濃南瓜粟米忌廉湯（$38）煲到好濃郁，啖啖精華，正~家姐叫嘅係法式芝士洋蔥湯（$48）佢話味道都唔錯！焗釀帶子大啡菇（$48）家姐知我鍾意食菇，所以專登叫比我食，個菇勁juicy！焗芝士薯仔皮，d芝士焗溶左喺薯仔皮上面，食落勁惹味！日本產鮮帶子伴羽衣甘藍意粉配檸檬忌廉汁（$138）呢個係我家姐食嘅，佢話幾鍾意呢個意粉味道比較清新。而我就食溫泉蛋蒜香黑松露鮮製意粉（$98）黑松露香味十足，加埋溫泉蛋就更正！香蕉朱古力比薩（$73）十分邪惡但好味嘅甜品，但兩三個人先食得曬XD飲品方面，我叫嘅係Strawberry Peach Frozen （$58）而家姐叫嘅係Apple Yakult（$33）呢到食物同環境都好好，家姐果然冇介紹錯~

男朋友就我陪我返沙田食飯，佢帶左我去食gochiso。<蘑菇忌廉湯，$38>上次都飲過覺得好好飲嘅蘑菇湯，所以今次就再叫！呢個湯入面有好多蘑菇，好足料，不過今次就略嫌creamy度差少少。<芝心巴馬火腿西班牙薯茸球，$38>薯茸球熱辣辣炸起，以松露、香草同蝦子作點綴。薯茸球炸得幾香口，不過就無乜好特別。本身好期待芝心，可惜完全無芝心嘅感覺，加上入面嘅巴馬火腿都無乜味，純粹食緊薯茸球咁。<香辣蕃茄濃汁煮青口，$68>以$68黎講嘅青口，份量都唔少，蕃茄味香濃，辣度為極少辣，令青口惹味左。<(半份)黑安格斯牛柳西班牙飯，$198>第一次食安格斯牛西班牙飯，一改以往以茄汁既西班牙飯，改用牛肉汁，食落唔錯，不過味道會比較濃。最值得一讚係個牛，煮得岩岩好，好腍。<日本產鮮帶子伴羽衣甘藍意粉配檸檬忌廉汁，$138>今日見到個special menu係羽衣甘藍，見未食過就試下。羽衣甘藍係一款高纖維嘅蔬菜，食落比較嚡，但餐廳將佢切成一細條，連意粉一齊食就好食好多。我都係第一次試檸檬忌廉汁，好少檸檬味，忌廉味相對無咁濃郁，可

返工放中午飯，未食過呢間，睇左新城市apps見menu都啱食，所以試下。款式都好多，有意粉有飯有pizza. Lunch有set lunch, 有飲料和沙拉。沙拉幾好味，仲有唔同豆和菜。飲品都多種類，但咖啡竟然唔包。意粉我選了鮭魚波菜意粉，個cream sauce好香，好好味，意粉彈牙，唔錯。不過鮭魚就一般，唔算太好味。環境幾好，平日中午時段人流不算多，所以唔會好嘈，適合傾密計。我朋友叫了牛肉飯，賣相同圖都有幾大分別如果上菜時放得靚啲就更好了。

香港嘅西餐廳雖然很多，但好多都只係個賣相幾靚，但係其實用料好差，但求賺錢只是求求其其整咗一啲食物出來，盲目追求呃like， 做宣傳，而(Gochiso）是一間連鎖的日式西餐聽(日食洋食）日本人以效率高，質素見稱，這裏提供日式地中海菜，濃厚的地中海風情，融合亞洲人風味。今次叫咗$368嘅套餐，main course烤雞。法式芝士洋蔥湯，偏日本風味，湯甜度略高。套餐沙律，蔬菜新鮮夠爽口。蕃茄芝士牛肉腸鮮製意粉， homemade pasta，好處是配不同醬汁可有多種層次，融和力強，麵條自身帶小麥香。檸檬香草烤雞，雞皮微焦，雞肉細緻幼滑，將其開邊，使裡面更入味，每一口都有檸檬淡香，高水準之作。抹茶梳打，顔色墨綠，齒頰留香。荷蘭鬆餅，日本蕃薯蓉，濃厚身pancake，啖啖甜洋芋香氣，拌飯一流。套餐甜品班尼蛋糕。歡樂朱古力茶，特別，清新，唂咕香。

沙田的改變大躍進 - 火車站的新城市廣場了！晚飯找找吃什麼之制，見到一間若隱若現的餐廳 《GOCHISO》好奇之下又進去了！地方寬闊- 右左兩邊，中間還有通道，很開揚，適合暢談而且與隔離座位有段距離 香烤安格斯牛柳配季節野菜 HKD 258 用鐵板盛載著，熱鍋保持其溫度。 顏色鮮豔奪眼！一口安格斯肉質好棯，醬汁很多，沾滿每粒飯！羽衣甘藍海鮮沙津配清新西柚汁 HKD 88自從打邊爐及飲料用了羽衣甘藍後，今日就用以來制作沙津，內裡還有海鮮蝦、橙等等，好鮮甜，加了西柚汁酸酸地很開胃醒神！ matcha frozen HKD 53 抺茶控必點，沙冰打的夠碎，夠濃White wine sangria (glass) HKD 28 non-alcohol 可加或減去酒精，用了不同水果製作— 有蘋果、橙、士多啤梨、奇異果、檸檬。 色彩繽紛、奪目，味道很夾。 鬆餅 HKD 68 最後要食埋個甜品才滿足。用了鐵造盛載著 還是熱辣辣的。 鬆餅很鬆化，材料成份剛好沒有被搶。配合埋冰凍雪糕，冷與熱交纏

沙田對於我來說，不僅僅是一個我自小長大的地方，還是一塊福地，一塊美食的福地～新城市硬時美食雲集，好多時經過地下，好多餐廳都大排長龍～餐廳格局採取開揚式，營造了很舒服的空間感，我地坐得都很舒服。日本產鮮帶子伴羽衣甘藍意粉配檸檬忌廉汁 檸檬忌廉汁比想像中唔太酸，而且配上已經煎香左既帶子，值得一提的是當中用了羽衣甘藍作食材，具我所知羽衣甘藍有好高的纖維，是一款近年興起的健康食材～咁就食完都唔會有罪惡感啦～～芝士焗薯皮呢個一定係必食推介，每個薯皮都炸到香脆可口，一拉高芝士絲多到令人流晒口水，實在太邪惡啦～ 巴馬火腿配沙律PIZZA $118Pizza上面加上巴馬火腿，立即整個感覺唔同晒，巴馬火腿薄切，口感有少少似魚生，原來師傅已經上菜前加上橄欖油作調味，風味獨特，最好係一至兩塊巴馬火腿配一片PIZZA，令我一食已經愛上～～

沙田基本上都係我嘅必經之路，shopping 集中就唔使講啦！美食更加係越來越多選擇，買完野之後落地下睇吓有乜嘢食，見到一間坐滿晒人嘅 Gochiso。再睇下餐牌係主打地中海fusion菜，果然幾吸引一於食呢間。我最like係佢地中海菜 but 配合日本煮法，特別有親切感！Gochiso 菜式種類廣闊，因為未齊人所以我哋邊食邊等，諗住散叫再加個二人套餐咁就 very good啦!首先第一道菜係 Special Menu 裏面的羽衣甘藍海鮮沙律 $88，開胃非常！我個人特別鍾意羽衣甘藍，因為係 superfood ，食物纖維特別高，有助消化。海鮮用料都幾豐富，有蝦又有帆立貝。沙律有新鮮生果中伴著新鮮西柚汁，真係清新無比。Grand Menu 我就睇中左 溫泉蛋蒜香黑松露蘑菇鮮製意粉 $98，最喜歡流心的溫泉蛋，濃郁的蒜香黑松露香氣撲鼻，蛋汁伴鮮製意粉爽口彈牙，很出色的 pasta。終於等到大小姐歸隊，二人餐 $368 十分抵食！house salad 留返俾佢一個人食。法式芝士洋蔥湯，口感濃厚，用料十足，味道又唔會過鹹，整體恰到好處。Main course 我哋要咗檸檬香草烤春雞，檸檬香

星期五約閨蜜們聚餐，見openrice有得網上訂位，就即管試下。餐廳地方夠大，坐得幾舒適，布置好舒服，入座前問説冇時限，真係非常岩三五知己，朋友們傾計食飯。餐廳有set 揀，價錢都合理，不過我地選擇散叫。今次一共叫左5款野食，都係$400左右。海鮮牛油果沙律頭盤叫左個沙律半份，賣相同味道都唔錯，沙律菜好新鮮，醬汁酸酸甜甜的，好好。安格斯牛肉粒牛肝菌濃汁燴飯牛肉份量略為小左D同乾身，但飯的軟硬度適中，吸收哂d汁，口感不錯。香烤年糕明太子pizza呢個大推，pizza烤得脆脆，年糕軟軟QQ，再配明太子酱，好好味。焗芝士薯仔皮呢個小食有少少辣，薯皮焗得非常脆，加埋芝士同沙律醬，好惹味。荷蘭鬆餅(宮崎縣產蕃薯焦糖)最後叫埋個甜品，送上枱仍然熱辣辣的，鬆餅好鬆軟，有陣陣焦糖香味，再配埋上面的雲呢拿雪糕，一熱一冷，正!!

係OpenRice 搵到呢間餐廳，見食評不錯就訂位試試，小兩口食量不大所以只點了三款食物。首先係明太子魷魚圈意粉，明太份量足夠，味道不錯。然後係黑松露醬配炸魷魚圈，呢個就炸粉厚左少少，但配上黑松露醬味道很好。最後係海鮮牛油果沙律，賣相跟味道亦不錯👍🏻之後亦點了訂座優惠的買一送一的飲品，十分滿足。值得一提係餐廳的大部分食品都有分正常或大份可供選擇，可以因應需要選擇，非常好。以價錢來說，在新城市廣場算是中等，不會太貴。

行完新城市廣場，落嚟一樓都好多嘢食選擇。 Gochiso喺個隱閉位，要喺出面睇到個指示先會知入面有間餐廳。 轉入嚟，一睇個門口已經有啲萬聖節裝飾。選擇太多，揀左好耐先揀到野食。法式芝士洋蔥湯一般餐廳比較少見，洋蔥好多，炒過後特別清甜。 再加埋塊芝士法包，perfect match。海鮮牛油果沙律半份$48，比想像中大份好多，除左粒粒牛油果，黃椒、紅椒、蝦、帆立貝…… 最好係個沙律汁夠酸，好開胃。西班牙蒜香橄欖油煮海鮮海鮮種類多，味道都唔錯，不過個人唔太鍾意啲油浸住啲海鮮，雖然係橄欖油應該係健康，但食落啖啖油感覺好heavy。日本產鮮帶子伴羽衣甘藍意粉配檸檬忌廉汁一上枱就問到好香檸檬味，令我食慾大增。 鮮帶子兩邊微微封煎，夠晒香口彈牙。羽衣甘藍一般係比較硬身，切到碎，會比較易咀嚼。個忌廉汁加左好多檸檬汁，食落唔會覺得厚重。黑安格斯牛柳西班牙飯半份牛肉一食就知高質，牛肉味濃，又夠腍滑。 個西班牙飯就奇怪啲，唔似平時食開嘅西班牙飯，白色的，又冇加湯同醬去煮咁，而且比較乾身。魔法黑朱古力球將熱焦糖醬淋上朱古力球，將朱古力球溶化，就會見到球入面有生菓同雪糕，加埋啲粟米片一齊食，yummy~

夜晚約左女友去沙田新城市睇戲，順便喺地下揾野食，外面好多都滿坐，行到入面既位置又揾到間環境唔錯又有位既意大利餐廳！我哋見仲有幾張檯，就2話不說安排坐底揾野食，餐廳環境都唔錯，適合一家大細同情侶拍拖嚟食！我哋安排坐喺門口附近既位置，都幾開揚，餐廳感覺幾乾淨，女友都幾鍾意！餐廳主打地中海菜，價錢都幾實惠，小食由幾十蚊起就有交易！一般既菜式都係100 蚊咁上下，唔會太貴！我哋先叫左個海鮮牛油果沙律做頭盤，賣相ok, 沙律菜都幾爽口，加埋芝麻汁都幾開胃！另一個前菜小食係焗芝士薯仔皮，芝士豐厚，滿滿溶在香口既薯仔皮上，薯仔皮帶點辣，好惹味！前菜小食過後，就到主食出場，首先有日本產鮮帶子伴雨衣甘藍意粉，賣相都幾吸引，羽衣甘藍為呢碟意粉增添不少靚顏色，帶子大大隻好夠份量，意粉被濃濃既奶油汁包著，令意粉唔會太乾身！而另到個主食就係，黑安格斯牛柳西班牙飯，牛肉汁滲晒落d飯入面，每啖都食到淡淡既牛肉味，牛柳焗完出嚟唔會太韌，肉汁都豐富，份量都唔錯！今晚我哋既豐富晚餐！飯後我哋見仲未夠鐘開場，我哋就叫多個日本產蕃薯焦糖荷蘭鬆餅，熱辣辣香噴噴送到檯上，餅皮幾鬆軟，焦糖同香甜既雲呢拿雪糕都慢慢地溶在鬆餅面，一

新城市廣場食飯，揀左呢間 。海鮮牛油果沙律 （半份）$48雖然話半份，但份量係超乎預期的多，足夠二人做前菜。用料都幾足，有三文魚、蝦仁、帆立貝、牛油果同好多新鮮沙律菜。Salad dressing 好開胃，a good start ! 西班牙蒜香橄欖油煮海鮮 $68另一頭盤，係西班牙特色菜，用熱到爆的橄欖油來煮各種海鮮，有蝦、蜆、蠔、青口、帆立貝同西蘭花。雖然眼見D海鮮係用油浸住，但食落又唔會油膩喎！海鮮仲特別好味，我覺得最正係蠔，可以食到煲仔蠔的味道，卻又嫰滑鮮甜，口味獨特，咁大個人第一次食咋。鐘意試新野的朋友一定要試一試。White wine Sangria (decanter)$88突然好懷念西葡之特色酒，Sangria ! 一般係用紅酒 mix 埋切成粒粒的雜果，加入少少糖同肉桂粉，再加上 soda 溝成。滿滿的西班牙風味。而見到餐牌有用白酒做 base 的變革 Sangria ，少左紅酒的澀味，更多左酸酸甜甜的果香，得喎！巴馬火腿 pizza $118主菜叫左個 pizza , 係我最喜歡的parma ham , 上枱一刻覺得視覺效果真心不錯，忍唔住影多幾張先捨得食。薄軟的

星期一返工的心情真係麻麻，放工梗係去搵好嘢食慰勞下自己。這餐廳位於新城市廣場一期地下那層，位置唔算顯眼，電梯落去左轉行到尾就搵到。店內環境給人好舒服的感覺，這裡吃日式地中海菜，很特別！ 看看餐牌，有好多選擇：前菜、沙律、薄餅、牛扒、pasta、飯、甜品、飲品...... 應有盡有。法式芝士洋蔥湯，揀咗個煮法好麻煩嘅洋蔥湯，廚師要用許多時間把洋蔥炒香，再煮湯，多士上面加了芝士更加香口，美味。芝心巴馬火腿西班牙薯蓉球，球面添加了黑松露醬、蟹子及刁草，我自己試咗黑松露醬，香濃味道，整體富日式感。西班牙蒜香橄欖油煮海鮮，以小食嚟講，份量好豐富，有蠔、大蝦、青口、帶子、蜆、車厘茄同西蘭花，用橄欖油加蒜蓉煮嘅海鮮，完全可以刺激各種味蕾，很欣賞這個熱食，推介大家試一試。日本產鮮帶子伴羽衣甘藍意粉配檸檬忌廉汁，意粉彈牙唔會淋，帶子輕輕用油煎香，鎖住肉汁，食到有檸檬汁，羽衣甘藍份量再多一些會更完美，配以大量蘑菇雜菌，忌廉醬汁也很足夠，愈食愈美味。黑安格斯牛柳西班牙飯(半份)，半份嘅份量都唔細，西班牙飯鑊仔上，牛肉粒烤得剛剛熟，肉質好優秀，堅有牛肉味且豐富肉汁，正呀！Matcha Frozen，餐牌上相片