GOCHISO (已結業)

好朋友生日，因為呢個月佢要搬office，日忙夜忙，唯有到佢公司附近同佢吃午餐慶祝生日。因為要就佢嘅午飯時間，所以未到十二點我就到餐廳攞位，可能時間尚早，餐廳冇乜人，大把座位任我揀，我揀咗近落地玻璃嘅座位，視野非常開闊，食都食得開心啲。老友最鍾意食海鮮，同海鮮控慶祝生日，當然要揀佢最鍾意嘅海鮮喇！所以我哋就揀咗意大利水煮海鮮同鮮帶子伴羽衣甘藍意粉作主食，另加一個巴馬火腿片和兩個湯就夠喇！特濃南瓜粟米忌廉湯南瓜粟米湯好creamy，除咗南瓜的香味，湯內仲有青豆、紅腰豆同埋鷹嘴豆，有得飲有得食，冇話淨係飲湯咁單調。磨菇忌廉湯呢個湯好香滑，湯內亦都有好多雜菇，夠曬飽肚。巴馬火腿少少鹹香，油份雖然不是很充足，但是以$48 一個小食價錢計算，性價比高。意大利水煮海鮮材料好豐富，有龍蝦、魚,、青口、魷魚、蜆…… 等。雖說是水煮海鮮，但其實海鲜是以蕃茄濃湯浸著，湯底用蕃茄加蒜片和香料煮成，海鮮沾滿蕃茄濃湯，非常滋味。日本產鮮帶子伴羽衣甘藍意粉賣相好靚，羽衣甘藍切碎炒香，可以除去一般羽衣甘藍帶來的青澀味，意粉加上大量蒜蓉和雜菇，帶濃香蒜味，感覺好健康。帶子亦煎得好香，入口啖啖鮮味。雖然只能和老友吃午餐

無黎沙田一排，新城市底層既餐廳又唔同曬樣😬多左好多較生面口既餐廳，又可以試下新野行左一圈，我地揀左GOCHISO呢間地中海x日本既fusion 菜餐廳餐廳地方夠大，餐枱都幾多，坐位寬敞舒適；而且裝飾佈置很有心思價錢合理，款式夠多又吸引整體食物質素平均，亦比想像中好，吃得出每道菜用心製作，很有水準羽衣甘藍海鮮沙律$88味道非常清新，配料有三文魚，蝦，帶子，牛油果，鮮橙等；其中鮮橙實在令人非常驚喜兩款忌廉湯（$38）口感都非常幼滑水牛芝士薄餅（$108）餅底是酥皮製造，邊位帶點脆，入口充滿酥皮香味，混合水牛芝士，非常匹配！溫泉蛋蒜香黑松露鮮制意粉（$98），黑松露香味配惹味蒜香，鮮製意粉口感跟平常吃到的意粉不同，更加柔韌彈牙！非常好吃甜品方面亦不容忽視蕃薯蕉糖鬆餅（$63）入口非常鬆軟有蛋香，鬆餅內有很多蕃薯粒，焦糖亦不會過甜搶去蕃薯味抹茶燉蛋雪糕$43用既係小山園抹茶雪糕面既焦糖很出色，味道微苦帶甜！

見到上網有人推薦呢間既套餐, 平時行開沙田都唔覺佢既存在, 原來係屈左入去先揾到星期五晚去到等左一陣都有位, 唔算好耐. 等位期間都決定好揀d 咩488蚊既套餐夠豐富, 可以試到好多野, 感覺良好. 由佢開始既沙律, 到結尾既疏乎利, 落食既感覺都好好, 成餐整體高分, 以套餐黎計都幾難得不過2人台空間唔算大, 上菜都有少少逼, 尚可接受總結一下, 佢既湯係好有驚喜, 超越平時飲開既味道, 前菜豐富, 比到開胃既feel, 主菜都算有水準, pizza 就見人見致, 飲品都贏於一般只有凍檸茶既地方. 呢間值得再encore

地中海菜其實係食咩喔？食之前我都有呢個問題，哈哈，今日就揀左呢度同朋友慶生佈置幾靚，仲坐得舒服，飲野食野都可以我地兩個都係想食得清d，但見到咁多野食就忍唔到呢排推薦係羽衣甘藍菜式我地就叫左沙律睇相都見到好吸引，有牛油果、橙、蝦同帶子，足料到暈洋蔥湯同南瓜濃湯洋蔥湯個包係有芝士架！好多洋蔥，直頭想encore!拼盤有分大細，呢個係細。細份但啱啱好，好味巴馬火腿Pizza, 薄批夠脆，同上面個沙律一齊食唔會覺得漏女生點少得甜品，蕃薯荷蘭餅。好似厚pancake咁，焦糖好香，不能自拔一邊傾計一路飲Sangria!!價錢唔貴！

朋友為我慶祝生日，在Openrice預訂了Gochiso，四個女人仔聚會一定要揀間可以唔限時的餐廳，一邊傾計一邊享用美食，唔覺唔覺可以坐到舖頭關門。預訂座位仲可享有飲品買一送一優惠可能係平日夜晚，七點去到都未坐滿，店內環境舒適，確係三五知己聚腳好地方。餐牌很多食品都好吸引，我們選擇了以下幾款1.西班牙風海鮮飯(半份)$1082.山葵松葉蟹肉意大利燴飯$933.羅勒醬鮭魚牛油果薄餅(11吋)$1584.小食可自選三款$108，我們選了蝦牛油果法包多士(2份)及宮崎縣產脆皮腸配有皮薯角。5.飲品買一送一，我們叫了四杯咖啡，不過唔係咁好味其實，除了飲品，全晚的食物都好有水準，店員的服務亦非常好，結賬時某信用咭消費滿$300可減$50，$600減$100，如此類推。

早排同老公食生日飯叫左西班牙炒飯，牛扒同Pizza西班牙班飯有點乾隻青口腥腥地牛扒都係正常味道Pizza的確係唔錯既，好香脆整體味道一般啦無話好食到一定要試環境乾淨，上菜快，店員都好好禮貌好好笑容

假日如非必要都不會去新城市，人太多了，這天不是有朋友在大會堂註冊，也不會跟老友在這兒覓食。聰明地6點找餐廳，避開peak hour.這間日式西餐環境不錯，餐牌吸引。馬上就選定了。-時間尚早不太餓，主要是想2個人坐下，飲杯酒，慢慢傾下計，chill下。叫了個Platter in Spanish (3kinds $108)來配酒Spanish Croquettes with Parma Ham薯蓉幼滑，裏面混和parma ham碎，外沾芝士醬；棉密帶咸香，外脆內軟，好味。Homemade Deep-Fried Chicken日式炸雞熱辣辣，寫著秘製雖不覺得如何特別，但炸粉脆薄炸得乾身，味道還是不錯。Miyazaki Sausages & Potato Wedges宮崎縣產的脆皮腸，咸脆分明，配酒一流。略嫌香腸份量太少，而薯角太多卻沒調味要靠茄汁。-不餓就叫一個細細的main dish,Seafood & Vegetables Tagine Steam ($118)上桌滾燙冒著熱泡跟香氣，以白酒蜆汁蒸海鮮，有青口/魚柳/大蜆etc，酒味不濃，鮮甜美味。追加了risotto ($28)，份量不

<<生在美食天堂，點可以唔識食>> <<I born in Paradise of Food，but what Food do we have?>>層經幫襯過其他分店的晚市套餐，味道不錯，份量夠今次黎到沙田覓食，就見到佢賣緊芝士火鍋，天氣凍凍，就想一試普通普通，一開始個湯好稀，煮煮下就濃味好多。配菜豐富，蘑菇同腸不錯，意粉就同屋企煮一樣。食到後期唔一舊舊黎點芝士食，直接變港式打邊爐。總結:配合新城市的鋪面間格新穎，座位密度低，尚算舒服。以份量殷講係足夠飽，味道方面，芝士味唔太濃。價錢適中，可以一戰之列

放工約左Fd 去沙田shopping, 因為係weekday 嘅關係，人流唔算多。由於唔想來到沙田都係食個D 連鎖式餐廳，最後揀左呢間來食。我地係餐廳外面等左10-15分鐘，終於入得！呢間餐廳環境唔錯，兩個人去食都比個四人台比我地，而且唔會吹人地埋單，可以慢慢吹下水。兩人點左一個年糕明太子Pizza, 一個西班牙風海鮮飯（半份）同多士。全部野食個賣相都好令，好多唔同色彩，見到就流口水。但可惜嘅係食落口其實味道一般，沒睇上去咁好食，有野落差感雖然唔係太差，但係都幾失望。

今晚又選擇了GOCHISO 作為老友聚聚的落腳點，全因為我自私上次試過滋味的佳餚，所以想再次回味。餐湯三選二，我們選擇了洋蔥湯及南瓜忌廉湯，兩者味道不錯，洋蔥湯清甜，南瓜湯🎃香濃且滑口。👍 小食三碟 ：西班牙小食拼盤 - 即係香腸同薯條🤣🤣，另一碟巴馬火腿同鮮橙香草雞肉片，沒有太大驚喜不過小食算差不多喇！ 凱撒沙律配自家製麵包自家製麵包欠脆口，沙律菜新鮮爽脆！色彩繽紛的西班牙海鮮飯賣相取勝，海鮮中海蝦彈牙有鮮味，敗筆之處是蜆同青口都有小許腥味。超特別的甜品它的名字叫「西班牙式燉蛋雪糕」味道有二款前者是小山園抺茶，後者是雲呢拿薑味倆者味道各有千秋，抺茶有茶香滑中帶啖啖沙冰，而雲呢拿就充滿濃濃薑味，口感特別！面層焦糖更加添不少口感😍。三個女生叫一個二人餐我們就非常足夠，因為個西班牙海鮮飯都好有睇頭，係睇頭！

極力推薦給芝士控朋友們，雖然無拉絲那種震撼，但能令已吃過和牛意大利飯、魷魚圈小食、番茄濃汁煮青口、同一份四式芝士薄餅的兩女，再Encore多一份四式芝士，平均每人一個薄餅，美食確實敵不過邪惡。和牛意大利飯肉質夠淋、飯又入味，份量同味道剛好，兩人分享不覺膩。炸魷魚圈有揾笨之嫌，$48還要加一，但只得三個正常尺寸圈跟一小圈⋯⋯未免貴左啲喎。番茄濃汁煮青口，汁雖濃但唔太鹹味道適中，忍不住連汁都索埋，真的好好味。四式芝士果真吃到四種芝士味道，切記要配蜜糖吃才不會太膩⋯⋯品嚐一輪美食後傾傾吓，朋友居然話已經消化好了，那個薄批不會太飽肚，當一個小食時真的可以吃不停

好耐無黎新城市廣場，星期六食飯周圍都要等位！見呢間「Gochiso」無乜人等位，就試下，點知中伏。。。。侍應服務一般般，雖然自動比小朋友膠餐具，但，膠叉d膠甩哂出黎。。。有待改善！點左薯角配腸仔，腸仔好油，薯角有3條係冰凍，而其他就係熱既！龍蝦通粉賣相唔錯，舖滿芝士，開邊龍蝦啖啖肉，不過好鹹，但整體還可以！和牛牛肉飯味較淡，飯亦夠林，牛肉亦唔「un」！但服務真的麻麻，舉極手點餐都無人應，侍應亦未夠細心！

星期日，沙田新城市廣場很多人在餐廳門口排隊。 走了一圈， 發現了這間餐廳不太多人的。 可能較隱蔽吧 (它是在廣場一樓一間日本餐廳的後面)。下午茶時間， 這裡是沒有午餐/下午茶餐的。 因此我們單點了三個菜。 第一款是海鮮牛油果沙津 ($88)。  沙津份量比我想像中大份， 材料也很豐富， 有三文魚生、 蝦、 有裙邊的帶子、沙津菜和紅黃椒。 沙津汁是酸酸甜甜的， 很醒胃， 也跟材料很配。 蝦很爽口， 三文魚生也很鮮味。 沙津菜和紅黃椒也很新鮮， 是有水份和爽脆的。 雖然我不愛吃牛油果， 但加入這個沙津中都不難入口。 整體是一個很棒的沙津。第二款菜是自選三款的小食拼盤 ($108)。 我們選了秘製炸雞肉塊(單點$38)， 炸日本蕃薯&南瓜配芥子醬(單點$38)， 焗釀帶子大磨菇(單點$48)。 秘製炸雞肉塊的秘製是什麼， 我們真不知道， 只知這是一件炸得很脆但沒有調味的炸雞。 炸日本蕃薯是不錯， 蕃薯很香甜， 粉漿不太厚。 不加芥子醬也好食。 但炸南瓜就太油膩， 而且沒有南瓜的香甜味。 差！ 幸好焗大磨菇是讚的。 大磨菇很香很JUICY， 蟹子配得很好， 大大增加這個小食的口感。 第三款菜是

新城市食飯唔想排隊等位，呢間係唯一選擇。雖然沒有期望，但仍然會失望的。四色芝士 pizza （$78）係油浸的薄批，用紙巾吸乾啲油，其實味道都ok 。附上蜜糖汁可以點，但感覺怪怪地所以冇用。西班牙海鮮飯（$98）大碟，外表正常，但聞到有強烈腥臭味，唔知青口定蜆係害群之馬，一併隔離......最後主要係食蝦、魷魚同埋少少飯，因為有點反胃。午餐有沙律，一般啦⋯⋯食物好一般😑，如果好味，價錢唔算貴。服務沒有，員工一般黑面，扮忙 （其實唔多客）同選擇性睇唔到野。唯獨環境可取，冇乜人，唔使等位可以直入👍

約朋友見面晚飯, 大家選了新城市廣場的「GOCHISO」, “GOCHISO-”是日文“御馳走（ごちそう)” 的羅馬拼音, 意思是“殷勤好客”、“款待”或“盛宴”, 作為食肆招牌, 估計以“盛宴”的意思最接近, 是一個很有趣的日文餐廳名, 而菜式方面是西餐菜式。 由朋友訂座, 7:30pm到達, 不用等位, 環境裝修頗舒適  是晚客人很多, 而枱與枱之間有足夠的空間, 所以餐廳滿座亦未覺嘈雜, 可以和朋友談話說笑。 ( 忙著研究餐牌菜式, 忘了影餐廳環境相片給大家欣賞, sorry ~ !   )我們點了一個3人套餐, 前菜可以自選3款, 主菜自選3款, 飲品3杯。前菜選了「特濃南瓜粟米忌廉湯」、「鯷魚薯蓉」和「秘製炸雞肉塊」。主菜選了「牛肝菌濃汁扁意粉配馬斯卡芝士」、「宮崎縣產脆皮腸肉醬焗飯」、「黃金四色芝士薄餅」。飲品點選了1杯「歡樂朱古力茶」、2杯「柚子蜜梳打」。我們三人同時以為前菜有3款, 每款供3位用, 原來是每款前菜只有1人份, 這裏真的有點中伏感覺, 這樣的話, 餐牌寫的所謂2人餐、3人餐, 跟3個人各自每人點1個1人餐有何分別? 還是我一廂情願的以為好像中式套餐的每項菜