GOCHISO (已結業)

已經有200篇，就是喜歡這樣記下我吃過的是日同表妹黎左旺角食晚飯一出地鐵就係，餐廳係雅蘭中心，好易搵！之前食過k-11既分店，印象唔錯，今次黎食佢既晚飯一樣有驚喜環境好舒服，好闊落特濃南瓜湯，濃稠既湯，意想不到是材料竟然有豆，很特別！法式洋蔥湯，喜歡面頭浸淋左既麵包加芝士，湯就略嫌有點鹹，但整體唔錯！餐飲叫左杯綠茶沙冰，比想像中要淡味一點，但不會太甜，很喜歡炸雞，絕對係我最愛！熱辣辣，剛剛炸起，皮脆肉嫩，咬落去仲有汁絕對係有心機之作 則邊仲有三文魚芝士忌廉用匙羹裝住，有3件好味！喜歡這簡單的前菜，這道菜沒有可挑剔的地方點少得黑松露鴨肝牛肝菌長披薩長條形既pizza, 上面鋪滿野菌、仲有大大粒既鵝肝、黑松露好邪惡！好好味，pizza餅底煙UN沒法抗拒的pizza100％牛肉蕃茄肉醬扁意粉原汁原味茄汁是用新鮮蕃茄整的so yummy! 意粉唔會太淋唔會太硬，剛剛好值得一提既係牛肉份量好多最後，食番個甜品真係估佢唔到荷蘭鬆餅咁好味好鬆軟，熱辣辣再配上雪糕，口感一流好鍾意！整餐飯也很滿意會再來的餐廳

唔講唔知旺角雅蘭除左係購物商廈，仲係覓食既好地方，宜家入面有成廿幾間特式人氣食店，如果唔係今晚有朋友約我係上面食飯，我都唔知道連人氣餐廳Gohan既姊妹店都進駐埋。佢係係雅蘭2樓，上兩層電梯就會見到。佢係和民集團其下既，所以佢地兩間鋪係孖住一齊，當眼易搵。呢間旺角分店，地方寬敞，環境舒服有情調。由於我地去到個時仲早，所以冇咩人，但係到左1900就開始有人潮。Menu呢度係主打日本地中海fusion菜，價錢都算抵食，而且仲有多款套餐提供。Strawberry Peach Frozen$58呢杯strawberry peach frozen既士多啤梨味香濃，飲落會有d蓋過左個桃味，不過好freshSangria glass (non-alcoholic)$28至於呢杯Sangria其實係冇酒精既，變左杯健康既果汁，不過佢加左d肉桂粉係面，反而會覺得太甜法式芝士洋蔥湯$48呢個湯係法國經典既菜式，湯身比較稀，食落洋蔥又熟又軟，仲保持到個質感。洋葱味濃而且有dd鹹香味，芝士既份量arm arm好，又唔會搶走洋蔥既甜味蘑菇忌廉湯$38呢個蘑菇忌廉湯就普通d，但係味道濃郁同多料，煮得比較杰身，飲完

好久沒去過雅蘭中心， 這天逛逛才發現原來有不少新開張的食肆~ Gochiso是和民集團旗下品牌， 主打日式地中海菜， 和洋fushion一定要試試~ 裝潢走西式風格， 暈黃燈光充滿情調。 自選沙律有日本雞蛋、巴馬臣芝士和醃三文魚， 爽脆生菜配特調醬汁非常清新。 法式芝士洋蔥湯經過烤焗， 面層芝士融化散發誘人香味， 下層是吸滿湯汁的麵包。 湯汁清徹帶著洋蔥的甘甜。 西班牙蒜香橄欖油煮雜菇盛得滿滿的， 裡面是各種菌類、甜椒、西蘭花， 配蒜片一起吃微辣惹味。 食材全泡在橄欖油中看似油膩其實不然， 絕對比用牛油烤焗來得健康清爽。 來一杯無酒精的Fresh Mango Mojito， 冰涼薄荷是甜美芒果的陪襯， 解渴又消暑。 男友點的100％牛肉蕃茄肉醬扁意粉， 扁意粉質感彈牙， 蕃茄肉醬調味酸中帶甜， 淺淺的牛油香令味道層次更豐富， 對不愛吃酸的我來說充滿驚喜！ 西班牙風海鮮飯 (半份) 西班牙海鮮飯上鋪著各式各樣的海鮮， 吃的時候要將中間的醬料跟飯拌勻， 飯粒乾身偏硬有嚼勁。 甜點選了抹茶草莓口味的荷蘭鬆餅， 鬆餅溫熱綿密， 抹茶味算濃郁， 配上冰涼雪糕一起吃口感最好！ 飯後一杯柚子綠茶，

今日約左兩個老死去街，行過雅蘭，見到呢間西餐廳多嘢食又幾吸引，所以入去試吓好唔好食上到二樓，我同我兩位朋友都覺得好驚喜， 原來佢係同和民同一個集團， 估唔到日式嘅和民都可以開西餐廳，哈哈打開Menu其實都幾多選擇，我同我兩個朋友都係揀啲大路嘢， 帶咗佢哋出名嘅Pizza、意粉、沙律、同埋後加左啲薯條。呢間野啲價錢真係一啲都唔貴，差不多成個Menu都係跟套餐計，都只不過係幾十蚊呢個照燒雞肉和風沙律真係推介， 前菜食佢真係超惹味，啲沙律菜好鮮甜，啲醬汁撈落去甜甜酸酸好開胃，仲有估唔到照燒雞扒撈落個沙律度都可以咁夾呢個扁意粉簡直係我至愛！ 成個扁意粉好Creamy， 入面啲煙肉唔係平時出面啲餐廳一片片薄切個隻，而係超有口感既煙肉！再黎一個pizza,薄薄地脆卜卜，好好味！跟餐+$10有薯條，略嫌少咗啲， 多番少少就更好同場加映熱啡一杯， 本來係日式餐廳嗌咖啡冇乜期望，但飲落又幾香濃，好味！

早前試過來呢間餐廳食晚餐，同一大班友傾左成晚計，好舒服，所以今次再試下下午茶。Weekend都會想同朋有搵間coffee shop坐下，傾下計。但好蛋出名coffee shop都好多人，或者位好窄，好快就要走。但呢間餐廳就做到假日比你同朋有悠閒傾計，不用趕急或者食完就走的壓力，仲要野食唔錯。我地3個人，每人點一個餐。分別係和風照燒雞pizza, 煙肉芝士扁意粉同埋沙律餐。每個餐都送個沙律同包野飲。呢間日式西餐廳，咖啡同每個主菜都好有日本元素，鍾意fushion菜的人大大推介。本身以為個芝士意粉好漏，但又做得剛剛好，個pizza都好有驚喜。我自己最欣賞就係個沙律餐的南瓜餐，好甜好足料，雖然都打得creamy,但又食到一絲絲南瓜，真係大讚最後，我地2點坐到5點，侍應過程都會幫我地加水，唔會趕我地走，服務好好。大家真係值得一試。

來自日本的餐廳，食品大部份都係以西式為主，有些係用日本嘅食材融入西式煮法，整個概念不錯。特濃南瓜忌廉粟米湯，我非常之鍾意飲呢個湯。唔好以為佢係好簡單嘅一個南瓜湯，但係佢飲落去比起出面係濃兩至三倍。而且入邊總會有啲南瓜同埋粟米粒係入邊，令整個湯更有層次。自選嘅沙律就揀咗宮崎煙肉，日本流心蛋以，溫泉蛋同埋巴馬臣芝士。重點想講一講就係佢嘅宮崎煙肉，比起細嘅煙肉好食好多。佢係整到一個丁方嘅size，然後將佢煎，煎到四面都吹咬落去好香口，而且好有煙肉味。黑松露鴨肝牛肝菌長披薩 12"，呢一個係我必須食嘅推介！長方形嘅Pizza望落去嘅顏色雖然唔係好吸引，但係一放低已經有陣陣嘅黑松露香，上邊仲會有啊細細粒嘅鴨肝，牛肝菌，整體非常之夾之餘亦都非常之獨特。而且佢嘅餅皮做得好好，有餅香，又脆。荷蘭鬆餅（宮崎縣產蕃薯焦糖），好特別嘅甜品，係一煮出嚟嗰陣時以為佢係蘋果金寶的朋友，但係點知切落去就見到佢好似班cake，好鬆軟，入面仲有超甜嘅番薯粒喺入面，再加埋冰凍嘅雪糕，超正。呢度嘅食物比起出邊我覺得特別好多，起碼出面食唔到，而且佢嘅價錢來講唔係太貴，坐嘅地方又舒服，性價比我。

第一次黎呢間Gochiso，環境好闊落～《特濃南瓜粟米忌廉湯&蘑菇忌廉湯》兩個湯既質感都好杰身！而且湯料都放到碗肉，每啖湯都有好口感。粟米湯充滿粟米香味，突然懷念日本汽水機既粟米湯味道！咁當然呢度既係更濃郁啦！《鮮橙香草雞肉片》呢個係冷盤黎既～上層有橙，下層有雞肉，味道唔算突出但雞肉尚算嫩滑。《黑松露鴨肝牛肝菌pizza》呢個pizza真係好香！佢既存在令到空氣中佈滿黑松露既香味～pizza大小適中，剛好2人分享而又唔覺得飽滯！鴨肝唔會焗到太乾，質感未算入口即溶但唔硬。《蒜香白酒汁蜆肉意粉》西班牙海鮮飯（半份）海鮮份量充足，但外圍既米飯有啲乾《荷蘭鬆餅》呢個好好味！鬆餅內有來自日本宮崎縣既蕃薯，份外甜美！鬆餅質感幾鬆軟而帶彈性，好味！抹茶沙冰抹茶味夠香濃突出，打得夠滑身，好飲！<歡樂朱古力茶>聞落有好香既朱古力味，飲就同一般茶一樣，唔洗擔心會勁甜！

我哋兩個人食晚餐我哋帶咗一個set 平均每人＄200 有兩個湯蘑菇濃湯 （ 必食！ 蘑菇味好濃）同埋羅宋湯 有兩個前菜我哋叫左炸雞同埋鮮橙雞肉 （必食！ 感覺好特別）主菜我哋叫咗將肉醬意粉。pizza味道濃 pizza 皮薄餡靚鍾意食濃味嘅朋友可以試吓叫最後我哋叫咗兩個甜品焦糖紅豆 必食！ 外脆內軟 好似轉頭好好味！ 甜品極度推介！好飽呀！ 好抵

位於旺角的GOCHISO，是一間源自日本的日本x地中海餐廳。今天相約一位沒去過日本旅遊的朋友去吃晩餐，我們前菜湯品主菜甜品勻有點，主菜更點選三種飯麵披薩，非常飽足呢。法式芝士洋蔥湯$48還以為餐上的是大洋蔥，原來是大面包呢。面包吸滿湯汁，濕潤飽滿，好好吃呢。洋蔥湯非常甘甜，芝士鹹香調味，值得一點。特濃南瓜粟米忌廉湯$38向來較喜歡濃稠的湯，這個濃郁甘甜的粟米南瓜湯是必點之選。南瓜粟米綿密順囗，更加入粒粒紅腰豆，並不馬虎。100%牛肉蕃茄肉醬扁意粉$108第一道主菜是主打100%牛肉的肉醬意粉，肉醬份量充足，紅通吸引，肉質煙靭帶嚼頭，鹹濃適中，扁意粉濕潤滑身，煙靭彈牙，掛上滿滿肉醬，很美味呢。宮崎縣產脆皮腸肉醬大菇長披薩$108第二道主菜是餐廳推介的披薩，來自宮崎縣的脆皮腸鹹香惹味，肉質彈牙，薄身乾軟，配以味道超濃的大菇，菇香特出，披薩帶有面粉香，煙靭美味，味道不錯。抹茶草莓荷蘭鬆餅$68最後更點選一客荷蘭鬆餅，鬆餅以熱鐵鑊呈上，保持熱度。鬆餅圓形，中間部份凸起，抹茶味不算太濃，配上雲尼拉雪糕和草莓紅酒醬，有點成年人的味道呢。

跟朋友聚餐，首要條件是找一個可以坐得久又不會太貴的地方。找了很多地方，不是太貴就太多人，然後找到雅蘭中心，正想離開的時候就剛好看到了外面的餐牌，$68一個套餐不太貴姐？又不想再找了，所以就進去吧門口沒有人，我們自己走進去，原來分開兩邊，一邊是和民，一邊才是我們剛剛看到的GoChiso，現在上來看才知道都是和民的。問到出面見到有炸魚套餐包野飲都係60幾蚊，侍應話只是Menu上這些，最多都是星期一至五的套餐，結果空歡喜一場。最後我們叫了幾個餐，兩款麵、一款飯、一個Pizza加一款小食，餐配飲品都是檸茶可樂，普通連Latte都要原價配的。每個餐都連的沙律，菜算新鮮，味道不錯，豆亦見軟林，沙律汁不算多，但份量亦已足夠，否則搶掉沙律的新鮮。黃金四色芝士Pizza配蜜糖，面烤得好靚，可惜芝士味不算十分濃郁，吃前平均加上蜜糖，發現蜜糖超級濃味，蓋過了其他味道，變得很甜很甜，我覺得若然是Pizza本身已有少微蜜糖就已經很足夠，反而現在這種吃法顯得是配角比主角更顯眼。宮崎縣產煙肉芝士蛋扁意粉，感覺這裡份量都偏少呢，但吃下味道不錯，有點像卡邦尼意粉，芝士濃澀的口感，但沒有吃到太多煙肉和有蛋的感覺牛肝菌濃汁

旺角真係一個好多野食既地方, 但係當要帶一個小朋友去食飯既地方就覺得好難揀 因為有小朋友就真係食飯好慢,或者唔可以快食 又要控制住佢唔好嘈到人,又要同佢食埋野 係旺角搵一間唔限住你個半小時離開既餐廳真心唔多 而早前爸爸因為要趕工既關係， 所以係當天帶埋Gogo去接爸爸收工順便食飯 未知當天是否大家以為會打風，狂風暴雨？ 當日一心只諗住去雅蘭既和民食，貪佢有BB登之如 仲可以唔限時呀嗎⋯⋯ 點知，點解和民隔離開多左間餐廳既？ 原來係同集團旗下既日本x 地中海Fusion菜 GOCHISO 望下餐牌啲價錢由2xx-3xx不等，兩人餐為主， 可以加錢再加野食，同時又可以單點 重點係可以直入唔洗等位呀嗎 咁今次我地都係揀左個二人Set再額外加野食， 首先揀左兩款既餐湯,包括有 特濃南瓜粟米忌廉湯同蘑菇忌廉湯 我地覺得南瓜粟米忌廉湯比較清淡一點 會比較岩小朋友享用 另外亦點左呢個前菜鮮橙香草雞肉片 不過呢個前菜係凍食既,橙塊偏甜 雞肉都係好嫩滑,但係雪得好點過冷 加上當天餐廳人比較少,所以吹住都會凍上加凍 主食就有呢個生蠔蘆筍香辣蒜茸意粉 開頭都驚會唔會好辣呢?意粉上菜時已經有陣陣既香蒜味

星期六是健康運動日，連上兩堂跳舞後同學仔拉隊去dinner。去了附近雅蘭商場的Gochiso，原來跟Watami 是姊妹店。經過長長的走廊進入到如酒莊的餐廳、長木桌、灰調的牆壁和壁畫、有點像歐洲的地窖餐廳。寛闊的梳化座椅、適合一大班朋友聚餐。我們點了幾個大概$388 二人set share。蟹柳肉, 炸牛蒡沙律幾特別、炸脆了的牛蒡絲可代替煙肉粒、同沙律其實幾夾。法式芝士洋蔥湯 唔算濃稠、但烘著的半熟芝士配焦糖洋蔥味道還是不錯。反而更喜歡這個特濃南瓜粟米忌廉湯 ，粟米湯很甜很creamy。巴馬火腿片欠點甘香味西班牙蒜香橄欖油煮雜菇 看似很油、但其實西班牙做法正正如此、炒香的雜菇很爽口、仲有好多蒜片。香烤年糕明太子 8"pizza - 這個不得了小妹十分喜愛明太子那鹹鮮的味道、然而一口咬下去時 我以為自己在吃四色芝士pizza。那濃烈的芝士香氣撲鼻而來、而香軟綿滑的拉絲在口腔中感覺超滿足、十分好吃！薄餅上還有粒粒年糕、口感更加煙靭西班牙風海鮮飯飯粒乾身、青口、海鮮都十分惹味。這個看似綠茶布丁的原來是荷蘭鬆餅。鬆餅是抺茶味、比較實淨的蛋糕口感、上面配以草莓醬、酸酸甜甜。Fresh Mang

法式芝士洋蔥湯芝士鋪滿面包上面，然後焗得微微焦香。洋蔥腍，湯也甜。沙律有日本雞蛋、巴馬臣芝士及醃三文魚。雞蛋有點流心，醃三文魚嫩滑。就算沒有蜜瓜配搭，巴馬火腿片也沒有太鹹之感。西班牙蒜香橄欖油煮雜菇除了有菇香外，還有西蘭花、黃椒、紅椒及車厘茄。橄欖油份量很多，怕肥的親友不太喜歡這菜式，我就覺得很有西班牙菜的風味。宮崎縣產脆皮腸肉醬大菇長披薩披薩充滿芝士香，有點拉絲效果。餅底不會烤得太乾，脆皮腸配大菇味道很好。西班牙風海鮮飯色彩鮮豔，有青口、開邊蝦、魷魚、硯。把檸檬汁搾出，粒粒分明的飯很滋味。荷蘭鬆餅是外皮比較結實，而內裏則鬆軟。加上草莓汁，及新鮮藍莓、士多啤梨，是比較少見，頗特別的甜品。

<旺角fusion菜 gochiso> 喺旺角雅蘭新開既餐廳gochiso , 係一間fusion菜 , 日本， 地中海 . 海鮮 應有盡有 環境同一般西餐差唔多 有卡位 長枱，價錢唔貴 😄🍴自選沙律 (蟹柳肉, 炸牛蒡)🥗🦀 43+38+8 =89蚊 用左好多新鮮生菜做底 , 加左好多黑醋汁🤓感覺清新 再加上炸過既牛蒡絲🤓 食落好脆好香口 同埋新鮮蟹肉 🦀 好鮮甜 連埋沙律食 好有口感🥗🤗🍴法式芝士洋蔥湯🧀🍲 48 蚊浸住蒜蓉包連埋芝士🧀🍞一齊食 感覺軟軟林林， 湯身偏薄但洋葱味香濃 連埋上面既包同芝士 味道好match 😃🧀🍴特濃南瓜粟米忌廉湯🌽🍲 38 蚊好香濃既南瓜湯 口感密度好高 南瓜味香濃🎃 仲有好多清甜粟米粒同豆粒一齊食夠哂健康😀🍴巴馬火腿片🐷 48 蚊Pamaham口感煙靭 醃得口味偏咸 同埋切既厚度剛好 唔錯😄🐷🍴西班牙蒜香橄欖油煮雜菇🍄 64 蚊用左砵仔配埋三色椒 雜菇好爽滑 吸盡底層既檻欖汁 好香好味😄👍🏻🍴香烤年糕明太子pizza 8寸🍕 73 蚊幾創身既pizza用左年糕都係第一次見 喺香脆偏薄既pizza上面鋪上煙靭既年糕 口感幾特別😃 加

Gochiso 是店名，也是日文「御馳走」的拼音，意思是「盛宴」，與「和民」屬同一集團。 門口廣告版介紹，Gochiso 是日本過江龍，專吃日本和地中海 Fusion 菜﹐在東京各地都有分店，文字的重點是「源自日本！」又可賣貴幾個錢，明白的。 地中海菜包括西班牙、希臘和南意大利菜，特色是大量使用橄欖油、穀類、豆類，而少紅肉，相對健康，至於如何與日本菜作 Fusion 呢？有待揭曉。 座位佈置走日式簡約風，若閒日人流不多，與朋友聊天，應該會坐得幾舒服。 「四式拼盤」$108 不地中海也不日式，是腸仔、炸薯條這些 party 類食物。賣相差，味道同樣也沒有好，相信很多餐廳甚至普通酒吧，都會做得更好。 「西班牙小食拼盤」$133 巴馬火腿蜜瓜、三文魚 (煙過的？)、蒜蓉包等，還有一小碗菜沙律。好味談不上，東拼西湊，風馬牛不相及的一碟。 「西班牙海鮮飯」$178 海鮮看似夠多，顏色也吸引。查實鍋是超扁身，飯只有薄薄一層，飯的份量共有兩至三碗？海鮮吃得出用雪藏，能理解，卻可以煮得更好去除雪味吧。底層有飯焦，問題是整體做得太乾，完全沒有西班牙炒飯那種飯粒充滿濃湯的精粹。 「巴馬火腿