Go Dutch Cafe

营业中

休息中

試過旺角很多等樓上cafe，位於登打士廣場的Go Dutch cafe 是值得一提。首先，裝修很用心，有很多影相位。我在weekday的一個晚上光顧，店內的燈光很舒服，氣氛很好，讓我跟友人在放工後可以很放鬆地暢談，玩boardgame。Boardgame的款式夠多，而且又夠新。首先叫了兩杯飲品。一杯叫了以星座為題的飲品—天蠍座，真身其實是橙汁紅茶，加上雜果，好清新。另一杯則是荔枝藍柑桔乳酸，很開胃，有荔枝的果香，配以柑桔和乳酸的醒胃感。叫了一個set for two作晚餐。小食叫了芝士豚肉釀雞翼，十分Juicy多汁，一上枱已經好香。主食叫了金沙大蝦咸蛋意粉。如果是咸蛋黃迷，一定要試，香口而不膩，而且有很多蝦仁，回味無窮。另一個主食是黑松露軟殼蟹意粉。軟殼蟹很香口，很入味，配以濃濃的黑松露香，又不會互相蓋過大家的味道。甜品叫了tiramisu 和士多啤梨waffle。tiramisu是蛋糕。waffle很脆，加上士多啤梨醬，為整餐作結。

同朋友係旺角潮流特區行行完街買完野，當然要係旺角揾食啦。因為時間尚早，想揾個可以慢慢坐慢慢食既餐廳，相信係旺角吾會太難揾。上網揾左陣就揾到間係隔離街cafe，係登打士廣場10樓。佢營業時間真係岩哂夜蒲既朋友仔，由12點至凌晨4點，如果你地想揾個地點消耗時間就推介這間俾你。入到去個環境同裝修都ok，有吾少卡位，好適合六，七個朋友一齊玩同食野。遊戲方面都ok，每一款都有幾盒方便大家拎來玩吾駛搶。同埋中心位置放左好多本旅遊書俾食客睇下。我地4個人叫左個3-4人餐食！分別叫左二個主食係煙三文魚焗意粉，豬扒焗飯。二款小食分別係雞翼同拼盆。仲有4杯野飲。大家睇下相，食物份量一定夠4人食，如果你同朋友細食，5個人都可以點個4人餐來食。煙三文魚份量都不少，豬扒都係大大件。味道都ok，如果多少少汁會更creamy 雞翼好好食，有少少脆，表面仲有少少蜜糖。好食到好想食多幾隻。到個拼盆，由咖哩角同春卷組成，二個食物食個時都仲熱，比起出面有d餐廳食個時都係凍，有一d熱食算難得！4杯飲品都大杯，一定夠你飲。味道都唔錯，賣相就一流飯後仲有甜品食完之後我地仲玩左兩個鐘遊戲，員工都冇趕你，因為人手唔算多，都唔會眼望望

香港人真係好需要一個放鬆下，輕輕鬆鬆傾下計，又可以玩下broad game既地方今日就帶老公同埋屋企人出去旺角登打士廣場既樓上café食野，relax下啦地點方面，真係好方便，係前家樂坊，即係依家H&M對面，咁岩對面就有一格紅VAN返我屋企，20分鐘返到，超方便環境方面，一入到去就有一個好靚既裝飾，感覺高級燈光昏暗，令人可以放鬆落黎有一個大直櫃放左好多唔同既broad game，雖然有部分已經玩到唔齊，但都可以同屋企人玩下啤牌，鋤下D，不過如果定期可以更新下D broad game應該可以吸引更多人黎，當然玩既朋友仔要好好愛惜下啦我地4個人叫左個3-4人餐，其實2人餐吸引好多，不過4人餐價錢平D3-4人餐可以揀2個小食，2個主菜，每人一杯特飲，再加甜品一客選擇唔算多，但勝在夠份量環境上可以容許你坐低慢慢食野傾下計，我估係呢間café主打既賣點食物質素方面都幾高質，雖然個賣相有D似開party咁既樣，但係味道方面好唔錯蜜糖雞翼脆卜卜，調味適中，令人一食想再食而小食拼盤份量好夠，有春卷同咖哩角，新鮮炸起，好好食之後仲叫左個意粉同埋豬扒飯，味道好，份量足，一定夠飽最後仲有精美既甜品，非常滿足

 黎到小店特集第3xx回樓上cafe系列坐落旺角登打士街,即係平時掃街食那邊係呢區都好出名了,開了最少十年有朋友讀書已經間中黎食飯有午市套餐,營運時間去到0400旺角唯一選擇!佢仲要播viutv,場中有免費wifi,卡game等等兩人套餐 $36818款小吃自選一款兩款主食,飯,意粉,咸豬手,燒雞都有供應最後仲有甜品6款選2款包飲品,可加錢轉款選了一杯綠茶一杯冰紅茶 茶飲最快上,由於餐廳客多,即時製作所以要預期會等15-20分鐘後先開始起菜 小吃芝士豚肉釀雞翼原隻起肉再釀炸香,配甜辣醬炸得夠脆,沒有不好吃的理由 自家釀制芝心煙肉雞柳長通粉份量夠多,上面既芝心雞柳條外面炸既有流心芝士效果本身通粉既醬汁味道不算濃,可以加返香草碎會更加香口 德國咸豬手配薯角原隻已去骨,配一份番茄汁同黃芥末豬手肉厚皮爽,薯角炸得夠脆口通透啖啖肉,食得好爽快  甜品選了比利時窩夫和芝士餅 配上朱古力醬,剛好為這一餐作結尾芝士餅亦好濃味總評: 記得訂位,食物製作需時,開得夠夜旺角登打士街43H號登打士廣場10樓

前日，約左個朋友去食飯，佢話之前同佢男朋友食過有一間cafe唔錯，食物好味，而且好坐，所以我地就揀左去佢講的個間cafe坐啦。位置係好多樓上café的登打士廣場，裝潢都幾好，感覺都好舒服，職員話可以隨便揀自己覺得舒服的位坐。我地揀左個兩人set，可以叫一個小食、兩個主食、兩個甜品同兩杯飲品，而且佢的選擇都好多，花多眼亂，我呢啲有選揀困的人真係要揀一段時間，最後我地揀左芝士豚肉釀雞翼、龍蝦汁蟹肉帶子意粉、德國豬手、朱古力曲奇cheese cake、士多啤梨窩夫，飲品我叫左西班牙咖啡，我朋友點左香芋朱古力粒粒。坐左一陣，首先就有飲品了，我朋友個杯朱古力到先，我都試下佢個杯飲品，都幾重朱古力味，帶有淡淡香芋口味，不過過重而搶去了杯朱古力原先的味道。之後就到我個杯西班牙咖啡了，我都係第一次飲，因為我唔太飲太甜的關係，我個杯走甜，西班牙咖啡原來係凍齋啡加雪糕，初時都會有少少苦，但當個雪糕開始溶左之後就唔同啦，似係一杯雲哩拿味的咖哩，好正。小食方面的芝士豚肉釀雞翼，芝士味都幾出，豚肉味唔會太重而導致喧賓奪主，搶左雞翼的風頭，的確不錯，不過下次如果我再去，可能會試下其他小食，因為二人餐的小食都有成十

套餐 $3681個小食、2個主食、2個甜品、2杯飲品首先我揀左嘅小食係美式芝士煙肉焗薯條🍟個薯條嘅份量超多，啲薯條嘅口感好脆，佢唔會焗到啲薯條淋曬，啲芝士同煙肉都好多，多到可以令到每一條薯條都可以有芝士同煙肉一齊食，啲煙肉好香而且唔會好鹹🥰👍🏻而我揀嘅主食係 特濃龍蝦汁帶子蟹肉意粉我個人覺得，整個意粉嘅味道，好似龍蝦伊面啲味道，啲意粉唔會好乾，因為佢個龍蝦汁好多，可以令到每一條意粉都掛到龍蝦汁，啲帶子有好多粒，而且口感好軟林林，唔會好硬，啲蟹肉絲都好多，啲意粉嘅口感唔會整到好林，會仲有啲口感，整個意粉真係好好味👍🏻我揀咗兩個甜品，一個係朱古力曲奇芝士餅，另一個係藍莓芝士餅朱古力曲奇芝士餅，佢嘅朱古力味好香龍，不過味道就比較偏甜，佢嘅餅底好脆藍莓芝士餅，佢個藍莓味好香，但係亦都係好甜，而且亦好濃芝士味，兩個甜品都好好味，但係味道就有啲甜奇異果梳打 +蘆薈$8杯奇異果梳打好大杯，而且味道好香奇異果味，味道亦唔會好甜，加左蘆薈令到杯野變得有好感第二杯飲品係抹茶沙冰個抹茶沙冰嘅抹茶味真係好香濃，但係味道又唔會有抹茶嘅苦澀味，上面仲有啲cream，令到杯沙冰嘅味道更加特別，杯嘢都好大杯🥰👍🏻

位於油麻地，旺角之間嘅登打士街，小吃鋪頭林立，呢日搵到一間樓上cafe來嘆下。呢度有一般樓上舖的特色，空間感大，樸實的装修中有自己特色，就係每張玻璃枱底有唔同的乾花點綴裝飾，靚靚。嗌咗個2人餐，包1個小食，2個主食，2個甜品同2杯飲品。小食叫咗黑松露焗大蘑茹，黑松露芬香撲鼻，焗咗嘅大蘑菇keep 住好juice 。金沙大蝦鹹蛋意粉，勁大碟，大蝦有成8、9隻咁多，鹹蛋味濃，味道豐富有層次。黑松露軟殼蟹意粉，意想不到的嘅係軟殼蟹好大隻，成個賣相勁好，吃起上來當然满足感十足。飲品奇異果沙冰，果味濃帶有小小酸味，是我的至爱，仲有飲極都飲唔晒呢下勁吖。抹茶鮮奶甜品

呢度係位於傳統既cafe所在地 - 登打士廣場只需要一個餐或者一杯野飲既最低消費就可以玩成晚性價比其實比party room更高上網睇呢度既食物都係唔錯既即刻黎試下芝士肉醬焗薯條原本以為係一碟既薯條原來呢度既份量係以一大碟來算的！！好彩都食得哂哈哈新鮮即點即炸的！超yummy!!意式焗豬扒飯第一次食到咁足料既焗豬扒飯兩塊超大既豬扒係蕃茄醬上面撈雲d醬汁食個飯係超好味！！豬扒超厚肉！但係都keep到好淋，不得了

環境吾錯，光線舒適，坐得舒服，吾會黑到食物睇吾到，傾心事開聚會都可以，場所播流行音樂都吾會影響傾計既質素。食物方面夠熱，好食又值得推介係豬手加薯條，份量值回售價，兩個男人食都差d食吾哂，兩個女仔食就太多，最好三個，豬手肥瘦岩岩好，肥得吾油肉感咬口吾老，薯條粗過手指，擔擔都係薯泥。如果有做開運動想以肉類加健康澱粉為主，期望期望吾太油，可以食燒春雞加薯茸，燒雞需要時間整，即叫即做，最少半個鐘，慢慢食都okay既，傾下玩下都好快過。整體而言，除咗地下大堂電梯需時較耐，因為出入人流多，交通都算方便，吾偏僻。

Cafe好hea處，有唔少人叫完野食之後都玩左陣game先離開，有大富翁、card game、飛行棋等，岩哂同一班朋友一齊上黎聚下玩下，又唔洗食完趕住走/諗地方hea多陣🤣-Set of two $368蜜蜂雞翼黑松露軟殼蟹意粉芝士雞柳煙肉長通粉紐約芝士餅榛子朱古力比利時窩夫/另外再叫左兩杯野飲玫瑰花水蜜桃茶🍑焦糖碎碎朱古力-1️⃣ 黑松露軟殼蟹意粉⭐️⭐️⭐️⭐️中size既一整隻軟殼蟹，有小小炸既口感，炸粉唔會太多，味道都夠，不過有小小炸得耐得滯既感覺，而意粉都佈滿黑松露味，中意黑松露既可以試下。/2️⃣ 芝士雞柳煙肉長通粉⭐️⭐️⭐️⭐️雞柳外觀望落好似魚柳咁，好大兩塊而且炸到金黃色，芝士鋪滿整塊雞柳🥰煙肉因為原本都有䶢味加上芝士味，令到成個通粉都好惹味。/3️⃣ 玫瑰花水蜜桃茶🍑⭐️⭐️⭐️⭐️好清香既玫瑰味同重水蜜桃味，好解渴同膩🤣/4️⃣ 焦糖碎碎朱古力🍫⭐️⭐️⭐️飲落去後都仲有焦糖既餘韻，有啲似咖啡既味，杯面有可可脆片，睇落就好濃郁既朱古力味，不過唔算太濃。-環境：8/10服務：8/10好味指數：7/10回頭率：7/10

放假約朋友gathering，想搵間可以坐耐啲嘅餐廳，食下野傾下偈，決定嚟到旺角嘅Go Dutch cafe，貪佢可以慢慢坐，渡過休閒晚上。位於登打士廣場，位置非常方便，環境幾優雅。門口有一盞特色嘅燈飾，令餐廳氣氛有格調。我哋叫咗四人餐，每人一杯飲品，兩個小食，兩個主食。小食揀咗芝士吞拿魚薯蓉、蜜糖雞翼，主食就揀咗焗豬扒飯同牛肝菌汁雜菌雞肉意粉。幾鍾意個雞翼炸得脆卜卜，而個意粉既汁好香牛肝菌味，好creamy。呢度每個菜式嘅份量都好大，超級飽肚。飲品方面，我哋叫咗唔同味道嘅茶，有蜜瓜綠茶，蜜桃紅茶，柑桔檸檬綠茶，但最好飲嘅係蜂蜜梳打，因為飲得出係真正蜜糖沖，潤喉又美味😋

如果約朋友想坐耐啲, 多數都會book旺角嘅Cafe, 環境舒服啲, 又有玩具玩，大家一齊玩遊戲好開心。 Go Dutch cafe佈置幾優雅，除咗玩具仲有一啲旅遊書，可以借嚟睇，氣氛休閒。週日嘅晚上都坐滿了，店員服務幾好，態度友善。食物都唔錯，我們一行四人，叫咗個四人套餐，價錢都算大眾化，四百幾蚊，夠飽肚。套餐包兩個小食，兩個主食，仲有甜品同飲品。 芝士吞拿魚薯蓉幾柔滑，面頭好多焗香嘅芝士， 吞拿魚都唔少。牛肝菌汁雜菌雞肉意粉味道香濃，雞肉煎得嫩滑，好好食。最後嘅甜品我都好鍾意，賣相好精緻，用朱古力醬畫咗兔仔嘅圖案，好可愛。雪糕泡芙非常美味，泡芙內嘅雪糕冰凍清新，最啱作飯後甜品食   。

《浪漫咖啡廳》登打士廣場，相信又可以叫做Cafe廣場，成棟都有唔少cafe比人選擇，係openrice見到Go Dutch環境幾靚，今次決定去呢間cafe試一試。一到餐廳就比門口嘅大型樹木擺設吸引，連同每張枱都有木頭裝飾，室內環境既有格調，又有情調。叫左一個二人套餐，$368包括一款小食、兩個主菜、兩款甜品同兩杯飲品，感覺非常豐富。等候期間先去借用board game，玩住三國殺等食飯，board game成櫃任君選擇，每款都有幾套，唔洗怕要同人爭。套餐小食點了黑松露焗大啡菇，每人一件慢慢品嚐，啡菇上除左有香氣撲鼻嘅黑松露醬，亦舖滿經過烤焗嘅芝士，邪惡嘅重口味配搭。啡菇仲有洋葱火腿等等配料，配合厚厚又juicy嘅菇，口感豐富。意粉叫左咸蛋大蝦意粉同黑松露軟殼蟹意粉，前者醬汁充足濃稠，有香濃的蛋黃同奶香味，每啖意粉都沾滿醬汁，大蝦嘅數量亦唔少；後者黑松露一樣係咁香，意粉亦加入唔少菌類，加埋原隻經調味嘅軟殼蟹，實在令人非常滿足！餐後邊玩board game邊等待甜品，叫咗朱古力曲奇芝士蛋糕同榛子waffle，小巧精緻，份量啱啱好，waffle值得一讚，熱辣辣之餘，亦做到外脆內軟，配住熱朱古

約咗朋友去地點最方便嘅旺角食飯!! 想坐得舒服啲, cafe當然係不二之選! 裏面嘅裝修都行簡約風都懶得諗食乜嘢，所以就叫set喇～但嚟到Cafe，點都要叫杯特別啲嘅嘢飲嘅～ 就算要加錢都值得呀！ 嘢飲嘅選擇真係有超級無敵極之多！！！香桃沙冰 （左）～ 朋友點咗呢個， 都唔覺有科學嘅糖漿味， 反而香桃味都幾濃，值得推介！山羊座特飲（右）～ 差唔多生日嘅我，當然係點山羊座啦 ！內容非常豐富，有雪糕 、朱古力粉同埋奶類 ，呢幾個配搭一定會係好夾！！好飲！白汁香草煙三文魚意粉～ 一嚟到見到用煙三文魚拼咗好大朵玫瑰花就已經心心眼， 加埋焗過嘅白汁意粉，香濃芝士味，簡直係wonderful！特濃龍蝦汁帶子蟹肉意粉～ 龍蝦汁非常濃稠，帶有鮮味，由於汁用上忌廉，所以非常香滑！ 帶子同蟹柳的份量亦算多，果然係真材實料！！蜜糖雞翼～ 雞翼外香甜、微脆，內軟滑夠味！yummy! 榛子醬窩夫～ 屬於係硬淨口感， 榛子醬 exactly係金莎既味！！ 通常窩夫 都會襯雪糕，但係襯榛子，一啲都唔差，而且多咗幾分新鮮感添！！tiramisu～ 冇用好多cream，反而夾咗啲海綿蛋糕，冇咁濟，唔錯！！！

都幾鐘意去cafe食野，因為可以同fd慢慢吹下水玩下game咁，又坐得舒服！附近cafe選擇都多，不過見openrice幾多好評，就揀左依間！一出電梯，見到間cafe都幾有格調！仲放左好多旅遊書係到，都係近依兩年嘅！幾好見到依到有二人餐（$368）包一個小食兩個主菜兩個甜品同兩杯野飲咁！懶得諗見又咁多野食，就照去啦！首先小食叫咗個煙三文魚凱撒沙律，冇諗過咁大份！主菜就叫咗特濃龍蝦汁帶子蟹肉意粉同黑松露軟殼蟹意粉。個龍蝦汁味道果然係好濃，帶子雖然細細粒但係都好多好好味，幾好食！至於個軟殼蟹意粉真係成隻軟殼蟹係到，仲有好多菇做配菜！不過個黑松露方面就略嫌味道唔夠濃，再濃啲仲正甜品方面叫左朱古力窩夫同藍莓芝士蛋糕，個窩夫岩岩整好熱辣辣又好脆，加埋個cream食真係好好味！芝士蛋糕就不過不失啦冇乜特別。嘢飲方面我叫咗個玫瑰沙冰，呢度嘢飲嘅選擇都真係好多而且都算特別，我依杯玫瑰沙冰好香玫瑰味好清新！整體黎講本身黎cafe都係想玩下game吹下水，但依間食物質素都幾好，去得過！