影片
更多
2020-01-12
164 浏览
《浪漫咖啡廳》登打士廣場，相信又可以叫做Cafe廣場，成棟都有唔少cafe比人選擇，係openrice見到Go Dutch環境幾靚，今次決定去呢間cafe試一試。一到餐廳就比門口嘅大型樹木擺設吸引，連同每張枱都有木頭裝飾，室內環境既有格調，又有情調。叫左一個二人套餐，$368包括一款小食、兩個主菜、兩款甜品同兩杯飲品，感覺非常豐富。等候期間先去借用board game，玩住三國殺等食飯，board game成櫃任君選擇，每款都有幾套，唔洗怕要同人爭。套餐小食點了黑松露焗大啡菇，每人一件慢慢品嚐，啡菇上除左有香氣撲鼻嘅黑松露醬，亦舖滿經過烤焗嘅芝士，邪惡嘅重口味配搭。啡菇仲有洋葱火腿等等配料，配合厚厚又juicy嘅菇，口感豐富。意粉叫左咸蛋大蝦意粉同黑松露軟殼蟹意粉，前者醬汁充足濃稠，有香濃的蛋黃同奶香味，每啖意粉都沾滿醬汁，大蝦嘅數量亦唔少；後者黑松露一樣係咁香，意粉亦加入唔少菌類，加埋原隻經調味嘅軟殼蟹，實在令人非常滿足！餐後邊玩board game邊等待甜品，叫咗朱古力曲奇芝士蛋糕同榛子waffle，小巧精緻，份量啱啱好，waffle值得一讚，熱辣辣之餘，亦做到外脆內軟，配住熱朱古
登打士廣場，相信又可以叫做Cafe廣場，成棟都有唔少cafe比人選擇，係openrice見到Go Dutch環境幾靚，今次決定去呢間cafe試一試。
一到餐廳就比門口嘅大型樹木擺設吸引，連同每張枱都有木頭裝飾，室內環境既有格調，又有情調。叫左一個二人套餐，$368包括一款小食、兩個主菜、兩款甜品同兩杯飲品，感覺非常豐富。等候期間先去借用board game，玩住三國殺等食飯，board game成櫃任君選擇，每款都有幾套，唔洗怕要同人爭。
套餐小食點了黑松露焗大啡菇，每人一件慢慢品嚐，啡菇上除左有香氣撲鼻嘅黑松露醬，亦舖滿經過烤焗嘅芝士，邪惡嘅重口味配搭。啡菇仲有洋葱火腿等等配料，配合厚厚又juicy嘅菇，口感豐富。意粉叫左咸蛋大蝦意粉同黑松露軟殼蟹意粉，前者醬汁充足濃稠，有香濃的蛋黃同奶香味，每啖意粉都沾滿醬汁，大蝦嘅數量亦唔少；後者黑松露一樣係咁香，意粉亦加入唔少菌類，加埋原隻經調味嘅軟殼蟹，實在令人非常滿足！
餐後邊玩board game邊等待甜品，叫咗朱古力曲奇芝士蛋糕同榛子waffle，小巧精緻，份量啱啱好，waffle值得一讚，熱辣辣之餘，亦做到外脆內軟，配住熱朱古力一齊飲，為成餐劃上完美句號。
18 浏览
0 赞好
0 留言
张贴
