Go Dutch Cafe

营业中

休息中

未試過甘伏，俾啲相呃晒，野食先唔講，餐廳有臭又up,唔好話有裝修直頭用污糟去形容，野食極極普通茶餐廳嘅意粉質素，呢啲cafe 我俾多小小去酒店食好過，lunch 仲要收成$300 兩個人連加一 。

Nonsense 限聚令下，旺角成為半死城狀態，每間餐廳都捱住捱住，走入當年都算旺嘅登打士廣場搵嘢食，喺幾間Cafe求其指，指中依間 Go Dutch Cafe 。Go Dutch 故名思義係同荷蘭有關，以我睇一一定係Pickwick 依款茶最有關係，當然我今次係冇試架喇。另一方面，Go Dutch係一間Gathering Room，佢哋有大量Board Games畀客人玩。.蒜茸汁炸蝦天婦羅長通粉評分：🌟🌟🌟唔算高分嘅長通粉，份量雖然大份，但唔算太吸引。原因有：1. 蒜茸汁嘅味道偏咸2. 天婦羅蝦乾硬化.榛子咖啡評分：🌟🌟🌟中規中矩嘅咖啡，使用Arabica豆，但又冇拉花，算係有枱面嘅花襯托住，叫做有啲嘢影。

超抵食！$368二人套餐吃到飽，食唔哂tim😹一開始見到價錢，期望都唔高，但超出預期👍🏻任選一款小食+兩款主菜+兩杯飲品+兩款甜品🍮凍飲/特飲🍹要+$ 我試了榛子碎碎朱古力🍫小食選了煙三文魚沙律🥗 普通d啦～不過不失，小食仲有雞翼/薯條/腸仔...好多款可以選！主食試了特濃龍蝦汁蟹肉意粉🍝有驚喜！好入味原隻燒春雞🍗超大隻！好多汁🙈食唔哂haha甜品推介朱古力窩夫🧇 藍莓芝士餅就一般😛 咁既價錢係旺角算係咁👌🏼

這間樓上Cafe十分有質素，無論是員工的態度、環境、或是食物的味道都好好，吃過後都想再次回去再吃！這個炸物拼盤十分有誠意，有茄汁、泰式辣醬和沙律醬供予沾不同炸物。有一口芝士、單骨雞翼、洋蔥圈和薯條，吃完之後很想再叫，不過因為有其他食物，所以就放棄了。真的很好吃。這黑松露炒雜菜，普普通通，不過不失。稍嫌份量少。黑毛豬鞍扒，很大份，焗得剛好，鹹度適中，又有啖啖肉汁，不會乾。最後來一份雪糕配蘋果酥皮，想不到是這樣子的酥皮，蘋果切得薄如蟬翼⋯可能要將雪糕塗抹均勻，然後再卷起吃比較好。

點咗個2人餐加個1人餐，跟餐可配40蚊以下飲品☕🍸。豬手 －唔係原隻，已起咗骨，唔係燒嘅，面唔脆，淋淋地，有啲中式feel ,面有啲黑椒，幾惹味，配薯角，望上去一筒嘅薯角其實份量唔太多。蟹肉意粉 － 其實唔係蟹肉，係蟹柳，個汁都幾好味，不過就稀咗少少。卡邦尼意粉 － 中規中舉甜品揀咗朱古力窩夫同new York cheese cake , 窩夫面好多cream , 底唔太脆。new York cheese cake 質感同味都唔太吸引。釀雞翼 －4隻啱啱好洗手間係同層餐廳共用，雖然寬敞，但幾污糟open rice book位送50 里✈，仲多過米芝蓮餐廳，有驚喜🤭

很久沒去樓上咖啡店坐啦這間店用餐時間是2.5小時我們叫左個3-4人套餐，好抵食😂🎉蜜糖雞翼好好味，有少少牛油味，又脆，蜜糖又夠。肉醬大啡菇散叫，都好好味😋黑松露意粉（本身是焗飯，但未有飯，所以轉意粉）卡邦尼意粉 超大份😂成盤上，好抵食香蒜白汁時蔬，就是椰菜花，無咩特別飲品方面，我們叫左玫瑰花茶，芒果乳酸沙冰，西班牙咖啡這兒的咖啡都好香最後甜品方面，原本套餐的蛋糕仔，很細，味道就很差另外加錢的兩件蛋糕，tiramisu及朱古力曲奇芝士蛋糕就好好味

星期六同朋友一行5人 3點左右黎到食下午茶，叫完大約15mins後上左飲品，跟住等左超過45mins 後d野食先到... 真係4點幾先有野食🙃中途問個待應哥哥仲有幾耐先有野食，佢話因為廚房得一個廚師，所以會耐d😅叫左3個意粉同d小食，味道算正常，不過真係等得勁耐...賣相最得意係個摩天輪，但$158又真係唔係好抵食... 😌

個軟殼蟹一啲都唔好食😫，炸完之後得層皮，完全食唔到佢d肉。但係個黑松露意粉都幾濃味，好香gas味🤪，補反d分德國豬手，佢會幫你切好晒一件件好方便食。不過層皮同個肥膏就整得唔好食，好難咬開。一啲都唔脆😕加分位個厚薯到only☺️雞翼整得正正常常算幾好食😋杯沙冰真係好大杯，睇吓隔離嗰杯正常size就知道

假期同d朋友揀左呢間樓上cafe試下, 環境幾舒服,燈光暗暗地, 啱傾下計. 一班人聚會可以玩下card game, 仲有旅遊書食物算多款式, 有晒沙律意粉甜品咁下午茶時間係有tea set,包一款小食加飲品.  單點左個沙律同焦糖燉蛋,沙律份量幾大碗, 有三文魚同幾種菜, 健康之選煙肉芝士薯角- 上枱熱辣辣, 個薯角焗得啱啱好, 加埋芝士食正芝士肉醬大草菇- 呢個好香, 個菇好大個夠淋, 一人食一個唔洗分. 芝士肉醬同個菇撈埋一齊又幾好食, 估唔到跟餐有杯野飲, 叫左杯凍榛子朱古力夏天飲凍野涼快, 飲到幾濃榛子味.

想同男朋友撐檯腳，食好點又唔想太貴，可以選擇旺角登打士廣場的10樓go dutch cafe。來過幾次對這裡的食物水準有保證。坐低直接已經知道食咩，二人套餐最抵食，有前菜，兩個主食，兩個甜品，同兩杯野飲都唔洗$400。我們前菜選了芝士煙肉黑松露焗大菇，菇大大塊加上芝士煙肉真係好香好有口感。主食有go dutch 自家制黑松露燒春雞同金沙大蝦咸蛋黃意粉，自家製燒春雞要等40分鐘，即叫即燒好新鮮好香脆。鹹蛋黃意粉更是吸引，濃鬱的鹹蛋黃，鹹蛋黃控一定食過翻尋味。我們最後食唔曬咁多野仲打包因為真係好味唔想浪費，呢度野食性價比高之餘，氣氛又浪漫，真係好適合情侶來。

今次黎到呢間德國style既cafe, 裝修得幾唔錯, 門口就有個吊燈樹, 從lift口望入去, 真係幾吸晶, 食物味道黎講, 都算係中上水平, 所以十分推介年輕一代黎試下一入到餐廳就比佢個裝修吸引左,有特色燈之餘, 仲佈置到個氣氛有少少酒吧既感覺, 約埋一班fd黎一路食野一路傾計, or 一齊玩board game又得, 同埋佢台同台之間有隔板隔住, 所以私隱度都十足, 唔好同隔離枱你眼望我眼咁board game 黎講,款式都算幾多下, 而且唔會好似其他cafe咁, d款色又舊, 又無新game, 因為我見店d職員都係比較後生, 所以可能識多d後生仔既口味食物方面,叫左個牛扒,5成熟既, 出場熟度都叫岩岩好既, 雖然有少少難咬, 但牛味都算okay, 目測都有10oz, 所以都幾夠食, 薯蓉方面, 就十分幼細, 好容易入口, 配埋醬食味道就一流 咸蛋黃雞翼就係本人既最愛, 食落有好足味既咸蛋黃既香口, 而雞翼都炸得幾唔錯, 個皮都好鬆脆呢間cafe無論環境,  同食物質素, board game都唔錯, 下次同fd gathering 既cafe 首選

Dinner set for two $368主食：💛德國鹹豬手配薯角💛自家製黑松露燒春雞配薯蓉小食：💛芝士肉醬焗大蘑菇 (2pcs)甜品：💛紐約芝士餅💛榛子朱古力比利時窩夫飲品：💛荷蘭旗 +$18💛夏日麼麼茶 +$18🇳🇱豬手已經預先切好，去了骨，吃起上來比較方便。皮脆多肉，配上芥末醬一流。🇳🇱燒春雞原隻上貌相很吸引，大大隻好抵食，薯蓉都一樣好吃。🇳🇱我最喜歡是大蘑菇，很香的菇味加上芝士，咬上去很多汁。🇳🇱荷蘭旗是藍柑桔和乳酸，上一層比較淡身，最底層是酸酸甜甜，味道很好。🇳🇱夏日麼麼茶是菠蘿和檸檬🍋，口感很清新。🇳🇱甜品好吃又甜而不膩，滿足！整餐的美食有水準，而且吃得很飽，兩個男生也差點食不下去，加一後埋單$444.4😈。餐廳有桌上遊戲，同時也有不少旅遊書籍。唯附近都在玩遊戲，聲音有點吵。目測幾乎滿坐很熱鬧，店員服務態度很好👍。

距離上堂前還有一段長時間,在旺角要找坐得耐又舒適的地方唔多。靈機一閃記得登打士廣場Cafe林立,今次黎10樓的Go Dutch CafeCafe內裡陰暗特出問口的燈飾。令照片拍出黎的效果非常柔和 一定要相機食先~飲品-人馬座以柑桔果汁加入乳酸的特飲~ 大大杯酸酸甜甜~正!!主菜-特濃龍蝦汁帶子蟹肉意粉意粉有約10粒小型帶子,先用牛油香煎再加入意粉。龍蝦汁亦非常香濃野味,唯個人覺得意粉偏硬身。(小編是無牙婆婆)但整體而言亦相當不錯。小店全sofa坐,每枱可以圍坐4-6人。亦有多款小食,二人餐,是同學會的好選擇。

想要HEA又想開餐，呢類樓上CAFE絶對可以滿足到要求，呢間地點方便，一開LIFT門就到店內中間位置有盞特式波燈，枱上放滿各地自由行書，鍾意嘅可以拎本黎睇!  不停播住KPOP歌，今晚就聽到幾首GD歌.....YEAH!!見到呢個二人套餐好似幾唔錯咁，唔諗咁多啦，就佢啦...............自選小食一款，呢客黃金鷄翼，一客有6隻，隻隻飽滿燒好嘅鷄翼淋上惹味咸蛋黃醬汁，滿足味蕾，不禁一隻接一隻主菜有兩客，咁就黎個意粉先啦 : 特濃龍蝦汁帶子蟹肉意粉，賣相絶不馬虎，兼且份量足夠二人分享帶子細細粒但幾軟熟; 蟹肉就變成左蟹柳，每條意粉都浸淫於濃味龍蝦汁中，意粉有口感，唯醬汁份量少返一D會好D!另一客為自家製黑松露燒春鷄配薯蓉，呢款要等待多點時間，好彩可以食住碟意粉先話係春鷄但其實體積都絶唔係春鷄級數，仲有兩大球薯蓉，務求要你食飽D咁喎.....哈哈!鷄皮下無咩脂肪，燒至皮香肉滑，切開後仲見到D肉汁流出黎，鷄肉用香料醃製過，黑松露味就唔太食出，但以燒鷄黎講係好味道嘅!套餐包兩杯$40嘅飲品，多出就補差額，飲品選擇都幾多，唯獨咖啡深得我心，呢杯榛子朱古力咖啡，拉上精緻花紋，入口綿滑又有香

Go Dutch Cafe #旺角❗️中學回憶旺角樓上cafe❗️以前中學成日喺登打士廣場食嘢，真係抵食又有得玩下board game🤣不過已經好多年冇再去過，相隔幾年嚟到呢一間Go Dutch，環境比起印象中嘅旺角Cafe靚好多😛啲嘢食好味又抵食，而且仲開到凌晨四點，想玩幾耐都得😍。Set for 2 $368$368包一個小食、兩個主食、兩個甜品同兩杯$40嘅飲品，咁抵嘅價錢已經好耐冇見過❗️而且份量大到嚇親人，兩個男人食都一定好飽🤰🏻！小食揀咗健康啲嘅🥗冇諗過有極多塊煙三文魚🍣而且每一塊都好長好厚，平時一個咁嘅沙律都要$70-80，呢個咁平得來仲要係平時嘅兩倍份量，加埋沙律醬真係幾唔錯😋！味道: 3.8/5主食特濃龍蝦汁帶子蟹肉意粉🍝果然係特濃，瞇埋眼都食得出係龍蝦汁，每一條意粉都比龍蝦汁包圍着，非常香濃鮮甜🦞而且意粉嘅份量係正常嘅兩倍，再一次俾佢嘅份量嚇親🤯不過始終價錢便宜，唔好期望係高質帶子同埋蟹肉，帶子偏細粒，唔算好鮮甜，但都幾爽口，仲要好多粒。不過蟹肉就似蟹柳多啲🙈但都好有心機燒過，絕對係抵食有誠意之選！味道: 4.1/5 自家製黑松露燒春雞配薯蓉🐔應該係我見過最大隻嘅燒春雞🤩