Go Dutch Cafe

营业中

休息中

位於旺角登打士街，登打士街廣場嘅呢間Cafe，食完有encore 🤪簡直係尋到寶‼️‼️‼️❣️牛肝菌汁雜菌煙肉長通粉 $94打開蓋已經聞到好香嘅牛肝菌汁味道，長通粉份量較多，食落有咬口，軟硬度適中，而且個牛肝菌汁煮得好creamy ，醬汁又夠多，牛肝菌汁味道濃郁，個汁調得好好味，真的強烈推薦‼️下次再去都要encore呢個長通粉☺️❣️煙鴨胸凱撒沙律 $54煙鴨胸不過不失，煙鴨胸夠口，幾有口感，配埋沙律菜食感覺幾fresh😍不過煙鴨胸份量略嫌較少。❣️蒜蓉汁炸蝦天婦羅意粉 $70天婦羅蝦比到驚喜！外賣自取拎到返屋企嗰蝦都仲係脆😆 而且意粉軟硬度適中，蒜蓉汁夠多，味道足夠，不過對比起頭先嗰個牛肝菌汁雜菌煙肉長通粉就被比下去😆提提大家，Openrice外賣自取係平好多㗎‼️不過如果經開旺角，有同friend一齊，絕對可以上去食下嘢， 呢間Cafe嘅營業時間係至凌晨四點，啱晒啲夜鬼夜晚唔知去邊食宵夜😏Cafe仲好多board game玩添~~~🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺🔺❣️ 整體評分: 9.5/10💰 人均消費: $150Go Dutch Cafe (旺角)旺角登打士街43H號登打士廣場10樓🔺🔺

約左好友飯聚傾下計，揀左間坐得舒服又好食既Café，講既係Go Dutch Cafe，位於旺角登打士廣場。晚餐有二人餐，價錢相宜，好抵食。煙三文魚凱撒沙律羅馬生菜新鮮爽脆，煙三文魚肥美豐滿鮮味濃。特濃龍蝦汁帶子蟹肉意粉龍蝦汁鮮香濃郁，入口Creamy帶子爽口彈牙，蟹肉鮮甜滑嫩，意粉軟熟度剛好有嚼勁，掛汁一流。德國鹹豬手配薯角外皮香脆惹味，肉質幼滑多汁，做到皮脆肉滑，啖啖肉勁滿足。薯角外焦內嫩，咬開口感軟綿。藍莓芝士餅口感綿密扎實，充滿芝士香，面層藍莓酸酸甜甜好開胃。提拉米蘇細緻滑順入口即化，香甜唔會膩。香蕉奶昔香濃絲滑，營養豐富，甜度剛好。玫瑰花茶性甘微苦，行氣解鬱一流，淡淡玫瑰花香，養生之選。

最近晚晚都出街食好野，唔知又肥幾多啦😹不過唔緊要，最緊要好食今日約左朋友去旺角間Go Dutch Cafe，環境好舒服好靚，大部份都係sofa位，相當闊落。仲有好多Board Game可以借黎玩我地2大1細叫左個2人餐，分別有一個小食、兩個主菜、兩個甜品、兩杯野飲。野食未到既時候，朋友個仔瘋狂扭計係甘喊，搞到嘈到其他客人，我地都唔好意思😢點知員工唔單止無黑面，仲同小朋友玩，又請小朋友飲純鮮奶，果一刻真係覺得好感動，佢地員工真係好有愛好友善小食我地叫左芝士豚肉釀雞翼，皮脆內軟，食落有肉汁，好夠味！而且無骨啖啖肉，小朋友都搶住食🤣主菜就有白汁香草煙三文魚意粉🍝煙三文魚花砌得好靚，勁大朵，一d都唔孤寒！白汁唔係好杰身果d，所以食落唔會膩。份量有點多，普通食量既女仔應該食唔曬！另外仲叫左德國鹹豬手配薯角，同樣份量好多，已經起曬肉出黎，唔洗自己切得甘辛苦。食落甜甜地，肥膏位好爽唔油膩，瘦肉位都好香唔會鞋，就甘食已經好好食，點埋芥茉醬又係另一番風味！薯角外脆內軟，就算唔即食放涼左都一樣好食甜品叫左紐約芝士蛋糕同埋藍莓芝士蛋糕，好重芝士味，偏硬身少少！食埋個甜品真係勁飽，每樣份量都好多野飲試左藍莓沙

🐈：登打士廣場究竟有幾多間Cafe😂？呢間個格調好浪漫💕，一出𨋢就見到個波波燈，好靚啊😍。我哋叫咗個2人餐，可以揀一款小食、兩款主菜、兩款飲品及甜品，呢個價錢算幾抵食👍🏻。———————————————🔻𝑆𝑒𝑡 𝑓𝑜𝑟 𝑇𝑤𝑜 $𝟹𝟼𝟾🔻🌟蜜糖雞翼6𝑝𝑐𝑠味道唔錯，雞翼入味，都夠蜜糖。只係略嫌個皮唔夠脆。𓂀推介度：6.5/10_🌟德國鹹豬手配薯角豬手係切件上，可以幫你慳返好多力🤣，加分！因為我好怕切豬手。呢個係炆既煮法，所以個皮唔會係好乾好脆個隻，但佢整得好入味，甜甜的再點黃芥末好好味💕。推介👍🏻𓂀推介度：8.5/10_🌟卡邦尼意粉味道正常，忌廉汁幾香滑不過好heavy🤣，因為都幾大碟，所以到最後都食唔晒。特別想稱讚一下嘅就係佢topping係炸到超脆既煙肉🤩，正！𓂀推介度：7/10_🌟提拉米蘇有5個layers，蛋糕好鬆軟，咖啡味同酒味調啱啱好。唔錯！𓂀推介度：7.5/10_🌟榛子朱古力比利時窩夫窩夫脆卜卜，有榛子醬之餘仲會有啲Oreo粒粒碎💕。初初好驚佢會嚟好大份，因為驚食唔晒。好彩佢都叻，整返細細件，食得完岩岩好☺️。𓂀推介度：7.5/10

最近foodpanda見到多咗唔同餐廳，見近近地外賣自取有平，就試呢間旺角Cafe！鹽酥雞，配沙律醬，作為小食真係好邪惡！雖然係外賣自取，但都keep到熱辣辣，好香口，唔會炸到好乾，食食吓好快就食完。黑松露白汁雜菌意粉，一打開蓋就聞到好香嘅黑松露味，面頭嘅黑松露醬一啲都唔吝嗇，每條意粉都掛滿左醬汁，好正！卡邦尼意粉，味道偏甜少少，奶油味香，加埋炸煙肉碎可以增加口感。整體來講，份量偏大份，意粉好抵食，味道都唔錯！

同朋友聚舊, 想好坐d 今次search 左間好評都唔少cafe環境卡座幾好坐，而且每枱距離幾足夠，食得都安心d. 一入門口decor 幾靚，咁岩我地坐左呢枱係decor 對面佢有2人set $368 已經包左一個小食, 2個main 同2個dessert同朋友order 左個芝士煙肉薯條，佢cheese 都幾足料. 頂上滿滿cheese 可以牽絲. 其實都預左加左堆cheese 同bacon 係頂薯條會唔脆，不過整體味道都唔錯主食選左個龍蝦汁蟹肉帶子意粉. 佢個sauce 都幾多, 不過龍蝦香味唔算好出, 意粉腍身左d. 蟹肉絲同帶子量好足料另外main 選左個烤雞蠻推薦，真係完整一隻烤雞, 因為即焗都需要等候40分鐘左右. 但味道係唔錯wor, 成隻焗timing 剛好即使食到雞胸位嘅肉都仲頗嫩完全唔會乾一整隻雞拆開真係好多肉另一邊係堆得滿滿薯蓉，超級飽肚另外加錢order 左特飲，十分推薦佢地milkshake. 個草莓奶昔好好飲，唔會太甜. 加左好多cream 雖然guilty 不過飲落其實更加smooth 同幼滑creamy , 草莓味亦好香, 有點似哈根大師草莓雪糕味道.

上次朋友介紹試左次，今次到我介紹人一齊黎食🤗旺角行完街上黎打打卡 今次叫左個二人晚餐set🍴份量十足🍗飽肚又好食😋薄荷朱古力cream既奶蓋，賣相好吸睛😍朱古力伴隨清新既薄荷香味阿法奇朵🥃唔係間間cafe都有既咖啡，Expresso再加一球movenpick雪糕😌入口一刻就feel到濃烈既咖啡甘香，過後先散發一陣雪糕既香甜中和返蜜糖雞翼上枱嘅時候熱辣辣，外皮超脆仲有濃濃既蜂蜜🐝包住，簡直好似去左BBQ咁，強烈推薦👍🏻黑松露軟殼蟹意粉酥脆既炸皮，不油膩又有蟹既鮮甜，內裏超多蟹肉🦀意粉軟硬適中，仲有creamy 既黑松露汁德國咸豬手配薯角份量都幾多，爽脆又咸香既豬手，有咬口韌勁👅底部有蜂蜜，感覺同味道都幾match提拉米蘇🍰呢個tiramisu 食落去唔會話太甜，上面有陣可可粉，酒味亦都唔會話好嗆，好味😋！榛子朱古力窩夫🧇窩夫本身甜甜地，cream竟然唔膩，剛好中和返朱古力窩夫既甜度

我有一個好好嘅朋友係荷蘭人，今日我就跑左成呢度同男朋友食飯 諗住坐低傾吓計慢慢食 咁呢啲嘢叫做go Dutch 我就即刻諗起佢 就問佢究竟係咩意思 佢話大概嘅意思係share the bills 我哋兩條友就叫咗一個二人餐Set for Two ($368)炸雞翼（6pcs)皮脆肉嫩，雞翼入味，咬落有肉汁。黑松露軟殼蟹意粉意粉入口有香濃嘅黑松露味，軟殼蟹份量十足，一啖咬落去下層脆口，入面柔軟。德國鹹豬手配薯角豬手皮脆肉嫩，鹹香惹味；薯角薯角外脆內軟。提拉米蘇結合咗咖啡香同酒香，口感柔滑，甜蜜滋味。榛子朱古力比利時窩夫窩夫口感外酥內軟， 層次感分明，加埋榛子朱古力，香甜但唔會覺得溜，好滿足。杏仁朱古力沙冰 ($68)朱古力味突出，質感幼滑 蜜桃乳酸沙冰($68)味道酸酸甜甜，好開胃 仲要係好大杯添啊 真係大過你個頭其實佢有好多board games 可以比大家玩 如果一大班人唔使搵個地方Hea時間我覺得呢一間真係唔錯我食物又好環境又闊落 ❤️

本地疫情雖然緩和，但每日都仲keep住有新增確診。若然懶得喺屋企煮，出街食又驚驚地，外賣都係一個唔錯嘅嘅選擇。鹽酥雞。一打開就聞到好香，外面炸到好酥脆，裡面嘅雞肉仲keep到嫩滑，鹹味適中，亦可以蘸沙律醬食，酸酸甜甜咁別有一番風味。黑松露白汁雜菌意粉。黑松露味就唔係好出，反而雜菌嘅香味就好濃郁，爽脆清甜，意粉軟硬適中，白汁略嫌杰咗啲。芝士白汁煙肉長通粉。香濃嘅芝士味，加埋煙肉絲點綴，豐富咗味道同口感，通粉淋咗啲，同樣白汁都係杰咗啲。

-久違的Cafe美食成年無食過你以前成日tea經過就叫過外賣返去比👦🏻食白汁香草煙三文魚意粉好多三文魚 都有好香既香草味但返到嚟凍咗 需要加熱先食但係加熱左都好好食😋黑松露白汁雜菌意粉好香嘅松露味撈埋啲汁好Yummy啲汁唔會話好留而且好多雜菇 絕對足料 黑松露薯條好多芝士岩曬我 有芝士其實唔落茄汁都好正兩個人來講夠晒食個薯條比我想像中多但都係果句凍咗會差啲但係佢嘅嘢食真係唔錯所以值得我旺角買完拎返屋企

今日懶得出門口，係Foodpanda碌咗一陣見到旺角嘅樓上Café都有上架，今次就試牛肝菌汁雜菌雞柳長通粉﹑金沙大蝦鹹蛋意粉同埋美式煙肉芝士薯條。牛肝菌汁雜菌雞柳意粉　HK$118金沙大蝦鹹蛋意粉　HK$108美式煙肉芝士薯條　HK$52茶包覺得最好食係最Cream嘅牛肝菌汁雜菌意粉，一碟意粉有勁多菇菇係入面，而且煮得好香，我哋好快就食晒成碟(˶‾᷄ ⁻̫ ‾᷅˵)美式煙肉芝士薯條都唔錯，茶包覺得個外賣過到嚟仲熱辣辣嘅原因，除咗係好快送到，亦因為呢個薯條焗非常夠熱，所以keep住成袋外賣都可以熱辣辣咁樣放係你面前。不過金沙大蝦球鹹蛋意粉雖然係有創意，但略嫌有一點點乾身(｡･ω･｡)ﾉ可以改進一下下

疫情下最鍾意嘅就係外賣自取，因為外賣自取通常都會有折😌，今次就係手機應用程式落單，外賣8折🤣。🔻卡幫尼意粉$86🔻雖然睇落去好似無咩特別，顏色都唔係豐富，但係唔好俾外貌呃到🤣，因為醬底好香滑，意粉🍝掛汁，真係估佢唔到🤣，入口夠Creamy，仲有火腿煙肉同脆煙肉， 味道極濃郁🤤，而且麵條吸收煙肉和蒜片的香氣，食落濃而不膩。🔻牛肝菌汁雜菌煙肉長通粉 $94🔻有少少🤏🏻煙肉絲，仲有好多雜菌，一打開就好香牛肝菌味🥰，長通粉有嚼口👍🏻，再加上Creamy 既牛肝菌醬汁，一的都唔清寡，又唔會太過濃烈🤤。牛肝菌味道豐厚，配上長通粉一流😆🔻芝士煙肉焗椰菜花$40🔻成盤都係椰菜花，一啲都唔輕手，仲好足料😆，有白汁係底，芝士鋪面然後仲有少少煙肉碎，食落依然保持到西蘭花嘅口感，唔會太淋👍🏻，有芝士同煙肉調下個鹹味，唔錯。

和朋友在家開餐，趁著外賣有優惠，點了一份小食及兩份意粉。Foodpanda外賣很快就送達了。食物以鋁盒放，送到家仍然是溫熱的。炸花枝丸花枝丸酥炸香脆，炸粉包裹著丸子，口感較實，不太彈牙。特濃龍蝦汁大蝦海鮮意粉大蝦、蜆肉等等的海鮮份量頗多，配料豐富。龍蝦汁不是常常吃到，醬汁帶鮮味，濃郁多汁。白汁香草煙三文魚意粉薄薄的芝士，焗至半溶狀，蘑菇、煙肉碎加添油香及鹹味。煙三文魚蓋著意粉，薄薄數片，外賣關係，在盒中已焗至差不多熟透，不過我倒是挺喜歡這口感。

收工後去旺角小聚，為咗可以坐耐D，揀左間樓上cafe。一入門。有大量board game!!! 可惜我哋得兩個人，多人黎一路玩borad game一路食應該好開心!叫咗兩個set dinner，野飲包熱飲，味道就正常囉。前菜揀咗個黑松露芝士焗蘑菇，好好食!松露同蘑菇味好夾，好香。入面仲有D醬好似mayonnaise，酸酸甜甜，好開胃，加埋芝士都唔覺得膩。主菜豬手，加咗蜜糖去整，個人覺得太甜，唔夠咸香，雖然咁講但最後食吓食吓咁大舊都食晒另一個主菜龍蝦汁意粉，其實味道好好，龍蝦汁好濃，好creamy，仲要好大份，但真係比較膩，女士一定食唔晒成份。最後仲有埋甜品，細細份咁，味道都唔錯。樓上cafe黎講我覺得佢食物質素真係唔錯，$200有找有前菜主菜甜品野飲，仲要份量好足，價錢好合理，比較適合一大班人上黎玩board game

原來同樓下間cafe有合作，個人認為呢間好食啲。環境較暗，裝飾有花心思，有波波燈樹，桌面有啲乾花。✨味道67分，環境70分，服務都唔錯。.🔷Set for Two ($368).🔸特濃龍蝦汁帶子蟹肉意粉⭐️帶子細細粒但有好多，’蟹肉‘其實係蟹棒絲，意粉份量好多，不過個汁有太多，味道唔錯。.🔸黑松露軟殼蟹意粉軟殼蟹原隻上，咬落軟身，有別於平時食開炸到脆卜卜嘅軟殼蟹。淡淡黑松露香，都係汁太多，份量好大碟，味道不過不失。.🔸芝士肉醬焗大蘑菇菇本身唔算好juicy，少許草青味。肉醬較液態，一切開蘑菇會流哂出嚟。.🔸提拉米蘇Tiramisu幾軟熟，淡淡咖啡香，唔算濃。.🔸朱古力曲奇芝士餅芝士餅較厚實，朱古力曲奇夾芝士味，唔會太過甜。.🔸朱古力奶昔不錯，個上面啲cream有啲實。.🔸草莓奶昔⭐️值得推介，好濃士多啤梨味，飲到果肉果，味道有啲似Haagendazs士多啤梨雪糕。