Glasshouse Greenery (K11 Musea)

营业中

休息中

垃圾服務，book左位要等唔緊要，前一日訂位時已經講咗要留tea set，今日排隊等緊既時候已經問左有冇tea set留左比我，又話有，坐低左三個字落單既時候先同我講冇，所有預約預訂服務乜都冇，咁不如做walk in 咩野食都冇預留有就有冇就冇啦，大家預左去食要有心理準備。

一開始覺得呢間餐廳啲嘢食好吸引，環境唔錯，所以就諗住嚟試吓，雖然嘢食係ok但服務態度同想像中好大出入。生蠔最好食，唔知係咁啱今日新鮮定點🤣黑松露薯條同Fluffy Roti算係唔錯炒芥蘭就好普通，冇乜特別，唔太值$98呢個價錢呢個酥炸富貴鴨配黑松露炒飯 $268個鴨幾好食，個醬辣辣地都好夾！但係個飯真係幾難食。。。乾 、硬、淡齊曬，懷疑黑松露只係一個名，完全冇黑松露味，我真係寧願佢唔好配飯，淨係個富貴鴨就夠。如果咁嘅價錢，食D咁嘅飯可以話係伏最後就係服務態度！啲啊姐嗌極都唔行過嚟，舉左手勁耐，就算忙緊都應該舉手示意下啦...無嘅...問佢有咩酒推介/好飲，個啊姐話：無㗎喎。完全唔明咩意思，即係冇酒好飲定冇推介呢個服務..？其實唔介意佢直接答唔知😅之後再問白色衫嘅人先推介左一支比我地。唔係話要服侍周到但基本禮貌，舉手示意都冇記有d失望囉。總結：性價比唔算高，最好係生蠔，其他都唔會覺得好食到會想食多次。

今日試吓佢tea set，仲有燒雞，薯條，飲品，嘢食唔太差，一般水準，價錢並不一般啦，但服務差到一個點，一定唔會再去。全部男性服務員，冇一個好，只係得兩個新手女侍應比較好少少，一啲服務質素都冇。

Nice cafe in k11 cozy indoor seating and outdoor garden style seating as well. like the vibes there a lot.Food: a lot of options , but doesn't taste that good, , hope can be improved soon.Drinks ; most of the drinks are too sweet, and not allowed to reduce the sugar

一早就到咗K11 Musea行街，可能時間尚早嘅關係，見間餐廳無咩人排隊，就同朋友入去食餐lunch。當日揀咗坐戶外位置，可惜天氣麻麻，而且有少少轉涼，坐得耐咗都覺得有啲凍。不過台同台之間都算闊落，空間感唔錯。龍蝦鵝肝星洲炒米粉配西班牙火腿(Singapore Noodle)第一道上嚟嘅就係龍蝦鵝肝星洲炒米粉配西班牙火腿(Singapore Noodle)，就咁望落去都好足料下，好多鵝肝同龍蝦肉。不過，食落去就同普通嘅星洲炒米差唔多，真係只係得配料唔同，唔算好特別，不過不失。小食拼盤  (House Platter)個小食拼盤入面有6款小食: 雞肉串燒、牛肉串燒、炸春卷、炸雞翼、炸蝦餅同炸魷魚，中規中矩，較為特別嘅可能係款甜酸醬，食落去feel到有荔枝果醬味，更加開胃。龍蝦法包(Lobster Baguette)龍蝦肉份量尚可，內質有彈性，薯條酥脆。Overall 嚟講，今次食嘅菜式無咩特別，唔算好味亦唔算難食，坐得舒服令到成個用餐體驗加咗分。

佢地有室外座位都幾chill，其實室內座位都有落地玻璃窗，陽光充足，都唔錯㗎。每次來到都會Order龍蝦鵝肝星洲炒米粉配西班牙火腿，個星洲炒米炒得夠乾身同好夠味，加埋西班牙火腿就更加香，多咗啲料層次都豐富啲。炸蝦芒果米紙卷係配荔枝汁，酸酸甜甜咁，絕對唔會癡笠笠，清楚食到每種食材，增加左胃口另外仲推介黑松露鵝肝牛肉炒河粉同椰香咖哩雞飯。炒河唔係一般嘅茶餐廳好油嗰d炒河，都係炒得乾身啲嘅，雖然黑松露個味唔係好出，不過佢啲其他配料非常好食，尤其是魷魚鬚椰香咖喱雞就唔係好辣，椰香味極重，配飯一流

▪️Tea set ($388 for two)K11 Musea 的glasshouse 設計得讓人彷彿置身於叢林田野之中，在用餐期間忘記城市的一切，陶醉於美點享受。Tea set 分三層:👉🏻第一層放了輕食咸點 (甜醋燴啤梨、三文魚子米紙、海膽米通)👉🏻第二層係煮過嘅咸點(龍蝦漢堡、黑松露餃子、鵝肝多士)👉🏻最底層係甜品(馬卡龍、朱古力mousse、菠蘿椰子mousse、brownie) 。雖然Tea set價格兩位只是$388，但是材料上乘，有海膽魚子黑松露鵝肝等，性價比十足✨✨鹹點的烹調技巧亦很新穎，cross over 中西菜式😍😍甜品多數係大路野，但係菠蘿椰子mousse酸酸甜甜🍍🥥 ，別有特色😋　📍 Glasshouse Greenery @ K11 Musea尖沙咀梳士巴利道18號Victoria Dockside K11 Musea5樓501及503A號舖💰💰👅👅👅👅

我覺得全程好似孤兒仔咁，冇人理咁，叫d侍應個個都話等一陣，之後完全冇人返嚟落單，跟住又趕人哋埋單，但係啲嘢食又未上齊，唔知係咪漏單。嘢食好普通，環境係唔錯嘅，不過冇下次。

本身冇諗過要打食評因為之前喺IFC食過覺得食物正常冇乜好大特別同朋友聚會就唔諗住打食評但係真係要吐一吐苦水新年流流都係想開開心心簡單食一餐已經冇特別要求食物質素咁佢啲嘢食又唔算差但係冇諗過服務質素咁差首先我一個人早去到點左一杯花茶 嗰陣時舖頭都冇乜人 等咗40分鐘追咗三次先至嚟 都唔緊要自問我哋幾個朋友都好有禮貌唔該前唔該後佢哋其他同事唔算特別服務態度好 但係都唔會差但係其中有一個年紀大約40至50歲嘅男侍應幫我哋點菜嘅時候說話態度好差 雖然戴住口罩但係我哋四個都覺得佢好唔想做嘅感覺叫佢加水佢竟然直接掂個茶壺嘴 唔好講疫情大家注意咗衛生 就算冇疫情都唔應該咁做

一個好耐之前嘅星期六下午，Jenny約左港女好朋友 @gogreen.foodie 齊齊去喺K11 嘅glasshouse打打卡🥳戶外感覺好似秘密花園，近玻璃位嘅沙發仲有啲景，但其他綠白格仔藤椅都唔差，打卡一流～ 記得訂位，如果唔係要坐室內個景真係差一大截𝙁𝙤𝙤𝙙🧀雜菌黑松露芝士意粉@gogreen.foodie 吐糟表示冇乜得揀下嘅選擇 😂味道正路冇甚特別𝘿𝙧𝙞𝙣𝙠𝙨🍓Red Sun Rise $58士多啤梨加入薑汁，隔離嘅蝶豆花茶慢慢倒入打卡使用～但呢杯Jenny認真麻麻，薑味太出，基本士多啤梨功能失去，淨記得陣辣味，唔解渴🥲🌹Rosemary and Strawberry Iced Tea $58同樣係士多啤梨，呢杯就清新好多🌱茶壺同樣係花花夠晒elegant，特別在於粉紅色方型冰塊，入面藏著朵朵玫瑰花茶葉，仲有蜜糖俾你調節甜度，跟年輪小木板上，飲得又睇得❤️𝙋𝙝𝙤𝙩𝙤 𝙨𝙥𝙤𝙩室外位

因為沒有訂枱，所以被派位只分配門口位，當時餐廳只有幾枱客，想多問一句都唔得…跟住再問想轉枱，佢就話全部都是訂枱。我初頭信…但係之後還有walk-in 客入嚟，都有位。我就再多問可唔可以調位，其實佢知我望住佢帶客，所以佢唯有求其調後面。好過冇。不過佢哋啲服務同質素真心唔好，黑口黑面。其實係老細差定係客人西🤣

首先本人不推薦呢間餐廳，主要原因如下。CP 值好低。定價高唔係問題，喺k11 musea 入面食嘢預咗唔平，但對價錢同食物質素不成正比，咁就有問題。食材同質素有大家樂/茶餐廳感覺。尤其是呢個所謂「scrambled egg wrap」around spaghetti and chicken - 完全唔係炒蛋之餘，仲要係求其到啲蛋漿落去用鐵板煮熟，係一攤「平面」，熟咗嘅雞蛋，自己睇相就明，唔知咁樣係唔係違反商品說明條例，仲好意思賣成差唔多200$ 一碟。就個人而言，我較重視食物質素多過環境。定價更高但食物完全justify唔到佢收取高價，唯有可以講「食環境」安慰自己，因為佢環境確實係唔錯嘅…

今日同朋友們一齊請咗半日，可以一齊到k11行街食飯。真係估唔到平日中午都咁多人，好似都唔使做咁，所以都係要等位，早知就係openrice book 定位la.好好彩到我地嘅時候，咁啱係戶外位。而家呢d天氣同有疫情，坐室外又通風又舒服。至於，食物方面，完全係中上水評，可能都係連鎖店，佢係ifc 都係分店，所以水準係穩定。不過，最鐘意都係d飲品，全部都靚靚上枱，可以打卡仲好好飲。而職員都好細心，當佢準備幫我地的火焰疏乎厘點火之前，叫我地準備好影相同拍片，真係好明白港女要相機食先嘅心態😂

滿心歡喜同好朋友聚聚環境可以選擇室內同戶外朋友就本身想揀選室內最後選擇咗戶外, 感覺比較有情調 😍但係店員既態度(不止一位)真係好差唔好話有冇講基本客氣說話(請/唔該/多謝)竟然對住客人反白眼 🙄🙄🙄 (sad) 其實我哋未行入去就同店員講想轉坐戶外..都唔駛反我哋白眼😟🙄好....我哋睇吓食物會開心啲!芝士脆脆焗肉醬意粉-$138芝士配肉醬十分香濃但脆脆既感覺唔太明顯12oz 烤美國頂級肉眼-$328 (五成熟)牛肉幾嫩幾多汁, 肉味都濃加上醬汁同配菜都幾好味仲多叫咗一份炸薯條配黑松露蛋黃醬-$48薯條新鮮熱辣辣 配上香香既黑松露味道好香 🤤🤤總括黎講食物質素不錯, 都幾好味份量正常偏少 較適合女孩子食既份量可能檯比較細, 碟比較大叫咗三樣食物同飲品就full咗😂食既時候就比較論盡但服務質素就真係劣評令到評分拉低哂😵本身想叫一個玫瑰花茶 同 梳乎厘都話冇哂🤕

K11呢間餐廳環境唔錯有室外位，夜晚食好有feel冬天都唔怕會好凍，因為有暖氣試咗幾款嘢食吞拿魚他他幾好食送酒一流試咗個布拉塔芝士沙律有啲芝士、奇異果、牛油果，都幾清新蟹肉沙律就相對味道豐富，啲蟹都炸得幾脆另外試咗個小食拼盤，有魚餅、雞翼、串燒、春卷同埋軟殼蟹個意粉都幾重蘑菇味，唔算話好膩牛肉鵝肝煎蛋飯超級邪惡鵝肝好肥美，加埋啲燒汁一齊撈飯幾好食整體都唔錯不過餐廳都幾爆，要Book位有機會再試吓佢嘅Pizza