GF Bistro (已搬遷) 新店位置

女兒回港放暑假，在如心酒店隔離，為了慰藉她的身心，最佳方法是叫頓她喜歡的美食給她，在外賣平台見到這間餐廳的食物，都是女兒喜歡的，也試試吧！叫了一客香辣煙鴨胸炒意粉（她說少許辣，但煙鴨胸肉不會只得皮，係有肉食的，也不會做到很嚡口，好好味），升級了龍蝦湯（好飲的）＋鵝肝醬多士，套餐更有意大利芝士餅（不會過甜，亞女話好味），餐飲叫了凍檸茶。另叫了3隻美國太平洋生蠔（外賣有膠袋放冰墊著，不用擔心天氣熱，在運送過程會變）及多叫兩杯凍檸茶給她。下午茶時段叫外賣，減去優惠碼後，這餐才＄171.5，抵食之餘，女兒也有讚冇彈，對於正在隔離的她來說，真的是「苦中一點甜」，謝謝餐廳的用心制作，有機會，我也會去親身試試。

早幾日晚市時段經過食肆，發現竟然有芝士蛋糕賣，仲要只係$80。最令我驚喜嘅係，師傅竟然仲會為個蛋糕加藍莓裝飾，未食已經感受到師傅對製作食物嘅用心👍🏼。食完之後更加覺得會再幫襯，因為芝士蛋糕味道濃郁、幼滑，應該係加咗白朱古力👍🏼。上OpenRice睇先發現原來餐廳有好多好評，我成日經過竟然一次都冇入過去，嚟緊一定會再試吓佢其他嘢食。我好少寫食評，但疫情之下好多食肆都冇晒生意，若果這是一間用心製作食物的店舖，我想也應該讓更加多人知道吧！

之前行過已經覺得呢間餐廳幾有心，雖然舖面唔大但都特登邀請左兩位表演者黎表演，上網搵下呢間餐廳既資料，咁岩發現食early dinner有折，咁就一於試下啦～因為餐廳唔大，兩位表演者只可以企喺門口表演，真係辛苦晒佢地，所以佢地表演完都要大大力俾掌聲佢地雖然已經過左聖誕節，但都仲有聖誕餐揀，果d主要係扒類，餐廳本身個menu就主要係pasta、飯同小食，見佢加$50就有湯、多士、甜品同飲品都幾抵，就揀左呢個之前見人地post過order一打生蠔送一枝酒，不過依家變左2杯但都照order左一打白酒都幾大杯，不過都幾甜下，似moscato生蠔揀左2款，Irish同white pearl各半打，望落去都幾大隻幾新鮮，Irish 海水味濃d，White pearl 就比較爽口，都ok跟餐既吞拿魚碎蛋他他同鵝肝醬多士，幾香脆，做餐前小食都唔錯湯就揀左一個龍蝦湯，一個黑松露忌廉湯，龍蝦湯ok，黑松露忌廉湯就怪怪地，係有少少黑松露味，但都有d豉油味，個人覺得麻麻地揀左個牛油果青芥末大蝦意粉，青芥末味道都幾醒神，不過就有少少膩另一個揀左蜜糖芥末籽汁西班牙自然豬梅肉扒飯，呢個豬扒都幾彈牙，唔算乾而且比較厚身

尋日去左呢間餐廳食lunch ,價格幾優惠，但服務，餐廳格局，坐位設計就麻麻地。價錢係王道，呢間餐廳嘅set lunch 58蚊起，實惠，加22蚊可以加龍蝦湯，兩片多士，餐飲同甜品，甜品有三款，兩款芝士餅同心太軟。食物：我利申：我揀左食pizza, 不過個pizza ... ... 味道麻麻，四色芝士，芝士唔多，有車厘茄（份量算多）而且有d係似卡夫芝士，切成三角型加係面，味道係甜甜地，呢種口味同口感我唔識欣賞。。。。個批底反而幾脆，幾好味。。。。我朋友叫左三文魚意粉，目測意粉份量足，三文魚片都多，白汁幾香。。。我好羨慕佢個意粉龍蝦湯係好飲，仲有心思加左cream, 整個湯係正，加二十二蚊仲有兩片多士，鵝肝醬同吞拿魚醬，多士好脆，配鵝肝好夾，（當然係普通嘅罐頭鵝肝，而且醬都係係多士面塗得滿滿）甜品：揀左心太軟，有一個細細嘅心太軟加一球小小嘅雪糕，心太軟係留心，熱乎乎，正，呢個價食地流心嘅心太軟係值嘅。食物係OK嘅，只要唔嗌四色pizza 係唔會出事環境：有好多假植物，坐近d植物枱，會比植物拮到，而且以家疫情嚴重左，個心都會驚，d假花假草乾唔乾淨。。。。坐位坐得唔舒服同埋有d 迫。。。燈光

2021年12月12日 晴食完lunch 去左南豐買聖誕禮物再睇左場戲睇完戲就arm arm 好係附近搵食。本身都冇諗住食呢間, 點知行過見到有人係餐廳出面彈結他同拉小提琴, 好有情調。再望下價錢, 又唔貴喎。於是就入左去了。套餐+$40 就有, 包龍蝦湯/黑松露忌廉湯、吞拿魚碎蛋他他及鵝肝醬多士、飲品及甜品（藍莓芝士餅/意大利芝士餅/心太軟伴雪糕）。真係好抵龍蝦湯都幾濃, 唔錯吞拿魚碎蛋他他及鵝肝醬多士多士烤到好脆, 上面d 醬非常多, 好大方r辣肉腸薄餅 $78Pepperoni Pizza$78 黎講都算係咁。芝士同辣肉腸都多, 底都夠脆。唯一係覺得唔夠味, 自己加d 黑椒提味好食好多安格斯牛柳伴黑松露燒汁 $198Grill Angus Beef Tenderloin with Black Truffle Sauces本身想叫黑毛豬/羊扒但都賣曬不過個牛都唔差。黑松露燒汁超級多黑松露醬, 牛柳都大件, 而且唔un。薯條炸到好脆超多食心太軟伴雪糕正常發揮, 流得好勁, 正成晚同男朋友都食得好開心。聽住音樂個feel 好正原來餐廳平日就一位結他手會唱埋歌, 星期六日就會有多個小提琴

嘢食款式唔算多，但係份量足，三個人食二人餐再加甜品咖啡就好滿足！極力推薦呢度嘅熱咖啡同Tiramisu！餐廳職員好有禮貌好勤力，小提琴手同結他手合奏好正。性價比高，會再幫襯！

看完戲又去吃個下午茶餐，早餐吃得少，今次下午茶餐選了焗意式西班牙自然豬黃薑飯。上檯了，滿滿的鮮紅蕃茄醬和奶白芝士覆蓋了整個橢圓形的碟子，碟子很燙，是即叫即焗，有一小撮的嫩綠色苜蓿菜放在醬面上。先吃了苜蓿菜，青草味濃，再撥開面層醬汁，看到一片已切開了的豬扒，肉質嫩滑，容易咀嚼，與茄汁同吃，味道酸甜適中。底層的黃薑飯糊上了黃色，滲透出黃薑的香味，看似帶點黏稠但又吃得粒粒分明。整個焗飯做得十分好吃，再配上一杯香濃咖啡，這頓下午茶餐就完美了。

多咗日打風假, 約咗個friend去睇戲, 索性早少少出黎, 求其食啲嘢先睇戲, 唔駛睇完再食咁趕.朋友係戲院樓下搵咗間平民西餐廳, 因為打風, 得我地一枱客, 費事麻煩佢煮啲複雜嘢, 我地求其叫咗個常餐算. 常餐有黑松露炒蛋同埋煙三文魚. 黑松露炒蛋都算香, 有松露/菇味, 38蚊有咁多煙三文魚都算抵. 個五香肉丁通粉最得意, 啲粉唔係我哋平時食開嘅通粉, 係白色一條條, 有啲瀨粉嘅粉, 個friend話係呢間嘢因為平時食開西餐/意大利嘢, 所以佢可能用咗啲唔同既粉. Overall嚟講, 38蚊算幾抵食, 常餐價錢, 比一般茶餐廳常餐好味, 仲有杯咖啡睇返其他食評, 呢度有生蠔同埋其他特色/正式啲嘅西餐, 下次有多啲時間, 應該去試食返佢 menu入面嘅正式D 既西餐試下

平民價錢，平民裝修，但一邊聽歌，一邊享受美食，必食生蠔，超新鮮生蠔、叫一打，送紅/白酒一支，另加$40包湯+多士及甜品，吞拿魚碎蛋他他+鵝肝伴多士，嘩..好味😋，特濃黑松露磨菇湯 🤤 +龍蝦湯，再加$99，安格斯牛枊配薯條，另再加$98西班牙自然豬梅頭配南瓜意大利飯，已好飽了😰，重要點品有三款，原本我訂了火焰雪山，後來侍應怕我倆食唔晒，見意我們套餐的藍莓芝士餅及意大利芝士餅，而餐廳免費送心太軟，更幫我寫上生日字句，服務態度非常好

第2次黎呢間餐廳，兩次黎都係得一兩枱客非常冷清，門口長期有個外藉叔叔彈結他唱歌，其實成個環境裝修同氣氛有啲格格不入🤔唔知係咪因為咁，所以無乜客，不過其實價錢唔係貴，食物質素雖然唔係好高，但都唔差嘅。我地叫左2個豬扒意粉，加40蚊轉餐，有龍蝦湯，吞拿魚同鵝肝醬多士，餐飲同甜品。 個湯都幾夠熱，多士上面嘅醬係厚搽唔吝嗇，至於個豬扒一啲都唔鞋，不過個汁就咸左啲，甜品就應該係現成不是自家製嘅🤣另外呢度有好多款生蠔，下次有機會會試下

今日星期六無Book位，諗起Citywalk有間未食過嘅西餐👻 打電話過去即刻有位！我哋叫咗兩份鵝肝三文魚扒餐，大約$400一個。有三文魚同鵝肝他他、龍蝦湯、同Main Course🤤🤤 另外叫咗半打愛爾蘭生蠔 ($30一隻)生蠔就一般，唔算飽滿同鮮甜，叫做過得去咁啦😮‍💨 但個三文魚同鵝肝其實食落都叫Not bad👍🏻 油脂足夠，煎得幾好，可惜三文魚肉質唔夠滑。兩個人食咗$900左右，呢個價錢個人覺得未算高CP，反而其他嘢食都比較平民價，建議大家試吓散叫或者order兩人餐會平好多🤑💰

是日又來臨時找食 餐廳看起來像是西餐廳 但原來是平民西餐呢 服務也較親切人情味那種🔸芝士帶子焗雞扒飯 $68+$22 配龍蝦湯一客 拼鵝肝醬多士及吞拿魚碎蛋他他 意大利芝士餅龍蝦湯夠味 仲有少量龍蝦肉 多士唔夠熱唔夠脆 味道普通 雞扒大塊嫩滑 帶子寄生起雞扒上 熟度剛好 意大利芝士餅出現大大粒士多啤梨🍓感覺家常健康😂🔸意式龍利柳飯 $48+$22 配龍蝦湯一客 及 藍莓芝士餅龍利柳好大件 都嫩口呀 飯底亦唔少 係唔係意式我就唔知 但番茄汁咁幾好送飯丫 藍莓芝士餅就都係咁啦 只係上面變左藍莓 湯圓食就好開心🥳🔸熱檸茶正常野🔸凍朱古力 +$3用外賣杯 賣相-1 味道正常啦唔算勁好味 但論環境服務味道價錢 CP算很高 可以再來既

星期六西鐵站出，從海之戀上，假期真係人山人海，想找間靜靜哋的食店都頗困難⋯⋯反正沿途向楊屋道街市買海鮮，順道邊揾邊吃，一支公，隨遇而安。終於在荃新天地往楊屋道街市那天橋位置找到間西餐廳小店。在門外看到午餐也算合理價，由於相當肚餓，一坐低就立即點餐。正值星期六12:00pm 這個位置仍未算多食客, 就是這條天橋通往楊屋道街市，午餐後行去買海鮮真方便。Set Lunch 原來是一張兩頁，太肚餓嘅關係，沒有發現,以為餐牌只得一頁，未有發現原來還有背頁。還有每日精選生𧐢$20/隻，一打還送白酒一支。點餐後，等待期間看到原來食店提供很多凍肉發售，方便繁忙的都市人。店員看見我細看這凍肉Menu ，主動介紹，更介紹他們有已醃好的現貨，方便外帶，回家煮食。餐枱所提供的調味料更是Jamie Oliver 香草蒜香蜆肉炒意粉$58~熱騰騰的端上枱，蒜香味十足，一讚。即磨咖啡~有時候誤打誤撞之下，咖啡反而有驚喜。

今日特登去荃新天地食飯，原本諗住去marco oyster 食晚飯，原來marco oyster 冇左及改名叫GF Bistro，除左名字外，好似其他都冇變，店外位菲籍歌手都仍在自彈自唱，歌手唱住經典的英文歌，非常有氣氛十足。店内環境亦雅致舒適。叫左杯汽酒先店舖同以前不變，主打生蠔，所以一坐低叫左四隻生蠔先，生蠔海水味重，肉質非常飽滿。龍蝦湯好香好鮮味，味道濃郁，每一啖都有龍蝦鮮味。黑松露炒蛋配多士~多士非常脆口，多士已塗滿左牛油（肥)，配埋美味的黑松露炒蛋，炒蛋同松露非常夾，再將炒蛋放在多士上吃，口感非常好味。兩種食物配塔得天衣無缝。香草蒜片蜆肉炒意粉~美味的意粉用蒜片炒香再配以鮮嫩既蜆肉，有蒜香味之餘亦增添蜆肉的鮮味。御用風熟28日肉眼扒~肉眼扒肉味肉質嫩滑 ，叫左五成熟，肉質好冧身，隔離有個用意粉炸成一個架，係食得架，仲有薯條炸至脆口，非常好味。總括來講，呢餐非常滿足。

呢間嘢前身係叫做Marco's Oyster Bar and Grill，早餐出名抵食，而且佢都幾經常會推出10蚊生蠔優惠，不過除此之外食物質素就一般。早幾個月間嘢進行大裝修，改名叫做GF Bistro重新開張，但係侍應、以至晚市嘅菲籍歌手，都冇變過。今日晏晝就嚟試下佢嘅lunch set，價錢就唔貴嘅，50幾元有交易，問題係質素令人失望。南瓜汁意大利飯，個飯做得唔錯，軟硬度適中。問題係個所謂「南瓜汁」，根本冇南瓜味，感覺似「忌廉葡汁雞皇飯」多過「南瓜汁」。鮮茄照燒雞扒飯，塊雞扒冇問題，問題出自個番茄。番茄煮得唔夠長時間，擺落口仍然有啲罐頭味，結果浪費晒。