GF Bistro (已搬遷) 新店位置

星期五的晚上，這商場的食肆不算旺場，這西餐廳更加冷清。已七時多，只有一枱客。阿媽話想食扒，又唔想再找，就試試。唔知是否位置問題，餐廳的冷氣很不足。我地張枱好間歇地天花有水滴下。幫媽叫了黑松露燒汁安格斯牛柳，五成熟，升級有多士、湯、甜品、飲品。我哋亦叫了半打不同價錢的生蠔，此外還有煙三文魚天使麵。兩款多士香脆，餐湯係黑松露什麼，都幾香，好味。上菜速度都幾慢，只得隔離一枱四人同我哋都咁耐,足足等了廿分鐘才有湯。唔。。。難道真正西餐是這節奏🤔幸好我哋唔趕時間，慢慢談著等😅⋯⋯半打生蠔送來時，好明顯會分別到哪生蠔屬於咩價錢，職員提議先食平的，$20隻，味道鮮，不錯吖。但之後再食兩隻，有少少蠔殼，立即扣分。伴著有人即場彈奏唱歌，但環境及氣氛不易投入。終於有牛柳上枱了，香味都有啲，切下去，都軟淋，但嚐不出牛香味。這個收我二百大元，仲要另加$50才升級，不然只得這碟牛柳，我覺得一般吧。反觀這店的粉麵質素不錯。送餐時，有一隻小昆蟲，似蚊滋仔在牛柳木板上，店員見到，弄死放下牛柳就走。雖然，我唔會覺得這小昆蟲就需要換，但起碼都一句唔好意思啦！為免阿媽唔舒服，我都扮睇唔到繼續用餐。埋單五百多

餐廳門口第一眼見到既吾係招牌，而係一個彈住吉他唱歌既叔叔。成間餐廳氣氛都好好，樓面哥哥姐姐全部都勁Nice又好有禮貌。成餐飯完全冇催我哋走既感覺，吉他叔叔彈唱一流，野食性價比又高，見到我哋有人生日仲送左包特色意粉比我地，勁驚喜！

很少商場內的餐廳有live band 演奏，第一次到此餐廳食飯，都覺老闆有此心思，都值得欣賞。真係好想讚，真係因為有live band 我先會留意👀到呢間餐廳。所以，老闆有此安排，都是好好👍🏻！讚！好想講，兩位表演者都很好，很專業。好nice! 所以他們每演唱完一首歌，我都會鼓掌👏支持支持！！！希望他們可以一直唱下去！😍😍😍😍😍good good!今晚叫了一個「豬隊友套餐」加半打生蠔。先來是一個吞拿魚多士，一個鵝肝多士。不過，我覺得如果個多士熱d會更加好。兩者比較，反而吞拿魚比較好食，反之鵝肝醬味道比較淡。但都算ok! 之後叫了三款生蠔🦪（各兩隻），味道ok! 不過，由於廚師沒有幫忙起個「肉枕」，所以食上來比較「呢hea」。但味道及口感都不算！都值得一試！再來龍蝦🦞湯，味道都好濃，我自己都喜歡此味道！主菜是豬扒大蝦牛油果🥑芥末醬意大利，比想像中好食！個意炒有咬口，醬汁好味😋！反而，稍嫌豬扒醃得未算太入味。已套餐價來計，實際已十分之不錯👍🏻都讚！不過，我個人覺得如果不用木盤上，反而用瓷碟會更加好。最後，是甜品朱古力心太軟加一個咖啡雪糕🍦。都算ok!此餐廳性價比都高！會再來幫襯！😚

今次又來吃晚餐，這次選了西冷二人餐。頭盤:巴馬火腿拌哈蜜瓜，黑松露炒蛋配蒜茸包薄薄巴馬火腿包著哈蜜瓜，哈蜜瓜不夠甜，但清爽。黑松露炒蛋熱熱的，蛋滑松露香，蒜茸包非常脆口，也是熱熱的。海鮮龍蝦湯，湯底香濃，面層忌廉增添軟滑度，蝦肉和青口都鮮甜，湯內還有大量蜆肉，細碎洋蔥粒，面包碎等。安格斯草飼西冷扒，大大塊西冷放在碟中央，伴有薯條和沙律菜。西冷要六成熟，不過煮出來像八成熟，沒有了粉嫩的肉紋。幸好肉質不韌仍可易於咀嚼，味道也可以。這個扒還提出黑椒汁，芥末醬和蕃茄醬供享用，也十分細心。黑松露忌廉汁意粉，這碟屬於素食，碟內有大量的忌廉汁，每條意大利粉都可以掛上香濃的忌廉汁同吃，除了黑松露，也有大量的白茵，軟軟綿綿也好吃。甜品各要一款藍莓芝士餅，芝士味濃厚，藍莓酸甜。招牌意大利芝士餅配咖啡雪糕，這款甜品的擺碟十分漂亮，除了意大利芝士餅，咖啡雪糕外還有哈蜜瓜，士多啤梨伴碟，又劃上朱古力醬。意大利芝士餅有香濃咖啡味，口感軟滑。咖啡雪糕的咖啡味也是非常濃郁。這晚餐同樣以一杯香濃即磨咖啡結束。

突然經過餐廳被小木屋吸引了, 尤其屋頂的聖誕裝飾, 還有餐廳內的揮春, 心在想“怎麼還未拆掉?”😅 點了一個意粉, 另外加$50升級套餐, 額外會有湯、小食、餐茶及甜品。龍蝦湯龍蝦味道濃厚, 湯稍為稀了點, 加點麵撈可能會令湯稠杰一點, 增加口感。另外師傅略為重手, 加了過量的黑椒, 可以看到一點點的黑糊椒, 多了一份辣味 😅 如果湯入面有龍蝦肉會再加分鵝肝醬多士不論任何情況, 鵝肝醬配多士就是絕配! 鵝肝醬味道比較濃烈, 多士有中和效果吞拿魚碎蛋他他多士吞拿魚內加入碎蛋跟檸檬, 味道份外清新兩份多士都相當出色!芝士焗黑椒牛柳粒意粉師傅再一次重手了, 太多芝士, 我喜歡意粉中間的拉絲效果, 但意粉面層的芝士太多, 已經形成芝士塊。牛柳粒口感比較韌, 可能焗得過時了, 反而牛柳粒的黑椒味不太突出。熱奶茶我並不是奶茶專家, 大概奶跟茶的比例還好, 可以喝到本身茶膽少許的苦澀味, 如果奶的份量太多就沒有這個效果了。心太軟伴雲呢拿雪糕心太軟焗得剛剛好, 軟硬適中, 朱古力不過太甜, 一口濃濃的朱古力再配一口雲呢拿雲糕是完美的效果 ☺️切開就有朱古力流心, 份外興奮! 🤗以心太軟作結束, 十分滿足

因為要去荃灣附近所以就即時book咗呢間餐廳試一試又想試吓睇吓啲嘢好唔好食餐廳裝修OK食物都好好味好OK店員服務也很好所以覺得如果唔係話有好特別好大嘅要求嘅話，呢一間係值得去幫襯支持嘅。

在這商場看完戲順便來這餐廳吃個午餐。午餐選擇有幾種，沙律，意粉，飯，薄餅，包一杯飲品。如果想吃得豐富些，可加28元就有龍蝦湯，鵝肝醬多士及吞拿魚碎蛋他他，還有甜品。這個很化算，所以我們都加了。龍蝦湯，湯濃郁有龍蝦味，湯是熱呼呼的，喝完全身暖暖。鵝肝醬多士及吞拿魚碎蛋他他，脆脆法包的面層塗抹上厚厚的鵝肝醬和吞拿魚碎蛋他他，用來配湯吃，味道不錯。日式黑豚扒飯，黑豚扒有兩塊，肉面上灑滿木魚絲，真有日式感。黑豚扒煎得剛好，扒身較薄很容易就可用刀切開，肉質嫩帶少量肥脂，醮上帶甜味的醬汁與飯同吃很開胃。煙三文魚天使麵，兩片色澤橙紅的三交魚卷成花型置於天使麵上，麵上又灑滿┘綠綠的香草碎，賣相好看。天使麵掛滿濃濃的忌廉汁，入口綿滑。意大利餅，面層朱古力粉口感香濃，內層的蛋糕帶點濕潤，混著微微的咖啡和奶香。心太軟和雲呢拿雪糕球，一小個朱古力蛋糕圈內包含著暖暖的流心朱古力醬，吃完之後甜入心頭，好好味。雲呢拿雪糕球，奶味濃，口感細膩。最後喝了一杯即磨的熱咖啡來作結。

GF 已幫襯過N次，每樣食物都是熱辣辣送上，慶祝生日氣氛又好，因外國叔叔，會彈著結他唱生日歌攪氣氛，重可點其他英文歌😊，餐廳可代寫生日牌在甜品板上，記得openrice訂位，以正價重有8折🥰，套餐只需加40元有湯、多士、餐茶👏🏻👏🏻👏🏻+酥皮$20

態度差到一個點一嚟到問佢啲生蠔有咩款介紹十問九唔應？之後你都食咗一嚿覺得唔新鮮同佢講佢不單止冇反應，仲問我要唔要加單之後攞走啲食物問佢啲食物嘅大細，佢話都係正常大細I will not come back again for sure I would not recommend anyone to come here again that make waiter doesn’t give. A damn his customer

好耐未試過態度咁差嘅餐廳，我話要雞扒，佢見你冇講要飯定意粉，佢唔係問你要什麼、只係唔出聲、指住嗰餐牌。整個點餐嘅過程，這員工顯得不耐煩（响其他餐廳真係從未經歷過）。餐廳嘢食種類已經唔多，仲要係要魚冇魚，要雞翼冇雞翼，把鬼。除咗洋蔥圈、薯條都還可以之外，一係冇味（黑松露湯）、一係勁咸（雞扒）。另外，相片影出嚟嘅相影到間餐廳環境好好，好大，點知去到原來好細，勁失望，我哋仲要坐係走廊邊，「照騙」。一定冇下次。

這店不論是位置、環境，連餐牌都不起眼，不會很吸引你駐足的，但見食評不錯就看看吧！午餐可以五十幾蚊（未計加一），西餐廳來講，不算貴。我揀了$58的煙三文魚天使麵，加$25，就多有龍蝦湯，兩件忘了名的多士，以及芝士餅或心太軟。我當然敵不過「抵」字，要加$25去嘆一個完滿的午餐。先來龍蝦湯，有蝦的鮮味，但比一般的多少許「辣」，這樣反而喝久了都不會嫌腥。兩件多士，一是吞拿肉醬，另一不記得了，味道沒有特別。上主菜了，起初第一眼，的確，廚子有心機的把三文魚砌成花🌹的樣，賣相是不錯，整體的材料配搭都不差，但我總感到有點落差🤔⋯⋯味道是欠淡的，本身食西餐，我也怕太鹹或濃味，但這是偏淡的，不過我接受。最後，心太軟出場，講真不懷期望，因為只是加$25，講公道是平啊！輕輕切開中間，嘩，的確心太軟哩！朱古力醬流出來，好味啊。最後埋單$92。唔，環境來說就一般了，很嘈，唔夠冷氣。不過，下次再給它一次機會啦！

食飯時間去試下。。第一次去，覺得都還好，不過不失，但職員有d 奇怪，好似做到好hea,雖然當時人流都不多，整間店氣氛"好唔食店"🤣🤣.白菌炒意粉個粉其實炒得好好，但味度就完全無落鹽咁，真係無味😂😂😂幸好枱上面都有d 調味料，再自己加落去，加返d 鹽，即時好味好多，因為個意粉本身真係炒得好好ge😂😂.心太軟同平時的心太軟好唔同，特別細隻😂😂😂雖然都係識流出朱古力。。。不過第一下見到個size 會有d 驚訝😂🙈味度整體係ok ge~.枱上面的調味料。。我地講笑咁話，仲唔係唔夠味，比人自己加落去😂😂😂雖然間餐廳有d 奇怪。。不過都值得去試下其他款式🤔🤔😂

可能大家會覺得我個評價誇張左 但係我未食過份量咁多又好食又有氣氛既餐廳 因為普遍依家無論係連鎖定打卡Cafe, 啲意粉都係普普通通, 份量男人唔洗旨意食得飽 但最後收你成舊水咁前菜係湯同鵝肝醬多士 唔錯 但冇影到相 因為重點係主菜同甜品主菜方面 依間啲份量真係好多 西班牙豬排兩大塊 一啲都唔乾唔硬 煎到好脆 個汁又好食 仲有兩條炸魚手指 最重點係個意粉唔係剩意粉 佢有得俾你簡啲main set意粉 我就簡左卡邦尼 啲煙肉都好大塊 甜品就係心太軟，新鮮出爐，正宗好味，成個餐加咁多野連野飲，前菜，湯，甜品晚都係加40蚊，連埋個八折，大約一舊水多啲埋單，出面食個心太軟都4，50蚊，真係抵到爛全場最好就係有人自彈自唱，應該係老闆黎，因為我住附近所以成日見到佢唱，好好聽，好有feel ，對客又好nice可能大家覺得打到咁誇張肯定打手文，但見到啲野好食又大份, 老闆晚晚好努力自彈自唱, 希望大家支持下

正常鴨胸意粉得戈5,6塊薄薄地既鴨胸但呢度係5大塊鴨胸扒，好誇張🤣葡萄汁少少甜甜哋，正老闆唱歌好似播碟咁👍🏻👍🏻👍🏻搬黎呢頭之後次次行過都無機會食原來呢間野咁正最欣賞老闆嘅精神多客又好少客又好都會彈結他唱歌睇得出佢好enjoy同有passion

不過不失 ， 朱古力心太軟 、安格斯西冷扒，品質比以前差了 ， 龍蝦餐湯 、羊扒、生蠔、豬扒 都值得嘗試， 現在嗌滿一打生蠔 ， 還要加100蚊 才有一支 紅酒 或 白酒 換領 ，以前是免費贈送的 ， 上餐速度及食物溫度恰當！