FLIPPER'S (已結業)

潮流興日式梳乎厘pancake，我之前去個日本都試過幾個大牌字，而每間餐廳都各有生有特式，各有千秋！Flipper's 既Pancake大部分原材料都來自日本，最重要當然新鮮農場雞蛋同牛奶，選用的全麥粉都是來自日本的小麥，可以話同日本食既冇乜分別！店鋪就係銅鑼灣希慎6樓，好有日式cafe feel，明亮舒適的環境下，木枱再加上比較open既table arrangement，有少少以為去左日本！食物方面，當然點基本版梳乎厘pancake！有3大塊，有新鮮既水果，例如香蕉，藍莓同士多啤梨，pancake質地非常鬆軟，比梳乎厘實在，入口軟綿綿，仲有陣陣蛋香！啲cream非常滑，唔太甜，軟滑輕盈，夾埋pancake食真係無得頂！日本人製作認真，由於即叫即做，製作需時，請耐心等候！等下係值得既！

琴日同事突然要去我公司銅鑼灣分店做啲嘢，但我skip左lunch 去，所以早左少少，我恨左好耐食既出名過江龍：Flipper's. 雖然Flipper's 響東京下北澤在2016年先開業，但都紅到爆，個個食完都樹起手指公，依家響香港開左，成為城中熱話，我就沖左上去希慎 I.T. Blue Block 望望，好彩只係等幾個人。到我時，我發現有啲趕，快快趣趣食，我點了有士多啤梨，藍苺同香蕉既班戟。 放落口唔奇怪咁多人排來食。 唔單只生果脹卜卜好新鮮咁款， 班戟超級鬆軟，都係脹卜卜之餘，用叉一吉入去係軟過綿花，放入口近乎即溶咁。 最鍾意佢唔係很多醬，得個甜字， 只係灑上啲糖霜就得。其實今次趕頭趕命只為潮聖未試真，下次要好好享受一番呢！

星期日實在太熱啦，同Mr C留咗響屋企好悶好悶決定出銅鑼灣搵嘢食。時間比較尷尬，下晝五點鐘，下午茶又唔係晚飯又唔係，諗下諗下，不如去撞運氣，可能新開呢間冇乜人排隊呢！上到去希慎，見到，咦！又真係唔多人喎！走過去問吓個店員。佢同我地講朝早已經派晒籌（10:30AM開始派，派晒成日嘅籌）。咁佢哋分兩條隊嘅：一條就係攞咗籌嘅隊；一條就係排walk-in嘅隊。店員話如果排walk-in，以佢嘅經驗，嗰個位要等成兩個鐘。咁我又真係冇嘢做，同Mr C講不如試吓啦睇吓情況點。好好彩見到我哋前面果幾個排walk-in既，大概每5分鐘都入到幾位，咁OK啦等多一陣就得啦！不如我哋所料等咗大概15-20分鐘就入到去啦！其實講真，佢呢度訓練啲店員真係有小小問題：1) 入邊執枱嘅慢到呢。其實一路排隊嘅時候已經見到好多吉咗嘅位。唔知佢哋係唔係想留返比啲攞咗籌嘅人，但係攞籌嗰條隊又唔見有人排隊喎。啲吉位就一直咁吉咗。。。2) 個女仔店員不斷嚇人，keep 住同人講話要等兩個鐘。我一路排嘅時候不知見到有幾多人因為佢咁講而走左放棄左。好趕客嘅感覺。Anyways，我唔係想投訴因為我只係等左15-20分鐘就已經入咗去好開

中意拒d乜？圖圖的外表？軟熟嘅口感？令人興奮的感覺？全部都係，一百分的選擇。我講緊係拒。。。Pancake 。無論有幾多個口味，我最鍾意係終於佢嘅原味，因為永遠完美先至可以事出佢嘅真偽。一件差不多掌心甘大，厚度大概1cm，一碟有三件。唔好見佢個外表普普通通咁，但係食落去好軟熟，有濃濃嘅蛋香。配上上面嘅香滑忌廉，更多了一層口感。呢度嘅忌廉同出邊嘅忌廉唔同，會有少少微凍，個形狀係較為軟身，甜度剛好，仲有淡淡嘅焦糖香。另外叫左杯蘋果味嘅果汁，都好大杯下。味道好甜，係鮮蘋果汁嘅味。雖然要一朝早黎攞籌，揀時間食。而嚟到仲要排一陣隊先至有位食，但係可以食到潮流嘅名物，又係我最中意食嘅嘢，值得！

日本人氣Kiseki Pancake(奇蹟之班㦸)進駐香港，作為甜品控當然唔執輸，一早就到銅鑼灣吃個甜品Blunch  別少看pan cake的賣相好像軟塔塔的，採用了全由日本空運到港的食材，以梳乎厘厚班㦸為主打，鬆軟香滑的口感，點了綠茶紅豆班㦸，配合自家製的香滑奶油和糖醬，再以叉子把pan cake向外拉開分割，每一口伴著清都融匯入心，不消十分鐘，甜品控已把整份pan cake消滅了!!不用到日本潮聖，任何時候都可以一嚐Flippers 梳乎厘厚班㦸Flippers眼看只有四十多個位子，不想排隊等太久，可以嘗試在平日一早前往簡單的裝潢跟日本的一模一樣，邊吃邊以為自己身處日本潮聖呢~店員都很有禮貌，以自付下單形式，取號後，店員會為你送上pancakePancake款式不多，但已足久讓你瘋狂!Pancake製作需時(即點即製嘛)，加人全店滿座，一般都要等約20分鐘，雖然有限時進食規定，但點餐後一定要有耐性啊~季節限定的蜜果口味很吸引，不過還是點了個人偏好的紅豆抹茶口味熱切期待的綠茶紅豆Pancake終於到了，相機先食是常識吧! 濃濃的綠茶味道，拌著紅豆咬感，再配合鬆軟的pancake，吃

今年香港突然興起日本一種中間似梳乎厘嘅厚班戟，單睇外表Aminn姑且稱佢哋為「空氣Pancake」，而且專賣店越開越多，連甜品鋪都紛紛加入。身邊好多女性朋友都對於「空氣Pancake」表示心心眼，但幫襯唔同店鋪之後comment好壞參半，Aminn都有啲卻步。。。之前試過I.T旗下嘅Sweet Monster深深愛上，佢哋最近加入班戟行列，引入東京「奇蹟之班戟」熱店Flipper's，當然要試試啦！店鋪就係希慎6樓嘅新店，店內已經滿座，而且果然有人龍，不過都唔係好多人排隊啫～入座之後見到Menu有期間限定蜜瓜班戟，諗都唔洗諗我就揀咗佢啦，另一份就點咗焦糖榛子香蕉班戟。落單之後店員溫提我哋要用兩隻叉將班戟分開嚟食。Flipper's售賣嘅「日式梳乎厘班戟」係即叫即做，製作需時30分鐘㗎～所以要排隊係有原因嘅！兩份同樣係有三件日式班戟同忌廉，再配上唔同水果。最吸睛當然係我嗰份配上香甜嘅日本蜜瓜同好清新嘅蜜瓜雪葩嘅蜜瓜班戟！班戟非常鬆軟，入口軟綿綿，仲有陣陣蛋香！本身Aminn都好細食，但都可以食得晒成份，仲有少少「唔夠喉」想多少少添！飲品都有好多選擇，包括唔同款式咖啡、奶茶、檸茶、果汁、汽

Flipper's 終於在7月28日開張試業，位於銅鑼灣希慎6樓~!!早前一打開Facebook都被Flipper's 震騰騰班戟相片洗板，朋友還說到東京旅行不排隊試食，實在是浪費！！可惜牙T暫時存有計劃要去東京玩，權宜之計就是去希慎潮潮勝上到希慎6樓已經聞到蛋香味啦~原來一上扶手梯轉右就是Flipper's^^可能是星期初的關係，排隊人數不算多，很快就有位啦食邊款好??睇睇Memu即知啦^^上面有4款甜食班戟可以選擇，有一點不用懷疑的: 牙T是一位抹茶控的吃貨，所以知道我的心水啦吧~!因為所有梳乎厘班戟都是即叫即製，所以要等15-20分鐘唷~不過不要緊，趁空selfie一下來建立social media吧~!!相機食先是吃貨女的大原則，綠茶紅豆班戟一放上桌就成為我手機的模特兒，被瘋狂拍拍拍~要拍出班戟震騰騰的模樣好食物要有好食材，因為這有助擦亮招牌的，而Flipper's班戟的製作食材都是由日本直送~!!班戟入口軟棉棉，充滯蛋香，感覺就好像吃烤過的棉花糖，旁邊伴綠茶奶油和紅豆蓉~同一同放入口，原來可以減輕油膩感唷!!!不過紅豆蓉口感稍為乾身，未夠軟滑如果喜歡吃甜的甜食怪，可以試試在班

在日本有奇蹟Pancake之名的Flipper’s登陸銅鑼灣， 不管長長人龍都要拉男友來一試！ Flipper’s香港店就在希慎， 店面不大但店外一直保持排隊人龍， 不愧為近期大熱的超人氣食店。 總算入座了， 因為即製pancake製作需時20-30分鐘， 建議入座後趕快下單。 等待期間可以看書、聊天、玩手機， 座位前還提供USB充電，超方便！ 雖然季節限定的蜜瓜班戟好吸引， 但結果還是選了榛子朱古力焦糖香蕉班戟， 實在難敵榛子+朱古力+焦糖+香蕉的誘惑XD 主角終於登場啦！ 上桌時已聞到蛋香四溢， 班戟上是棒子鮮忌廉、 焦糖香蕉再加朱古力醬， 層次豐富！ 班戟質感鬆軟得像綿花糖般， 入口蛋香味濃， 配上棒子鮮忌廉又多了一分滑溜， 溫暖與冰涼既反差又和諧XD 香蕉上的焦糖經火炙後變得薄脆， 果香與焦糖香融為一體。 作為陪襯的杏仁脆粒亦充滿堅果香氣， 豐富了整體口感。 一份班戟看似簡單， 但那一冷一熱、一軟一脆的對比已可見心思， 雖沒吃過日本的原裝班戟， 但在香港店的美味體驗也令人滿意！

去到邊度我都好鍾意食pancake呢一樣野，就算去到日本要排幾個鐘頭隊先至可以食到嘅pancake，我都一一唔會放過，好誇張？為左美味值得嘅。今朝一早就已經係排隊攞籌，攞定兩個人等到下晝四點鐘左右同朋友一齊過嚟食。3:45嗰陣時候我已經嚟到，預先攞咗籌嘅我會係前方的隊到等，無攞嘅話呢就會喺後方嘅位置到排隊，後方嘅真係唔知要等幾耐先有得食。我大概等左5分鐘就有得食。我想揀嘅味道就係焦糖榛子醬味，而朋友就揀咗原味嘅班cake。其實我個人來講唔係好鍾意食焦糖但係佢嘅榛子又好吸引我。原來佢嘅焦糖就淨係會喺個香蕉上面出現，所以亦都接受到。焦糖榛子醬味嘅班cake上嘅忌廉同埋原味嘅色澤上已經有好大嘅差別，呢一個榛子當然係榛子嘅顏色，啡色，上面仲會有榛子脆脆粒。拒比原味嘅忌廉會比較凍，甜度適中。但係亦都會比較快溶，所以建議大家就快啲食。到主角嘅班cake,唔使講主角就真係主角。一碟有三件，蛋黃嘅顏色，軟熟，綿綿感，還有陣陣蛋香，吃內暖暖的，再配上涼涼的忌廉，超正。呢一間嘅班cake冇尖沙咀某人氣班cake咁厚身，但係反而佢呢一種口感更加空氣咁，而且和忌廉，生果配合得很好。

要限時限刻等派籌，有籌啦，又要依時去排隊等安排入座！入座後又要排隊自己去order ，等20至30分鐘後終於有得食😊滿心期待的雙叉撕開梳夫厘😑好dry, 冇梳夫厘feel, 跟本唔滑，而且好甜！☺️實在太失望

剛去完銅鑼灣打波，經過希慎，打算逛個圈，見到這間新開的FLIPPER’S賣現在最流行的班戟，一定要試試啦！除左佢地基本Menu,他們有新限定日本蜜瓜班戟，每日限量50份！上次同閨密食了日本蜜瓜雪糕，對日本蜜瓜念念不忘，就來一客日本蜜瓜班戟。炎炎夏日，看到他的賣相，尤其吸引。日本蜜瓜鮮甜多汁，生津解渴。 班戟軟綿綿，配上自家製的忌廉， 口感獨特, 再加上他的雪芭，完全是解熱之選。打完波再食甜品有點罪惡感，但美食當前難以抗拒，食完再算。滿分為10分(1分最低，10分最高)食物：9環境：8衛生：8服務：8價錢：7舒適度：8總分：8

作為甜品控，去街總會找個地方食甜品坐下，今次慕Flipper's 之名，來到銅鑼灣希慎廣場6樓i.t blue block 內，想食個奇蹟班戟(Kiseki pancake) ！一早就來排隊攞籌先，到我揀的時間先返來入座，就唔洗等walk in, 如果排walk in，每小時攞左籌的人過左二十分鐘無來攞位，就會俾walk in客入。到我入座時間就返來，即刻要落單先，因為落左單都要等30-50分鐘先有得食，期待係咪真係咁好味！終於有得食啦！我叫左個原味pancake $99, 見到個賣相，軟綿綿咁，好想咬佢一啖！pancake 是厚身的，灑上糖霜，配有自家製的奶油，試一啖，正！口感是入口即溶，充滿空氣感！真係無講錯，pancake整到似梳乎里的口感，好有驚喜！奶油打得很幼滑很有奶香，塗上pancake食真係滑上加滑，在口內慢慢溶化，要放鬆心情慢慢享受pancake 化成空氣的感覺！pancake 甜度適中，好有蛋味，不會覺得膩，食完咁大份甜品，好有滿足感！甜品控一定要試下！

昨日，我和家人去左銅鑼灣行街。得悉近期開咗間新甜品鋪係希慎廣場，所以心郁郁想試吓！但係呢間鋪頭有個特別之處，就係要神咁早攞定飛，然後去到指定時間就可以直接行入餐廳入面。今次我哋就11點鐘去到攞飛，然後七點鐘就可以直接入去食啦！ 今次試咗兩款梳乎厘班戟：就係原味同埋士多啤梨味。原味梳乎厘班戟塊班戟非常軟熟，蛋味十足，香濃幼滑！配埋焦糖味忌廉，真係特別好味，值得一試！士多啤梨味梳乎厘班戟呢款班戟味道清新，生果非常新鮮，尤其是藍莓，非常甜美，好有田園風味！

我昨日逛街，行到銅鑼灣希慎廣場 6樓i.t blue block店內， 見到有一間甜品店 ，望落感覺很清雅，原來係日本新開嘅甜品專門店 。於是我就嘗試心態，坐下就點了一客，榛子朱古力焦糖香蕉班戟 。當店員送上來的時候 ，第一眼已經很喜愛 ，賣相非常漂亮 ，跟著就聞到陣陣香氣 ，見到有很多不同的配料 ，首先 ，第一啖吃下去香蕉的味道很清甜， 他抹上了焦糖 ，令香蕉的味道更出色 ，原來焦糖是他自家特別配製 ，唔怪得零捨不同 ，榛子， 很鬆化 ，又好吃，朱古力很豐富 ，份量真不少呀 ，朱古力又香滑 他的焦糖和奶油都係自家製品 ，所以特 別出色 ，當我試他的班戟的時候 ，第一啖咬下去 ，已經吃到陣陣濃郁的蛋香 ，口感非常美味，專門店，真是非同凡響 ，他們的蛋全是日本本土的，所以絕對有信心保證。

昨日， 在銅鑼灣 吃完 晚飯後 ，很想吃甜品 ，早前 ，聽朋友說 ，希慎廣場 ，有一家不錯的，新開日本甜品專門店 ，他在6樓 i.t blue block 店內 ，他的裝修很美觀 ，坐下後，我點了一客綠茶紅豆班戟KISEKI PANCAKES (GREEN TEA & RED BEANS) $119 ，上枱時，已經看到很美觀的配搭，見到已經很想食！一口吃下去，紅豆 的豆味濃沃 ，吃下去軟綿綿的， 做得清甜可口 ，味道適中 ，芬香撲鼻， 綠茶的芳香滑溜， 令人感覺清新怡人， 同紅豆一起的配搭來吃 ，簡直係絕配 ，再加上他的班戟做得很出色 ，濃郁的蛋香 ，鬆化軟綿綿的感覺 ，加上他自家製的 ，香滑奶油，滑溜溜的，和自家製 的清甜 糖漿加在 班戟上，你會停不住口地吃，食完後，你會感到心情靚靚啊!