FLIPPER'S (已結業)

啱啱新開張嗰陣時已經幫襯過，咁岩當日食完個午飯之後，朋友們話唔夠喉要食返個甜品，跟住就黎到銅鑼灣希慎嘅Flipper’s。去到店舖排隊係一向嘅例牌菜，我哋未去之前已經預咗要排一段時間，三個女仔一個去傾下傾吓計就輪到我哋進入。我哋三個女仔因為本來已經一早食咗午餐，所以最後我哋嗌左兩個pancake時再加一杯嘢飲：「士多啤梨🍓Pancakes」、「香蕉朱古力🍫Pancakes」及 熱綠茶拿鐵呢度嘅Pancakes 好食，真係軟綿綿超鬆軟，食完又很治癒嘅感覺！ 特別鍾意食個香蕉朱古力Pancakes, 未食之前以為會太甜，食落之後又覺得啱啱好，佢哋嘅cream用上Hazelnut味道很夾。Green Tea Latte 綠茶味濃厚，超鐘意！呢間餐廳來自日本，一向幫襯開日本餐廳時，都特別鍾意叫綠茶類產品。 果然，冇令我失望。溫馨提示： 餐廳有最低消費，每人最少要order一樣東西其實餐廳大致都唔錯，不過獨立枱比較少，和朋友進餐時傾計私隱度會比較低。

士多啤梨藍莓pancake & 香蕉榛子朱古力pancake呢到pancake整得都好軟熟而且pancake嘅味都好香唔會話食落成口麵粉味但一定要趁熱食凍咗就會爭好遠如果啲cream多啲會更好

好多次想嚟試吓呢間pancake，但每次見到條人龍都卻步，出面總係有20-30人排緊隊😌今日喺銅鑼灣食完晚飯，見時間尚早，搵吓附近有咩糖水舖，又諗起呢間pancake，上去一睇，出面竟然冇人排隊☺️☺️☺️坐低左，原來pancake選擇不多，只有四款口味，我哋揀咗榛子朱古力香蕉pancake, 原來有最低消費，每人必須有一樣消費，所以我哋加多杯嘢飲，叫咗薄荷朱古力咖啡薄荷朱古力咖啡味道不錯，但略嫌甜了少少終於等到香蕉pancake出場了，有三大塊😍的確很鬆軟，但沒想像中的出色，不能說是不美味但真的不值得排咁耐隊去食😂

今日難得放早，咁岩出開cwb路過hysan，就即刻黎食pancake！之前已經好想食，但weekend通常好多人排隊，排晒長龍！難得今日唔算多人排隊！即刻黎試下！呢度排隊有位坐，所以排隊等入座既時候都唔會好攰！坐低一睇menu，見到期間限定既抹茶pancake！我呢個抹茶控就緊係揀抹茶pancake啦！而我記得聽朋友講呢度既Green Tea Latte好好味，所以我都係揀左Green Tea Latte，而我男友就揀Cappuccino。落單果陣話個pancake要等大約30mins， 不過都好快就到左！drinks方面，Green Tea Latte好濃抹茶味，不過如果熱d會再好飲d，杯野到既時候都係微暖咁樣，Cappuccino都是微暖的。抹茶pancake方面，有抹茶cream、抹茶雪糕同白玉，有好濃既抹茶味，而白玉軟軟的甜甜的好好味，大小適中。pancake好有蛋味，入口軟而唔會好似一陣風咁食空氣，好好味！下次有機會都仲想試下其他pancake！

呢間pancake可以話係我嘅至愛🥰呢個甜品香港食真係唔平但係呢間係算最對得住佢個價😋pancake超鬆軟同埋唔會過熟乾憎憎😋蛋味好香同埋pat cream有楓糖味夾埋好jeng~個人覺得原味好食啲士多啤梨唔算好甜

平時星期六日或者夜晚經過都見到唔少人食，所以特登喺平日晏晝去食就唔使同人排隊或者爭位。😜--🌰 神奇の栗子木布朗班戟 HK$129 (期間限定)期間限定嘅呢款，相對貴少少，而且班戟得兩塊，好似冇咁抵食，不過都夠食嘅。 班戟幾有空氣感，但係可以再soft啲，係好食嘅，但係冇講坊間講到好幸福好誇張嘅感覺。 😂 栗子蓉冇想像中咁多， 不過都幾有味亦唔算太甜。Ceam幾滑，唔會好傑身好甜。比較特別係有栗子雪糕， 好少見，但味道可以再重少少。.🍓 士多啤梨藍莓香蕉班戟 HK$119班戟有三塊，水果嘅份量算多，特別係士多啤梨， 唔算特別甜正正常常。 佢都有cream，但味道同栗子所提供嘅有少少唔同，偏向甜少少。--📌 另收加一服務費

開業良久依然要排隊，等待時間也差不多用上半小時。食店位於服裝店附近，又位於電梯口，人流非常多，食店十分開揚，所以私隱度有點低。超鬆軟的空氣感pancake, 入口軟綿綿又蛋味夠香。上高的cream淡淡奶油味，十分香滑，一口cream，一口pancake十分滿足。不過幼油落得比較多，雖然pancake空氣感好足，但食過三塊後也依然很飽肚。

之前見到好多friend 都過左黎試呢間過江龍, 我都想試好耐架啦! 難得今日下午有補假, 所以特登黎食pancake🥞🥞🥞! 我大概3點前就黎到FLIPPER’s, 點知呢D時間都有好多人排隊! 初步數一數有12個人排我前面… 心諗, 點解咁多人可以係平日的下晝時間過黎食pancake架?! 🤔🤔 其實門外係有櫈俾等緊既客人坐, 但真係太多人, 坐櫈仔都要等 😩 門口大概排左大半個鐘, 去到坐低落完order又等左15分鐘左右, 前前後後等左9個字有多… 好彩食左lunch先過黎, 如果唔係, 聞住好香的pancake味, 但又無得食, 都幾難受。士多啤梨藍莓香蕉班戟 ($119)終於等到佢上枱啦! 三大舊軟綿綿的pancake加埋唔同顏色的水果🍓🍌, 視覺上係吸引的! 未放入口已經聞到陣陣的蛋香味, 擺盤又靚, 打卡一流! Pancake口感鬆軟, 咬落去好有空氣感! 另外我好欣賞佢仍然有少少濕潤, 唔會乾唔會鞋。而佢既蛋味濃郁, 唔會死甜。士多啤梨份量🍓都唔少, 微酸, 不過可以中和番pancake的甜味。整體而言, 好彩食物質素唔錯, 否則我等左咁耐, 真係冤枉。

Flipper’s 進駐香港已有一段日子，今日終於來試了。去日本就食得多，不知香港分店有冇分別呢！位置坐落於店舖內，有點壓迫感，坐位比較不太舒服。每次都會叫原味，不喜歡太過花巧的味道。空氣感十足，蛋味香濃，甜度適中，跟日本沒太大分別。配以泡抹咖啡，奶泡夠挺身，味道不太苦澀，回甘味太過薄弱，中規中矩。

唸住呢間會好食，有格調，怎知同銅鑼灣另一個出名的競爭對手相比，呢度服務態度似一般茶餐廳。要先到收銀處買票，不打緊，但收銀服務員沒什麼禮貌，問及會唔會有收據時，唔耐煩地答“等陣“，我唔係問点解未有，係問會唔會有，我見已經有個號碼牌，唔知仲使唔使企响度等。我未食已經對此店大打折扣，加上座位擠迫，一排面牆座位，但和隔離相隔太近，唔舒服食tea係大忌！至於食物，個pancake上唔係太多醬，所以食食下會覺得好乾，咁都唸住有啲生果响度滋潤下，唉，除左嗰幾塊香蕉，嗰啲士多啤梨及藍莓好酸，好不容易才吃掉。結論係：唔會推介呢間！

平日2點左右時間，所以唔使點排隊因試過好多唔同既pancake，又就黎萬聖節，決定應節食下限定味道！好足夠空氣感，份量如果以飯後甜品黎講，應該要2個人share先食得哂冇太大既南瓜味，雖然係焦糖，但還好唔算太甜因每人需要1個order, 所以試埋咖啡價錢合理本來想外賣一份比朋友，原來不設外賣呢方面有待加強

雪糕真好味我鍾意hazelnut班戟很鬆軟 不會太甜朱古力又不會太甜全部嘢都不會太甜又不會太苦原來有舊香蕉匿埋咗 好健康呀香蕉真好食 有香蕉真好坐得很舒服 環境舒適服務很好班戟很鬆軟 我想坐在班戟上

【士多啤梨藍莓香蕉班戟】 HKD119Flipper's係東京🇯🇵嘅超人氣pancake店🥞黎香港開左業一段時間，依然keep住見到有人龍。自問係超鍾意甜品，甜品可以當飯食嘅你，點可以唔黎試下呢。我地嗌嘅依款pancake，睇落平平無奇，只係得啲生果🍌做配搭，但係pancake嘅空氣感好重，食落好軟熟，仲好有蛋香味。沾埋啲cream食，更加不得了！📍FLIPPER'S銅鑼灣軒尼斯道500號希慎廣場6樓i.t blue block🚇港鐵銅鑼灣站F1出口 步行約2分鐘🕑星期一至日 11:00-22:30

香港FLIPPER’S 分店於銅鑼灣希慎廣場開了已有一段日子，店內設有40個座位。每次去客人都特別多， 基本上在門外排隊至少三十分鐘；最利害果次我足足等了一個小時。今日剛好去銅鑼灣行街，心思思又想再去食第三次，今次唔算多人，大約5分鐘已可以入坐。一坐下急不及待即看餐牌，餐牌十分簡單不是鬆餅就是飲料。如要Pizza就要去隔離鋪購買。半自助形式出去點餐付款後坐定定辣肉腸菠蘿薄餅番茄醬薄餅本身味道已好足夠又脆口又薄身，濃濃微辣的辣肉腸，加上又清新甜甜酸酸嘅菠蘿中和味道，味道剛剛好。原味扶茶雪糕班戟等了15分鐘終於上了我們的主菜pancake:有抹茶醬、抹茶雪糕，朱古力黑芝麻薄脆片，湯圓，糖霜。軟綿綿鬆軟的空氣感班㦸真的很可愛呢～果然無令我失望，依舊鬆軟綿密抹茶雪糕口感清新。CAPPUCCINO奶泡豐厚，口感細滑，香氣濃郁

Tried the green tea pancakeRed beans are cold and hard Not integrating into the pancake at allGreen tea is not ice cream but simply a pastePancake is not as expectedI thought it’s gonna be puffy with layers of textureN realized it’s simply a soufflé