Fika

营业中

休息中

ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ Fika • Swedish (n.) a moment to slow down and appreciate the good things in life.Fika是指瑞典語中的一個詞，意思是放慢腳步，欣賞生活中美好的事物。🌼 XO醬香蒜蜆肉蟹肉扁意粉 🍝每一啖意粉都可以食到滿滿既蜆肉同蟹肉 👌🏻意粉軟硬適中，更用煮蜆同煮蟹既水煮扁意粉、令整個意粉帶住完完整整既海鮮味同時唔會有腥味，處理得非常好👍🏻香蒜透過慢煮令到蒜味更香更出同時去除左蒜頭容易令人厭惡既刺激味道😋慢慢壓煎蒜片令佢煎得更香更好味意粉充滿表現到廚師對食物的追求 ❤️🌼 法式黄油雞配烤蜜糖雜菜主要用左雞腿肉，去左半邊雞骨，方便用刀叉食 👌🏻雞腿肉同雜菜煎得相對燶一啲，廚師表示係西餐慣常做法 🤎可以令香味更加提升，同時可以減少使用調味料，保留原味😘的確，雞肉外皮煎得香脆，而同時雞肉都仲保留到滑嫩既口感🌼 是日餐湯是栗子南瓜湯非常重栗子味！！
雖然係南瓜湯，但係並無南瓜蓉個種濃稠感，好易入口 💛🌈服務 ⭐️ 主要做街坊生意，人情味濃厚 😆主廚都好樂意同客人溝通，了解客人喜好同推薦客人菜式 相

第一次黎坑口村，這裡有間環境特別好chill 的西餐廳Fika,  設室內室外座位，宜家天氣涼涼地坐室外更舒服。星期六的下午都有數款午餐提供。一份主菜配餐湯/沙律。今日的餐湯是椰菜花忌廉湯，濃稠適中，打得滑身，食到有少少椰菜花粒。香蒜蜆肉蟹肉扁意粉$108, 份量頗多，一上枱已聞到很香的蒜味，因為他們的蒜片爆香再炒意粉，所以連些蒜片都很好味，沒有苦味。意炒軟硬度亦炒得剛好。蜆肉蟹肉份量亦不姑寒，撈勻意粉一齊食好味，另一要讚是食物熱度十足。賣相精美的美國豬肉眼扒配薯蓉及炒雜菜，份量十足都只是$128, 豬肉眼扒厚切，網燒，醃得入味，肉質軟淋，燒完仍然肉汁滿滿，配上自家製燒汁，好味，另外香滑薯蓉及炒雜菜，很飽肚。

好少會特登入去村屋嗰度搵嘢食今次就睇咗OpenRice搵到呢一間坑口站嘅Cafe 唔係你食嘢，我都唔知原來坑口有條村…可能一入呢間Cafe已經係一個好Nice嘅女仔接待，所以第一印象已經唔錯❤️位置唔算多，但勝在坐得舒服黑松露蘑菇湯（個侍應話佢自家製㗎～）美式辣肉腸薄餅正常厚度嘅批～ 個邊好脆～ 好有口感. Massarella 芝士 有打絲～ 啱晒鍾意食芝士驚😂芝士肉醬意粉呢個意粉偏酸嗰啲…食得出係真.番茄🍅， 唔係用醬開！ 後來同個女仔侍應傾偈先至發現，原來佢哋係家庭式經營嘅，所以呢度嘅嘢食好有家嘅感覺！我覺得佢哋完全做到👆🏻一定會再嚟幫襯 ❤️

得悉店主係愛狗之人，特登帶埋孖寶去試吓佢哋嘅出品。甫坐下，非常友善嘅店小二即奉上兩瓶溫水（唔使自己開口問，更加唔係冷冰冰嘅過濾水喉水），貼心的服務暖入心。因為肚餓，點了豐富嘅二人餐。等咗一陣，熱辣辣嘅餐湯奉上。係十分香濃、質地豐厚嘅南瓜湯，健康味美，份量啱啱好。（唔記得影相😅）頭盤嘅牛油果蟹肉脆餅及巴馬火腿無花果沙律隨即送上。蟹肉加埋牛油果鮮甜無比，配搭一塊自家製脆餅，口感豐富，充滿驚喜。沙律嘅菜蔬新鮮爽口，用清甜的無花果配搭咸香適中的巴馬火腿，讓味蕾大解放。（唔記得影相😅）跟住係XO醬香蒜大蝦蝦干扁意粉🍝。這碟意粉冇得輸。爆香咗帶微辣嘅XO醬加埋蝦干煮成嘅汁香氣撲鼻，煎香咗嘅蒜片就連平時一粒蒜蓉都唔肯放入口嘅孖寶爸都要搶住食，大蝦肉質彈牙，味道鮮美，扁意粉軟硬度適中，好吃得念念不忘。令人期待嘅主菜出場喇。炭燒美國安格斯肉眼配黑松露薯蓉。一端上枱，濃烈嘅炭燒香肉味令人垂涎三尺🤤🤤🤤，三成熟嘅肉眼扒肉質鮮嫩多汁，扒上片片的黑松露令到件扒更具風味，扒下面的黑松露薯蓉簡直係估佢唔到嘅驚喜，集香、滑、濃於一身，超好味。就連側邊嘅配菜都一啲唔馬虎，係燒得香噴噴嘅B B椰菜同三色椒，可見廚師在烹調

今個周末來到了坑口村嘅Cafe 「Fika」，Fika 係瑞典文，即是coffee break、忙裡偷閒的意思。這間Cafe 裝修以白色為主調，配以不少木製傢具，亦設有露天茶座，令人有一種好chill 很舒服的感覺，非常貫徹Fika的意思！餐廳在周末更多了2位駐場公關，係一黑一啡嘅玩具貴婦狗，非常可愛！ 此外亦見到好多客人都會帶同小狗一同進餐，係一間狗狗friendly嘅cafe！食物方面，絕對有驚喜，點了2個下午茶餐，誠意之作。另外有個小插曲，當時下午3點左右，但因為生意太好有部分食材賣光了，廚師竟然不再接新客人，原因係「唔想menu少咗菜式給客人選擇」，乾脆不做生意了，可見廚師對質素嘅堅持，抵讚👍🏻All Day Breakfast $128水準之作，食材講究。有牛油炒野菌、意式香草豬肉腸、田園沙律、香炒滑蛋、煙肉、香草茄汁豆、薯條（薯餅售罄）、牛油果多士。豬肉腸味道香濃口感爽彈，明顯係用上比較高質嘅食材。煙肉同樣是非常有質感，並非煎而是用grill的方法，不油膩而且味道更香。牛油果多士加上了橄欖油和海鹽，口味佳。就連茄汁豆，食得到茄汁是用上優質蕃茄醬汁。野菌亦非常香濃。整體就是每

坑口村一直有好多好食店之前同一位置既食店已搬到將軍澳區另一位置發展呢個鋪位亦都迎黎左新餐廳開業可能因為新開業, 店員仍然唔太熟手問到餐湯係咩都唔識答, 最後埋單連apple pay 都唔知咩黎好彩有其他店員幫手我地今次去試左Lunch menu一開始南瓜湯正常發揮, 不過湯裡面有d 南瓜皮未磨爤, 影響口感跟住我地點左個小食炸雞雞肉炸得好出色, 肉質非常彈牙, 炸面亦有足夠調味配合埋個醬非常唔錯主菜試左牛排($158)同豬排($108), 牛排品質唔錯, 牛排午餐百幾蚊論質素已經遠勝外面既百幾蚊牛排生熟控制得岩岩好, Gravy 稍為淡左少少, 但都係可接受豬排($108)亦都烤得非常靚, 食用質感比起外面賣200蚊以上既豬排餐更好薯蓉亦整得夠滑, 呢個價錢真係非常推介飲品方面我試左杯凍Latte, 中規中舉臨走前餐廳表示可以電話預約特別餐單 (即餐牌以外既菜式)有機會之後再去試試

今日去坑口行完山，途經坑口村，見幾間食肆並排，有露天位置，非常有外國感覺。於是乎找了一間餐廳午膳。餐湯是南瓜粟米忌廉湯，南瓜味清甜，粒粒粟米衣有嚼口。😋煙薰火腿，菠菜長通粉長通粉有彈性，囗感不錯。醬汁採用了芥末籽忌亷汁，帶出了少少酸味，幾特別。配料有大量菠菜，煙熏火腿，十分豐富。Latte咖啡味道濃厚，少少苦澀餘韻十足。😘整體來說，食物水準不錯，環境舒適，值得一提的是，係小竉物與主人共享的好地方。

難得搵到間隱世兼食物質素好的小店，仲有機會見到明星🤣。餐廳幽雅恬靜，坐得耐唔會比人趕。想一個人靜靜地放空，或者約三五知己chili下都可以試吓。呢間餐館係家庭式，店裏面一家人都好Nice😊，有傾有講得閒又介紹吓菜式，令我地好warm！是日餐湯 南瓜湯✨這南瓜湯暖笠笠，好舒服，細滑香甜，係等待主菜又肚餓既階段既之間的一種享受。😉XO醬香蒜大蝦蝦干扁意粉✨一上碟已經好香用XO醬爆香嘅蒜頭味，蝦都幾多同大粉，好足料😎，大讚這蝦口感好爽口！意粉吸哂醬汁夾埋食落去好入味同滑身，加上意粉用扁平質地，比起一般意粉更易入口，整體口感不錯，香口得來又不會太咸，好快就清咗佢盤🤣，值得一試🤓👍🏻炭燒加拿大豬胺配溏漬蕃茄沙律✨豬胺厚切肉質鮮嫩，好欣賞伴隨的特別炮製的薯蓉，裏面混合了豆和碎煙肉，和肉配咗一起食非常夾。另外溏漬番茄的清新配搭減去了一點吃肉的肥膩，甜度剛剛好，餐廳還很有心思，他不是只有甜，還有淡淡的桂花香味，真的是驚喜！😍😍

今日入將軍澳坑口村探朋友，順便試下村口近期新開的西餐廳..「FIKA」裝修簡潔，有Bar 枱望戶外，亦可選擇坐外，感覺舒服！餐湯南瓜湯，湯郁夠creamy ，帶有少少南瓜蓉，不錯。煙三文魚沙律🥗夠新鮮！香煎海鱸魚配日式燒汁意大利飯，烤娃娃菜.. 海鱸魚皮煎得香脆，魚肉鮮嫩。意大利飯軟硬適中，入口creamy 😁 烤娃娃菜很有驚喜🙊看似很燶，但很香口，亦唔會乾，很巧味😱煙燻火腿，菠菜長通粉配芥末籽忌廉汁…好creamy ,醬汁夠厚夠多，每條長通粉也很入味！

自從屋企人搬左去將軍澳就開拓左限編嘅新世界 最近佢地就推介左間新餐廳係坑口邨 襯去探佢地一家大細嘅時候順便去試下首先上枱既係蕃茄湯 最特別既地方係一入口有濃濃既桂花香 非常特別 桂花同番茄出奇地夾 好好味！小朋友原本仲係度搗蛋 但一見到薯條即刻兩眼發光乖乖坐定定 薯條啱啱炸起 熱辣辣配埋黑松露醬 連大人都食過不停我地另外叫左pizza 日本珍珠帶子香草醬飯 炭燒美國豬肉眼配香滑薯蓉新鮮炒雜菜個risotto煮得好正宗 creamy 得黎d飯粒粒分明 煙韌有咬口 仲加入松子、魚子等食材👍🏻然後辣肉腸pizza上場 阿女隻眼又發光喇 見住佢覺得辣又要食好好笑 連最後一塊都要搶住食🤣最後豬扒上場 豬扒鬆軟唔鞋口 但我最想講既係個伴碟薯蓉 佢唔係蓉到一pack嘢咁 佢留番小小薯仔粒既口感 但入口即溶 有濃濃既牛油香 真係好好味🤤

Fika 位於坑口地鐵站A1出口，再行大約10分鐘路程，餐廳室內裝修整潔，除左四人枱之外，仲有一烈bar桌，全部木製桌椅，特顯型格；室外亦有座位，岩晒鍾意飲酒抽煙朋友，可以邊食邊啤一啤🍻🥂🍺🍷🍾。🥣 桂花糖蕃茄湯 - 好濃郁嘅蕃茄味道，入口一會，桂花味慢慢係舌尖散出，桂花嘅清甜伴著蕃茄酸度，互相平衡。水牛成雞翼，味道香辣，甜甜酸酸，香辣度十足，醬汁量充足，雞翼每個位置都被醬汁包圍，食得過癮。意大利紅蝦蝦汁扁意粉🍝，店員好友善，先來介紹呢款意粉製作：意大利紅蝦嘅頭，蝦膏較creamy味道濃郁，所以煮嘅時候會先將蝦膏壓出混和於意粉當中，而意粉嘅汁亦大有來頭，先用3斤嘅蝦，連肉連殼配合各種蔬菜煮好，再攪拌成醬汁，難怪個汁咁濃郁鮮甜，而且杰度適中、非常掛汁，每啖都可以享受滿滿蝦嘅鮮味😋。黑松露野菌pizza🍕，要讚一讚個餅底，係非常非常鬆脆；先用松露醬封底，再鋪上雙式芝士同白菌，最後再灑上一層松露醬，呢款pizza味道濃厚，松露迷必點👍🏻。

我哋琴日去咗坑口行街, 有朋友住坑口，問佢有咩好食，佢介紹我去坑口村附近搵嘢食，咗度好多餐廳都幾特別，平時好少喺商場食到， 最後揀咗d 間.桂花糖漬蕃茄湯： 淡淡桂花香， 好濃蕃茄味， 清甜健康四重芝士pizza: 職員話pizza 新出，剛剛先有🉐️叫， 但暫未有menu ,超多芝士， 每一啖都有拉絲， 個餅底軟硬度適中， 口感唔錯👍新鮮日本珍珠帶子香草醬飯： 味道好特別， 珍珠飯粒粒分明， 有嚼口😋薯條： 即炸， 熱辣辣， 薯條夠粗， 有薯味， 我囡超鍾意❤️， 唔俾我地食，佢就唔鍾意沾黑松露醬， 但我個人好喜歡職員提議我地坐出面， 天氣涼涼地， 又d 自然風吹過幾舒服， 感覺好舒服😍😍😍， 平時商場歺廳好難有d d 環境

身為將軍澳人，一直知道坑口村有唔少好嘢食。見到最近開咗呢間新餐廳，就同朋友去試吓。是日嘅餐湯係我喜愛嘅南瓜湯。湯濃厚順滑，仲有少少南瓜蓉，真的不錯。朋友點了香煎三文魚配香滑薯蓉。三文魚魚皮煎得香脆，魚肉鮮嫩，面頭配上青瓜蟹肉沙律，不但帶來清新口感，亦中和了三文魚的膩感。薯蓉亦有驚喜，香滑之餘，入面仍有少少薯粒，口感更加豐富。見Carbonara係餐牌入面嘅推介，我就點咗一份。侍應介紹廚師特別用了本地鹽醃嘅煙豬腩肉。我同朋友食落覺得唔會好似一般煙肉咁死鹽，切到一粒粒嘅豬腩肉，食落亦更加有口感，可見廚師嘅心思。Carbonara嘅醬汁亦比較輕怡，食完都唔覺得油膩，值得推介。餐廳嘅侍應殷勤有禮，好主動介紹唔同菜式，有機會再同朋友去試吓侍應推介嘅M4和牛。

最鍾意探索小店，原來將軍澳坑口村都有餐廳今日去探究一下。小店幾有風味，裝修有點似咖啡店西餐，餐牌主打西餐，我哋晚市散叫～～菠菜忌廉湯好健康，小店新鮮煲的。菠菜味香濃，湯深綠色，夠Creamy！XO醬香蒜大蝦扁意粉，用上蝦膏 、XO醬、辣椒絲、蒜片。充滿XO醬味辣辣地。有幾隻蝦幾爽口～～燒美國豬肉眼配香滑薯蓉炒雜菜，豬肉眼烤過，豬扒厚身夠瘦。薯蓉夠香滑有牛油味。配菜有西蘭花🥦、椰菜花、翠玉瓜等等～～

坑口的確係好多連鎖店，像這種用心製作食物的小店真的較少，位於坑口村內，真的要附近居民先識搵呢度，店員服務態度很親切，是小店才有的味道😳Pepperoni pizza 🍕 一個好典型的辣肉腸pizza，餅底唔太薄唔太厚，幾煙韌同飽肚，芝士量超多🤤炭燒加拿大豬胺配溏漬蕃茄沙律豬肉有好靚嘅炭燒紋同好和炭燒味，豬肉粉嫩超juicy✨溏清蕃茄加左桂花，有陣陣桂花香～仲有啲豆蓉，唔會太滯餐廳座位較少，建議預先訂位