Fika

营业中

休息中

餐廳位於坑口村村口附近，今次入村找朋友順便一起吃飯。小巴班次少，大約等了十五分鐘。如果選擇從坑口站走過去坑口村，走路至少要十五分鐘。餐廳位置不多，是一家小店。我們點了兩份午餐。三文魚沙律，三文魚入口柔嫩，配上沙律菜很清新。⭐️香煎海鱸魚配日式燒汁意粉，烤娃娃菜海鱸魚皮煎得酥脆，肉質鮮嫩多汁，搭配日式燒汁的意粉米口感醇香，意粉米做得相當入味呢！烤娃娃菜的口感鬆脆，帶有淡淡的焦香味，整道菜口感豐富，相當美味。⭐️白菌煙肉炒蛋，牛油果醬多士配薯條/沙律白菌和煙肉的濃郁香氣和蛋的鮮香相互融合，味道濃郁而不膩口，非常適合搭配牛油果醬多士一起享用。多士口感偏軟一些，配上牛油果醬的滑順口感，非常好吃。另外，薯條口感酥脆，配搭多士味道不錯。

印象中既坑口村，多素都係d大排檔、泰式餐廳！原來呢到收埋左間高質既fusion西餐😍睇個menu，d配搭好新穎，令人想試！廚師仲親自上菜、介紹每一道菜，呢樣都令我好impressive，證明佢真係好有心，想煮好每一道菜，即刻加分！辣根甘筍湯：個湯飲落味道幾豐富香濃，甘筍既甜再加上辣根既少少香辣，幾特別同開胃！砵酒燉牛面肉配薯餅：砵酒燉牛面肉係一道好經典既英式菜，牛肉燉得好淋好入味，味道好濃郁😍同埋原來牛肉同砵酒既酒香加埋少少既咖啡香係咁夾架👍份量好足，同男朋友兩個人都食唔曬😂最新穎既係配薯餅，juicy又淋身既牛面肉配脆身既薯餅好正！又夾！xo醬香蒜大蝦干扁意粉：廚師話佢先煎好左d香蒜，迫左d油分出黎先，再炒意粉！食落意粉乾爽岩岩好，麵質爽彈，而又掛到曬香蒜同xo醬既味道🥰好鍾意呢道，蒜香同xo醬真係無敵，而大蝦都帶有膏香同入味👍好想食多碟下次會再黎試下其他菜式，唔錯唔錯！

將軍澳食肆多，但大部分都係連鎖店，將軍澳南海邊不乏西餐廳，不過大多人聲鼎沸，今晚想靜靜地享受晚餐，於是試吓呢間喺坑口村新開嘅餐廳。 呢個舖位，之前都係西餐廳，而且門口有大大個燈箱，非常易搵。 小店裝修簡約，光猛舒適。格局似CAFE多過餐廳。餐牌選擇唔算太多，不過因為未幫襯過，猶豫食咩嗰陣，主厨已主動介紹菜式,了解咗我哋嘅口味，就介紹咗佢認為啱我哋食嘅菜式。炭燒西班牙黑毛豬梅頭烤日本甜薯 用得梅頭已經知係腍身啲，食落爽脆，豬味非常濃郁，炭燒後令佢更香口同無咁油膩。甜薯唔係隨便燒，而係用牛油蜜糖焗過，所以食落甜味更柔和，食咗幾粒都唔會滯。MARGHERITA PIZZA$178 呢款PIZZA材料簡單，但好難做得好，係每間賣PIZZA餐廳嘅考牌功課。 批底非常鬆脆，主厨選擇用羅勒打成醬，用切片水牛芝士去做。平時用羅勒葉，PIZZA咁大，好難每啖都食到羅勒葉，反而用醬，啖啖都有羅勒香味，而且味道更濃。西班牙紅蝦汁扁意粉$288西班牙紅蝦係矜貴食材，餐牌上本來寫係意大利紅蝦，不過聽主厨同其他客人講番西班牙

本身都好耐無係OpenRice 寫食評，但今次真係想推薦一下。星期日想揀屋企附近嘅餐廳chill下就嚟到坑口村，估唔到呢間小店幾有驚喜。今次試左Dinner set for 2，每道菜式都用心構思烹調，餐湯係辣根甘筍湯，有啲芥末味都幾特別XO醬大蝦意粉好惹味。成個set尤其喜歡豬胺，厚厚的一塊煮得好juicy，旁邊的蕃茄浸了桂花蜜很有特色。老闆娘好熱情，店主仲會係上菜時講解菜式，誠意十足。總括黎講係值得支持的小店。

是日晚上與朋友一起去位於坑口村的小店晚餐，之前跟朋友路過坑口村見到有不少食肆，見到西式而裝潢感覺，可以入內慢慢邊享受美食邊閒聊~~~室內裝潢簡單得來令人有小清新的感覺，朋友本身附近居住，與店員閒聊才知道原來這小店平日午餐較多醫院的員工光顧，因為小店步行穿過富寧花園便到坑口村，而且富寧花園更有港鐵拍減兩蚊優惠=]店內有些可愛的圖畫，感覺倒吸精~~~看餐牌價位算中規中距~~~是日餐湯：甘荀粟米湯，聽店員分享餐湯是每日用新鮮材料打磨去烹調，怪不得飲落感覺到打碎的糊狀而不是感覺像水般的湯，味道清甜~~~瑪格麗特薄餅，上面有水牛芝士和意式香草醬，食落感覺皮脆有口感，味道不錯~~~日本味增配新鮮青口蟹肉意粉，個人覺得個青口充滿解味，有淡淡的海水味，而個意粉感覺不錯，朋友感覺咸咗D，但我就唔覺，反而覺得剛剛好~~~個人感覺這小店食物很好，晚餐可以坐住慢慢品嚐兼閒聊，是個不錯的聚會地方=]

▫️牛油果芝士無花果多士配沙律 （$88)👉🏻牛油果🥑切片鋪滿成個多士，加埋芝士粉同超清甜嘅無花果，仲有底層牛油果醬，賣相好精美💕牛油果好新鮮，口感清香軟糯，多士就算擺滿Toppings 都仲係好脆😋👉🏻沙津菜都好新鮮，成個配搭都好Fresh🍃⭐️⭐️⭐️⭐️.▫️白菌煙肉炒蛋牛油果醬多士配薯條 （$78)👉🏻炒蛋超吸香滑！配料除咗磨菌同煙肉仲有洋蔥，炒得好香口😙多士同上面一樣脆，薯條係我影完一輪相嘅情況底下都Keep 住脆，值得一讚🤪⭐️⭐️⭐️⭐️.▫️Hot Latte（+$18)▫️Hot Cuopucinao（+$18)——————環境：餐廳以黑白同木色為主，感覺好休閒舒適😚由於坑口村同繁忙嘅商場有少少距離（由坑口站行過去都係10分鐘）所以真係可以靜靜地咁Chill 吓.評分：8/10.平圴消費：～$100

今晚book左呢間餐廳#Fika食下西餐，位於#坑口村的意大利餐廳， 品嘗一下美食💫。巴馬火腿無花果沙律🥗，火腿很大片，無花果的清甜可以中和火腿的鹹味，是一個很不錯的配搭，沙律份量多，清新又健康☺️。牛油果蟹肉脆餅，脆餅是店舖自家制作的，很精緻，餅很脆口，入口creamy, 滿滿咸香味道。Pizza 🍕, 烤焗得剛剛好，餅底質素上乘，烤到邊位脆卜卜，面頭加上凍的水牛芝士同羅勒醬汁，芝士味濃郁，凍、熱辣辣交替的又十分飽肚。老友點了熱咖啡☕️，我則要左至like 的凍檸茶。 

之前都黎過坑口村呢頭搵嘢食，知道呢度新開左間西餐廳，就過黎試下😆裝修好靚，感覺好chill, 係坑口村入面多左呢間西餐廳，令個村有活力好多😍老闆好nice, 食物都高質，價錢唔貴，性價比幾高🤤粟米甘筍湯 ($28)湯好濃郁，落得好足料。好鍾意佢個口感，好creamy, 入口感覺一流，而且好開胃😆巴馬花腿無花果沙律 ($118)沙律菜好fresh, 非常開胃。👍🏻而且加左既醋汁令個味道昇華，但又唔會搶走沙律菜既鮮味。另外Parma Ham唔會太鹹，但又夠入味，用既料幾！😆而且份量超多，好滿足。🤤炭燒西班牙黑毛豬梅頭烤日本甜薯 ($298)呢個真係超級超級推介！佢用既豬係我超鍾意食嘅伊比利亞豬！🤤佢燒得好香口，豬肉嘅香味好突出。另外，佢應該係用左慢煮方法，令個肉質好鬆軟，煮得好腍身又完全唔會有燒燶既情況👏🏻佢係唔掂汁都已經超好食🤤另外配菜上有烤大啡菇同日本甜薯，2樣都係好有質素而且整得好好食😋呢個真係非常推介叫！

坑口村隱藏好多美食，近排聽聞入面呢間Fika Restaurant評價甚高，放假即刻過嚟試吓。村口容易泊到車，仲有架小巴直到彩虹站，而行番出去坑口站都係10分鐘左右，都唔算難去。小店走歐陸風情，店員極之親民，斯文有禮，推介我哋試紐西蘭活青口，亦介紹其他主食同甜品，果然無令我哋失望☺️👍🏻➿日本味噌配新鮮青口蟹肉意粉♾️紐西蘭活青口生長於無污染水域，除咗無雜質亦鮮嫩無比。Chef親自出嚟介紹，提到控制火喉嘅重要性，把握剛開殼一刻先保持到最佳肉質。六隻青口配合蟹肉同菇菌，醬汁也調配得宜。➿炭燒加拿大豬鞍配糖漬蕃茄沙律♾️主菜豬鞍利用炭燒方式，由內而外令肉品更加美味。配菜花了心思，蕃茄加入桂花糖，淡淡桂花香味；薯蓉則加入白豆蓉，創造出獨特性，垂涎三尺🤤➿焦糖蘋果金寶配精選雪糕♾️是日雪糕係意大利雪糕，香滑柔軟。熱呼呼即製，玉桂香氣溢出，蘋果清甜，非一般嘅Apple Crumble😌🐷🛎️必試指數：9/10🔆

最近發現屋企附近開左間新餐廳，見近近地今晚就同屋企人去試下～坐低之後，店員就介紹餐牌有咩signature菜式，最後我地叫左幾樣個餐湯、Parmaham salad、carbonara pasta、Pizza。甘荀栗子忌廉湯🍵一黎到期待滿滿，因為我超鐘意口感綿滑濃郁嘅湯～果然色澤金黃又濃郁。甘筍既香甜配合栗子帶出一浸濃郁既堅果味道，而且佢地blend到個湯好幼滑細緻，令成餐飯有一個好好既開端🤗巴馬火腿無花果沙律🥗滿滿既咸香巴馬火腿 配 香甜無花果 再配 新鮮沙律菜 開胃前菜之選👍🏻意式辣肉腸pizza呢道pizza係店員偷偷話我知既隱藏菜式，黎緊佢哋就會新出～ pizza熱辣辣黎到，啲芝士同辣肉腸油份融埋一齊…好吸引😍睇落去批底厚度中等，食落質感煙韌，鋪埋好多既芝士同辣肉腸，唔錯唔錯😊最緊要係即叫即整！！食得出係心機之作。Fika自家製雙重煙腩卡邦尼意粉🍝煙腩係用左豬面頰肉+豬腩肉，口感豐富，充滿油香…加上用左日本可生食用雞蛋、刨出嚟嘅芝士，鹹鹹香香，係我最愛嘅意粉！雖然餐廳比較偏僻，不過嘢食好味都值得一試👍🏻餐廳主打做街坊生意，有幾枱仲專登揸車嚟食Tim👍🏻👏🏻

假日悠悠閒的 踩單車來到坑口村 ， 看見這間優雅又舒適的西餐廳。 簡潔又清新的佈置， 開揚舒適的感覺。 而且是寵物友善餐廳。燒美國豬肉眼 配香滑薯蓉炒雜菜美國豬肉眼肉質柔軟， 口感多汁嫩滑， 頗為欣賞他們 使用新鮮薯仔， 自家製的粒粒 薯蓉， 質感幼滑味道香濃。炒雜菜，有茄子、粟米芯、翠玉瓜 、西蘭花、椰菜花， 既豐富又健康。香蒜蜆肉 蟹肉扁意粉扁意粉彈牙爽口， 充滿濃濃的蒜香味道， 而且蟹肉和蜆肉的份量不少， 配搭辣椒一起香香辣辣的， 非常惹味。set lunch還包括 ，甘筍栗子濃湯， 非常推介這個湯， 廚師每日新鮮製作， 質地濃厚 味道香甜。三文魚沙律， 蔬菜和三文魚都很新鮮。

再次來到坑口隱世Cafe-Fika,店員依然熱情接待，看見佢地對每位客人都好友善傾談，就好似朋友一樣一坐低點了兩杯白酒，好易入口忌廉湯香滑濃郁，非常CreamyParma Ham Cheese Pizza脆邊厚批芝士味濃，啱曬喜好Cheese的我們Parma Ham又唔會有死咸的感覺👍🏻XO大蝦香蒜扁意粉, 一上枱就聞到好香的蒜味，食落非常若味😋大廚話有落到中式蝦乾一齊爆，增加味道既層次👍🏻期待下次再來食佢既其他菜色😋

*💭𝐹𝑖𝑘𝑎餐廳名叫𝐹𝑖𝑘𝑎，實情是個瑞典語，表示放慢腳步，位於將軍澳坑口村，主要做街坊生意。是日餐湯是甘荀湯，很濃郁，沙律則是三文魚沙律，份量多，蔬菜爽。XO醬香蒜蜆肉蟹肉扁意粉 意粉之間夾雜著滿滿蜆肉同蟹肉。意粉軟硬適中，配上少少辣椒好滋味。蜆肉蟹肉完全沒腥味，香蒜又有少少香辣，令到整個意粉的味道更加提升。燒美國豬肉眼配香滑薯蓉炒雜菜.豬肉燒得好靚，咬落一點也不鞋口，內層充滿肉汁又多汁。薯蓉又多又濃，食完豬肉又食過薯蓉感到十分飽肚。

💛好味指數:4.5/5💛💜回頭指數:4.4/5💜約咗朋友係屋企附近食下午茶☕️發現坑口村開咗間cafe，環境都幾Chill🌿🪴店員都好Nice有禮貌☺️跟餐有個甘筍忌廉湯，每日新鮮熬製，味道清甜都幾特別👍🏻✅鯷魚醬煙三文魚多士配薯條/沙律$78鯷魚醬帶鹹香，配上煙三文魚味道好夾🐟如果覺得膩仲可以點旁邊白色嘅醬汁✅芝士肉醬番茄意粉$88肉醬番茄意粉雖然簡單，但唔係間間都好食！呢度嘅意粉用咗扁意粉，而且撈咗勁多肉醬🤤而且番茄仲要好甜🍅絕對唔係關頭開出黎嘅頹意粉😆📍Fika (將軍澳)將軍澳坑口村24號地舖

同朋友行經將軍澳坑口村,見到有一間隱世食肆.門外有露天座位,覺得好有外國feel.「Fika」原來係食意大利菜.我哋order咗:燒美國豬肉眼配香滑薯蓉炒雜菜.豬肉眼燒得好靚,咬落仲好juicy又唔會鞋,薯蓉裏面有細細粒的薯仔,入口即溶,蔬菜係即炒的,加上特製醬汁,特別美味.香蒜蜆肉蟹肉扁意粉:蒜片用低溫慢火煮的,沒有辛辣味,甘香可口.我平時都唔鍾意食蒜片的.但這次真係好好味.蜆肉和蟹肉都算多,加左紅尖椒有少許辣,令到個意粉更惹味,好正.