Fika

营业中

休息中

住係坑口附近嘅都知坑口村出名餐廳多，放工同朋友去睇下有咩啱食，發覺新開咗幾間餐廳，朋友想食西餐所以我哋就揀咗環境開揚嘅"FIKA"🍽️意大利水牛芝士番茄沙律配青蘋果爆珠：柔軟嘅水牛芝士搭配新鮮蕃茄片，配上黑醋、橄欖油同羅勒醬汁，入口清爽非常開胃！原本見到青蘋果爆珠放喺沙律入面覺得有啲奇怪，意想唔到將青蘋果爆珠、水牛芝士同蕃茄夾埋一齊食竟然出奇地夾🥗惹味水牛城雞翼：雞翼炸至外脆內嫰，醬汁相比平時食開嘅辣度較低，食開微辣嘅朋友都接受到，酸酸辣辣非常惹味！FIKA自家製雙重煙腩卡邦尼意粉：店員推介嘅招牌卡邦尼意粉，肥而不膩嘅雙重煙腩分別係意大利豬腩同本地豬腩肉，口感各有不同但同樣甘香美味！廚師仲會係客人面前將芝士磨碎灑上意粉上面😍扁意粉彈牙有嚼勁！日本蛋蛋味香濃，蛋汁份量同溫度都控制得相當好，入口香滑而且忌廉味道濃郁❤️店員有禮貌，食物上枱時廚師仲會出嚟介紹食物，係一間非常用心嘅小店👍🏻

行過坑口村發現新開咗有間望落幾靚幾chill嘅西餐廳，店員又好熱情咁問我哋有冇興趣試下佢哋特色意菜，就比佢吸引咗入去試下。餐廳唔算大，但成個感覺好溫馨。店員好親切好有心機會問返客人啲食物o唔ok，同每枱客都有講有笑咁。上菜嗰陣大廚仲會親自介紹返個菜餚比我哋知用咗啲咩材料同有啲咩自家製嘅特色醬，嗰種心思就知佢哋係好認真對每枱客。🔥意大利水牛芝士蕃茄沙律配青蘋果爆珠水牛芝士夾新鮮蕃茄配上黑醋加鮮榨橄欖油同埋個佢哋打嘅basil醬，本身已經好fresh。加埋青蘋果爆珠呢個新奇配搭再refresh多你一下。🔥唐掦魷魚個魷魚炸到外酥內軟再加上辣粉非常惹味，佢仲有個自家調配嘅芥末醬，甜甜酸酸咁，中和返嗰辣，成件事好match。🔥日本珍珠帶子意式香草醬意大利飯佢個飯加咗松子同蟹籽係上面，令個飯多咗啲口感，唔會剩係得啲軟淋淋嘅燴飯，而且帶子嘅量都好多，非常足料。個香草醬真係好香，會越食越想食。

1) 椰菜花忌廉湯看似簡單嘅餐湯，但就飲到濃稠而有益嘅餐湯，每一啖都好滋味。2) Dirty coffee💗店內有很多咖啡選擇💗鐘意咖啡嘅我，緊係要飲。3) 燴羊肉法邊豆貝殼粉$108採用紐西蘭去骨嘅羊肩肉切粒，甘荀、西芹、洋蔥、蕃茄煮淋羊肩肉同入味，用蜆殼粉目的，係讓每一口都能食到掛住嘅美味醬汁，真心好好食。4)燒美國豬肉眼（8oz） 配香滑薯蓉炒雜菜$118將美國豬肉眼👉醃製(主要令肉質鬆化)之後(不會🙅🏻‍♀️用鬆肉粉)用炭爐煎香👉有炭燒香味，再加牛油入焗爐焗熟。醃製過程能令豬肉眼入口鬆化，肉質唔會(鞋)蔬菜類不是一早炒定晒，而係每一張單即叫即炒熟。配上自家製燒汁(大量蔬菜、牛骨、牛肉、紅酒)5)西班牙橙香卡達拉娜$58👉西班牙式燉蛋(似法式焦糖燉蛋，只係冇咁滑身，質感同味道會再濃厚實d)好濃嘅蛋香味(比平常落多好多蛋黃做燉蛋，所以味道更加濃)再加入橙皮，咁食入口就會有陣陣橙香。

將軍澳坑口村地面有好多唔同種類食肆每次去完朋友屋企搵食都超方便最近發現開咗一間西餐廳裝修和環境都幾乾淨幾chill🍴桂花糖蕃茄忌廉湯👉🏻是日餐湯係店主+主廚嘅創意 蕃茄忌廉湯creamy得黎撒發住桂花香 第一次試到呢個配搭 意外的夾又有驚喜 好飲🍴帕爾馬火腿、日本青提拼田園沙律👉🏻沙律菜新鮮無苦澀味 帕爾馬火腿嘅鹹香玩清甜嘅日本青提 係一道好食又開胃嘅前菜🍴砵酒燴澳洲牛面肉意大利飯($118*)👉🏻煮得軟冧嘅牛面頰肉和菇、粒粒分明香軟嘅意大利飯 熬煮得非常入味 加上砵酒使整體味道多了一份香醇 🍴香蒜炒大沙白蟹肉扁意粉($108*)👉🏻無論係口感和味道都與意大利飯成對比 香口惹味嘅香蒜 扁意粉唔會炒到好冧 👉🏻海鮮亦豐富 有大沙白、蟹肉和蝦肉🍴西班牙橙香卡達拉娜(+$28*)👉🏻唔清楚甜品會唔會更改 但當日係卡達拉娜 整體唔係好甜 橙香味突出 👉🏻軟冧冧嘅口感 配上側邊嘅殼物脆脆 口感上對比更吸引🗣️欣賞整體味道剛好 唔會太鹹或太油🗣️最近推出的 聖誕新年lunch menu 除左pasta還有扒類 選擇都頗多

果日經過坑口村發現有間新餐廳爆晒場今日特登揀個平日黎試下家庭式餐廳店長相當友善有同我地介紹菜式揀左一輪決定試個二人晚餐餐湯桂花蕃茄忌廉湯聞一聞真係有陣桂花香味入口花香更加濃烈很是驚喜！隨後蕃茄鮮味在口內爆發非常非常鮮甜一定係新鮮蕃茄先可以做到呢個效果👍👍牛油果蟹肉脆餅脆餅入口即脆配蟹肉牛油果正好開胃XO醬香蒜大蝦蝦干扁意粉扁意粉掛汁入口係微辣惹味嘅XO醬大蝦蝦肉彈牙同樣係新鮮靚貨炭燒加拿大豬胺配溏漬蕃茄沙律豬胺質素上乘唔會太老太鞋但個溏漬蕃茄先係我嘅至愛同樣用上桂花糖溏漬嘅鮮茄入口又香又甜非常非常清新解膩我願意為個溏漬蕃茄再來十次！！！本來套餐仲有甜品但當日已率先沽清店主offer我下次再黎為我甜品加碼🫣我當然卻之不恭期待下次再黎會有其他驚喜🤭🤭

之前都會黎下坑口村食下飯，價錢比起商場黎講便宜又吾錯，今次行過見到開左間新餐廳及cafe就想試下睇點好吾好食。個裝修相對其他鋪頭黎講比較開放式，空氣相對比較流通，更好接觸到外面的感覺，有一種與外界接觸而吾係用玻璃去隔斷左既感覺，相信下次黎叫返杯咖啡坐係到嘆下既感覺會好不一樣😄😄因為我地第一次黎，所以睇menu 簡左幾個我哋有興趣既餐點試吓，佢哋仲有晚餐兩人餐可以簡，如果想試多點餐點既可以試吓兩人餐。第一道菜係前菜吞拿魚他他配法式多士，廚師會出嚟幫我們介紹一下餐點內容同埋佢既特點，重點係旁邊既蕃茄湯凍粒，係特制既，食落酸酸甜甜仲有少少辣椒仔既味道，味道吾錯，夾埋吞拿魚他他同多士一齊食又別有風味。我朋友覺得多士既份量少了一點點🤏，我哋食完多士塊仲有剩下的吞拿魚他他同蕃茄湯凍，雖然淨食佢地都吾錯，但是夾埋多士係會令佢既風味更上一層樓。第二道上既係意大利紅蝦蝦汁扁意粉🍝上菜時廚師依然會出嚟同我哋講解菜式，今次嘅意粉特點係用咗蝦黎煮左個湯出黎再煮意粉，所以佢嘅蝦味特別濃郁。加上佢落咗好多蕃茄仔，中和左成個蝦湯有少少酸酸地又有好濃郁嘅蝦味。第三道菜係主菜炭燒加拿大豬胺配溏漬蕃茄沙律🥗今次嘅重點除咗

我住左將軍澳區差唔多五年，但今日係我第一次行入去坑口村🤣，Fika係唯一既一間意大利餐廳。入面環境唔算大，但大部分顧客同職員或者主廚都有講有笑，充滿溫暖。- 是日餐湯黑松露湯質感比較濃稠，味道唔錯。- 牛油果蟹肉脆餅賣相真係麻麻，但蟹肉好足，加上紅椒、三文魚籽同牛油果，口感豐富令人真係會食唔停口，可惜得兩件😢- 日本珍珠意式香草醬意大利飯珍珠帶子好细粒，肉質爽口彈牙，香草醬好清新，口感唔會話太濕潤，最緊要係意大利飯煮得啱啱好👍🏻- 卡邦尼意粉餐廳用左扁意粉，軟硬程度適中。有別一般餐廳既卡邦尼意粉，Fika同時用上豬頰肉同埋豬腩😍，豬腩更加係自己醃製，肉味濃郁，再加上日本蛋同芝士碎，味道更加豐富。原來坑口村有間咁出色既意大利餐廳。就算地理位置唔太方便，我都會再光顧。

坑口村開左間西餐廳叫Fika 雖然距離地鐵站有啲遠 但係環境好chill 餐廳員工有禮貌 服務唔錯 好啱同朋友傾偈食飯-🥑🦀牛油果蟹肉脆餅 $88估唔到牛油果同蟹肉咁match 牛油果好新鮮 呢個appetizer好清新好refreshing - 🍗脆炸雞翼 $58炸到好香脆 但入面一啲都唔乾-🐷炭燒西班牙黑毛豬梅頭 烤日本番薯 $288個豬胺黑毛豬食落好juicy 煎得淋身 用慢煮嘅方式煮完再去炭燒 所以帶有焦香味 另外日本番薯超級甜-📍Fika將軍澳坑口村24號地舖

咁啱經過坑口村見到新開嘅餐廳就同朋友試下，見又可以飲下紅酒又有戶外就叫左個青口同義粉，點知咁好味越叫越多😂講真香港地集團式餐廳咁多又貴，難得有間高質小店，真係要支持下因為賣少見少。

🉐隱世西餐廳 🉐服務態度一流🉐廚師用心烹調〈牛油果蟹肉脆餅〉🥑🦀🌮蟹肉份量都幾多，同牛油果蓉撈埋一齊，夾埋脆餅一齊食，口感好豐富。〈巴馬火腿無花果沙律〉🥓🥗沙律方面有兩款選擇，我知道無花果係一樣好有營養嘅生果，所以呢款沙律特別健康，加埋鹹鹹的巴馬火腿，唔會太單調。〈炭燒加拿大豬胺配溏漬蕃茄沙律〉🐷🥩🍯🍅🥬豬胺燒得好香，即使咁厚身，但係都燒得好平均，唔會燒得太過火；值得一讚係，餐廳連烹調配菜都好用心同美味，尤其係平平無奇嘅蕃茄都用上桂花糖醃制，味道絕對唔會比主食遜色，非常抵讚！〈XO醬香蒜大蝦蝦干扁意粉〉🌶️🦐🍝估唔到上相XO醬煮意粉係可以咁夾，鹹香味十足，意粉係al dente🤌🏻大蝦爽口彈牙，非常美味。〈橙香卡特拉娜配雪糕〉🍊🍮🍨餐廳嘅卡特拉娜口感好特別，加埋有雲呢拿籽嘅雪糕，絕對同平時喺壽司郎食到嘅唔一樣！

Fika坑口村不嬲有好多穩世美食， 今日路過見到新開左一間西餐廳，所以一於就試下佢！牛油果蟹肉脆餅混合牛油果蓉加上青紅椒， 清新又健康。卡邦尼意粉同一般卡邦尼意粉唔同，佢唔係用煙肉而係豬腩仔肉， 入口好有油香。佢擺盤都好靚， 大大隻雞蛋黃好吸睛，上面仲灑上芝士碎。意粉係用扁意粉， 食落好有咬口同彈牙！香濃黑松露醬配薯條薯條香脆，咸度適中同黑松露醬都幾夾！

坑口村多好食相信好多人都知，不過最近就新開左間西餐廳叫Fika，裝修簡潔，一入到去餐廳員工好有禮貌問我地想坐室內定室外，又會好主動咁斟水，服務好好。 是日餐湯x2 $28@1 今次我地既餐湯係南瓜湯同磨菇湯。南瓜湯清甜細滑，唔會感覺好假落左好多糖咁。磨菇湯加左忌廉又滑又香，仲有少少磨菇粒食到。 香煎海鱸魚配青口忌廉汁香烤意大利青瓜 $228 鱸魚都幾大塊同厚身，魚味十足而且啖啖肉，好過癮。青瓜有輕輕燒過，所以有微微焦香，同鱸魚非常夾。 Fika自家製雙重煙腩卡邦尼意粉 $158 意粉爽口彈牙，索哂d汁好香，另外佢地既煙腩好厚切，所以食得出個口感爽彈有肉汁，值得一試。

見最近坑口村開左間新餐廳，閣樓下有窗口位，餐廳令人覺得好chill好放鬆，可以慢慢同朋友傾偈食吓飯！dinner仲有2人set都幾抵食，有soup、main、pasta、desert同飲品幾豐富！重點係我覺得佢既野食唔漏、同埋都幾fusion！推介！牛油果蟹肉脆餅： 入面有超爆多既蟹肉、青瓜粒、蕃茄粒，連埋牛油果醬，成件事好有咬口好fresh，再加埋脆餅，做appretizer very nice！好想食多2塊xd happy hour送下酒一流！Fika炸雞配青檸乳酪醬：平時一食韓式炸雞就會覺得好漏好肥膩，但呢個青檸乳酪醬好清新、帶小小酸味，食落好fresh同開胃！而炸雞好juicy，唔會係乾爭爭👍炭燒豬胺配溏漬蕃茄沙律：個豬胺食落好淋身juicy，似係用心慢煮完先再去炭燒，炭燒令到個豬胺有坑紋同埋帶有焦香味👍溏漬蕃茄既酸酸甜甜激起左個食慾！feel到設計menu既人都唔鍾意太漏既食物👍日本珍珠帶子意式香草醬意大利飯：珍珠帶子細細粒幾有鮮味又可以一啖過，個青醬有羅勒、巴馬臣芝士、蒜頭、松子和橄欖油既材料，所以令到個味道層次好豐富，增添草青味，又係一道fresh既意大利飯，令人想食多d

坑口村最近真係好出名,好多餐廳食同咖啡店,而且坐得好舒服。今日去左新開既餐廳, FIKA, 都好有意思既餐廳。因為已經食左LUNCH,只是想同朋友輕鬆傾下計,所以就選左依間,點了一個甜品同一個小食。1.     香濃黑松露醬配粗薯條黑松露醬真係無得輸~加埋香脆薯條,真係好CHILL 既下午茶2.     朱古力心太軟配雪糕有圖有真相,真係會流出黎既,配埋雪糕食真係一流最後仲叫左杯MOCHA~完滿既一個下午,真係唔錯。坑口村的確係一個好地方消磨下午,而且無咁嘈吵,輕輕鬆鬆咁,相信我會再來。

今日同家姐行過見到新開西餐，諗住試一試，一坐底d侍應態度好好，d食物擺盤又好靚，我地試咗個香蒜蟹肉蜆肉扁意粉，同埋燒美國豬肉眼勁正，係個南瓜湯太小碗唔夠喉。如果大碗d就好了。下次黎一定要試下晚餐先得。