Fifty Fifty (已結業)

4點幾入去飲杯咖啡，諗住等到7點左右去搵朋友食飯入面得幾個客仔，我本身病病地，所以剩係叫左杯熱飲同要左杯熱水食藥之後5點左右d tea客都走哂，得返我一個，見d staff set緊位for dinner, 我都好禮貌問佢要幾點要交返枱比佢，佢答6點由我order到我埋單我都有講唔該，但佢地都係好似講多兩隻字會短幾年命咁，笑容又冇，我問佢要杯水（有講唔該）佢都可以唔答我（但有比水我），做開飲食業既我一向好注重對waiter/waitress既禮貌，但佢地都可以黑面到咁，真係忍唔住要寫評語。一個女waitress同一個男人收銀，兩個已經冇野做，serve一個客都可以嫌麻煩，真心不如轉行啦，服務業唔岩你。如果老細知道你靜到咁既tea time都可以咁hea做，真係鄧你老細慘。雖然杯埋單30蚊only, 但都唔係西到咁掛ps 杯greentea latte正正常常

Fifty Fifty-燒澳洲肉眼扒配雜菌汁$88(Set lunch )可以選飯 意粉 薯菜。肉眼扒煎得幾脆 質感好淋 好大塊。咁既價公性價比真係好高。香煎法國鵝肝配焦糖蘋果$88鵝肝整得唔錯 外層煎得脆脆的 入面少少生 配埋焦糖蘋果無咁膩。Hazelnut caffe latte $32好香hazelnut 味 同時咖啡味都好香！Caramel caffe latte $32caramel 甜左D 都係鐘意hazelnut個杯多D。-地址 長沙灣東沙島街青山道181號地下C舖Shop C, G/F, 181 Castle Peak Road, Pratas Street, Cheung Sha Wan港鐵長沙灣站 A2 出口, 步行約4分鐘電話號碼36124901

今日約左兩個死黨聚舊，大家都係長沙灣荔枝角依頭放工，就揀左依間都幾多好評既西餐廳！餐廳用QR 無紙餐牌，所有主菜加$20就可以變套餐，嗌左是日推介–焗蟹羔海膽意大利飯，上菜配埋蟹蓋，但唔見海膽蹤影，要好細心搵先搵到少少，所以主要既味道係黎自蟹羔，意大利飯口感軟腍但調味鹹左少少！另外仲有三文魚煙肉刁草忌廉扁意粉，三文魚有三預片左右，煙肉就比較多，意粉軟硬算適中，忌廉味好重，食得多會覺得有D 頸渴！仲有重頭戲–火焰燒豬手，視覺上係幾有驚喜，但味道就比較遜色，個皮可能太厚所以好硬唔脆，豬手一食落就覺得好鹹，所以好快就停左手！最後有甜品做尾聲，應該係焦糖芝士餅，份量都幾大份以Set Dessert 黎講，食落亦好重芝士味！

好鍾意耐唔耐去長沙灣深水埗區搵嘢食，嗰時見到呢間裝潢比較新穎又有氣氛嘅西餐廳，每次見到都好多人坐滿晒座，今次見到有枱就入去去試一試啦。間餐廳幾特別採用左無紙餐牌，提供QR code或者網站叫食客上網睇，幾得意！員工又好好禮貌好肯推介同介紹。⭐️跟餐南瓜湯⭐️小食拼盤我最鍾意嗌拼盤，因為可以食到好多種類型嘅炸物。呢間做得幾好仲有炸號蠔，外脆內軟好香蠔味。魷魚圈都唔錯。⭐️煙三文魚煙肉叼草忌廉扁意粉好好食呀個意粉，意粉每一條都臉上滿滿嘅醬汁！而且佢嘅材料好多，一啲都唔吝嗇，超多煙肉超多三文魚㗎。⭐️芝士焗蟹膏蟹蓋配海膽意大利飯呢個飯材料又係份量好足，好多好多蟹膏！店員建議我哋將所有蟹膏撈入啲飯入邊食，仲有海膽添。⭐️火焰豬手一上枱店員就表演火焰豬手！😂好讚嘆，豬手好大隻好厚肉。分量多到我哋三個都食唔晒。佢嘅底部有層薯蓉，好滑，好香忌廉味。要提一提企係佢哋跟餐嘅甜品，上碟時已經非常吸引，好濃厚好重芝士味嘅芝士蛋糕。咁就圓滿咁食完我哋呢一餐啦！

昨晚和2位老朋友到這餐廳吃晚飯因其中一個朋友快生日了，所以順道與朋友慶生用OpenRice訂位，主題 ： 寫了上了 ✏️生日🎂餐廳就很窩心自動為朋友預備了一個小小驚喜：生日歌和甜品寫上Happy birthday食物味道很好，CP 值高

臨近聖誕當然要同朋友密密食，今次就經朋友介紹下來了長沙灣的「fifty fifty」。餐廳怖滿了聖誕節飾，充滿節日氣氛最特別的是，餐廳使用無紙餐牌，需要用手機掃一掃QR code來選擇食物，咁環保的做法真的是第一次見，十分欣賞餐廳的做法，又易用又環保由於我同朋友不算大吃，為免浪費食物，我們最後點了一份套餐，加兩份小食。套餐方面，我們選擇了帶子黑松露意大利飯。份量比想像中的大，一上菜便聞到香濃的黑松露味，飯粒粒粒分明，十分鬆軟入味！而小食就點了小食拼盤跟黑白醬薯條，小食拼盤雖說是二人份量，但亦足夠三四人share，拼盤內分別有炸蝦，炸蠔，炸魷魚圈同雞翼，廚師炸得剛剛好，吃起來十分香脆可口，而且一點也不油膩！至於黑白醬薯條分別利用了黑松露醬跟芝士醬，兩款都是我喜愛的口味，讚最後吃埋套餐的甜品-芝士蛋糕，為是日的豐富晚餐劃上一個完美的句號。

之前聽朋友提過，話尼間餐廳吾錯，所以今日就黎試下啦~尼度係scan qr code 黎睇餐牌嘅，環保又方便。lunch set 包餐湯同野飲，落完單餐湯好快就上。今日嘅餐湯係甘荀湯，好足料，飲到甘荀嘅甜味。叫左一個黑蒜香辣雜菌天使麵。麵嘅份量多，好香橄欖油味，一入口雜菌味爆發，最後先會有微微嘅辣味，吾食辣嘅人都可以試下。另外一份係燒澳洲肉眼扒配牛肝菌汁同薯菜。塊扒煎得吾錯，吾會過熟，肉味重。薯蓉好好食，好creamy同好滑。最後當然吾少得甜品，叫左兩份芝士蛋糕，芝士味超濃郁，好滿足。

今日同朋友去完堔水埗唱k, 出到黎就去食午餐，咁我地就行去附近長沙灣青山道fifty fifty到食西餐，進到餐廳裏面，先知道係用冇餐牌模式，要用手機掃Qrcode,再向店員落單，我覺得幾特別而且環保餐湯係磨菇湯有香濃磨菇味道，忌廉味又香千島醬海鮮pizza$138皮薄食落好香脆，海鮮有魷魚，蝦，仲有菇，食落唔會單調，千島醬味道甜甜，配上pizza更加好食辣蝦肉鮮茄意大利麵$58醬汁甜甜辣辣食落好開胃，唔洗辣椒仔都夠味，意粉彈牙

💁🏻‍♀️Fifty Fifty (長沙灣) 🍴-難得一遇長沙灣高質西餐廳，勁好生意，食物精緻擺盤靚，果然名不虛傳！Fifty fifty 小食拼盆（$68)雖然二人份量，但都好大份，抵食！有我至愛嘅炸魷魚🦑圈、炸蝦🍤同雞翼，金黃香脆，但食落又唔會太多油 香煎大虎蝦闊蛋麵（$128)食闊蛋麵最驚會超大鹼水味，好彩呢個意粉冇，個cream sauce好夾，麵質夠chewy，唔會太腍，大虎蝦煎得勁香，肉質彈牙，高質！焗香蒜牛油鮮飽魚意大利飯（$168)同樣高質！勁香蒜頭味，好足料，未試過risotto加埋鮑魚食，當堂成件事高級左，個鮑都唔會好細粒同唔腥，送飯食好好味虎蝦香辣肉腸香蒜鮮茄蓉忌廉長通粉（$118)好惹味嘅一個意粉，個汁用鮮茄蓉煮，所以好清甜，加埋辣肉腸有少少辣，口感好豐富，虎蝦同樣爽口彈牙甜品（＋$20)加埋錢有個小cheese cake，好creamy，唔錯！/📍Fifty Fifty (長沙灣)#長沙灣 東沙島街青山道181號地下C舖

臨近年尾，想搵間餐廳好好大刷一餐，fiftyfifty裝飾好有節日氣氛，食物選擇都好多，一於就揀呢間餐廳～～呢度係用電子餐牌，夠環保，亦方便易用～我order左鮮大蜆香草白酒墨汁意粉，大大粒既蜆肉，賣相味道都okay,呢度既墨汁意粉係整面條既時候已經加入墨汁，咁就唔會食到成個口黑晒咁狼狽，用心之作！另外，朋友揀既日本刺身帶子鮮黑松露意大利飯都好正，黑松露好香，軟硬適中既risotto，好夾鮮味厚肉既帶子～～呢度加$20可以轉set,餐湯係香濃既周打魚湯，仲有餐飲同甜品，好抵食！！

呢間fifty fifty其實之前好幾次經過都想試下，今次終於有機會捉埋男朋友黎食。臨近聖誕仲有裝飾十分有氣氛。.因為我地六點半左右就去到，所以人就唔係好多，一入去就有得坐。咁一坐低店員就問我地有冇黎過，同我地講餐牌要用電話掃QR code先睇得到，又幾特別喎。睇完餐牌我地就點左一份燒紐西蘭羊架配蒜香紅酒汁同一份香煎大虎蝦蝦頭油闊蛋麵，再加20$就可以upgrade 做set，有湯有餐飲有甜品都幾抵。.點完餐轉個頭個湯就到啦，是日餐湯係蘑菇湯，好香。.之後係燒羊架上菜先，我們點了7成熟，羊架搭配微酸既紅酒汁食有油香得黎又唔會覺得膩，岩岩好。而佢既配菜亦都食得出有花過心思去整。成個燒羊架整體都唔差，唯一要注意既係羊架始終都有少少膻味，真係接受唔到既朋友慎點。.另一道菜亦都隨後而上，闊蛋麵軟硬適中，充滿蛋香味，每一條麵條都能沾滿蝦油味，大蝦亦爽口彈牙。.最後是日甜品係一件cheesecake ，為這頓晚餐畫上一個完整句號。

今晚去左長沙灣果邊睇戲，睇完就去左搵下野食。係長沙灣行行下見到呢間西餐廳，坐左九成滿，應該唔錯，就入左去試下。咁啱有張吉枱就俾左我地坐，下次嚟記得訂枱！另外，呢度個餐牌要上網睇，落單就要搵職員幫手落先得。我地揀左虎蝦辣肉腸香蒜鮮茄蓉忌廉尖通粉同焗香蒜牛油鮮鮑魚雜菌意大利飯，兩個都分別加左餐，分別有湯，飲品同甜品。是日餐湯係周打蜆湯，加左胡椒粉啲味更加出，而且仲有蜆架！好快主菜就上枱，兩個都好大份，亦都好入味。個尖通粉嘅茄蓉好好食，虎蝦都好多好大隻。而個意大利飯都煮得夠軟熟，兩隻鮑魚都煮得好好食。最後，個餐茶我地要左凍檸茶，另外是日甜品係朱古力奶凍，另外我地加錢轉左一個做浸沒咖啡雪糕，都幾特別。有機會都值得一試架！

平日晚上收工都好少出街食，今日行過長沙灣東沙島街，見到一間鋪頭門外好靚的聖誕裝飾，於是就走左入去食。入到去，證明我冇去錯地方。因為入到去氣氛很好，雖然人很多，但足以證明餐廳質素係有保證，對於我第一次利是的確係有信心保證的作用。 我地入到去，就叫兩個主食，一個係安格斯扒，一個係意大利飯。 先講個意大利飯，個汁好食，而且個飯都幾正宗，有一定嘅硬度。 至於個安格斯扒，叫咗七成熟，配埋個汁，十分搭配。 個環境氣氛唔錯，都有一定嘅氣氛，特別是岩岩聖誕，真係可以架。 至於個甜品，係朱古力布甸，味道夠濃，亦好有口感。 最後到杯餐飲，一個係聖誕特飲，個棉花糖公仔好有心。 另外一杯就係加了忌廉嘅七喜，味道好夾。 總而言之，呢餐好滿足。

今日同朋友試了Fifty Fifty ，環境幾有格調，氣氛都不錯，幾舒服。我們一共叫了3個小吃，2個主食。小吃分別有蜜糖單骨雞翅，焗香草牛油翡翠螺和Fifty Fifty 黑松露醬大啡菇。首先，蜜糖單骨雞翅甜而不漏，有烤過的香味，口感爽脆。第二是焗香草牛油翡翠螺，味道比較清淡，不會太油膩，比較清甜，口感舒服。接著是Fifty Fifty 黑松露醬大啡菇，黑松露和大啡菇真是絕配，大啡菇很甜，黑松露很香，味道不錯。第四是卡邦尼義大利麵，最讓我驚喜的是麵是很熱的，味道也不錯。最後是蟹膏海膽義大利飯，是我們最喜歡的一道菜，因為蟹膏真的是原汁原味，而且份量也不少。另外，海膽的味道也很濃郁，份量也不算少。雖然這餐廳不大，但是菜的水準卻出乎意料的好。是一家值得嘗試餐廳。

今日同幾個大學同學聚舊，佢地揀左fifty fifty，所以今日特登過海嚟食。好彩朋友有訂枱，我地去到已經full哂，有幾枱一班人慶祝生日。餐廳裝修都幾有特色，坐位舒服。餐廳用左冇紙餐牌，掃qr code睇餐牌。我地今次叫左三個主食，每個主食加20蚊升級做套餐，有餐湯，甜品蛋糕同20蚊內餐飲。另外仲叫左個二人份嘅小食拼盤。餐湯味道夠濃，份量適中。小食拼盤嘅炸物種類都多，最鐘意入面嘅單骨雞翼，其他炸物都唔算油。其中一個主食叫左香煎大虎蝦蝦頭油闊麵，蝦味好香，食落似龍蝦湯意粉嘅味，虎蝦都好足料。第二個主食係虎蝦香辣肉腸香蒜鮮茄蓉忌廉尖通粉，可能有忌廉嘅原故，個意粉整得幾creamy，食得出用左新鮮蕃茄，冇乜人工茄醬味。第三個主食係焗香蒜牛油鮮鮑魚意大利飯，有鮮鮑魚感覺回左本。甜品係芝士餅，不過不失。整體野食嘅質素都唔錯，可以翻食。