Fifty Fifty (已結業)

Not planned to try but at the end we still decided to give it a try but unfortunately it was a bad decision.其實本來也不打算吃這間餐廳，只不過是朋友介紹下才打算試一試。但在打電話預約的時候卻給予粗口問候LOL (因為預約時訊息不好對方好像一直都聽不到我們說話，最後收線時給粗口問候了一句)The restaurant wasn’t too clean I think because there were many small insects flying around.餐廳的衛生情況有待改善，因為進食期間不斷發現有細小昆蟲飛來飛去，十分滋擾。– Paperless Menu 無紙餐牌 –I found that paperless menu is a very user-unfriendly thing, which I couldn’t order through the website or app, I could just view the menu

餐廳環境舒適，幾適合傾下計。今次叫咗2個dinner set 再加個小食。南瓜湯上有5050字樣嘅cream，幾有 signature，好 creamy 但係唔會好膩，唔會太飽法式焗田螺，田螺內臟都清理好，調味豐富，仲有少少薯蓉薦底，吸收晒啲田螺嘅鮮味，佢個size比平時嘅都較大。好開胃$68有六粒， CP值好高。澳洲肉眼扒配大蝦，大蝦上有焗得好香嘅蒜蓉芝士，蝦肉爽口彈牙， 大大啖食好滿足。雖然冇得揀幾成熟，不過我覺得啱啱好，大概處理到5成左右，唔會老。我最鍾意就係啲汁有少少紅酒味，好香甜。焗蟹膏海膽意大利飯將啲蟹膏同啲海膽同啲飯撈埋一齊，撈勻啲先會好食。蟹膏嘅份量非常慷慨，蟹膏同飯真係絕配，啲飯唔會好軟，粒粒分明。嗌主食加$20 ，有餐湯、甜品同餐飲，非常之抵食，記住要加。但我嗰日個甜品係奶凍，就不過不失，因為上網睇好似蛋糕比較吸引。

今日同男朋友行經長沙灣，見到餐廳幾有情調，所以入去食晚餐。餐廳彩用無紙餐牌，食客可以掃描QR code睇menu，好方便。今日我地叫咗2個set dinner，好抵食，有餐湯、主菜、飲品同甜品。餐湯係周打海鮮湯，好濃郁，重食到蜆肉、魚肉等海鮮。主菜叫咗牛肝菌雜菌扁意粉，唔會乾身，芝士味亦濃，扁意粉硬度適中，配上牛肝菌，好夾。另一份主菜叫咗澳洲肉眼扒配大蝦，肉眼扒五成熟，煎得啱啱好，濃濃嘅牛味加上個汁，好食。而大蝦開咗邊，唔洗用手拆殻，好方便，配菜重有creamy薯蓉同沙律菜。另外，我地加咗個小食，自家製鵝肝醬多士。多士香脆，配上鵝肝醬，個陣油脂香係口溶化，正到不得了。甜品有賣相同味道都超班嘅黃莓芝士蛋糕，面層蕉糖香脆，而芝士蛋糕口感creamy，非常好食。我地重叫咗荔枝檸檬梳打同薄荷青檸梳打，好fresh，前者荔枝味重，好好飲，後者就醒神清爽，唔甜。

好少過嚟長沙灣呢邊食嘢，今晚黎開呢邊搵朋友，順便喺附近睇吓有咩食，然後見到呢間好靚嘅Cafe，暗暗地好適合聚餐，於是同朋友一齊試試。餐廳內嘅裝修行復古路線，打下卡的話都唔錯。《海鮮芝士火鍋》$188份量好多，有蝦、墨魚仔、帆立貝、青口，仲有麵包粒同大量薯條。芝士醬有蠟燭可以保持熱度，芝士味都好濃郁，不過不太流質，好難附到係啲海鮮上面。值得一讚嘅係薯條炸得剛剛好，夠香脆，食到停唔到口。《馬拉大蜆墨魚麵》$128呢個真係墨魚麵而唔係用墨魚汁煮成嘅意粉，我係第一次食，都幾特別唔會整到成個咀污糟晒。大蜆都好有鮮甜嘅味道，整體唔錯。附送一餐湯係南瓜湯，味道都唔錯南瓜味好濃郁，仲食到南瓜蓉。套餐升級甜品拼盤只需加$30，真係好抵！甜品都有好幾款，包括忌廉pancake、芝士餅、Tiramisu、雲呢拿雪糕。估唔到雪糕出奇的滑，以為只係普通嘅雀巢雪糕。而芝士餅好高質，夠晒黏實，係我鍾意嘅texture! 呢度嘅食物選擇好多，有機會再嚟試其他。

朋友介紹話呢間餐廳食物唔錯，今日就嚟一試。見到有晚餐散叫、有套餐。總括嚟講晚餐好似相對地經濟，而且已經睇中左其中一個餐。牛扒配大蝦，呢個係絕配，已經睇中。牛扒夠大塊，味道唔錯。煮得剛剛好，唔會太老，唔會太生。大蝦都算新鮮爽口。仲有啲沙律菜。另外仲叫咗魚，賣相都整得幾好魚有差唔多三小塊，味道OK但我覺得老咗少少。個底仲有薯蓉唔錯。薯蓉軟綿綿有牛油香。餐飲都係基本咖啡、奶茶、檸茶、檸水，不過咁啱是日冇咖啡，就叫咗檸檬茶。

呢度用QR code睇餐牌，無紙餐單，非常環保。餐牌有好多食物選擇，不過其實都唔容易睇，要慢慢睇😛有指定晚餐，如果其他主菜單點就加錢可轉晚餐。散叫咗個焗田螺，因為而家唔多餐廳有得叫焗田螺。呢度嘅田螺都唔錯，薯蓉夠香牛油味，田螺又夠入味。不過如果薯蓉再多啲就更好。主菜叫咗牛肩，呢個真係唔錯。肉夠香又夠林，醬汁好夾。雖然唔平，但係真係幾正值。跟餐有湯，夠大碗，味道都OK～最後仲有甜品，係芝士朱古力蛋糕。芝士味唔算好重，朱古力味相對地重，質感幾軟身。

放工與同事晚飯，去了長沙灣東沙島街青山道181號地下C舖Fifty Fifty吃西餐。店內座位舒適，燈光柔和，店員禮貌招待，二維碼點菜與時並進。牛肝菌雜菌扁意粉套餐 $98意粉彈牙爽口，醬汁味道恰好，配上牛肝菌和雜菌的鮮味更覺清新。燒澳洲肉眼配大虎蝦配砵酒汁 $168上枱時聞到陣陣燒香味，扒肉嫩而多汁，虎蝦鮮爽甜，擺盤精美，令人食慾大增。餐前南瓜湯，濃濃的南瓜蓉，鮮味順喉，入口香甜。餐後美味甜品，芝士蛋糕，濃陏芝士香味，入口即化，令人回味，還配上飲品，香甜奶茶和熱好立克，甚覺滿足。

好耐無去過長沙灣食晚餐，今次就去食西餐-FIFTY FIFTY，餐廳餐牌以電子形式顯示，用手機SCAN QR Code就可以睇到菜單啦。網頁簡單，係網頁頂就會有目錄分類。晚餐、二人晚餐、四人晚餐等等但並不是以手機下單，都係要叫侍應幫手。最後要咗兩份套餐，有餐湯和甜品。另加1份頭盤。跟餐餐湯係牛肝菌忌廉湯，牛肝菌味好濃郁 而呢碗湯一啲都唔HEA! 入面好多碎既牛肝菌粒湯來講又好有口感 焗法式田螺 6隻 $68 田螺唔會over cook，上台重見有泡泡滾緊田螺，而邊邊焗至脆香，田螺底帶有少量牛油薯蓉+ 蒜調味。之後叫咗2個套餐威靈頓羊西冷 威靈頓羊都係第一次食，主廚固定羊既成熟程度係medium cooked。酥皮夠脆，羊西冷半熟，食落juicy,，但凍咗少少羊酥味就會較重， 建議快速食同如果有醬料配搭食，會比較易入口味會更好。碟內有配沙律菜及薯條。松露雜菌芝士意大利雲吞野菌忌廉汁 大推呀！ 雲吞餡有大量雜菌，令成度雲吞都好入味，而且大大啖雜菌入口，素食者必選。而且忌廉汁好配合，最後成碟清晒。特濃朱古力沙冰 $45 X 冰雪玫瑰 $42（玫瑰+ 荔枝）朱古力味好濃郁，一定唔係廉價嘅朱古

因為疫情問題已經好耐冇出街食飯，建議加慢慢逐漸穩定就約咗朋友出街食飯。揀咗呢一間餐廳，主食西餐。.六點就黎到人流唔算好多，但係餐廳都有按足指引，張餐枱隔開，食都食得安心啲。燈光微暗，座位都坐得好舒服。.餐牌用電子版本，用電話Screen QR code睇餐牌，然後再叫侍應落order.叫咗兩杯嘢飲，朋友係香芋紅控，叫咗一杯香芋鮮奶，我自己就叫咗一杯脆脆朱古力。隻顏色好靚，應該係用色數溝出嚟，但係味道都唔係太人工，仲聞到好濃厚嘅香芋味.朱古力味濃，配埋Cream一流，雖然好友罪惡，咁但係好正😝.芝士焗蟹膏蟹蓋配海膽意大利飯.芝士蟹蓋膏，更好味，蟹膏好滑，好香，好鮮！我自己嘅食法係先拆蟹膏，與意大利Risotto 混合，再把飯釀回蟹身，味道濃郁。.威靈頓羊西冷.威靈頓牛西冷就食得多，今次食羊西冷。 呢個菜式係chef recommendation, 外皮好酥脆，味道都ok。配菜薯條都好好食，唔錯。

約咗朋友食飯，所以揀咗呢間餐廳，諗住試吓好唔好食。由於武漢肺炎嘅關係，枱同枱之間都擺咗塊板隔住，感覺食嘅時候都安心啲👍🏻首先我哋叫咗個小食拼盤，係兩人份量嘅，上面有啲炸魷魚，雞翼，炸蝦同埋炸生蠔等等，仲配左一個沙律醬點嚟食。雞翼有好重嘅香草香料味，同埋佢好貼心咁將雞翼嘅骨分開，食落去嘅時候每隻雞翼都係得一條骨，食起上嚟冇咁麻煩👍🏻而炸生蠔我就最鍾意，個皮炸得好香脆，入面隻蠔都唔細隻,識落好有鮮味！炸蝦都做得好出色，入面隻蝦都幾彈牙，而炸魷魚就幾有咬口，個皮炸得好薄！整體來講個小食拼盤都好好食主菜就叫咗個威靈頓羊西冷，威靈頓牛扒就食得多，威靈頓樣就好少食，所以叫咗黎試吓！佢做起上嚟都唔馬虎，入面都有搽蘑菇醬，羊肉咬起上嚟都好嫩滑，我自己本身好鍾意食羊，呢個羊我覺得幾好食👍🏻最後叫咗杯朱古力，飲落去朱古力味好濃郁，佢嗰陣朱古力味都唔係廉價嘅朱古力味，而係飲落可可味好重，但係有少少苦味嘅朱古力，我自己個人就幾鍾意😀

今天又去接朋友收工 黎到Fifty fifty ,疫情期間 座位少左好多 好彩有booking咋 因為見到都重係好Full好喜歡佢係掃QR cord 睇餐牌 因為朋友仔OT左一陣可以直接比個QR cord佢睇下食咩 好方便🤞🏻我地選2個晚餐 分別點左卡邦尼意粉🍝（$108）同巴馬火腿三文魚（$138）先飲返個湯先 今日係我最愛既白湯 不過個湯唔算好滑 有進步既空間而卡邦尼就幾好食😋超多芝士 同埋比較juicy 一d都唔乾 個汁調得好好食而另一主菜三文魚 同出面煮法唔同 佢面頭煎到卜卜脆 再配上薯蓉同沙律菜🥗都幾飽肚架然後就到飲品啦 分別點左凍同熱既香蕉🍌朱古力🍫 凍既朋友仔飲 我自己就飲熱 只係計個賣相 熱都贏左😂同埋真係好好飲 唔會太甜 推薦！最後重有蛋糕食🍰今日係芒果芝士蛋糕🥭畫上完美既句號😌

長沙灣其中一間好食西餐同朋友好耐無見，又唸著食西餐，又想冇咁多人（我諗最近其實都冇咩人出去食）所以選擇左呢間嘅餐廳，發現冇揀錯安排嘅位置幾好，隔離就係吧枱，而且同隔離檯距離都有番咁上下先上餐湯，味道還可以！朋友同我都係揀咗同一個set dinner，牛扒大蝦配薯菜～唔係薯條，係薯蓉牛扒雖然冇得揀幾多成熟，不過整得啱啱好揀咗一杯可以走甜嘅青檸梳打，配埋薄荷，感覺好清新最後加上芝士蛋糕，食完，畫上圓滿嘅句號

餐廳裝修型格， 懷舊復古感覺， 座位闊落舒適， 進入餐廳前，必要量度客人體溫及有搓手液提供，十分貼心， 餐廳冇紙餐牌， 只需素描枱上 QR code ， 環保方便。午餐: 餐湯+主菜+甜品+飲品 ($20以下飲品)香煎鱈魚柳檸檬牛油汁意粉( 午餐 )$78金黃色甘筍湯， 入口順滑、綿蜜， 還有啖啖甘筍蓉， 每口充滿甘筍的香甜。鱈魚柳新鮮煎起，外表煎至金黃香脆，入口脆皮酥化，魚肉輕輕一叉便散開， 魚肉雪白，味道鮮而軟嫰， 配上檸檬汁牛油意粉 ， 每條意粉掛滿誘人牛油香氣，清新可口， 非常搭配。澳洲肉眼扒配雜菌汁薯菜(午餐 )$88澳洲肉眼扒七成熟，上枱時， 散發陣陣香烤的香氣，肉質肥美， 入口嫩滑多汁，帶少少肥膏香口惹味， 沒有肥膩的感覺，牛扒配上雜菌汁，令肉香中滲出菌燒汁， 感覺特別惹味，薯蓉香甜滑溜， 與牛扒好合襯。麻辣雞翼配沙律(八支)( 茶餐) $40單骨雞翼烤至金黃酥脆， 賣相 令人垂涎， 外皮香脆 ，內裡汁嫰滑， 十分滋味， 帶淡淡麻辣味，惹味過癮，舔舔脷指數爆燈，配埋新鮮爽脆沙律菜， 感覺清新亦可助減油膩。粉紅菲菲 (士多啤梨+香蕉)$42粉紅菲菲用士多啤梨、 香蕉混合而成

長沙灣係一個私未開發過嘅地方，同朋友行過先發配有呢間咁有情調嘅餐廳。一行到去見到佢嘅佈置好精美，有一種高級西餐嘅感覺，有紅酒架，又有見到有客食火焰豬手。好吸引，一睇餐廳都覺得價錢合理，即刻試試佢。當日我同我朋友都唔算好餓，所以都係叫左d比較light嘅野食。芝士火鍋，芝士有啲啲鹹鹹地，而且延展性好高，拉絲打卡一流。芝士火鍋會配埋一碟拼盤，有薯條、魷魚，同埋其他配菜，同朋友吹水開心share就最岩！個鮮蝦沙律都係好選擇，鮮蝦大大隻而且爽滑，加上佢嘅沙律菜會一陣雪味，或者食落凍冰冰。如果咁岩減緊肥嘅朋友，都可以無有怕同朋友開餐。傾得開心開個生蠔，就最正啦。食美食又食埋氣氛，加埋地方都算闊落，不論朋友聚會定情侶拍拖都一樣咁正。

最中意食西餐既我又約埋朋友一齊去試新野，今次試左長沙灣既fifty fifty, 一試想再encore!同朋友一人點左一個晚餐: 炭燒安格斯肉眼扒和燒大虎蝦辣汁闊條麵。頭湯係忌廉湯，忌廉味夠濃，好creamy。安格斯肉眼扒厚度適中，唔會太薄無嚼頭，亦都唔會太厚太韌。牛扒亦都煎得剛好唔會over,保持到入面有肉汁，牛肉味濃!至於大虎蝦闊條麵都好好味，虎蝦唔會腥，啲肉咬落仲係爽口，唔錯餐廳員工亦都好細心，比多幾張餐巾我哋，同埋好有笑容，作為客人feel到好welcome