Fifty Fifty (已結業)

估唔到長沙灣都有咁濃厚聖誕氣氛嘅餐廳，用心嘅佈置令人好開心岩哂成班friends一齊黎聖誕gathering!!!Set dinner加$20 就有餐湯，飲品仲有甜品 平均都係百零蚊！今日餐湯係南瓜濃湯🍲 又幾清新試左呢個黑松露野菌意大利飯，味道濃郁得黎又唔會太咸，加埋芝士幾岩冬天另外呢個闊條麵相比之下就淡味啲，蝦🦐仲甩埋殼咁就唔使麻煩男朋友啦甜品簡簡單單有一球雪糕，唔夠喉嘅話可以加碼黎多客dessert

今日見天氣轉凍，去左長沙灣附近，落地鐵行一段路就去到呢間餐廳，因為佢裝修得太靚啦，好有聖誕氣氛入去點左兩個套餐，包湯、主食、飲品仲有甜品！一開頭緊係飲蘑菇湯暖下先蘑菇粒粒分明，有濃郁既蘑菇味，非常好。主菜叫左五成熟既牛扒拼薯菜伴菜既粗薯條好新鮮，牛扒岩岩好5成熟肉質唔錯！推薦粉紅蝦意粉，蝦既膏味深入到落意粉，啲蝦都煮得岩岩好！一啲都唔會太老，意粉軟硬都岩岩好，唔會太硬或者太淋。最後上既tiramisu和朱古力蛋糕都有水準，成間鋪裝飾都好有聖誕氣氛又坐得舒服！非常靚！

旅行回來後，專登約這位好閨蜜出來給她手信和提早食個聖誕飯💕在我們工作地點的中間點找了一間西餐廳ғɪғᴛʏ ғɪғᴛʏ店內已經始佈置聖誕燈飾，門口充滿了節日氣氛🎄☃巴馬臣芝士意大利雲吞 $108我未試過食意大利雲吞，見到餐牌有所以就叫一叫嘗試吓🤓我想像中的意大利雲吞是細細粒，估唔到原來都咁大粒嫁喎👀大約有6粒左右，芝士味和野菌汁很濃~雲吞入面原來係薯蓉炭燒澳洲豬鞍架配蘋果蓉 $168切既時候不需要用力都切到呀！肉質非常之嫩滑，咬落去一啲都唔鞋口～忍唔住要講句，非一般的豬🐷有薯蓉翠玉瓜作拌菜加$20就可以變成套餐，有餐湯、飲品和是日甜品餐湯是忌廉南瓜湯🎃，用了忌廉寫了5050，飲落很濃濃的南瓜味餐飲熱鮮花再+$4是日甜品食到我舔舔脷，是我喜歡的芝士蛋糕🍰

Fifty Fifty 是位於深水涉和長沙灣的中間，地舖不難找。星期六午餐不算多人，不用等位。假日也有午市套餐。我和朋友首先點了燒澳洲肉眼扒配巴黎牛油汁 (配是日餐湯)$88是日餐湯是周打蜆湯。 沒有什麼材料， 不見有蜆肉， 只有粟米粒甘筍粒和洋蔥， 有點鹹。肉眼扒好腍 好有肉味， 醬汁很好， 牛油汁不太重牛油味， 反而帶點甜味。另外點了一份全日早餐$68早餐腸，蕃茄，炒蛋，沙律菜，煙三文魚，大啡菇，手工麵包所謂手工麵包有點失望，麵包是凍的， 又不夠脆。炒蛋大啡菇味道有點淡。其它都是正常，沒有驚喜。這裏只接受現金和WeChat Pay。 附近沒有銀行， 要找櫃員機要走遠一點。

今日係荔枝角行完啲D2 Place，咁啱一堆朋友又即興話約食聖誕飯，交換禮物🎁所以即刻上網睇吓有咩好食先見到喺長沙灣同深水埗交界有間西餐廳，又見有好多好評，裏面既裝修又好有品味一於打去book今晚食飯先。我哋一行10人book左7點鐘一到達個門口就比個雪人同聖誕樹吸引左，真係好有聖誕氣氛，暫時係我見過最有心機裝飾聖誕樹嘅西餐廳，真係要加分，原來唔止門口裝飾得靚，係成間餐廳都好靚，包括個廁所🎄🎄🎄🎄睇嚟店主真係好用心打理呢間鋪頭，我會嚟多啲食！真心好鍾意呢度嘅環境！由於我哋有10個人，所以盡情咁嗌嘢食，首先嗌左嗰前菜先，蘑菇湯，fiftyfifty黑松露焗蘑菇，黑松露炸薯條，香草三文魚沙律，生蠔兩打，再嗌左個黑松露野菌天使麵，有骨安格斯牛扒，炭燒豬鞍配蘋果蓉，火焰豬手，煎三文魚扒首先個芝士焗蘑菇超級好食，裏面仲係好Juice，勁多水份，係出色嘅作品生蠔亦都好新鮮好肥美個天使麵有驚喜喎，平時我唔鍾意食天使麵，但係呢間餐廳煮嘅天使麵唔會好淋，唔會黐埋一舊舊，好味塊有骨安格斯牛扒好大嚿之好吸晴，啖啖肉，好有牛味，絕對推介一定要食！仲有今晚嘅主角原來係豬鞍💕💕💕我未食過啲豬扒係淋身，咁有豬味，所

朋友搵到新工就搵個地方慶祝下，見到有間餐廳佈置好有聖誕氣氛，順便慶祝埋聖誕。日本帶子海膽意大利飯 $138，一望餐牌已經俾呢款日式Risotto吸引，通常都係西式煮法，今次轉左日式煮法都幾特別，飯軟硬度適中，帶子大大粒，海膽味唔算太濃，但整體上都好味。法式燒春雞 $108，燒雞無論賣相同味道都唔錯，肉質滑嫩，配上薯蓉同蔬菜，好滿足。加$20可轉套餐，包括餐湯、飲品及甜品。估唔到甜品最好食，芝士蛋糕好滑味道濃郁 。最近多左去長沙灣深水埗一帶食飯，原來多左好多特色小餐廳，有機會多d再過來。

尋日睇完醫生, 行過見到呢間好classic既餐廳吸引我過去, 對我黎講呢間餐廳選擇唔算多, 但每一樣都係有心的。呢日我就同朋友食左兩個好吸引既。。先黎個湯, 望落好稀, 但好足味同埋比想像中係有口感係好好味, 唔似齋開稀去煮個啲。我就叫左個燒春雞配薯菜, 佢隻雞不大不小岩岩好飽, 外脆內軟似真係焗, 好香口, 薯茸入味, 連配菜都係切瓜洋蔥等, 對於我黎講配角係點樣就突顯餐廳既誠意, 如果佢係雜菜就即刻會大扣分。朋友就叫左肉眼扒配意粉, 看似無特別, 但煎扒師傅煮得一流,成塊扒熟度平均, 我睇佢大約七成熟, 選扒都好重要, 厚度對我黎講係岩岩好, 加埋意粉真係會好飽。西餐主角選材重要之餘最緊要係個汁, 兩味主菜個汁真係一流, 好開胃而不膩, 份量岩岩好可以成隻碟! 成件事都好簡單整齊!野飲方面我叫左個香芋latte, 好好味, 好似食緊芋頭雪糕咁! 拉花都好靚!! 好多地方整既latte都好淡, 呢間岩岩好!!而朋友叫個個係薄荷朱古力, 又係好夠味, 凍都夠味, 唔淡, 足料!環境清幽, 裝修靚, 座位算寬敞, 係一入門想坐低見到凳有碎屑, 呢樣係我既大忌, 扣左少少分。服務算好,但

約左#墨婆婆傾室內設計行過附近見到呢間餐廳環境設計幾得意就黎醫醫肚先#香芋牛奶咩都未點, 第一樣竟然係叫左杯香芋牛奶先唔知點解香芋飲品總係有種特別既魔力飲完會暖胃, 成個感覺好溫馨加埋個拉花都好靚, 令人心情舒暢~#大蝦沙律蝦肉爽口陣牙又夠大隻份量足夠我地兩個人食仲剩少少#香煎銀鱈魚配香檳忌廉汁銀雪魚扒夠大份, 我地兩個人SHARE食岩岩好外皮煎到香脆可口, 入口魚油飛濺, 肉質鮮嫩滑lulu!仲有少少唔夠喉, 追加一份#烤大啡菇一黎已經嗅到好香既黑松露味, 配埋芝士同其他配料去烤每一啖入口都係好濃郁既味道!

黎長沙灣搵女朋友，佢話想食西餐，就黎左fifty fifty restaurant,個名幾得意，一開始以為係做fusion 菜，但原來係好正統既western restaurant. 我叫左塊America Angus sirloin. Medium well. 加左$20 升級做set, 有餐湯同飲品，牛扒味道好好，廚師手勢唔錯，有肉味。最後甜品仲加左$30 升級要甜品四重奏，有cheese cake, 有雪糕pan cake. 樣樣有啲，甜品真係好驚喜。好好既一餐Christmas dinner!!

今日有野做咁岩去到長沙灣，行行下發現呢間西餐廳，睇落去好有聖誕feel，價錢都ok，所以就決定試下新野～環境好有feel，坐得幾舒服，岩曬同朋友吹水～炭燒澳洲豬安架配蘋果蓉汁 $168燒到8成熟既豬肉比較軟稔，炭烤味都重，塊肉既油脂分佈幾好，值得一試，不過個人本身期待蘋果蓉會有調味作用，點知食落又無乜味，如果調返有多啲味就完美了！阿根廷天使粉紅闊蛋麵 $108嘩，呢碟一上黎大家都係咁影相，因為啲蝦咁擺都幾靚，蝦燒到半熟仲有少少鮮味，都幾正，不過個粉既調味我覺得還好，因為我朋友話係蝦膏味，而我平時唔食蝦膏，咁鍾意蝦膏既朋友應該會鍾意食！加20蚊就有杯野飲、餐湯同甜品，緊係要加埋抵玩啲～呢杯香芋鮮奶幾正～最後上埋個冧酒cheese cake

公司搬咗去呢邊，所以以後都會在附近覓食😂男友接放工，入黎呢間主要係俾門口個雪人吸引咗好靚！好有聖誕氣氛～初頭見出面menu 有生蠔而入去，最後反而無㨂到😂變咗散叫～我們坐最旁邊叫咗個fifty fifty 炸小食拼盤，2人份量$68，炸得真心唔錯，有雞翼、蠔、蝦、魷魚圈，口感豐富，而且都幾大粒炭燒阿根廷天使粉紅蝦闊蛋麵，見係廚師推介而揀，份量唔算多但都ok，個人第一次食呢種蝦同呢種麵，當試下新品。可以加錢$20轉套餐，有甜品同餐湯同餐飲，都幾抵我們貪心，再on top加錢升級飲品做酒，Christmas hat係cocktail taste而x’mas sparkling wine係白酒黎。杯wine一上時，侍應會在面前加粒方糖咁既野，然後就充滿sparkling😂都幾得意！同埋都好飲，在呢個餐廳環境下飲酒精係開心relax既～結論：一間不錯既西餐廳，炸小食拼盤最好食～

今日做完私人事經過這餐廳🍴，肚子有點兒餓，看見門口已經開始佈置了聖誕🎄裝飾。1245之前埋單還有全單八折優惠，正合朕意，正好未到繁忙時間😬坦白講，環境佈置得很不錯，可能時間尚早關係，客人亦不算多，正好讓我慢慢瀏覽一番。Basic 的午餐set有八款選擇，平均數十元便有交易，如果八折更是吸引，當然這對我來說不是重點🤪餐湯也硬銷了餐廳的名字，很是搞笑，但也算花心思，南瓜🎃湯味道就帶點酸，南瓜🎃味不夠，一般般吧。朋友這香煎魚柳不錯的，外皮脆香，魚肉味比較淡😕我這牛舌蕃茄天使麵，廚師實在太重手，酸得很，吃了不夠一半便放下了。反而咖啡做得不錯，有水準的表現👍🏻

一入去就發現呢到午餐同下午茶時段都有一段overlap嘅時間，食得飽之餘又可以嗌多幾款小食呢個係呢到我覺得最好食嘅lunch set,冇後悔揀到配薯菜，真係好好食!另外嗌左個tea set, 不過唔食辣嘅我睇漏左佢話係辣😭最後比左fd食小食拼盤最好味都係雞翼，如果中意炸野嘅朋友都值得一試！

今天光顧的這家餐廳，位於深水埗與長沙灣交界，鄰近太子旺角，交通尚算便利，可以說，繁囂中帶點寧靜，由深水埗地鐵站走過去大約十分鐘，算是在閙市中的一家隱世餐廳。餐廳外觀已經佈置得美侖美奐，極有聖誕氣氛，我跟女友經過看到後，不假思索便走了進去。餐廳內的裝飾更顯用心，有如走進歐美童話中的聖誕小村莊，我們一邊欣賞，一邊細閱餐牌。我們點了法式油封鴨配焦糖熱情果汁、鵝肝雜菌意大利飯；其中一個主菜，我們選擇了跟餐，套餐包括有一個蕃茄湯、飲品、及指定甜品；飲品我們點了香橙芒果冰沙；没有等很久，食物便分別上枱了。法式油封鴨，入口没有很油膩，但稍微咸了點，不過配上酸甜的醬汁和滑溜的薯蓉，整個味道立即不一樣，三者配合得很好，有種缺一不可的感覺。鵝肝意大利飯，入口没有一般意大利飯濃濃的松露味，只有淡淡的雜菌香，但正正因為如此，鵝肝味卻顯得更凸出，只需一小口，口腔便是滿滿的鵝肝味。唯一美中不足是蕃茄湯及甜品都没有很驚喜，相對於主菜略顯平淡；相反香橙芒果冰沙卻喜出望外，酸酸甜甜，入口十分綿滑。總括而言，這家餐廳除了吸睛的裝潢佈置外，還有精緻的食物，雖然價錢在該區没有特別便宜，但食物質素還是有的，會期待下次再訪。

fifty fifty係長沙灣區難得一見好食嘅西餐， 上次呢度叫咗一份煎三文魚， 配上蘋果蓉汁， 同三文魚嘅味道非常之夾， 薯蓉同餐湯亦都好好味， 呢度嘅house wine有時仲會買一送一添，係放工約會嘅好地方