Factory 99

营业中

休息中

觀塘區打工仔有時想食好少少又比唔起過百蚊，一定係去Factory 99 啦！1:45後仲有9折，可以話係CP值超高！今日食既係黑松露汁燒豬仔脾，賣相雖然唔係靚，但味道有保證。唔係掛羊頭既燒汁，係真係食到黑松露味！豬仔脾2件，份量合理，亦都夠淋，配合呢個汁食好襯！順帶一提，薯菜唔係得薯條，有用牛油炒過既菜，加誠意分！最後$56埋單，滿足！

平均每兩星期都會來一去，憑星期一就羅送湯／周打魚湯，星期二至五就中湯都幾好飲。今日$65豬仔骨，汁幾好味酸酸甜甜，我要左小飯。一放下，嘩原來成條骨，$65都抵食喎

是觀塘工廈隱藏食lunch 熱點，如果想快平嘆rib eye steak 呢度係唔錯既選擇，雖然牛扒品質不能與3百蚊既相比，但80蚊有靚湯有餐飲，扒size又夠大, 薯條香脆，性價比是很高的說。唔食扒的話其他選擇都頗多。黑椒芝士牛肋條焗飯，芝士份量十足，黑椒汁惹味，牛肋條亦夠稔，加入洋蔥西芹，不錯。T 骨豬扒亦都大大件，炭烤過好香。埋單唔使加1，3個餐200蚊，抵! 不過最好避開放飯12:30-13:45人潮，1345之後仲有9折優惠。

第二次去觀塘的Factory99吃午餐，這次特叫上兩兒子一起品嚐，我們夫婦意猶未盡，不但仍然點了A餐美國肉眼牛扒（HK$80）和C1餐挪威三文魚田園沙律（HK$62）。（這是我們上次點的餐，份量不但足料，且牛扒和沙律都讓人回味。）故依然推薦他們吃，四人竟然點了三份牛扒，兩份三文魚沙律，共5個餐，跟餐有羅宋湯，咖啡或茶，吃完絕對撐著肚皮，四人埋單$364，冇加一。我喜歡她隨意又充滿活力的裝潢，雖在工廠區，卻十分旺場，而且不因人多，見我們吃完了家庭天倫樂在暢聊而有「催逼感」，這讓我記起吃過的一家「韓國餐」，指明不准玩電話，吃完馬上收走盤子和直接告訴你「對不起外面有客，可否先埋單？」，當時我看見隔壁的一對情侶拾趣的快快走掉，想必又的花費去咖啡店神聊才能飽「傾」，概嘆香港不止寸金尺土，連吃飯也寸「土」，感慨現今的年輕人拍拖去哪兒好？？！！相比之下，factory99絕對值得再去！這不，我們一家又決定了今星期六再去嘆嘆，這次看來可以選擇一下其他的美食了！哈哈！

5個人食飯，都要一張大點的枱，12:30到都有位，裝修幾特別同舒適。我點了德國豬手意粉，另外兩個女仔叫了炸蝦沙拉(鮮果或者薯仔),另外也叫了豬仔脾配包！豬手－來到已令人很震撼，因為好大隻！味道上我覺得鹹左少少，ｄ皮有少部份硬左，整體上仍ok。而朋友對豬仔脾評價都很好，下次一定要試！想唔到沙拉都好大份，佢地吃到好飽。價格很便宜，约60元巳包飲品同湯。

中午12點前已到餐廳，但餐廳已半滿，我們只有兩個人，所以没有點很多食物，加上我早餐吃得晚，一點都不餓，所以就想吃一些份量少又吃不飽的食物(我這種要求有没有很受餐廳歡迎?XDD)。而這份應該吃完等於没吃的輕量午餐-----煙三文魚鮮果沙律就完全符合我的要求了，哈哈。可是又一次證明了一項真理：想像是美好的，現實是殘酷的……沙律上來我真的瞪著它說不出話，這哪是一碟沙律呀？這是一坐沙律大山好不好?(可惜當時忙著驚訝，没拍到照片)。滿滿的一大盤，而隔壁的那個只隨便叉走了兩片三文魚和幾片菜，剩下的留待我艱辛地奮鬥。看著那盤還没吃就可以看到飽的沙律，我真的想哭呀，但基於只瞪不做是完全解決不了問題的原則，我還是默默地吃起來。味道當然是不錯啦，蔬菜有蔬菜味，水果有水果味……其實我的意思是蔬菜水果都很新鮮XDD。而且煙三文魚都很大片，咸味適中也很肥美，真不錯啦。旁邊那個没義氣的傢伙點了F99三併(燒羊脾肉，三花背片煙肉和芝士大啡菇)-大約是這樣啦，哈哈，重點說出來就好了吧。(這道菜的名字真的不是普通的長，光是打名字應該也打到很手痛XDD。)我光是應付我點的餐已食得很免強了，還是被強逼吃了幾片肉！！！好吧，

今日午飯時間有2小時, 於是可以行遠少少去試下Factory 99.去到見餐廳很大,有很多特色裝飾在牆上.是日Lunch Menu點了一個lunch set, 侍應生告知只有中湯和雜菜湯. 要了一個中湯, 是花旗參杞子豬肉湯,  湯放了不少的材料, 不過沒有花旗參的味道.  不過不失的中湯.主菜點了長通粉西西里汁配白盧筍焗芝士大啡菇. 西西里汁即是蕃茄汁, 味道偏咸, 不過底部有較多的積水, 令汁變成了湯. 長通粉彈牙, 不過因太多水而令長通粉味道太淡.大啡菇的面積大過匙羹, 不過水分較多, 感覺好像沒有焗過.白盧筍方面, 店家把一條盧筍切成兩條.  頂部分比較幼嫩, 不過底部分比較多粗纖維, 咀嚼多次, 仍未能咬斷.另外, 還包一杯飲料, 凍熱免費.整體而言,分量多而味道吾錯, 都算抵食.

觀塘工廈真係好多隱世餐廳等緊大家去發掘，雖然factory99都唔算得上啲咩隱世餐廳，因為lunchtime都有好多上班一族上黎醫肚，兩點左右黎到都爆棚咁濟！睇得出餐廳喺佈置方面花左唔少心思，成功確立自己嘅style👍🏼嗌左肉眼扒+凍檸茶，送例湯（雖然係中式嘅），加一後$72。本身以呢個價錢對個扒真係冇咩要求，但求冇雪味就已經收貨。結果一黎到係加左分嘅，因為份量大，肉質唔鞋，唔會過熟，中間有紅色肉嘅，個汁好味，薯條好脆，配菜份量雖然相對好少，但食到牛油香。整體好滿意，下次會再黎試下其他野食

Lunch嚟食，份外多人，人多聲雜，雖然有住西式嘅裝潢，但就好似置身大牌檔咁。不過講咁多，都係食個Lunch啫，唔好咁多要求啦。叫咗個黑松露漢堡餐，一嚟到就畀個份量嚇親，個包大到大口仔都未必一啖KO，唯有用刀切啦！係有少少黑松露味，但牛肉嚟講呢就唔好要求咁多喇！粗薯條炸得香脆，但食完個包已經好飽！

無飯帶，唯帶R同事出去食個飯，同事們帶左我去試新野～未夠一點，已經人頭湧湧，好彩唔使點等就有位喇～如果有選擇困難症係呢到一定會好苦惱，因為真係有幾多選擇😂我叫左個龍利魚柳配薯條個魚柳好大件，而且好滑好juicy ~個汁就無咩特別～但同個魚都幾夾～薯條份量都好多～如果脆d就好喇～同事叫左漢堡～都係好大份～～偷試左少少個漢堡的肉，肉質比較鬆散～肉味不算重～肉的表面煎到有少少香脆～呢個位有少少加分唷～另一同事叫左牛扒～切果一下，感覺有少少似豬扒😂肉味都係唔重，而且煎得唔夠香～但個菇就無得輸喇～好重菇味，仲好多汁～好食～整體～食物份量都好大～但可能人太多，冷氣唔太夠～食到出哂汁～😂

今日請朋友食生日飯，其實之前聽過好多人講呢間好味又抵食，我地三個人叫三個餐，份量真係好多！個前菜有mushroom湯 同埋麵包 食完都飽飽地，個餐份量真係兩個人都夠食。我地叫左墨魚麵都唔錯但有點膩，個燒豬排同豬扒都唔錯 ! 值得一試仲無cut cake fee有埋個靚靚碟裝住個cake !!! 仲有無限時 可傾耐d計

極力推介佢個羊架！7成都仲係好嫰！醬汁同個羊架都好配合！呢個價錢絕對物超所值！三文魚扒都相當唔錯！選用嘅三文魚部位非常適合香煎！師傅掌握得好好，煎到入口即溶！ 值得再試！

喺觀塘返左差不多三年工，間唔中都會嚟食，呢幾年呢區開左好多同類型食肆，但每次有新同事入職一大班人嚟食第一時間都係揀呢間。今次叫左馬來西亞黃咖哩配巨型雞脾。一上檯真係嚇一跳，雞脾真係非一般巨型，成碟都係咖哩汁，仲配上三塊夾餅。一刀切落去，雞脾非常肉厚，擺落口，非常嫩滑。最好嘅食法係將雞肉同咖哩汁放入夾餅食，但礙於仲有下午仲要見客怕整污糟件衫，所以都係用刀叉食得斯文啲。食物份量好夠，同枱同事食漢堡同其他餐都係大大碟，加埋餐湯餐飲真係抵食。

午市上餐快 下單快速員工比你更心急*(請你快速用餐)*((態度一流))食物足料飽的 (請你快速用餐*更飽)用了5分鐘吃完 (十分想做更多客的商家)態度好到一流(中中4)

今日同事帶左我黎呢間工廈CAFE食LUNCH, 入到去原來都好大間, 裝修幾有格調, 幾靚!! 睇份MENU見到有好多選擇, 諗左一輪決定要D餐, 香煎美國豬扒蘑菇燒汁配飯, 跟餐湯. 餐湯味道就中規中距啦, 主菜-香煎美國豬扒蘑菇燒汁配飯賣相唔錯, 豬扒SIZE都唔錯, 見到豬扒上下都煎得幾香,唔錯! 肉質都嫩滑, 咬落口唔會鞋"洽洽"~ 蘑菇燒汁夠多汁, 岩晒我呢D鍾意撈飯食既人, 味道都OK, 唔會太鹹, 仲有粒粒蘑菇在汁上面. 白飯口感都幾好, 唔會太硬身或是太"爛". 以呢個價錢黎講都可以再食~