Factory 99

营业中

休息中

觀塘食肆類別都算多，工廠大廈以往印象是飯堂，摺椅摺檯，紙皮石，現在唔同晒，很多間裝修漂亮又舒適的食肆，這間確實可以推介下，地方夠大，清靜傾偈用餐，一大班人來都得，非常吸引，這是我覺得可以推薦的一間，近觀塘港鐵站，店是樓上舖，行樓梯上一樓，店舖裝修歐陸味道濃，環境舒適，一坐低睇餐牌，比想像中算平宜，比茶餐廳差不多，牛柳大大塊，湯味濃而好味，男士都絕對夠飽，焗豬扒飯，用鐵鑊上，有特色，套餐包飲品，咖啡。環境舒適，我覺得似影樓，好多拍照位，喜歡拍照的女孩子實喜歡。

今日相約朋友到觀塘食lunch，去左呢間叫Factory99，以前食過1次dinner，唔知lunch得唔得呢lunch都係得呢個lunch set，價鉉就由一般到幾高，呢間野都幾大，但又唔洗等位wor!一點左餐就勁快黎左個湯，味道就冇咩特別，普遍中湯跟住又係勁快上到個排，我叫左豬排，我諗佢都係煮定曬，不過都唔係太差，同埋都好大塊，呢個價都算抵食。朋友叫左個牛排就等左一陣，不過都好快，牛排就應該即整，上黎都熱辣辣同埋又係好大塊!係觀塘返工想快食呢度都唔錯，起碼唔會太hea先!good fast lunch~

招牌番茄焗豬扒飯：上桌的是一個溫暖的鑊仔保持豬扒飯的溫度，鋪著芝士，賣相已經使人驚喜。底部鋪著的是炒得乾身的炒飯，炒飯上面有主角豬扒，菠蘿，和竟然有葡萄乾和椰果？！哈哈椰果是掉進去了嗎？味道是比平常的快餐店有誠意的，豬扒明顯沒有明顯的鬆肉粉，吃下飯滿口也是番茄醬，但是吃著倒有點膩，可能是調味用了比較多茄汁，新鮮蕃茄的比例比較少。分別不是那麽大的話可能會去快餐店吃他們的豬扒飯呢。值得推薦的是羅宋湯呢。不是現成罐頭湯，反而湯料很足，有薯仔和很多蔬菜！香港的租金昂貴，殺入觀塘工廈區的出了想減少租金開支的大公司之外還有一班堅持食品質素的小店！觀塘的不同工廠大廈裡面有文青cafe，皮革家俬店等等，跟大廈的外牆一點都不相襯。弔詭不是嗎？反而是艱難的環境才鼓勵了那麽人衝出來開店，形成了這個有趣的社區。如果餐廳隱身在工廈裡面，原本籍籍無名，靠食物的質素慢慢做出成績而吸引一群熟客是那麽令人振奮的事！有時間的話不妨試試去找隱藏在工廈裡面的餐廳和店舖啊～

LUNCH時間特別多人, 雖然個場都算大, 但人多變得好困聲, 而且每張枱都好迫, 一轉身就係人地背脊, 可以話係飯堂一樣, 只係食食食, 想傾偈既就免啦, 因為根本聽到人地同你講乜, 除非同其他人一齊鬥大聲, 加上LUNCH時間其實攞咗飛都唔係順號碼咁叫, 攞完飛最緊要識企位, 企正喺叫飛既姐姐附近, 佢有時唔會叫號碼, 會叫有冇6位? 有冇4位? 如果你咁啱係6位既, 只要你舉手話呢到有6位, 咁佢就會安排你入座, 今日等位時咁啱見到有咁既場面, 令到有啲食客好氣憤香煎頂級龍利魚柳配磨菇忌廉汁意粉/薯菜 - 賣相一般, 薯條似翻炸過唔多新鮮, 魚柳都係一般焗芝士大啡菇配意式茄醬意粉 - 大啡菇用芝士焗味道不錯, 茄醬多撈意粉食好開胃香煎美國豬扒配黑椒汁薯菜 - 賣相一般, 豬扒口感麻麻, 好厚肉但鞋口F99三併(燒西班牙煙肉脾, 德國豬肉腸, 溶芝士大啡菇配薯蓉 - 賣相一般, 煙肉脾都還可以, 豬肉腸就麻麻地, 啡菇都不錯餐湯 - 都是普普通通, 味道一般凍奶茶 - 最鍾意呢到用呢款杯裝凍飲, 因為可以保持到溫度, 奶茶奶味濃, 茶味就偏淡總結 : 食物質素一般, 價錢都算合理,

室內裝修古典有味道，寬闊多座位，傢俬有原條大木製造，備有可坐16人的長枱，感覺像在「哈利波特」飯堂吃飯般👅周圍用上復古壁畫，相框，及懷舊玩具作裝修，不單設計有品味，且食物質素性價比非常高！💯最值得排介是個漢堡配粗薯🍔🍟！扒非常厚身，且加上松露及忌廉，讓口感不乾，但帶有啖啖松露味～粗薯金香新鮮又不油膩！焗🐷扒飯，採用新鮮原隻蕃茄🍅，味道當然清新不膩，且扒大飯少，超值呢😈不想吃肉的，還可選擇它的水果沙拉，份量相當大，午餐足夠飽肚之餘，是新鮮水果，並非茶記充滿沙律醬的沙拉！再者，員工服務態度好，又夠手快，又善於幫忙，食客表示非常滿意💁🏻！

今日同同事再次黎呢間店食lunch 🤤之前都黎過3次，但無影相😓環境： 👍🏻👍🏻👍🏻👍🏻呢度環境格局十分西化，啲枱櫈都好有風味，近年好多工廈讓廳都走呢條路線。👍🏻 而家面積好大，就算10幾個人黎，都會有大枱，但都要考慮咁大張枱係難傾計啲。😫食物：👍🏻👍🏻👍🏻第一次係晚飯黎食，質素唔錯但上次食啲牛真係麻麻，同行6個人叫，4個都話太老😭 今次我就改左食脾，老實說，唔知係唔係lunch關係，一送到黎時個樣有點似碟頭飯😟，2塊脾放係薯菜上加汁，完。 而同事的腩肉飯都係咁 🤦🏼‍♂️，有點失望。😫 另一同事既burger 會好好多，咬落去都好juicy😌，都有點安慰。服務： 👍🏻👍🏻👍🏻👍🏻其實觀塘愈來愈多呢類型既餐廳，價錢差唔多，factory 99要加油重整番個食物質素。

因為同事要去呢頭交錢，所以lunch 揀左呢間好耐冇食過既factory99望一望個餐牌～ 真係好貴～～我地2點幾先去食，但入面都仲係坐得好滿，好好生意～我就叫左個漢堡！佢話係US頂級牛肉黑松露溶芝士～ 黑松露味就完全食唔到，不過塊牛好正，好juicy，一啲都唔乾加埋入面既sauce好夾好好味！食左一半已經好飽，份量好足夾埋佢俾既蔬菜入去食好少少，解下漏，但都係好飽！同事A叫左豬仔脾配薯條～～啲肉好林，好易切，不過味道一般，冇咩特別。個汁略嫌咸左少少。另外，同事K就叫左個西班牙豬腩肉，唔會好肥/好油，但係好難切，太un。味道就一般，都係冇咩特別～ 同事表示食完唔會再試多次我地全部餐都係配粗薯條，幾好食！唔係林晒果隻，係脆卜卜既～而且唔會好姑寒，俾好多薯條總結我地覺得漢堡味道最好～ 其他兩個都冇咩特別，而佢既餐份量都係偏多，不過價錢偏貴，間唔中黎試下都ok！

以前係度返工，呢度出名係OL飯堂，價錢唔貴有ok質素西餐食～難得假期回味一下：漢堡餐：中間舊牛係唔差既，都香而且唔乾身，好值得食。另外，都叫左個豬仔脾大啡菇配薯蓉豬仔脾令人失望，實的的無咩味、大啡菇仲差，芝士一舊放係面，菇還菇😰😰😰見到都滴哂汗～～～～～

今天日來到觀塘的工廈裡面尋找一下非食堂主流的餐廳。而位於巧明街99號的工廈裡面，有一暑 Factory 99餐廳，其裝潢走廊上花左幾多心思，沿走廊有唔少裝飾，入到去發覺factory 99係一間幾大既餐廳。Lunch餐牌主菜有超過10個set dinner choice選，我最後order 左黑松露燒汁豬軟骨飯，價錢很合理，每人大概60元左右，餐湯和餐包很快端上，雖然不是那些熱辣辣的餐包，但是我覺得很美味可口。黑松露燒汁豬軟骨飯超大份既份量男人一定飽，而且個面有好多芝士好香，豬軟骨好林好好食，可是燒汁太多今個飯太重味。

過年了, 中午放飯時間, 不知吃啥好, 上司就請我們來到了這家Factory 99吃, 一進門, 雖然有訂位, 但是也要排隊, 因為一直都是這麼繁忙。我喜歡吃漢堡, 於是點了一個US牛扖黑松露芝士漢堡配薯菜。扖肉有點兒鞋, 面積較大, 但較薄, 黑色的扖肉, 有點兒粗糙, 缺少肉汁, 極酸的酸瓜醬使整片啖啖的麵包充滿酸味, 格外醒胃, 而薯條呢, 不夠脆, 感覺炸好了, 放了很久, 有點兒涼, 這個餐的份量夠多, 吃完已經很飽了。這樣的價格, 能吃到這整份量, 水平的漢堡, 已經滿足了, 別有太大的期望。

對於我呢啲要快上快食嘅打工仔，推介下大家呢間有驚喜！首先好近office，行樓梯上一層，沿途已經好多掛畫超吸晴。一入到去好靚好大，其實已經好多位，但門口都排長龍，好彩同事有book位同齊人，即刻入得。店內裝潢設計都特別，佢用酒箱砌，用木門做儲物室門，職員行出黎個下以為佢係魔界返黎，feel得到老闆有用心係整個餐廳度。一點菜好快上例湯，過5分鐘我地嘅飯都到。真心推介佢個漢堡包，唔會hea你，厚切漢堡，個包係烘過。我自己叫左焗飯，同樣好好味，只係好夠料，有小小食極都有嘅感覺。佢杯咖啡係即烘焙嘅，好好飲！呢樹絕對係可以影相用，同事話可以問佢包場，影相一定勁靚！

呢排工作真係好辛苦，所以中午同同事食番餐好d，再繼續上路。其實唔係第一次食了，夜晚同下午都食過，我會強烈推介下午食牛，因為真心高質而且下午相對平，夜晚就相對貴得濟。不過今日就唔係食牛，係食魚柳，唔錯，好大份，汁都好食，唔會太濃，是日例湯都唔會好味精，清清地岩晒我。間唔時黎食下都唔錯。題外話，之前同男朋友食過豬扒，我們覺得唔好食，好鞋，好厚，但今日我同事食個塊又幾好食。

第一次到factory99享用午餐時被它的份量嚇了一跳，雖然價錢頗高，但份量很大，味道也不俗，對得起它的價位。我食量較小，所以點了炸魚柳鮮果沙律。魚柳是兩大塊（平時喺超市冰鮮包裝嘅整包份量），沙律係鮮切嘅水果，並非罐頭水果，令整體感覺好fresh。

又是美好的Friday Night。和好友收工後相約在觀塘，本來打算食壽司，但她說有一間好食的工厦介紹，試試新野也不錯。Friday也不用等位，太開心了！進去了環境好舒適，而且好大，應該是一整層都是餐廳來的。和朋友兩人叫了1個dinner set另外加沙律和一個魷魚圈。一開始上的法國麵包真的好好好好好食！！！！！！！就連平時不愛麵包的我也食曬！之後的南瓜湯都好正，味道適中，我又係飲曬！～魷魚圈即炸好新鮮，而且分量很大 $59凱撒燒雞沙律又係好好食，燒雞件件惹味，沙律內仲有cheese $89蒜片辣椒乾雜菌天使麵， 辣辣地又係好好食，雜菌好多，分量適中  Set $89+$50 有湯有餐包最後還和好友在餐廳外的裝飾拍照，非常滿足的晚餐！

觀塘區打工仔有時想食好少少又比唔起過百蚊，一定係去Factory 99 啦！1:45後仲有9折，可以話係CP值超高！今日食既係黑松露汁燒豬仔脾，賣相雖然唔係靚，但味道有保證。唔係掛羊頭既燒汁，係真係食到黑松露味！豬仔脾2件，份量合理，亦都夠淋，配合呢個汁食好襯！順帶一提，薯菜唔係得薯條，有用牛油炒過既菜，加誠意分！最後$56埋單，滿足！