euro go go (已結業)

突如其來既想法係好想好想食西餐，所以約埋朋友一齊去咗位置喺荃灣嘅eurogogo.我哋一行兩日叫咗三款唔同嘅美食，有雞翼，芝士焗飯同菠菜意粉。講一下佢嘅雞翼份量適中而且都好入味，而且每一隻嘅大細都差不多唔會話一隻大一隻細。芝士焗飯係用咗好多重芝士去焗，食得出好香濃嘅芝士味，而且個人認為一個人食呢個份量都夠而且都會飽而意粉方面，賣相不錯，份量適中，但係意粉比較硬，本人不太喜歡食太硬的意粉，所以有一點點不滿意。但整體來說都是很好食值得再去食。

拆禮物日食個靚brunch兩個人都無乜胃口可能太早起身😆😆牛角包熱辣辣唔會油淋淋薯蓉焗得好香好夠味原來咖啡會跟埋個madeleine蛋糕，幾好味咖啡都好飲pancake好足料，香蕉剛好唔太生唔太熟

沙拉熱檸檬水這天去了euro後突然想起例排菜式,沙拉及檸水,不過原來單叫價格比較貴,算了,還是要去叫,沙拉的菜還是沒有大分別,沙拉油的份量也適中,熱檸水也是照舊3-4片檸檬水,而且還給多兩包糖!!

星期五晚本身唸住去側邊個間食日本野 拎左飛見仲要等咁耐 就去返呢間食野算(^^)之前黎過一次 覺得d侍應幾好 呢次都一樣 以快餐店既方式俾錢叫野 之後俾個牌你就有人送上枱 牛角包 芝士味唔夠 不過幾大下 個皮都好脆4 cheese pizza 呢個最好味 芝士同蒜蓉都鋪滿晒 又夠新鮮慢煮芒果雞胸乳酪沙律 減肥食特別好 雖然唔可以話好好食 不過真係好健康夏威夷pizza 呢個一般般 上面啲sauce 陣味怪怪地 凍忌廉朱古力 啱晒鍾意飲朱古力嘅人 好甜嘅朱古力 侍應嘅態度幾好加上又唔使排隊 嘢食都算係中上嘅 埋單二百幾 算係幾抵食

小編嚟到呢荃灣行街，由於行到已經晚上九點幾，周圍食店都開始執嘢，經過呢度發現仲有人食嘢，又有好多位，所以就走咗入嚟搵食喇~入到去環境都幾舒服，坐位之間都好闊。食物方面叫咗個菠菜汁龍利柳闊條麵、法式薯蓉焗田螺，仲叫咗一個細 Pizza。好耐冇食過薯蓉焗田螺嘞~ 芝士味道好香， 仲可以拉出長嘅芝士拉絲~ 闊條麵味道幾好，魚柳不太乾。Pizza 厚度適中，個底好脆，蕃茄煱出嚟嘅醬汁，加埋菇及青椒令 Pizza 味道更加香濃，而且 Pizza 份量剛剛好，夠兩個人食。😋

一向都很喜歡到euro gogo用餐雖然它是一間連鎖經營的餐廳，食物質素一向有保證， 價錢又很合理這次我們兩個人叫了五個菜式半份超級pizza非常非常香脆, 上面鋪滿黑椒牛肉，辣肉腸，煙肉碎，芝士忌廉朱古力非常邪惡, 滿滿的忌廉, 朱古力很香濃接下來是我覺得到eurogogo必吃的煙肉芝士薯皮薯皮入面有融化的芝士和煙肉碎， 内餡是香辣的茄汁醬， 非常惹味薯皮還有其他味道，有機會一定要試一下 菠菜汁龍利柳闊條麵 雖然用了料很多，跟pizza及薯皮相比之下較為失色我們最後吃了一個 忌廉蘋果脆脆 作甜品上面舖滿曲奇碎，底下是浸過糖漿的蘋果加熱之後配上鮮忌廉， 酸酸甜甜的也不錯吃了那麼多, 兩個人一共也不過百多元，真心高cp值

今晚plan住去玩dead rising, 事前當然要醫個肚仔先！6人行去左euro gogo, 叫左唔同野食share, 有蜜糖雞翼，火腿辣肉腸意粉，茄汁海鮮闊條麵，焗薯皮，百寶pizza, 薯蓉，梳乎厘。。。好滿足呀！！好中意佢個蜜糖雞翼，個皮都有少脆！其他意粉同pizza, 都中規中舉，最欣賞都係小食。 另外兩杯忌廉朱古力都好滑，好夠味！梳芙里就比較實，但都還可以接受。 環境都算大，坐得舒適，又唔會趕我地走！

平民有好食嘅餐廳，好鍾意佢嘅芝士肉醬意粉，食到七成以前哈迪斯嘅味道，嘢食係好正，，，勁鍾意佢個蜜糖雞翼，雞翼大隻，成個用錫紙上，，，好似燒雞翼咁樣，蜜桃茶，係我必飲嘅，飲到底食埋啲水蜜桃，好味道，，，另外仲有芝士焗蘑菇，全部都好好食，今次冇食到Pizza， Pizza都大大份，成日都跟媽媽妹妹一齊去食， 我媽媽老人家都超鍾意,,,, 可能真係太多人鍾意食呢間，每次去食等位大概都要五至10分鐘，好多時我哋都會搵人去攞位先,,,,,,,

約埋三五知己，去了EURO GOGO吃晚餐，因為非常喜歡它價錢實惠，坐得舒適，食物美味好吃，種類也很多。近年EURO GOGO，環境充滿著現代簡約風格，吸引多了年輕人光顧。超級PIZZA，有黑椒牛肉，辣肉腸，菠蘿，煙肉，種類甚多，果然食慾大增，味道香濃。菠菜汁龍柳闊條麵，喜歡它的汁醬，配菠菜好濃郁，啖啖龍柳魚，好滋味。蜜糖雞翼，超多蜜糖，好滋潤，只有5隻，實在不夠喉。朋友也有叫香辣雞翼，感覺蜜糖滋味些，可能蜜糖配任何肉食，都是無得輸。甜品是焦糖忌廉燉蛋，好有蛋味，焦糖好香，估不到如此好味。朋友也叫了其他食物，全都是好吸引的。總結，EURO GOGO，真的進步了不少，想必成為大眾追捧食肆。

This chain restaurant is very good. It serves western food, like pasta, risotto. The cabonara here is excellent, very creamy, though fat. Although it is a bit crowded, i enjoy the food very much. After you order food from the counter, the staff will getthe food for you.

我不嬲都好鍾意食 gogo ,鍾意到係 gogo 做過 part time ,不過呢間分店我覺得 d 品質好參差，有時食覺得有水準，有時食會覺得差。呢個蘑菇粟米意粉既茄汁無味的，同事們都話好淡，意粉質地 okay .芝士海鮮闊條麵，無黎一排闊條麵由以前好闊變成依家好似河粉既粗度奇怪在係呢個茄汁反而有味，但係都無平日咁好食，佢得個甜味，平日我食既係酸酸地帶甜味，蜆亦有沙，口感唔好大家最愛的菠菜汁龍脷柳黎啦。但都幾失望，今次既超咸，唔知做咩事？！我最愛既 pizza 底向來都係千島醬既。今次多人食所以叫成個 pizza 但又係好失望，以前食既係好多千島醬好惹味，正常係批底上塗一層千島醬再落料的，但呢個我覺得唔係，成個批都好少醬，好唔均勻，一口淡一口咸咁唉。。。朱古力忌廉，本身以為係最穩陣，因為我做水吧時，整呢個既比例都係磅過咖，味道正常會有水準的，可惜呢個，cream 少左都算，個朱古力太多奶啦，我以為自己飲緊鮮奶。朱古力奶茶，茶太重手，朱古力味無頂企 我最愛既飲品既水準變差了我最愛既餐廳既水準變差了最後5個人，平均每人$75.60lunch time 黎講都 okay 既，但真係唔值，我

同母親大人去荃灣濕平，由於早左出門口，好多鋪頭未開，所以決定醫左肚先，母親話想食意粉，於是就去左Euro go go。可能時間尚早嘅關係，一去到就搵到位。由於我唔係好餓比較想飲野嘅關係，於是就叫左個蘑菇粟米鮮茄汁意粉同1個煙肉芝士薯皮share食，我另外就叫左杯熱嘅蜜桃茶。等左一陣侍應拎左蜜桃茶同餐具過黎，順便問佢拎左兩杯水，侍應都好有禮貌咁回應同好快拎黎比我地!先試蜜桃茶，濃郁茶味中帶有香甜蜜桃味，茶入面仲有3片黃桃肉。由於食物係即叫即造，等左15分鐘左右，意粉同薯皮都先後送到。先講意粉，煮得剛剛好，軟硬適中，與其話係鮮茄汁，不如話係鮮茄蓉，內裡仲有超多蘑菇同粟米，配合調味，整個汁惹味，酸中帶有粟米清甜，配合意粉一齊食啱啱好。再講薯皮，焗得香脆，面頭亦鋪上大量芝士同煙肉，切開時芝士仲可以拉絲，食落滿口芝士香同煙肉香，好味。價格親民而具質素嘅西餐，值得再幫襯!

星期六日遲左起身，想食個平平地既早餐，可以來euro go go。早餐供應時間去到11:30am，唔怕遲左冇早餐食今次揀了鮮茄蛋湯通粉+熱檸茶($36)付錢後找個位座，有職員會送餐給你，可以坐定定等食。蕃茄湯加入香草添加風味，食物溫度微熱， 略嫌番茄味唔夠濃郁。通粉上有坑紋，可以掛更多湯汁。雞蛋比預期滑，切開有蛋汁，加分!檸檬茶飲得出是用了西式錫蘭紅茶底，加上新鮮檸檬，水準正常!假日遲起身人士，又想食個早餐，可以一試

昨天中午30多度熱到High High的！午餐不假思索地直衝商場揾食，最後選了快靚正的西式快餐店euro go go開餐！ 跟一般快餐店無異選好心水食物到收款檯付款便送上檯牌一個，店員稍後便會為您送上美食！要一讚這裡的店員招呼不俗又有禮貌，比起數年前的葵芳店印象更好呢！ 飲品選了熱奶茶＄24和凍蜜桃茶＄26，飲品相比食物來得高貴，蜜桃茶香氣是有的不過甜度太高了，最後要加上一杯冰水才能飲用，而熱奶茶亦沒甚特別之處！ 口痕痕點客香辣雞翼＄44，有5大隻肥美雞翼而且肉質滑嘟嘟，加上BBQ辣醬很惹味好魔鬼。 喜歡吃意粉的我點了香蒜蜆肉意粉＄62，蜆肉夠新鮮而且隻數不少，海量的有咬口意粉滿帶胡椒香氣，加上微辣蒜香好吸引！ 車爸爸選了黑松露麥形粉＄52，又是份量大得驚人，麥形粉滑捋捋很可口，黑松露味亦很足夠更吃到鮮味來， 鮮味源於汁醬中的蜆，不過多吃會頗膩較適合分享來吃！不過我們這碟粉中有不少碎蜆殼在內吃時要好小心呢！

平時間唔中諗唔到食咩好都會毫不猶豫揀gogo😂因爲貪佢快靚正今晚我同男友睇戲前食飯都係嚟呢度食！7點幾都算幾多人 但staff會好好問幾位同幫埋客人安排坐位 都幾好服務架食開gogo既人都應該唔會否認蜜糖雞翼係呢度既招牌，又香口又juicy！啖啖肉汁爆發，係每次必點呢個係男友最愛 好香芝士味同埋啲呑拿魚都幾多所以口感好rich 重點係啲意粉唔會好似蜆肉意粉咁乾身我係中意食牛油果 所以想試加左入pizza夾唔夾 結果係唔夾架😂牛油果加入熟食我覺得有啲奇怪 但餅底係香脆既只係純粹個味真係比較普通