euro go go (已結業)

六點前嚟食大多數唔需要等位，今次去咗荃灣廣場分店食。叫咗個千島海鮮pizza，雖然係嗌左半份但係兩個人食到非常之飽，皮薄餡靚多醬汁，好食！之後叫咗蜜糖雞翼，呢個係必定要食，佢地係焗既，而每隻雞翼都沾滿蜜糖，熱辣辣食落口好鬼正，每次黎都必定會食。今次第一次試蕃茄青口，酸甜好開胃，青口亦多份量，味道都好夾，值得推薦比大家試試。而每次黎食都會叫蜜桃茶飲，香甜蜜桃味，而入面仲有大大塊既蜜桃肉。價錢整體上都唔太貴的。

來到2019年最後上班一天，當然要食個豐富早餐畫上完美句號😊點了A餐：牛角包🥐+ 熱咖啡☕️，再加配了一碗細通粉牛角包焗得很鬆脆，加上果醬格外匹配🥰 細通粉是小妹喜歡的蕃茄湯底，加上香草，橄欖，帶點酸微微，越食越開胃，最後連個湯都飲埋😋早餐又點少得一杯香濃既提神咖啡☕️，以連鎖餐廳計算，佢都算係水準唔錯又價錢大眾化既選擇👍

三點三，就梗係下午茶時間啦！諗起都差唔多成年無食過euro gogo, 知佢下午茶menu又多選擇，不如今日就去試吓啦！店舖入面都唔算多人，空位都幾多！於是就叫咗法式薯蓉焗田螺！野飲就包埋嘅，叫咗杯熱檸茶。啲糖會分開上嘅，所以好似我咁怕食太多糖嘅人就可以自己就住，我就唔落糖嘅。等咗20分鐘左右，主菜終於嚟到啦！本身以為啲薯蓉都係hea整，主要都係啲田螺最好食。點知啱啱相反！薯蓉面頭有啲芝士，唔會太漏，好出色！不過啲田螺就無咩味嘅，但如果係鍾意食薯蓉嘅話，都值得一試嘅！

好細個嘅時候我讀過一篇文章， 就係nobody knows Who discovered the fire.我今日喺度發表我一句說話就係， nobody knows why I bought and drank this cup of coffee.可能係因為我扮嘢，學人哋飲黑啡， 仲要係學飲 「生啡 Draft coffee」, 唔好問我乜嘢係「生啡」因為我解答唔到，我都唔係「陳生」。你杯咖啡睇起上嚟顏色好靚，好多泡， 但飲落口嘅味道就好苦，可能啲泡豐厚得太勁，飲落口嘅時候唔夠滑，我比較鍾意飲落口滑嘅咖啡。我唔識得評論咖啡，又唔知一杯咖啡嘅好壞，我只可以咁講 This is not my cup of coffee.飲完杯咖啡因為我覺得唔好飲，所以就叫咗另一杯飲品嚟飲。法國紅莓熱飲配槐花蜜糖，飲落去第一啖就覺得好酸好酸，第二啖飲落去仍然係酸，就算用幾多蜜糖都係覺得酸，都係唔啱我口味。 未飲完我就放棄。

自從家附近的分店結業後 很少再到飯堂進餐 所以今次是太掛念的關係 因此專程到荃灣廣場分店吃一頓久違的美味建議大家開張會員卡 增值$100 有$10即分可用 即相對9折了👍🏻下單付款後 將號碼牌放枱 便有職員送餐服務《Iced Peach Tea》這次茶底比以往澀 但都不失清新的感覺 冰凍的紅茶 更有幾片蜜桃果肉於底 咬一口增加桃味《香蕉班戟》真的太久太久沒來 點錯了 最愛的甜脆香蕉酥 竟說成香蕉班戟 太失策了😭當然 不會浪費 照吃！ 薄薄的外皮 口感彈性做到恰到好處 裏面是滿滿 滿滿的奶油 香蕉再沾上朱古力醬是甜品中最佳配搭《香蒜芝士青口》6隻有大有細的焗青口 表面有濃濃的香蒜及拉絲芝士 十分香口 青口肉質充滿彈性 咬大的更會溢出肉汁來😍《蜜糖雞翼》5隻煎得接近脆邊的蜜糖雞翼 肉質亦十分彈牙 略嫌蜜糖汁比以前少了《半份千島海鮮薄餅》表面依舊有又濃又多的千島醬 甜中帶酸 十分惹味 每塊更有蜆蝦魷魚 遍佈亦算平均扣完積分 剛好人均$100內 又滋味又滿足的一餐👍🏻

剛好老公今日到荃灣附近做野，所以約埋佢食lunch。餐廳地方好寬敞，感覺好舒服。因為老公趕時間，所以呢類嘅快餐就最好，老公黎之前已經上哂，唔洗等。蕃茄牛油果Pizza(半份) + 特飲 $58因為係一人嘅lunch Set，所以可以揀半份，當然客人都可以揀全份喇，價錢$95。Pizza賣相一般，Pizza底較厚，但好鬆軟。牛油果本身無乜味，主要靠蕃茄出味，所以呢個Pizza比較淡味，由於味道較啖，所以好似食緊淨Pizza底咁香蒜蜆肉意粉 + 凍飲 $72有好多蜆內，意粉炒得乾身，軟硬適中，因為有蒜香味，所以好惹味好開胃，這個推介特飲 – 荔枝茶有荔枝肉，我明明叫少甜，唔知係咪睇錯左走甜，所以較淡，而且唔夠凍，反而叫返普通凍飲好D。

兩條友，想搵個地方坐得舒服，野食都有OK嘅餐廳！要是就嚟到荃灣廣場既euro gogo 食個lunch,飲杯咖啡，吹下水😆😆😆基本上每次我黎到都會心大心細揀咩好呢？pizza or pasta 🤔最尾都係撰咗開胃既蒜香炒蜆肉意粉🍝🥰🥰$65就包個沙律菜或者蒜蓉包，仲包埋一杯嘢飲，呢度咖啡☕️唔錯，值得一試。意粉軟硬適中，上面有好多蜆肉，而冇一粒食到有沙👍仲好鮮甜😋😋成碟我完全食晒，每次到最後都係撰咗呢款🙈🤣

係荃灣廣場隨便搵一間餐廳食tea,見euro gogo有位和有tea 食，所以入咗去。其實Euro Gogo 嘅味道真係好普通,同自己係屋企煮冇乜分別。食佢只不過係貪方便和夠快。蜜糖雞翼：味道普通，只不過係焗熟左然後加啲蜜糖，不過勝在一啲都唔吝嗇蜜糖，而且即叫即整，所以好熱。三色薯皮：薯皮有吞拿魚、芝士煙肉同埋雞肉味，味道都ok。熱朱古力：朱古力奶味夠重，反而朱古力味唔夠濃，我鍾意飲凍嘅多啲，因為有邪惡既忌廉😋

Eurogogo最出名蜜糖雞翼，不論邊一間分店口味水準都一樣，皮脆，濃郁的蜜糖汁遍佈整個雞翼一個人食一碟都不過份芝士蒜蓉包：焗的時間啱啱好，芝士可以拉絲，蒜蓉味十足夏威夷pizza: 雖然餡料與其他Pizza店是一樣，但我比較喜歡這個火腿的切法，個人比較喜歡粒狀，口感比條狀的豐富，而且烤焗的時候，粒狀火腿不易焗乾，還保留水份。芝士白汁海鮮闊條麵：意粉轉成闊條麵，口感比較豐富。一分錢一分貨，海鮮當然是急凍海鮮，味道一般。整體味道都不錯。

Weekday 放假Outdoor 熱辣辣緊係行商塲hea ha 係荃灣廣場首撰euro go go la 平日tea time 去人小小大把位上次Sunday 去勁多人排隊叫餐最小10 分鐘平日tea time 多數食香蕉酥、pancake 今日叫左個Apple crumble 等十多分金鐘、但幾好味、巧多萍果肉正！另外叫左個磨菇多士一般、小小咸！直得讚佢地杯咖啡份量大杯、又夠熱！Like ! 平時亞女最愛佢個杯凍朱古力超正（如果你地唔怕fat ) 另外一提用餐當日，有個小小肥的哥哥仔好有禮貌！讚👍🏻！

Eurogogo 一向係我食意粉既首選 因為價錢唔貴 環境同埋野食既質素都唔差 今日我就叫左個蜜糖雞翼 （$48） 同埋一個薈蒜蜆肉意粉（$68）雞翼一如既往咁出色 d蜜糖入曬隻雞翼入邊 食到入邊都係甜 同埋個蜆肉意粉有幾多既蒜味 唔會太啖 意粉黎講都幾好食 會再食 意粉份量都幾多 賣單一個食就110$ 左右

我哋叫咗半份鮮番茄牛油果pizza同埋蒜香雞薯皮（三件）先講個鮮番茄牛油果Pizza 我哋叫之前係諗住食健康啲 所以就冇叫啲比較油膩既pizza 如百寶/辣肉腸/夏威夷pizza 本身諗住蕃茄牛油果呢兩個配搭會好淡味 顏色囉係另外一回事牛油果有一種酸酸地同好濃郁既味 配搭埋蕃茄加少少芝士食真係好夾 食落真係有驚喜而蒜香雞薯皮就反而略嫌佢冇蒜香味 所有食得出既味只係有芝士同少少辣粉味 但食落都唔錯既 加多啲蒜香味應該會再令芝士層次提升

平時係呢度，一係食薯皮，一係食雞翼意粉PIZZA之類想食清少少，所以作為今日既午餐食。首先想講，平時去呢啲咁忙碌既餐廳點餐，都唔敢太多要求，但佢可以滿足我既要求，將醬汁分開上呢一點要加分沙律菜各項尚算新鮮，未有發現變色變黃既菜。慢煮雞肉口感結實，唔算鞋口，未有發現有粉紅色未熟既感覺（因為朋友食過慢煮雞肉係粉紅色，好似未熟咁，佢唔敢食再食慢煮）但略嫌雞肉有啲凍如果唔係會好好多。招牌朱古力依舊香濃，不過過分甜（可能熱飲關係）＊＊想食清清地，又唔想食咁貴，可以試一試呢個沙律。

晚餐時間滿座要等位，今次係第二次食，無想像過會甘多人，好彩等幾分鐘就有位。呢度食野係半自助形式，買野食要去櫃枱排隊落單比錢，到時比個牌你放係枱面，食物就會有員工送到眼前，上菜速度跟快餐一樣快👍🏼👍🏼🔸凍朱古力超推薦，朱古力好濃，加埋cream飲落滑好多，好滿足及好邪惡..🔸蜜糖雞翼蜜糖好足，雞翼層皮焗到好脆，好香好好味，岩曬鍾意食甜既朋友！..🔸芝士焗薯蓉好咸！！！面層有芝士位置既薯蓉好咸，撥開左淨食下面就剛好，感覺唔夠奶香唔夠滑。..🔸牛油果pizza 只可以話牛油果唔適合整pizza，因為佢本身無乜味，加落餅底完全淨係食到餅既麵粉味，同埋鹽加得好重手，偏咸。..🔸蕃茄煙肉腸仔蘑菇意粉正正常常既意粉，茄汁唔會太酸，配料算幾多，不過不失既一款。普遍野食都唔錯，價錢唔貴，值得推薦既係凍朱古力同埋雞翼，因為款雞翼會再去食！

事代變 人物風景都改變……但味道依然不變 美味繼續深深吸引著我～-☆ 芝士蒜蓉包 HKD$42/4塊▪未食拎上手已經聞到好香蒜蓉味▪每咬一啖都有濃濃蒜油包哂成個口腔▪加埋一層厚厚芝士簡直無得輸▪包外皮鬆脆內裡軟綿 食到停唔到口-☆ 超級Pizza $95/全份▪配粉有黑椒牛肉+辣肉腸+菠蘿&+煙肉▪口感非常豐富 咬落去啖啖肉▪黑椒牛肉特別出色 黑椒味好突出▪蕃茄醬甜甜酸酸 中和左油膩感▪餅邊餅皮硬度適中好容易咬開-☆ 白汁香腸火腿蘑菇意粉 HKD$52▪蘑菇彈牙啖啖肉好好咬口▪略嫌醬汁太少有啲乾-☆ 蜜桃茶 HKD$28▪茶底唔會有苦澀味 亦唔會太甜▪內裡有幾片蜜桃 拮佢幾下令成杯茶好香蜜桃味-**溫馨提示▪假期都算多人 要排一陣隊買嘢食同等位▪蜜糖雞翼都係必點之選 今次得2個人所以無點