euro go go

营业中

休息中

今日下午茶去咗呢間餐廳叫咗個蜜桃忌廉班戟。嗰啲蜜桃同埋忌廉都幾香口，分量就唔算太多，但係勝在好食，另外包左杯凍檸茶，價錢30元左右由於今日係星期一，間鋪嘅人唔多，所以呢度嘅環境好舒適啊

蜜糖雞翼：蜜糖多，甜甜的，雞翼也焗得滑滑的，正！芒果班㦸：有好多芒果粒，滑溜嘅忌廉也很多，喜歡食忌廉的，必選之一。另咖啡再加$4可加大杯，原以為會飲唔晒，不過，飲吓飲吓又飲清哂！味美！加$8蜜桃茶，原本都覺得貴，點知飲下飲下見有三大片蜜桃在杯中！嘩，第一次飲蜜桃茶有真蜜桃食！真材實料冇花假🥺

出左旺角，約左幾個朋友聚餐，我地3個都好鐘意食意粉同Pizza,係朗豪坊搵左一陣，最後我地鎖定食Euro Go Go, 呢間餐廳好多地方都有分店。一向受歡迎。我地叫左2個小食，半分pizza, 1個意粉，2個湯，3杯野飲...小食分別叫左香辣雞翼，法式薯蓉焗田螺。細細個就好鐘意食田螺，而家已經唔係好多地方有得食！雖然叫香辣雞翼，但就唔太辣!仲好香雞翼味～意粉叫左我最愛既卡邦尼意粉，yummy!半牛油果火箭菜薄餅，牛油果d醬係凍嫁！火箭菜好新鮮～兩位男士仲叫左每人一碗野菌忌廉湯～真係好大碗！最後叫左3杯野飲，杯杯都勁大杯！凍檸茶，Mochaccino, ice Chicolate whipped.好好飲牙！最後埋單食左341蚊！唔洗加1嫁～好鬼抵食！

☕️cafe X 下午茶系列🍽▫️餐廳：Euro gogo▫️地點：全香港有12間分店📍旺角亞皆老街8號朗豪坊9樓22-23號舖（港鐵旺角站 C3/E1 出口, 港鐵旺角東站 B 出口）▫️營業時間⏰：📍星期一至日 11:00 am- 23:00pm▫️價錢：～$30+（下午茶較平）—美味：☕️☕️☕️+0.5☕️環境：🌸🌸🌸🌸價錢：💰💰💰—👧🏻成日都去cafe☕️😗今次第一次去依間🤭撞啱下午茶時段😇先叫咗個磨菇芝士焗薯（$38）都幾大份，即叫即做，熱熱哋之餘🧀同菇都幾夾💕之後叫咗個甜品法式麵包布甸（$40）賣相一流🌸而且有蘋果批既香味（雖然冇蘋果🍎）一個人一定食唔曬🤣同fd share🤭—#好西 #打卡 #eurogogogo #paper&coffee #cafe #卡邦尼意粉 #hkcafe #正餐 #夏天美食 #HongKong #HK #foodie #goodwest #food #meal #lunch #UrbanCafe #MK

百吃不厭的連鎖店 嘗試過很多次 今次試少少其他菜色先先付款點菜 再有送餐服務《Iced Chocolate whipped cream》見到已經覺得罪惡 上面滿滿的cream 十分肥膩 朱古力十分香滑《菠菜汁龍脷柳闊條麵》表面啡色的是濃濃的芝士 十分香 不得了 與龍脷柳闊條麵混一起吃 正 可惜 表面的醬汁不足以滋味地吃整個《蜜糖雞翼》沾滿了甜甜的蜜糖醬 雞翼的外皮 亦燒得香脆 肉質亦十分嫩滑 一人可吃晒5隻👍🏻《煙肉芝士薯皮》三件大小不一 最大跟最小差一倍😂 煙肉芝士底下有滿滿的茄醬 完全掩蓋了前者的味道 幸好 薯皮邊仍保留到薯仔香 有點點煨香 如愛茄醬的朋友十分適合《甜脆香蕉酥》必吃甜品 酥脆的外表 感覺很鬆化 內裏有香甜的香蕉蓉 十分滋味 而且一份有兩件 很滿足人均一百鬆啲 有5樣野 抵吖😁

呢間餐廳算係西餐選擇入邊比較平民既選擇？但質素有時係好難有保證。香蒜蜆肉意粉 (蒜香微辣) $65睇下張相都知我想講咩，點解可以係燶咗既呢！雖然你係好平，但都唔係話燶左架？然後味道方面係無咩味，蜆肉得幾粒仲要無限咁多蜆殼...蜜糖雞翼 (5件) $48但另一方面，Eurogogo 既蜜糖雞翼係好好食，雞肉好滑蜜糖味都好重。不枉每隔一段時間都要為左佢而冒險。另外叫左杯忌廉朱古力 $32呢個又係一向都好飲，但係今日出左事，甜到一個點。到底係分店問題定係點呢...

平日想食到快靚正既平平地下午茶西餐，梗會諗起佢 - Euro gogo! ☕️ 今次黎到朗豪坊，又見平日少少地人，就一於去食喇！果然真係人流吾多，呢間分店近門口有電子屏幕，都幾方便...環境佈局比起其他分店覺得更有歐陸feel...最主要真係少人！下午茶餐就叫左個蜜糖雞翼再+$8升級配搭鮮茄湯通粉，再加杯熱飲...我就好中意食佢既蜜糖雞翼，焗到金黃色岩岩好，雞翼大隻肉質又滑，食落好juicy...識食一定必叫！至於個鮮茄湯通粉加8蚊個份量吾算話好大碗，但對於我黎講剛剛好。蕃茄湯咪濃，之後試過吾洗跟餐加8蚊幫朋友叫多碗，好抵啊！另外我想講呢度上菜快，同埋服務吾錯，有禮，值得一讚！

中學既時候 EURO GOGO 係其中一間好常去既餐廳又唔貴又好食　出左黎做野之後都好似無再食過今日難得出到旺角拎月餅 咁唔差同遊一下啦~EURO GOGO 叫蜜糖雞冀應該都係常識吧~佢既雞冀又大隻又滑 個蜜汁夠甜又唔膩~ 好好食芝士火腿焗蘑菇個菇arm arm 好　個芝士汁都好好味香蒜蜆意粉意外地都好好食個意粉乾身又夠蒜味 蜆都比想像中多 又無沙 幾好食~芝士白汁吞拿魚意粉小時候既最愛　依然係咁好味千島海鮮薄餅不過不失　無意粉咁出色蕃茄藍青口難食　又腥又韌overall 係好食又抵食既~我都繼續去幫襯~ 

個人中意食小食多過正餐，有時唔太肚餓，但又到晚餐既時間，點都要食d野，就會想食小食，但通常d餐廳都係主要食正餐冇乜小食揀，再唔係就比較貴，呢間價錢同食物質素都係正比，所以間唔中都會諗起佢蜜糖雞翼($44)呢隻蜜糖味係平時燒雞翼用果隻bbq蜜糖開出黎既味，個汁夠味夠濃，絕對唔係溝勁多水勁稀果種汁，係杰杰地可以巴住成隻雞翼雞翼熱辣辣好juicy好嫩滑，入晒味，食完d雞翼我都唔捨得比員工收走個汁，會留返黎點pizza邊或者蒜蓉包個邊位，超正芝士蒜蓉包($40)即叫即焗熱辣辣，芝士適中，蒜蓉味可以再重d, 個包都幾鬆軟，個邊邊位脆脆地，但係就冇阻蒜蓉同芝士，所以拎阻黎點雞翼果d蜜糖汁，仲正始於佢係蒜蓉包，建議改一改個切法，或者2邊都查蒜蓉，咁就啖啖都有蒜蓉味啦唔會有1,2啖係食唔到蒜蓉

今日同朋友要去聽講座，我地唯有到附近餐廳食飯。朋友又唔想食煎炸食物，我就提議食西餐。由於時間有限，同剛好餐廳有位唔駛等，於是就入去食。我地諗好餐點及飲品後，職員告知要到門外落單及付款，再等職員送餐。芝士吞拿魚意粉，味道一般，正常。芝士茄汁海鮮寬條麵，味道都是一般般，不過我個人偏愛紅汁，酸酸甜甜夠晒開胃。另外，我鍾意寬條麵的質感，夠煙韌。忌廉朱古力，我只好說：死甜，完全無朱古力味，有點失望。朋友點的榛子味咖啡牛奶。

今日於朗豪坊閒逛，又到晚飯時間，一直都很想再食eurogogo。時間尚早，難得冇乜人排隊，就二話不說入座了。雞翼烤至金黃香脆，隻隻都脹卜卜，肉質很嫩滑，外層塗上甜絲絲的蜜糖，非常吸引，每次必食。份量頗多，味道不錯，醬汁濃稠剛好，每一條意粉都掛上卡邦尼醬汁，。蜜桃茶亦清甜好飲，將蜜拉肉放中茶中攪拌，蜜桃味岀晒黎。很足料呀，新鮮焗起，熱辣辣。餅底亦香脆可口，可以半份咁叫，咁咪一次過試兩款不同口味，都係比單款全份貴五元，讚。甜品亦很岀色，肉桂蘋果真的很夾，加上甜甜的忌廉，真心好味其實我覺得性價比真的挺高。

今次嚟哩間餐廳試下呢個香蕉班戟，我反而幾欣賞個香蕉班戟，佢嗰啲朱古力醬同埋嗰啲cream再配埋啲芒果班戟嚟食，配搭得幾好啊，幾香口嘅。嗰個份量呢就唔係話好多，如果當下午茶食，都ok呀。

係旺角行街行得攰攰地，見到Euro gogo剛剛好有下午茶推出，馬上找個好位置，再選擇食物Euro gogo下午茶分了甜點及鹹點，更方便，更可讓客人彈性選擇由於都不是太肚餓，所以點了甜脆香蕉酥脆脆的外皮，切開後有濃濃的香蕉餡料，好味至極下午茶嘆一杯熱朱古力，不算太甜，但朱古力味濃朋友點了蜜桃茶，勝在夠fresh

同朋友行左成日街對腳都攰，晚餐又唔係幾食得落好多野😣行到朗豪坊，見到Euro go go有位，我地就決定叫少少野食share就當dinner😄😉我地叫左芝士煙肉焗磨菇🧀同肉醬磨菇意粉🍝芝士煙肉焗磨菇有啲失望，唔知點解會有啲水份係個個盤裡面，搞到啲磨菇“林"左，同埋焗得唔夠，啲芝士唔多😣 煙肉份量都少😥 肉醬蘑菇意粉依碟份量正常，但唔夠熱，只係暖🙄 味道正常，我個人就覺得啲肉醬好似太多😅 好似唔太均勻🤔 磨菇份量就少左啲，感覺成碟似普通肉醬意粉咁😣😑Euro gogo既質素比起以前有少少遜色🤔 今餐有啲失望🙄

以前經常食的euro gogo ，裝修完之後整咗塊好大嘅menu喺門口，的確幾方便睇同落單〜朋友推薦的雞胸沙律配芒果乳酪，第一次食，沙律味道幾好，乳酪酸酸地夠清新，可惜雞胸肉好乾好韌蘑菇肉醬意粉，份量不變，但料少咗好多，以前會有啲腸仔粒、蘑菇粒，依家得返純肉醬蜜糖雞翼，每次必點，皮脆肉嫩，好彩仲keep到以前個水準但個夏威夷pizza 就好麻麻，非常乾硬，咬咗幾啖就已經想停手停口，食唔落，真是可一不可做