euro go go

营业中

休息中

去到朗豪坊唔知食咩好見到Euro gogo即係雙眼發光🤩因為我最中意食佢地嘅Tea Set又抵食又高汁Apple Brown Betty ($40) Tea Set一片片蘋果酸酸甜甜🍎幾爽囗面頭有d餅碎同一pat Cream成個甜品有陣玉桂味中意Cinnamon 嘅朋友就記得嗌黎試下啦❣️另外，加錢可以有一杯忌廉朱古力杯朱古力唔會好甜飲得出好重可可味🍫撈埋d cream飲就更滿足啦總括而言，個tea set 好抵食

2人在下午想要個速食，就來到已有幾年沒吃過euro go go，還記得當年吃的煙燻杏仁香草意粉是挺不錯的，雖然今次也想回味一下，但剛好是下午2時，有開始供應下午茶餐(signature tea set是$26至$54；sweetie tea set是$30至$52。茶餐配普通熱咖啡/熱奶茶/熱檸茶或水，汽水/凍飲+$5，特色飲品就+$8)。想了很久，要飽肚的肉醬意粉(H餐，$39)還是滿足第二個胃的甜脆香蕉酥(R餐，$32)。計計數之後就要了甜脆香蕉酥，再+$8要個鮮茄湯通粉和+$8要個熱泡沫咖啡(共$48)。本以為+$8的鮮茄湯通粉的份量會很少或者不怎樣好吃，結果都不錯，湯底都算濃，份量正常。一定要說的是甜脆香蕉酥！意想不到的美味！好像是新鮮焗起的一樣，外面很酥脆，裡面的香蕉味的蓉非常燙口，雖然有燙到，但都阻不住小編吃不停，整體不會很甜，甜度很適中，加上價錢得宜，個人認為回頭率很高！

今日出街出得有D無謂，因為我記錯左仔仔重要上日文堂，所以約左中午前去做暖宮按摩。約完先記得仔仔唔駛上日文，結果係我自己一早出門口先，再約仔仔出街食個Lunch，如果淨係去做暖宮按摩，我會覺得浪費左時間同車錢呢。就係咁約左仔仔係朗豪坊行下，其實成日都想去試果個大阪燒，但要自己整，真係睇幾多次佢門口果個示範都係冇信心做得到。結果又沿途行番落樓，最後揀左去Euro Gogo度食，原因係行過見到佢唔駛等位呢。牛脷意粉加荔枝茶，牛脷幾淋幾好味，荔枝茶就有少少唔夠味，而且果幾粒荔枝酸到爆丫卡邦尼意粉，完全冇味，得白色既汁咁，仔勁落芝士粉去食，係每食一啖就加芝士粉咁食囉。食物真係好一般，不過唔駛等位，算係咁啦，唔駛等位的話，都係一個唔錯既平價之選黎既。

平時係13樓食西餐又貴又一般，但呢一間真係唯一間會令我想去朗豪坊食既首選🥰小食-蒜蓉包第一次食，雖然食到成口都係蒜蓉味又臭，但佢真係焗得岩岩好，好爽脆👍🏻飲品-朱古力雖然邪惡但有少女心。蜜桃茶甜絲絲😏小食-次次去到必叫雞翼，無論係香辣雞翼定係蜜糖雞翼都係好滋味👍🏻因為係焗嘅關係，熱辣辣雖然燙嘴但佢既香味真係令我忍唔住即刻放落口。一路食佢啲汁一路流令到我全枝叉都係佢濃郁既香油味🤤🤤真係必叫😱意粉-我必食既係白汁火腿香腸意粉或吞拿魚意粉今次叫左白汁火腿香腸意粉，好鍾意佢啲白汁夠多啖啖意粉都被滿滿白汁醬包圍住。

我本身好少去旺角，今日去開朗豪坊，行行下肚餓，就入左呢度食lunch，點選了:芝士吞拿魚意粉+齋啡+田園沙律芝士吞拿魚意粉+咖啡+蒜蓉包半份千島海鮮pizza+熱奶茶+蒜蓉包蜜糖雞翼Pizza酸咗少少，個底脆得來有少少硬，如果可以做鬆化一點會更好；意粉，唔會好濃味，適合淡口味嘅人，如果想香啲，可以自己落啲黑椒；雞翼方面，甜甜地，又滑又大隻，不過油咗少少，唔夠乾身；蒜蓉包咸行左少少，可能蒜蓉多咗啲，不過都好脆口；咖啡就沒有驚喜，平平無奇，唔算香；衛生方面比較差，可以好明顯見到匙羹和叉都是未洗得乾淨，仲有污積。總結，都算唔錯，有進步空間，但就一定要注意下衛生問題啦。

行完街累累地，要坐下簡左eurogogo食個tea先睇見menu真係有選擇困難症叫左摰愛既蜜糖雞翼夠晒蜜糖入晒味另外叫左個白汁意粉食磨菇加醬醬好食 意粉硬度煮得剛剛好配埋個熱奶茶食得開心又豐富

等左個餐30分鐘都未到，其實都唔係好介意既。但叫待應跟進，佢就好似當冇事咁。我再吹佢先同我講番個進度。食物可以，價錢合理。The food is okay and the price is acceptable.

Euro go go相信好多人都好熟悉，間唔中都會去食既西式快餐。今次寫食評主要係想讚杯西班牙咖啡平時多數都係飲凍朱，今次試下新野，估唔到三十二蚊既西班牙咖啡水準唔錯。咖啡味好香，拍得住灣仔上環區cafe既咖啡

午餐食得比較豐富🤪而且呢排又想扮健康食清d一路都諗唔到係旺角食咩晚餐好記得Euro go go之前裝修緊🚧唔知整好未呢就去朗豪坊望望啦好彩已經裝修好🎉門口的餐牌已換成電子版🖥有幾個大電視播餐牌內容cashier 的部分換回鋪內門口變得闊落d餐廳牆身都有更換過晚上7點鬆d唔洗等位🕖我們二人照舊點了常食的菜法式薯容焗田螺$45🐚有芝士係面燶燶地再加田螺同薯容菠菜汁龍脷柳寛條麵$68🐟份量十足 麵條軟硬適中香蒜蜆肉意粉$65蜆肉都好多下😋香草加蒜油好香口惹味Ice peach tea$28🍑Lemonade$24🍋個人比較喜歡lemonade 酸酸的好解渴清涼👍peach tea相比下會比較甜

其實都明白去得euro gogo唔可以有咩太大的要求。以往都有去呢間euro gogo食野，而且仲覺得佢地的水準唔錯，但今次就真係令我大失所望了叫左一個湯、一個沙律、田螺、意粉同兩杯飲品。先講個湯係唔好飲的，最後嘅結果係飲唔哂。而沙律就只係得d菜同醬，其他乜野都無，點叫做沙律呢？都算了，個碗仲要有成碗水喺度浸住兜菜的至於意粉係ok的，田螺都好食的，意粉同田螺都食哂的，呢兩樣仲keep到個水平。成餐最正就係兩杯野飲，一凍一熱都好飲，一杯係芒果茶，而另一杯係熱朱古力泡沫咖啡。還觀成餐飯，其實如果唔嗌個湯同沙律係ok的

下午茶好選擇👍兩個人早餐大晏先食，兼食得太多，午餐食唔落😣行完一陣，4點幾去左食tea叫左1.吞拿魚及蒜香雞芝士蒜蓉包+汽水；2.三式薯皮+汽水。本人喜愛香口野，先黎左個蒜蓉包，本身聞落好似無嘜特別，一入口勁香蒜蓉味😍😍香到充上嗅覺最頂處。可能因為係蒜香雞，加上蒜蓉包，所以蒜蒜得蒜，雞仔就無嘜味，但我好鍾意食😂另外，三式薯皮仲要係即焗，好脆口。吞拿魚啱晒我，加左沙律醬同芝士👍另外仲有煙肉，焗脆左好有口感👍蒜香雞就無咁突出，可能頭先食蒜蓉包，大好味，反而薯皮被搶風頭。埋單兩個人85蚊，任坐唔嬲。（我覺得貴左d，因為份量唔多😂，如果多返少少我會成日去食）

Euro go go曾經係中學時代好鍾意去既落腳點但大學之後就好似冇咩機會食～今日係朗豪坊睇戲 有d趕得返40分鐘左右 朋友竟然話想食佢！好呀 我都有d掛住個蜜糖雞翼蜜糖雞翼5隻 （$48）一上枱太興奮 已經鯨吞左一隻落肚所有相得返4隻～其實只係普通雞翼 但以前真係好鍾意食 個時可以一人食5隻冇難度卡邦尼意粉 （$60）呢個有點失色呀 汁好少 撈左兩下就索曬 食落有點乾 而個d火腿粒唔夠肥 麻麻地姐蜜桃茶、芒果茶（$28）呢個都係euro go go 必叫！淨係見到舖係面大大塊既蜜桃片 人都開心d加埋個茶味夠香甜～ 唔係怕肥既話我真係可以飲兩杯

睇戲前既lunch近近地就在朗豪坊吃吧！因為係復活節紅假第一日，朋友先到等了一會兒才有位兩隻大嘥鬼叫了三款食物蜜糖雞翼係我每次黎Euro go go都必點既，因為真係勁重蜜糖味，勁好味，朋友還說在家中無論點整都整唔到佢呢款蜜糖味但今日似乎失準了，蜜糖味好淡千島海鮮PIZZA...我叫了全份，因為我以為全份係得四件，點知全份原來有六件..最後真係食到想嘔四式芝士蒜蓉包，分別有蒜香雞，吞拿魚，黑椒牛肉，蕃茄煙肉因為我o地叫o左PIZZA既關係，又叫包，變o左成檯都係包，成件事錯哂...最後為免做大嘥鬼，打包o左兩件蒜蓉包走...朱古力泡沫奶茶...好難飲...無咩朱古力味同奶味，得茶味重...

2人行係朗豪坊嘆番個Tea先~店仔細細但係好多人幫襯～落單係自助形式嘅要排下隊先白汁香腸火腿蘑菇意粉～下午茶來講份量算係適中～白汁唔夠creamy味道還可以～腸仔片、火腿絲、蘑菇片樣樣有D～如果焗下就更加好味啦蘑菇肉醬意粉～D汁應該係現成茄膏～肉醬係牛瘦肉碎唔會太多肥膏～磨菇片、蕃茄粒都幾好味～如果有焗芝士係上面就更加好味下午茶餐跟餐可以簡熱飲～我哋揀咗熱咖啡、熱檸檬水呢個價錢嘅下午茶餐買少見少啦～有咁嘅水準都好合理呀

之前係葵芳都食過Euro Go Go，食落味道都唔差，今次係朗豪坊行過見到，就決定入去食晚餐。一坐低，待應就好主動放低咗餐牌。你要自己去收銀點餐，之後就會收到一個號碼牌，坐定定等，就會有人送餐過嚟！我哋叫咗1個starter、2個main同2個甜品價錢相宜，但啲菇唔太入味，有草青味蜆肉意粉，蜆嘅份量幾多，而且好香香草味，食落仲有少少辣第二個意粉就差啲，雖然有幾多肉同sauce，又眼見有唔少芝士粉，但係食唔出有芝士味，淨係食到有蛋味最後就係焦糖梳乎厘同意式奶凍焦糖梳乎厘表面係微溫，但係個心就係凍，感覺有啲奇怪。而奶凍就比較重奶粉味。