euro go go

营业中

休息中

今日晏晝出咗旺角諗住搵間Cafe食下，經過朗豪坊就諗住去euro gogo食。佢嗰陣時大約一點半至兩點到，都幾唔係好多人見到都有幾張空枱。可能好耐冇黎一入到去見到個餐牌變咗做電子版，都幾清晰同埋方便睇。叫完之後服務員會俾個牌你，佢哋會送埋嘢食，唔使自己拎好方便。👍🏻見有啲肚餓就叫咗個辣肉腸火腿煙肉意粉加咗杯蜜桃茶飲。個意粉係忌廉底，帶有少少芝士味，如果食晒成個意粉都幾濟。，辣肉腸同埋啲煙肉煎得好香，啲火腿偏鹹鹹度，全部加埋個意粉一齊食啱啱好。個杯凍嘅蜜桃茶唔會過甜而且好清新，茶底唔會好苦澀，解渴一流👍🏻而且杯茶入面都有五至六片嘅罐頭蜜桃果肉。整體來講環境同食物價錢都唔錯😆經過可以入嚟食下。

去朗豪坊 eur gogo 原因好簡單, 因為係朗豪坊EGG配眼鏡, 需時一個鐘就有得攞,  唔想四圍行又想食西餐, 所以幫襯 eur gogo.另一個原因, 係上一次幫襯 eur gogo 話無西湯提供有d失望, 點知無幾耐, 佢地 menu 就出現咗個野菌忌廉湯!雖然個忌廉湯唔平, 成24大洋, 但俾得出意見, 人地又改善咗, 無理由唔幫襯支持吓咁衰仔架!另外再點咗芝士火腿牛角包, 白汁香腸火腿蘑菇意粉, 煙肉蘑菇薯蓉.食牛角包係一個矛盾, 新鮮高質酥皮外層香脆內軟, 一層層麵包明顯, 但總係食到包碎四散, 唔想咁唯有食d無咁新鮮,過氣少少嘅牛角包, 但口感就差好遠. 而 eur gogo 屬於前者, 再加上芝士同火腿更惹味.個人中意長通粉或蝴蝶粉, 如果多一個選擇更理想, 初時感覺白汁有點不足, 但食落又剛剛好,  味道唔會過咸, 滿意.薯蓉係最滿意, 內裡唔係單單嘅薯蓉, 重有細細嘅薯仔粒, 口感豐富. 野菌忌廉湯濃郁唔係水汪汪, 如果野菌份量多d更理想.轉眼就磨咗一個鐘, 走得! 攞眼鏡!

糧尾既時候又想食西餐🍴除左快餐店之外都可以試下呢一間🤣 但係一分錢一分貨😅 質素唔可以同西餐廳比較🥩都可以一試既⭐️ 田園沙律 🥗不過不失的沙律 有番茄🍅青瓜🥒沙律菜都幾新鮮😋⭐️ 香蒜蜆肉意粉🍝意粉落得太多油🧈有D似殺你呀既感覺🌚 蜆肉有D腥味🦪可以唔洗試⭐️ 粟米薯蓉 🌽有芝士同粟米🧀 甜甜地鹹鹹地都幾好食😇好似食緊即食杯裝薯蓉咁👍🏻⭐️ 百寶 (半份) 🍕呢度Pizza 比較貼近餅乾咁🍪薄脆既口感 貪心D可以揀百寶🥳有多幾款餡料 番茄醬味好香濃🤪同雞肉 蘑菇🍄辣肉腸🍖 咁多肉味既餡料好夾⭐️ 牛油果火箭菜薄餅 🥑好新奇既配搭😂 滿滿既火箭菜鋪滿面頭 好健康🌿牛油果蓉可惜無乜調味🙃如果好似Guacamole 咁🇲🇽加點洋蔥辣椒🌶️會香好多 咁多綠色蔬果同時食落去💚 都係有少少草青味🌱

話咁快又到糧尾😂又想吃西餐的話，euro go go 真係一個唔錯嘅選擇仲要唔收加一🥰餐廳環境不過不失都算坐得舒服，先黎個頭盤法式薯蓉焗田螺，薯蓉唔係開粉呢，因為一路吃都吃到有薯仔碎件，個田螺唔好要求過下口癮都幾ok架🤣🤣 好耐以前我已經好鐘情個焗芝士吞拿魚意粉，嗱~ 賣相真係否太討好嘅，但勝在個味道又幾好吃喎，攪勻之後入口又會想一啖一啖咁吃下去。但另外個菠菜龍利柳闊條麵就麻麻地，個魚柳好un。不過zoom out返，呢個價格吃到3樣嘢算係咁啦~

係旺角諗唔到下午茶食乜，就去左euro gogo食。咁餐牌都多選擇，我就要左個農夫比得包餐。$38黎講算唔錯。個包係有烘過，食落幾脆又熱，唔會凍冰冰軟哂。之後入面都好多菜，又有番茄，再加左啲醋，酸得黎好醒胃。加上佢其實都好大件，都幾飽。之後跟餐要左杯咖啡，都算唔錯既。成個餐其實性價比幾高。疫情之下佢地都分位分得幾好，唔會同旁邊既枱太近。係少位左，要等左陣先入得，但係都能夠體諒既，希望疫情快啲過去，可以好似之前咁啦。

今日中午上完瑜珈🧘🏻‍♀️個fd肚餓到失晒控咁😆就一齊食午餐啦‼️大熱天時，緊係要搵有冷氣嘅地方啦行咗入朗豪坊，唔想食主食既情況下，就入咗嚟🤗，門口望入去，全場滿座😨唯有自己等等，唔洗好耐就有位，邊等已經睇定食咩啦😋芝士蒜茸包熱烘鬆軟，濃郁既蒜茸味😋佔據晒所有味覺🤤🤤熱食攤凍食各有味道😋👍🏻蜜糖雞翼，係必點之選💕💕🤤大愛‼️甜甜既蜜糖，不但色澤奪目，視覺效果令人垂涎欲滴🤤🤤😋😋嫩滑既雞肉，肉汁隨住流出，令人再三回味🤤💕必食之選，當之無愧‼️香蕉班戟，熱量剛好爆燈🤣🤣飲品點小得忌廉朱古力，雖然忌廉好肥🙈但飲落口感的確柔滑好多

今次叫咗千島海鮮披薩、牛油果火箭菜披薩、蜜糖雞翼同黑松露麥形粉。披薩值得一讚嘅係皮比較薄，而且味道足，唯一要挑下骨頭嘅係海鮮唔多夠。至於牛油果泥同火箭菜份量都相當足夠，而呢個配搭都好健康同特別，值得一試！至於蜜糖雞翼真係冇得輸，雞翼唔知係咪因為蜜糖，所以好滑嫩，蜜糖味同肉味真係好夾，正啊！黑松露麥形粉就更加少有，普通嘅意粉就見得多，好似燕麥口感嘅麥形粉就相對少見，加上黑松露嘅獨有迷人香氣，都建議大家不妨一試。

近期已經少咗出街食嘢，今日下午有時間要來再吃我的最愛蜜糖雞翼雖然簡單的下午茶，但每次食也覺得無得輸，蜜糖甜味好正，甜得恰到好處，令人一口一口接住食，完全停不了口，超正。咖啡也吾錯，有咖啡豆香味，濃度吾太高，細味品嘗會有少少咖啡苦味，味道都唔錯。

好靜好舒服的環境，抵食的下午茶。一大碗蕃茄湯通心粉，茄味香濃又飽肚，三色薯皮非常香口，配上不同的配料，正適合我這薯怪的胃口。 大大杯芒果沙冰，雖然同預期中的沙冰有啲出入，但都好好飲。真係值得我同朋友的一致推薦，成為我們和朋友見面的首選地方。

好耐無食eurogogo, 西餐平價之選Iced Chocolate whipped cream 好濃既朱古力 飲到尾都唔會變水 煙肉焗西蘭花 西蘭花上面有好多芝士 白汁都好食香辣雞翼好JUICY好惹味, 係一個不錯既開胃菜芝士吞拿魚意粉, 沒有失望的的芝士同白汁意粉, 吞拿魚都係預期之內既份量

天氣熱辣辣 仲要出旺角行街 真係好辛苦🙈 咁岩行過朗豪坊 真係要入去涼下冷氣😂😂 見又行到累累地 好想坐低食個下午茶飲杯野休息下～ 個心又好掛住想飲杯蜜桃茶🍑解解渴🤩 咁就岩啦～哈哈 拉埋朋友仔去EURO GOGO先😏😏 因為星期六比較多人 所以等左陣先有位 我地2個人叫左2個下午茶餐 腸仔火腿鮮茄湯通粉配熱脆牛角包同埋三色薯皮加多左個$10蚊通粉同埋加錢叫左2杯特色飲品 朋友要凍忌廉朱古力🍫 我當然要叫凍蜜桃茶🍑🤤 食物都好快上枱👍🏻👍🏻 通粉味道好好酸酸地好開胃 牛角包又好軟熟鬆脆👍🏻 三色薯皮應該係必點菜 見好多枱都有點～ 配埋希臘乳酪 非常match🤩🤩 朋友既凍忌廉朱古力好邪惡 香濃朱古力鮮奶配埋上面pat忌廉 真係要做返幾個鐘運動先得😂😂 而我杯蜜桃茶比較清甜 仲有幾片蜜桃果肉係上面🥰🥰 真係好消暑👍🏻👍🏻

Eurogogo一向都係平價野食之選，今日同朋友有啲趕時間，想快快趣食個晚飯，又想平平地食，所以就去左eurogogo啦！入去前都係要量左體溫先，枱之間都隔曬板，可以安心食飯😎我同朋友share食，務必試下唔同野食😌牛油果pizza半份～岩曬至鐘意牛油果同火箭菜既我！牛油果items仲做緊優惠，可以減$5😛焗芝士煙肉西蘭花～仲有必食既蜜糖雞翼😍每次食eurogogo都一定會叫！蜜桃紅茶～檸檬茶～基本上都唔洗等位，速食平價西餐之選非eurogogo莫屬😎

西式食物黎講，歐洲去去真係算平價得黎又好食了，所以間唔中就會走去食今日行行下價，肚又有啲餓，就同個frd走入黎補充下脂肪。叫左個蜜桃pancake同埋三式薯皮下午茶餐。三式薯皮依家仲有得免費加希臘乳酪，初頭我以為會唔太夾，點知又可以喎。薯皮都保持到水準，薯肉好粉又好香，加埋芝士同埋啲配料，味道好豐富呀。蜜桃pancake雖然啲蜜桃係罐頭嘅蜜桃，但同 cream & pancake 皮一齊食係好夾，pancake 皮好薄，薄得嚟又有少少煙韌， cream 嘅份量又好多，都幾抵食咖。飲品方面亦無退步，朱古力泡沫奶茶永遠係我既最愛，有樣有實際，性價比都幾高

今日又係打工仔最愛既Happy FRIDAY!Yeah🥳今日決定食平D 就揀左euro go go ... 因為太耐冇食一去到唔太多人 位置寬鬆左 坐得比以前舒服我揀左芝士吞拿魚意粉 蒜蓉包 同 焦糖咖啡牛奶芝士吞拿魚好夾 好好食 焦糖牛奶咖啡比較死甜 冇乜咖啡味 有d失敗男朋友揀左香蒜蜆肉意粉跟餐湯 蒜蓉包 同凍忌廉朱古力超級重蒜蓉味 佢超中意 蜆肉都好多 大約8-9隻蒜蓉包好脆又熱凍忌廉朱古力 又滑又重朱古力味✌🏻🥰$153/兩個人 超值👍🏻👍🏻👍🏻

琴日去左euro gogo 食野，叫左一份雞翼，坐低聽到啲員工係到評論嗰啲客人，啲說話好難聽，係水吧同樓面啲同事都有講到，評論人地靚唔靚肥唔肥，間野即時cheap曬